"ბაიერნი": 21 მილიონი ნოიერისთვის!

მოსალოდნელი ტრანსფერი, რეკორდმაისტერმა შეიძლება ლუის გუსტავოც დათმოს, რაული კი ხელშეუხებელი აღარაა მიუნხენის „ბაიერნს“ რომ მანუელ ნოიერის ყიდვა უნდა, ეს ძველი ამბავია. სიახლე ისაა, რომ მიუნხენურმა გრანდმა „შალკეს“ 21 მილიონი ევრო შესთავაზა. სპეკულაციებში ნახსენებია „ბაიერნის“ საყრდენი ნახევარმცველის, ლუის გუსტავოსა და „გლადბახის“ უნიჭიერესი გარემარბის, მარკო როისის გვარებიც, „შალკეში“ კი ნოიერი რონ-რობერტ ცილერმა ან მაარტენ სტეკელენბურგმა უნდა შეცვალონ. გაირკვა ისიც, რომ რაულის „შალკედან“ წასვლა გამორიცხული აღარაა. მივყვეთ თანმიმდევრობით.მოკლედ, ნოიერის მოსალოდნელმა ტრანსფერმა კონკრეტული ფორმა მიიღო. „ბილდის“ ინფორმაციით, „ბაიერნი“ მზადაა, გერმანიის ნაკრების მეკარეში მინიმუმ 18 მილიონი ევრო გადაიხადოს და ამ თანხას უმატებს სხვადასხვა გადასახადებს, რაც საერთო ჯამში მაქსიმუმ 7 მილიონი იქნება. აქედან, „შალკე“ 3 მილიონს გარანტირებულად მიიღებს. მარტივად რომ ვთქვათ, „ბაიერნი“ „შალკეს“ 21 მილიონს სთავაზობს და შესაძლოა, გელზენკირხენულმა კლუბმა კიდევ 4 მილიონიც მიიღოს. ეს მას შემდეგ გახდა ცნობილი, რაც მიუნხენური კლუბის სპორტულიო დირექტორი კრისტიან ნერლინგერი და სამეთვალყურეო საბჭოს თავმჯდომარე კარლ-ჰაინც რუმენიგე სამშაბათს „შალკეს“ მენეჯერ ჰორსტ ჰელდტს შეხვდნენ.„დიახ, ჩვენ საკმაოდ ნაყოფიერი მოლაპარაკება გვქონდა. მიუნხენელებმა ახლა უკვე უკეთესი პირობები შემოგვთავაზეს, მაგრამ გადაწყვეტილი ჯერ მაინც არაფერია,“ - ეს ჰელდტის სიტყვებია. ჩვენი გერმანელი კოლეგების ცნობით, ეს იყო „ბაიერნისა“ და „შალკეს“ ბოსების მესამე შეხვედრა აპრილის შემდეგ. პირველი მოლაპარაკებები რუმენიგეს, „ბაიერნის“ ფინანსურ დირექტორ კარლ ჰოპფნერსა და „შალკეს“ მხრიდან ჰელდტსა და ფინანსურ დირექტორ პეტერ პეტერს შორის დიუსელდორფში შედგა. მეორე შეხვედრა კი მიუნხენში, „ბაიერნისა“ და „შალკეს“ მატჩის (4:1 მიუნხენელების სასარგებლოდ) შემდეგ, პრეზიდენტების ული ჰიონესისა და კლემენს ტიონიესის მონაწილეობით გაიმართა.გუსტავო და როისი ნოიერის ტრანსფერში?იყო საუბრები იმის შესახებ, რომ „შალკე“ ნოიერის სანაცვლოდ მინიმუმ 25 მილიონ ევროს ითხოვდა, რაზეც „ბაიერნის“ მენეჯერმა ნერლინგერმა თქვა, ეს უბრალოდ სასაცილო თანხაა, ამდენს ნაღდად არ გადავიხდითო. ახლა ირკვევა, რომ შესაძლოა, მიუნხენელებმა გელზენკირხენელებს ფულთან ერთად, ფეხბურთელიც შესთავაზონ და პირველი კანდიდატი იანვარში „ჰოფენჰაიმიდან“ ნაყიდი ლუის გუსტავოა.ბავარიელებმა „ჰოფენჰაიმს“ ბრაზილიელში 15 მილიონი გადაუხადეს და ყველამ იცის, რომ ეს უკანასკნელი რალფ რანგნიკის ერთ-ერთი უსაყვარლესი ფეხბურთელია - „პროფესორი რალფი“ გუსტავოს „ჰოფენჰაიმში“ სამი წლის მანძილზე წვრთნიდა და გუნდიდან სწორედ იმის გამო წავიდა, რომ ხელმძღვანელებმა ლუისი გაუყიდეს. „შპორტ ბილდის“ ცნობით, შესაძლოა, ნოიერის ტრანსფერში სხვა პუნქტიც ჩაიდოს - კერძოდ ის, რომ „ბაიერნი“ თავს დაანებებს „გლადბახის“ 21 წლის გარემარბ მარკო როისს, რათა ეს უკანასკნელი „შალკემ“ იყიდოს.ვინ შეცვლის ნოიერს შალკეში?გერმანული პრესა წერს, რომ „შალკეს“ ბოსები ნოიერის შემცვლელად სამ კანდიდატს მოიაზრებენ - „ვერდერის“ კიპერ ტიმ ვიზეს, „ჰანოვერის“ მეკარე რონ-რობერტ ცილერსა და ჰოლანდიის ნაკრების კარის დარაჯ მაარტენ სტეკელენბურგს. 22 წლის ჰანოვერელი 4 მილიონი ევრო ღირს და ამ მხრივ ყველაზე იაფი ვარიანტია, სტეკელენბურგი და ვიზე კი, გელზენკირხენელებს მინიმუმ სამჯერ ძვირი დაუჯდებათ. ჰოლანდიელით „მანჩესტერ იუნაიტედი“ და „არსენალიც“ არიან დაინტერესებულები და თუ მაარტენის ყიდვა სერიოზულად მოისურვეს, „შალკეს“ მათთვის კონკურენციის გაწევა გაუჭირდება. თანაც, გელზენკირხენული კლუბი სახელფასო ფონდის 70-დან 50 მილიონამდე შემცირებას გეგმავს, სტეკელენბურგი კი ნამდვილად არ არის დაბალანაზღაურებადი კადრი.ჩვენი გერმანელი კოლეგები იმასაც წერენ, რომ რაულის „შალკედან“ აბარგება გამორიცხული აღარაა. მართალია, ვეტერანმა ესპანელმა თქვა, რომ 2012 წლამდე გაფორმებულ კონტრაქტს 2013 წლამდე სიამოვნებით გააგრძელებს, მაგრამ საქმე იმაშია, რომ რანგნიკის საყვარელი ტაქტიკა 4-3-3-ია, რომელშიც რაული ვერ ჯდება.

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

"ფენერბაჰჩეს" მოურინიოს შესაძლო შემცვლელებს შორის ორი კანდიდატი ჰყავს

უარი ხავისგან - "ლევერკუზენი" ახალი მწვრთნელის ძიებაშია

"საქართველოს ნაკრები სამაგალითოა" - ამბობს სომხეთის ეროვნული გუნდის ყოფილი კაპიტანი

ქართველი მსაჯები სომხეთისა და ირლანდიის მატჩს განსჯიან

"ფენერბაჰჩეს" დომენიკო ტედესკო ჩაიბარებს

ნიკოლოზ ბასილაშვილი ჩინური ტურნირის პირველივე წრეში დამარცხდა

ჯიკიჩი ევრობასკეტის საუკეთესო მწვრთნელის პრიზისთვის იბრძვის - როგორ შეგიძლიათ მისცეთ ხმა საქართველოს ნაკრების დამრიგებელს

თბილისური მატჩი ბოლო აღმოჩნდა - ილიევს ბულგარეთის ნაკრებიდან უშვებენ

"ნოტინგემმა" ეშპირიტუ სანტუ გაათავისუფლა - მოურინიო მისი შეცვლის ერთ-ერთი მთავარი კანდიდატია

"მარტო უნდა დავტოვოთ" - სკალონის ჰკითხეს, ითამაშებს თუ არა მესი 2026 წლის მსოფლიო ჩემპიონატზე

"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია

საქართველო - ფინეთი. ორივე ნაკრების გულშემატკივართა დესანტი რიგისაკენ მიემართება

აბურჯანია კარიერას საუდის არაბეთში გააგრძელებს

U21 | საქართველო V ჩრდილოეთ ირლანდია - მატჩისწინა ვარჯიში წყალტუბოში

ხარატიშვილი ჩეხურ კლუბში გადავიდა

„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე

უთავმოყვარეო და მშიშარა უწოდეს - სანტუშს აზერბაიჯანის ნაკრების დატოვება მაინც მოუწია

პსჟ ბარკოლასთან კონტრაქტის გაგრძელებაზე მოლაპარაკებას აწარმოებს

რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

[PHOTO] არდა გიულერის ემოციები ესპანეთთან განადგურების შემდეგ