<p>საკონტროლო მატჩებში საქართველოს ნაკრებს გამოკვეთილი ლიდერი არ ჰყოლია, ხან ერთმა იტვირთა ბომბარდირობა, ხან - მეორემ, ხანაც – მესამემ...</p><p><br> საკონტროლო მატჩებში საქართველოს ნაკრებს გამოკვეთილი ლიდერი არ ჰყოლია, ხან ერთმა იტვირთა ბომბარდირობა, ხან - მეორემ, ხანაც – მესამემ. ამის მიუხედავად, გუნდში იყვნენ სტაბილურად მოთამაშენი, რომლებიც 10 ქულას ქულაზე ნაკლებს იშვიათად აგროვებდნენ. მათ შორის იყო ნიკა ცქიტიშვილი, რომელმაც ხუთ საკონტროლო მატჩში საშუალოდ 10.8 ქულა მიითვალა.</p><p>ნიკას ვესაუბრეთ ნაკრებზეც, კლუბზეც, და აზრის გამოთქმა ნატურალიზებულ ამერიკელებზეც ვთხოვეთ.</p><p>- თბილისის ტურნირზე კი გავიმარჯვეთ, მაგრამ ვერ ვიტყვი, ისე ვითამაშეთ, როგორც შეგვეფერებოდა. ჩვენს ნაკრებს მეტი შეუძლია. თუმცა ეს საკონტროლო მატჩები იყო და მთავარი აქცენტი შეთამაშებაზე კეთდებოდა. არც ის უნდა დაგვავიწყდეს, რომ სათანადო ფორმაში არ ვიყავით...</p><p><strong>- როგორ ფიქრობ, აგვისტოს დასაწყისისთვის ოპტიმალურ კონდიციებს მიუახლოვდებით?</p><p></strong>- ივლისის დასაწყისში შევიკრიბეთ. მას მერე ბევრს ვმუშაობთ და წინსვლას ვგრძნობთ. კონდიციებს დღითი-დღე ვიუმჯობესებთ. ამ გზაზე ძალიან სასარგებლო იყო თბილისის საერთაშორისო ტურნირი, რომელშიც საინტერესო გუნდებს დავუპირისპირდით. თანდათან უკეთეს ფორმაში შევდივართ და ვიმედოვნებ, რომ 2 აგვისტოსთვის ნაკრები ყველანაირად მზად იქნება.</p><p><strong>- ჰოსლისა და გრინის შესახებ ბევრი ლაპარაკია. ეს არცაა გასაკვირი - ისინი გუნდის ახალწვეულები არიან.</p><p></strong>- ჰოსლიცა და გრინიც ფასეული კალათბურთელები არიან. ამას ერთი ფაქტი ადასტურებს - ივლისში ისინი ესპანურ კლუბებში ჩაირიცხნენ, ჰოსლი - "ხუვენტუდში", გრინი - "გრან კანარიაში". ესპანეთის ჩემპიონატი ევროპაში საუკეთესო რომ არის, ამის შეხსენება საჭირო არაა. ორივე ამერიკელს საკმარისი გამოცდილება აქვს და დარწმუნებული ვარ, ოფიციალურ მატჩებში განაცხადში რომელიც უნდა მოხვდეს, დიდად დაგვეხმარება.</p><p><strong>- ისეთი შთაბეჭდილება რჩება, რომ ისინი ბოლომდე ჯერ ვერ გაიხსნენ...</p><p></strong>- ეს არ უნდა გაგვიკვირდეს. ერთი თვე არცაა, რაც ახალ გუნდში, ახალ გარემოში ვარჯიშობენ. აკლიმატიზაციისთვის დრო სჭირდებათ. ჩვენც ვცდილობთ, რომ მათ ფსიქოლოგიურად ბოლომდე გახსნაში სათანადოდ დავეხმაროთ.</p><p><strong>- სხვათა შორის, გრინი შენსავით საბერძნეთიადან უკმაყოფილო წამოვიდა - კუთვნილი ხელფასი არ მისცეს...</p><p></strong>- საბერძნეთში ფინანსური თვალსაზრისით ცუდი სიტუაციაა. მხოლოდ ორი გუნდია - "პანათინაიკოსი" და "ოლიმპიაკოსი" - რომლებსაც მატერიალური პრობლემები არ აქვს... "პანიონიოსიდან" დროულად წამოვედი.</p><p><strong>- "ფუენლაბრადას" არათანაბარი სეზონი გამოუვიდა...</p><p></strong>- გუნდში რომ მივედი, გასვლით მატჩებსაც ვიგებდით და სატურნირო ცხრილშიც საპატიო ადგილზე ვიყავით, თუმცა შემდეგ ბევრი რამ შეიცვალა, რასაც მწვრთნელის გადაყენება მოჰყვა. სიტუაციის გამოსწორება ახალმა მწვრთნელმაც ვერ მოახერხა, რასაც ტრავმიანობა დაემატა და საბოლოოდ პლეი ოფში გასულ რვა გუნდს საგრძნობლად ჩამოვრჩით.</p><p><strong>- "ფუენლაბრადასთან" კონტრაქტი სეზონის ბოლომდე გქონდა...</p><p></strong>- ამ გუნდში გაისად აღარ ვითამაშებ. "ფუენლაბრადაში" ერთგვარი ფინანსური კრიზისია...</p><p><strong>- მომავალი კლუბს კლუბს როდის გავიგებთ?</p><p></strong>- ჯერ არ ვიცი. ამ საკითხზე ჩემი აგენტი მუშაობს.</p><p><strong>- ბოლოს საქართველოს ნაკრების მეტოქეებზე ვთქვათ. ყველაზე მეტად რომელი გუნდს იცნობ?</p><p></strong>- ზოგადი წარმოდგენა ოთხივე ნაკრებზე მაქვს, თუმცა ბულგარეთს სხვებზე მეტად ვიცნობ. იქ ძმები ივანოვები თამაშობენ. ერთი ესპანეთის ჩემპიონატში გამოდის, მეორე - იტალიაში. გუნდის ერთ-ერთი ლიდერია ფილიპ ვიდენოვი, რომელსაც ძალიან კარგად ვიცნობ, ჩემთან ერთად "კახასოლში" თამაშობდა.</p><p><strong>ყოველდღიური სპორტული გაზეთი "ლელო"</strong></p>
+5 პოზიცია და გუნდური გარდასახვა: საქართველო FIBA-ს Power Rankings-ში მე-11 ადგილზეა
დიდებული მეორე ტაიმი - საქართველოს ნაკრებმა პორტუგალიას სტუმრად მოუგო
საქართველოს ნაკრები პორტუგალიაში ჩაფრინდა
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა