დიდსულოვანი ტერის მუქარა

ჯერ ეს ჩემპიონატი არ დასრულებულა, მაგრამ „ჩელსის“ კაპიტანი, ჯონ ტერი, „მანჩესტერ იუნაიტედს“ უკვე სამომავლოდ ემუქრება ჯერ ეს ჩემპიონატი არ დასრულებულა, მაგრამ „ჩელსის“ კაპიტანი, ჯონ ტერი, „მანჩესტერ იუნაიტედს“ უკვე სამომავლოდ ემუქრება. შეგახსენებთ, რომ კვირას „იუნაიტედმა“ „ლურჯებს“ 2:1 მოუგო და სეზონის დასრულებამდე ორი ტურით ადრე ექვსქულიანი უპირატესობა მოიპოვა. შეხვედრა რომ დამთავრდა ტერიმ მანჩესტერელთა თავკაც ალექს ფერგიუსონს გამარჯვება მიულოცა, თუმცა უკვე კბილების ლესვასაც შეუდგა.„მანჩესტერელებს წარმატებებს ვუსურვებ. ადამიანს წაგებაც დიდსულოვნად უნდა შეგეძლოს. კარგად ვიცი რამხელა სიხარულია დიდ შეჯიბრებაში გაიმარჯვება. ერთი წლის წინ, როდესაც ჩვენ გავხდით ჩემპიონები, ფერგიუსონი მოვიდა და მოგვილოცა. ეს ძალიან სასიამოვნო იყო. ის და მისი გუნდი მთელ მსოფლიოში უყვართ. „მანჩესტერ იუნაიტედს“ ყველგან პატივს სცემენ. სხვა საქმეა, რომ ჩვენც ძალიან კარგად ვითამაშეთ და შეიძლებოდა წარმატება კვლავ ჩვენთვის მოელოცათ. რა გაეწყობა, ახლა გაისისთვის უნდა მოვემზადოთ. „იუნაიტედს“ შემდეგ სეზონში აუცილებლად უნდა ვაჯობოთ“.შემდეგ ტერის შეახსენეს, რომ ბევრის აზრით, მას მერე, რაც „ჩელსი“ რომან აბრამოვიჩმა იყიდა, გუნდს ასეთი ცუდი სეზონი არ ჰქონია. თავის მხრივ, სტატისტიკაც მეტყველებს, რომ მიჯრით ამდენი წაგება და ფრე, 2010 წლის მიწურულს რომ ჰქონდათ, „ლურჯებს“ მთელი 15 წლის განმავლობაში არ ჰქონიათ. დასავლეთლონდონელთა კაპიტანმა თქვა:„სამწუხაროდ, „მანჩესტერ იუნაიტედი“ საუკეთესო ფორმაში მაშინ შევიდა, როდესაც ჩვენ ყველაზე მძიმე პერიოდი დაგვეწყო. „იუნაიტედმა“ სწორედ მაშინ გადაგვასწრო დიდი უპირატესობაც მოიპოვა. ამის მიუხედავად ჩვენი მწვრთნელების, ფეხბურთელების და ბრწყინვალე ფანების სასახელოდ უნდა ითქვას, რომ მდგომარეობა რადიკალურად შეიცვალა. ორი თვის წინ ჩვენი შემხედვარე ვერავინ იტყოდა, რომ ტიტულისთვის ბრძოლაში ჩავებმებოდით. მეტიც, საქმეს ისეთი პირი უჩანდა, რომ ჩემპიონთა ლიგაში გამსვლელი ადგილიც კი შეიძლებოდა დაგვეკარგა. მაგრამ, როგორც ნახეთ, თავი ხელში ავიყვანეთ, შედეგები გავაუმჯობესეთ და საქმე კვირის გადამწყვეტ თამაშამდეც კი მივიყვანეთ“.„ლურჯები“ მართლაც შეუდგნენ მომავალი სეზონისთვის მზადებას. კერძოდ, მათ ყველასთვის საყვარელ იტალიელს, ჯანფრანკო ძოლას სთხოვეს კლუბში დაბრუნება. „სტემფორდ ბრიჯზე“ 44 წლის ყოფილი ვარსკვლავი და სპეციალისტი, რომელსაც „ვესტ ჰემიდან“ წასვლის შემდეგ, დაახლოებით ერთი წელიწადია არსად უმუშავია, ნოემბერში გაშვებული მწვრთნელის, რეი უილკინსის ნაცვლად უნდათ. ვარაუდობენ, რომ ძოლა „ლურჯებს“ სატყუარადაც გამოადგებათ — 64 წლის ჰოლანდიელ გუს ჰიდინკს მასთან თანამშრომლობა მოუნდება და აბრამოვიჩის წინადადებას დაყაბულდება. ჰიდინკს „ჩელსიში“ მუშაობის გამოცდილება აქვს, 2009 წელს ცოტა ხნით ედგა „ლურჯებს“ სათავეში. დღეს ის თურქეთის ნაკრების მწვრთნელია და ამბობს, რომ კონტრაქტის ვადის ამოწურვამდე სამსახურს თავს არ დაანებეს. ჰიდინკი ამაყობს, რომ ხელშეკრულება ცხოვრებაში არ დაურღვევია.ჯანფრანკო ძოლას „ჩელსის“ შემადგენლობაში 300 თამაშზე მეტი აქვს ჩატარებული. 2003 წელს, მან, „ლურჯების“ ქომაგთა გამოკითხვაში გაიმარჯვა, როგორც გუნდის ყველა დროის საუკეთესო ფეხბურთელმა. ამბობენ, რომ ძოლას დაბრუნება ძალიან გაუხარდებათ ფეხბურთელებსაც, რომელთაც ახლანდელი მწვრთნელები, მაიკლ ემილიანო და პოლ კლემენტი თვალსი არ მოსდით.

man.utd

წყაროს რატო აღარ უწერთ ხოლმე სტატიებს? :)

თუ "სიტის" დააქვეითებენ - "ბაიერნი" ფოდენის შეძენას შეეცდება

"ახლა თქვენს გვერდით ყველაზე მეტად ვარ" - გვარდიოლა "სიტის" ფინანსურ დარღვევებთან დაკავშირებულ საქმეს გამოეხმაურა

ტიერი ანრი: გულშემატკივრები არ დაელოდებიან, ბარკოლა ბოლომდე როდის გაიხსნება

ქართველი მსაჯები უეფას ერთა ლიგის მატჩს მოემსახურებიან

[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა

"მესი თუ რონალდო?" - მიულერმა არჩევანი გააკეთა

"ეს ნორმალური ნამდვილად არ არის" - დე ლა ფუენტე ხორვატიის გამანადგურებელ მარცხს გამოეხმაურა

ზესტაფონის მარგვეთმა გორში ივერიონს მოუგო

"შავი ლომი" | ახალი სახეებით "ჩიტასთან"

უკრაინელი მწვრთნელი: ბრიტანელებმა ჩვენი სუსტი ადგილი მოძებნეს

"საქართველოსთან ვდომინირებდით - უკრაინასთან შურისძიება გვმართებს" - უნგრელი ფეხბურთელი

U19 | საქართველო 2:2 ლატვია

ნაკრები ბელფასტში გაემგზავრა - გუნდს ერთი ფეხბურთელი გამოაკლდა

საქართველოს ნაკრების ფეხბურთელები: საკუთარ თავში უნდა ვიპოვოთ ძალები, რომ პირველ რიგში გამოვასწოროთ ჩვენი თამაში

ფუტსალი | 19-წლამდე ნაკრების მეტოქეები ცნობილია

საქართველოს ნაკრები ეიფორიიდან ჩიხში! - რატომ არაა კვარაცხელია სობოსლაი?

"ეს ბევრ რამეზე მეტყველებს" - ბასტონი საფრანგეთთან მატჩის შემდეგ

"ჩემთვის ყველაფერი ნათელია" - ლუნინმა "ოქროს ბურთის" ფავორიტი დაასახელა

"ალბათ რამე მეც მერგება" - კუკურელიამ "ოქროს ბურთზე" ისაუბრა

"ლომებმაც კი იციან, ნადირობა როდის მთავრდება" - იბრაჰიმოვიჩმა რონალდო გააკრიტიკა

ბათუმმა სუპერლიგის გასხნით მატჩში ქუთაისი ბოლო წამებზე 80:77 დაამარცხა