<p><p><div style="text-align: center;">ფოტო: Jan Perlich</div></p></p><p>საქართველოს 7-კაცა ნაკრები გუშინ საღამოს სამხრეთ აფრიკაში გაემგზავრა, სადაც ერთკვირიან შეკრებას გაივლის, შემდეგ კი მის სამხრეთით, ზიმბაბვეში გადაინაცვლებს და საერთაშორისო ტურნირს ითამაშებს.</p><p>ჩვენი გუნდი ევროპის გრან პრის სერიებისა და 2020 წლის ტოკიოს ზაფხულის ოლიმპიური თამაშების შესარჩევი ტურნირისთვის ემზადება და აფრიკული ტურნე მზადების ერთ-ერთი მნიშვნელოვანი ეტაპია.</p><p>7-კაცამ სამხრეთ აფრიკაში, კეიპტაუნში შეკრება ადრეც გაიარა და მწვრთნელები იქ მიღებული გამოცდილებით კმაყოფილნი დარჩნენ. ამიტომ, როდესაც ზიმბაბვეს ტურნირიდან მოწვევა მიიღეს, გადაწყდა, რომ მანამდე ერთკვირიანი შეკრება სამხრეთ აფრიკაში გაევლოთ.</p><p>"ზიმბაბვეში საერთაშორისო ტურნირზე მიგვიწვიეს, რომელსაც გუნდები მსოფლიო სერიის შესარჩევი, ჰონკონგის ტურნირისთვის მოსამზადებლად იყენებენ და ყოველთვის ძლიერი შემადგენლობა იყრის თავს. იქ ჩადიან სამხრეთ აფრიკისა და კენიის მეორე ნაკრებები, ასევე, აფრიკის კონტინენტის სხვა წამყვანი ნაკრებები პირველი შემადგენლობით და ჰონკონგის ტურნირის მონაწილეები. ამიტომ გადავწყვიტეთ, რომ ამ შანსზე უარი არ გვეთქვა და მანამდე ერთი კვირით სამხრეთ აფრიკაში გვევარჯიშა" - ამბობს გუნდის მთავარი მწვრთნელი ზაზა ლეჟავა და მზადების გეგმების შესახებ გვიყვება:</p><p>"ზამთარში ფიზმომზადების ერთი ეტაპი გავიარეთ. ამ მიმართულებით, სამხრეთ აფრიკაში ჩვენთან გრაჰამ ბენზი იმუშავებს, რომელიც კენიის ნაკრების ფიზმომზადების მწვრთნელი იყო. მასგან გვაქვს სიტყვიერი თანხმობა, რომ წელს ის ოფიციალურ ტურნირებშიც დაგვეხმარება. რა თქმა უნდა, ვიმუშავებთ ტექნიკასა და ტაქტიკაზეც. მასპინძლებს მივმართეთ თხოვნით და სავარაუდოდ, კვირის ბოლოს სპარინგ-თამაშებიც გვექნება".</p><p>18 მარტს გუნდი ზიმბაბვეში ჩავა, სადაც ტრადიციული ტურნირი 23-24 მარტს გაიმართება, ჩვენი მეტოქეების ვინაობა კი მოგვიანებით გაირკვევა.</p><p>7-კაცა აფრიკაში 14-კაციანი შემადგენლობით გაემგზავრა. შარშანდელთან შედარებით, გუნდში რამდენიმე ახალი სახეა. ყველაზე ახალგაზრდა 18 წლის იაგო ხაბულიანია, რომელმაც შარშან 18-წლამდელთა 7-კაცა ითამაშა. ნაკრების კვართით თამაშის შანსი პირველად ეძლევა დავით თაბუკაშვილს, ასევე, ბონდო ლომიძეს. ხანგრძლივი შესვენების შემდეგ 7-კაცაში ითამაშებს ნიკა სუხაშვილი.</p><p>გუნდში ყველაზე მეტი, სამი წარმომადგენელი გორის "ჯიქს" ჰყავს, ორ-ორი მოთამაშეა მარნეულის "არმაზიდან" და ქუთაისის "აიადან", ასევე, პირველლიგელი იუნკერებიდან.</p><p>ევროპის გრან პრიმდე 7-კაცა კიდევ ორ მოსამზადებელ ტურნირს ითამაშებს: 25-26 მაისს - საფრანგეთში, ტურში და 6-8 ივნისს - რომში. გრან-პრის პირველი ეტაპი მოსკოვში 22-23 ივნისსაა ჩანიშნული. ოლიმპიური თამაშების ევროპის ზონის შესარჩევი ტურნირი 13-14 ივლისს საფრანგეთში გაიმართება. მასში გრან პრის 9 მოწინავე, "ალაფას" ორი და მესამე, კონფერენც დივიზიონის გამარჯვებული გუნდები ითამაშებენ.</p><p>აფრიკაში გაემგზავრნენ:</p><p>ნიკოლოზ გიგაური (არმაზი), ირაკლი სვანიძე (ჯიქი), გიორგი ჭუაძე (აკადემია), ივანე ხელაია (ლოკომოტივი), რამაზ ხარაზიშვილი (იუნკერები), ნიკო აფციაური (ლელო-სარასენსი), ლადო მიმინოშვილი (ბათუმი), ილია სპანდერაშვილი (არმაზი), ბონდო ლომიძე (იუნკერები), დიმიტრი კალანდაძე (ჯიქი), ნიკა სუხაშვილი (ჯიქი), დავით თაბუკაშვილი (ხარები), იაგო ხაბულიანი (აია), გიორგი აბრამიძე (აია).</p><p><strong>მომზადებულია Rugby.ge-ს მიხედვით</strong><br></p>
რაგბის კავშირმა და მაისაშვილმა თანამშრომლობა დაასრულეს
15-ქალას ელიტური მეტოქე
ნიკა ამაშუკელი - ტოკიო, ლონდონი და გენუა
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა