<p><p><div style="text-align: center;">ფოტო: Wasps rugby</div></p></p><p><p><p>"ბორჯღალოსანმა" <strong>ზურაბ ჟვანიამ</strong> ინგლისის პრემიერშიფში თავისი პირველი ლელო გაიტანა. 27 წლის მორაგბეს "უოსპსის" მაისურით ლელოები ჩემპიონთა თასსა და ამხანაგურ მატჩში ჰქონდა გატანილი, ახლა კი ანგარიში ჩემპიონატშიც გახსნა.</p></p></p><p><p><p>მე-18 ტურში "უოსპსი" "ვუსტერს" მასპინძლობდა. ჟვანია სასტარტო შემადგენლობაში იყო და ლელო მე-20 წუთზე გაიტანა: მან რაქიდან აიტაცა ბურთი და ლელოში გადახტა. ეს მასპინძელთა მესამე ლელო იყო და ანგარიში 21:3 გახდა. მეორე ტაიმში "ბზიკებმა" მეოთხე ლელოც გაიტანეს, 28:16 მოიგეს და ბონუსი აიღეს. ჟვანიამ მოედანზე 58 წუთი გაატარა. მისი გუნდი 42 ქულით მე-8 ადგილზეა და მხოლოდ 2 ქულა აშორებს მე-5 პოზიციას.</p></p></p><p><p><div style="text-align: center;"><span style="color: #3366ff;"><span style="font-size: medium;"><strong>ტოპ-14</strong></span></span></div></p> <p><p>საფრანგეთის ტოპ-14-ის 21-ე ტურის შეხვედრაში "კლერმონმა" "რასინგ 92"-ს უმასპინძლა. მატჩი ფრედ, 31:31 დასრულდა. სტუმართა შორის ორმა ქართველმა ბურჯმა ითამაშა. <strong>გურამ გოგიჩაშვილი</strong> სასტარტო შემადგენლობაში იყო და ის 33-ე წუთზე <strong>ვასილ კაკოვინმა</strong> შეცვალა. შეხვედრის მიწურულს გოგიჩაშვილი კაკოვინის ნაცვლად მოედანზე დაბრუნდა.</p></p></p><p><p><p>"ტულონმა" მიმდინარე სეზონის ლიდერი, "ტულუზი" მიიღო და 25:10 დაამარცხა. ამ გამარჯვებაში წვლილი <strong>მამუკა გორგოძემაც</strong> შეიტანა, რომელიც თამაშში 66-ე წუთიდან ჩაერთო. აღსანიშნავია, რომ ბოლო 25 წუთი ტულონელებმა კაცნაკლულებმა ითამაშეს, თუმცა მესამე ლელოს გატანა მოახერხეს და ბოლოსწინა წუთზე ლელო თავადაც რომ არ გაეშვათ, ბონუსს აიღებდნენ.</p></p></p><p><p><p>ექვსეულისთვის მებრძოლმა "ბორდომ" "პერპინიანი" მიიღო და 31:22 დაამარცხა. მასპინძელთა განაცხადში ორი ქართველი ლეგიონერი იყო. <strong>ლაშა ტაბიძე</strong> თამაშში 55-ე, ხოლო <strong>ბექა გორგაძე</strong> 61-ე წუთიდან ჩაერთო.</p></p></p><p><p><p>"გრენობლმა" "სტად ფრანსე" მიიღო და მისი 21:17 დამარცხებით, ტოპ-14-ში ადგილის შენარჩუნების შანსი შეინარჩუნა. პარიზელთა შორის 52-ე წუთიდან ითამაშა <strong>გიორგი მელიქიძემ</strong>. სტუმრებმა ორი ლელო დასკვნით 15 წუთში გაიტანეს და საპლეიოფო ექვსეულის მახლობლად არიან.</p></p></p><p><p><p>ზედიზედ მეოთხე თამაში მოიგო "მონპელიემ". 21-ე ტურში ქართველების გუნდმა "აჟენს" უმასპინძლა და ბონუსით, 33:17 სძლია. გამარჯვებულთა შორის პირველიდან 53-ე წუთამდე ითამაშა <strong>ლევან ჩილაჩავამ</strong>. სტუმართა შემადგენლობაში მეორე ტაიმი სრულად ჩაატარა <strong>გიორგი თეთრაშვილმა</strong>.</p></p></p><p><p><div style="text-align: center;"><span style="font-size: medium;"><span style="color: #3366ff;"><strong>პრო დე2</strong></p><p></span></span></div></p> <p><p>პრო დე2-ს რეგულარული გათამაშების დასრულებამდე სამი ტურით ადრე "ოიონა" ლიდერობს, რომელმაც 27-ე ტურში "ნევერი" 30:22 დაამარცხა. გამარჯვებულთა შორის პირველიდან 61-ე წუთამდე ითამაშა <strong>ირაკლი მირცხულავამ</strong>. სტუმართა რიგებში თამაშში 56-ე წუთიდან ჩაერთო <strong>თორნიკე მატარაძე</strong>. "ნევერი" 71 ქულით მე-4 ადგილზეა და პლეი-ოფში მოსახვედრად იბრძვის.</p></p></p><p><p><p>78 ქულით მეორე ადგილზეა და ტოპ-14-ში დასაბრუნებლად იბრძვის ქართველების "ბრივი", რომელიც კიდევ ერთ ქართულ გუნდ "ორიაკს" ეწვია და მხოლოდ ბონუსს დასჯერდა - 11:14.</p></p></p><p><p><p>მოედანზე ხუთი ქართველი მორაგბე გავიდა. "ორიაკის" სასტარტო შემადგენლობაში იყო <strong>გიორგი ცუცქირიძე</strong> და ის 32-ე წუთზე შესაცვლელი შეიქნა, ხოლო <strong>მერაბ შარიქაძე</strong> თამაშში 54-ე წუთიდან ჩაერთო. სტუმართა ძირითადში იყო და 65 წუთი ითამაშა <strong>ვასილ ლობჟანიძემ</strong>. თამაშში მე-3 წუთიდან ჩაერთო <strong>ოთარ გიორგაძე</strong>, ხოლო <strong>კარლენ ასეიშვილი</strong> მოედანზე 54-ე წუთიდან გამოჩნდა.</p></p></p><p><p><p>"პროვანსის" შემადგენლობაში მესამე თამაში ჩაატარა კვაჭმა <strong>ბადრი ალხაზაშვილმა</strong>. მისი გუნდი "ბეზიეს" ეწვია, 19:20 დამარცხდა და მხოლოდ ბონუსს დასჯერდა. ალხაზაშვილი შეცვლაზე 52-ე წუთზე შევიდა.</p></p></p><p><p><p>"კარკასონმა" "ბურგ-ან-ბრესი" მიიღო და ბონუსით, 45:10 დაამარცხა. მასპინძელთა შორის 57-ე წუთიდან ითამაშა <strong>მირიან ბურდულმა</strong> და 74-ე წუთზე მასპინძელთა მე-7 ლელო გაიტანა. ეს მისი პირველი ლელოა მიმდინარე სეზონში. თამაშში 50-ე წუთიდან ჩაერთო სტუმართა ბურჯი <strong>ვაჟა კაპანაძე</strong>.</p></p></p><p><p><p>"კოლომიეს" სასტარტო შემადგენლობაში იყო და 58 წუთი ითამაშა <strong>ბექა შეყლაშვილმა</strong>. მისმა გუნდმა "მასი" 31:7 დაამარცხა. სტუმართა შორის მეორე ტაიმი სრულად ჩაატარა <strong>ილია კაიკაციშვილმა</strong>.</p></p></p><p><p><p>"მონ-დე-მარსანმა" დაძაბულ მატჩში "ანგულემი" 26:23 დაამარცხა. "მონ-დე-მარსანის" შემადგენლობაში მეორე მატჩი ჩაატარა და პირველად იყო სასტარტო შემადგენლობაში <strong>ანტონ ფეიქრიშვილი</strong>, რომელმაც მოედანზე 45 წუთი გაატარა. სტუმართა შემადგენლობაში სრულად ითამაშა <strong>შალვა სუთიაშვილმა</strong>.</p></p></p><p><p><p><strong>მომზადებულია Rugby.ge-ის მიხედვით.</strong></p></p><br></p>
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
RugbyPass-ის ინტერვიუ დავით ნინიაშვილთან - "საქართველო 2027 წლის მსოფლიო თასზე მეოთხედფინალში გავა"
მუსიალას დაახლოებით 5 თვის გამოტოვება მოუწევს
ტერ შტეგენს სერია A-ს ვარიანტი გამოუჩნდა
ჩაომ "კომოს" ბოლო მომენტში უარი უთხრა და პრემიერ ლიგის ვარიანტი აქვს
უოლკერი პრემიერ ლიგას დაუბრუნდა და ახალ გუნდში ჩაირიცხა
"რეალმა" "დორტმუნდს" სძლია და ნახევარფინალში პსჟ-ს შეხვდება
პსჟ-ს და "ბაიერნის" პირველი ტაიმი 0:0 დასრულდა
"ბაიერნთან" მატჩში პსჟ-ს სასტარტო შემადგენლობა ცნობილია
"ნაპოლი" "ფიორენტინას" თავდამსხმელის შეძენას შეეცდება
U15 | სასელექციო პროექტი დასრულდა - ქუთაისში რეგიონულ ნაკრებთა მატჩი გაიმართა
"რეალმა" როდრიგოს გაყიდვა გადაწყვიტა - ბრაზილიელის დამატება "არსენალს" სურს
16 წლამდე გოგონათა ნაკრები ევროპის ჩემპიონატამდე ლატვიაში მოემზადება
"ლივერპულის" დიდებული ჟესტი ჟოტას ოჯახის მიმართ
პარტეის 5 გაუპატიურებისა და 1 სექსუალური შევიწროების საქმეზე ბრალი წარედგინა
[VIDEO] როცა სიტყვები ზედმეტია - რუბენ ნევეშისა და ჟოაო კანსელოს რეაქცია ჟოტასთვის მიძღვნილი წუთიერი დუმილის დროს
"ჩელსიმ" "პალმეირასი" დაამარცხა და ნახევარფინალში ითამაშებს [VIDEO]
საკლუბო მუნდიალის პირველი ნახევარფინალისტი გაირკვა
შეუცვლელი კვარაცხელია და დემბელეს დაბრუნება - ალ-ხელაიფის სეზონის ტრიუმფით დაგვირგვინება სურს
U20. [VIDEO] სამი ლელო არ გვეყო - საქართველოს ნაკრები ახალ ზელანდიასთან დამარცხდა
მამუკელაშვილმა "ტორონტო რეპტორზთან" ორწლიანი კონტრაქტი გააფორმა
პსჟ VS "ბაიერნი" - კვარაცხელია და კეინი კარგ ფორმაში არიან!
"ბორჯღალოსნების" 43-კაციანი შემადგენლობა, რომელიც 2019 წლის მსოფლიო თასისთვის მოემზადება, ცნობილია
ლეგიონერები: ევროთასები 11-მა დაიწყო, ჟვანია დაბრუნდა
პრო დე2 - პირველ ტურში ცხრამ ითამაშა
ზურაბ ჟვანია: ეს განვითარებისათვის საუკეთესო შესაძლებლობა იქნება
მილტონ ჰეიგი ჟვანიაზე: ზურა იმ 5 პროცენტშია, რომელმაც ეს ვერ მოახერხა
საახალწლო საჩუქარი ლეგიონერებისგან - ხუთი ლელო საფრანგეთიდან