სოფია სამბოში ევროპას აერთიანებს

საქართველოს ნაკრებში სიახლებიცაა ორი დებიუტანტის სახით - მულაძე და იმერლიშვილი პირველად ჭიდაობენ ამ რანგის შეჯიბრებაში დღეს სოფიაში სამბისტთა ევროპის ჩემპიონატი იწყება, რომელშიც საქართველოს ნაკრები ასეთი შემადგენლობით გამოვა: დიმიტრი მულაძე (52), უშანგი კუზანაშვილი (57), დავით სვიმონიშვილი (62), ბექა იმერლიშვილი (68), კახა მამულაშვილი (74), ნიკოლოზ კუცია (82), მინდია ბოდაველი (90), მირიან პავლიაშვილი (100), ვახტანგ ზოიძე (+100).როგორც ვხედავთ, გუნდის თავკაცი ოლეგ იაძე ძირითადად ძველ კადრებს დაეყრდნო, მაგრამ ნაკრებში სიახლებიცაა ორი დებიუტანტის სახით - მულაძე და იმერლიშვილი პირველად ჭიდაობენ ამ რანგის შეჯიბრებაში. ორივე ახალგაზრდაა და ჯერ გამოცდილება აკლიათ, თუმცა ამ მხრივ უფრო მაინც ხაშურელ მულაძეს გამოვარჩევთ, რომელიც შარშან გამოჩნდა ეროვნულ გუნდში. იქნებ, ის წლეულსაც ვერ დამკვიდრებულიყო აქ, რომ არა უშანგი კუზანაშვილის ზედა წონაში გადანაცვლება - მსოფლიოს ჩემპიონს სულ უფრო უჭირდა ასაკსა და მის თანამდევ ზედმეტ წონასთან გამკლავება. კუზანაშვილმა შარშან მინსკში 52 კილოგრამში ევროპის პირველობა კი მოიგო, მაგრამ უზბეკეთში, მსოფლიოზე აშკარად გამოჩნდა, რომ მისი იქ დარჩენა გამორიცხული იყო. ეს არც მწვრთნელებს დაუძალებიათ, რადგან იმედად მულაძე ეგულებოდათ და საკადრო ცვლილება თამამად გაატარეს. იმედია, ამით ორივე ფალავანი მოგებული დარჩება.იმერლიშვილმა ყველაზე ბოლოს გაინაღდა ნაკრებში ადგილი, თუმცა არა იმიტომ, რომ შესარჩევ ეტაპზე სუსტად იჭიდავა და მწვრთნელები არ ენდობოდნენ. პირიქით, სამი უძლიერესი შეჯიბრება მოიგო - არმავირში (ქართველთაგან იქ აქამდე არავის გაუმარჯვია), მინსკსა და ყაზახეთში, რითაც მწვრთნელთა დიდი სიმპათიებიც დაიმსახურა, მაგრამ მის სანაკრებო კარიერას მსოფლიოს შარშანდელ ვიცე-ჩემპიონ ლევან ნახუცრიშვილის აჩრდილი სდევდა. სამწუხაროდ, ნახუცრიშვილმა იმავე მსოფლიოზე ხელიც იტკინა და მაშინდელი ფინალიც ძირითადად ამიტომ წააგო, თუმცა ყველაზე ცუდია, რომ ტრავმა აქამდე ვერ მოირჩინა. ამის მიუხედავად, იაძე შანსს მაინც აძლევდა და ბოლო წუთამდე ელოდებოდა მის გამოჯანმრთელებას - ნახუცრიშვილი ამ წონაში ჯერ კიდევ ახალგაზრდული ნაკრებიდან გამოირჩეოდა, როგორც ლიდერი და კარგი მოჭიდავე. ამიტომ არც მწვრთნელმა ჩამოწერა და მოსკოვშიც წაიყვანა შულცის სახელობის ტურნირში საჭიდაოდ, მაგრამ დამარცხდა. იაზე ამასაც იმ ტრავმით ხსნის და საბოლოოდ მიიღო გადაწყვეტილება, ევროპაზე იმერლიშვილი წაეყვანა, ნახუცრიშვილი კი თავის შანსს მსოფლიოსთვის დაელოდება. იმედია, მანამდე ტრავმასაც მოირჩენს.ამ დუეტის გარდა, გუნდის უკლებლივ ყველა წევრი ტიტულოვანი და გამოცდილია. მათში ყველაზე ახალგაზრდა და, შესაბამისად, ნაკლებად წარმატებულიც მსოფლიოს ბრინჯაოს პრიზიორი ზოიძეა, რომელსაც დანარჩენები ბევრად აღემატებიან ტიტულებით. აქვე შეგახსენებთ ჩვენებურთა შარშანდელ ევროპულ მონაგარს - კუზანაშვილმა და უბერებელმა ნესტორ ხერგიანმა (62) გაიმარჯვეს, ნახუცრიშვილმა, მამულაშვილმა და დავით კარბელაშვილმა (90) ვერცხლი მოიპოვეს, მესამე საპრიზო ადგილზე კი ძიუდოში როტერდამისა და ბაქოს "დიდი პრიზების" მომგები ამირან პაპინაშვილი (57) გავიდა. სხვათა შორის, ხერგიანი წლეულსაც განიხილება ნაკრების კანდიდატად და მსოფლიოზე მოხვედრის შანსსაც ინარჩუნებს. მეტიც, იაძემ ერთხელ ისიც განაცხადა, რომ მსოფლიოზე წასვლა ხერგიანს გარანტირებული აქვს იმის მიუხედავად, როგორ გამოვა სოფიაში სვიმონიშვილი. მან ისიც დასძინა, რომ ამაზე თავად სპორტსმენები შეთანხმდნენ, მწვრთნელები კი არ შეწინააღმდეგებიან, რადგან ორივე დასაყრდენი სპორტსმენია. საინტერესოა - ფალავნებმა შარშანაც ასე მოილაპარაკეს ერთმანეთში, ოღონდ მაშინ საპირისპირო შეთანხმება დადეს. შედეგად, ევროპაზე ხერგიანი წავიდა და მოიგო კიდეც, მაგრამ მსოფლიოსთვის სვიმონიშვილს გზიდან ჩამოეცალა და ურიგოდ არც ის გამოსულა - ვერცხლი მოიპოვა. ამის მიუხედავად, სპორტსმენთა შორის ასეთ გარიგებას მაინც ვერ მივესალმებით - ვფიქრობთ, აჯობებს, ნაკრები კონკურენციით დაკომპლექტდეს. სხვა თუ არაფერი, შეიძლება, მათ დავაში სხვაც ჩაერიოს და არც იმას გამოვრიცხავთ, ნაკრებში ადგილი სწორედ იმან მოიპოვოს, ახლა კი მესამე თავიდანვე მოკვეთილი გამოდის.დღეს სოფიაში ვაჟთა შორის შეჯიბრებაში 52, 62, 74, 90 და +100 კილოგრამების ფალავნები იჭიდავებენ, დანარჩენები ხვალ იასპარეზებენ, ჩემპიონატი კი 15 მაისს საბრძოლო სამბოში შეჯიბრებით დასრულდება.

ისტორიული შედეგი - ქართველმა სამბისტებმა ევროპირველობაზე 13 მედალი მოიპოვეს

ლერი აბულაძე მსოფლიოს ჩემპიონი გახდა [VIDEO]

"ნუ გადავიტანთ ამ ყველაფერს პოლიტიკურ ჭრილში" - სამბოს ფედერაცია განცხადებას ავრცელებს

ოიარსაბალი: ფეხბურთი ცირკითაა გარემოცული

"რეალი" ფრანგებს გაასხვისებს? - "სამეფო გუნდიდან" შესაძლო წამსვლელები ცნობილია

"მოურინიომ პირადად დამირეკა, ამაყი ვიყავი" - კუკურელია "რეალში" გადასვლაზე

საქართველოს ნაკრები აფრიკის ჩემპიონთან დამარცხდა

20 წ. | ვინ მოდის საქართველოში - სამხრეთ აფრიკა

აი, რატომ ვერ ივარგა კეინმა - თურმე, შამანს შეულოცია

ნეიმარი ბრუნდება და ვნახოთ, რამდენად დაეხმარება ბრაზილიის ნაკრებს

მანჩინი გამოირიცხა - იტალიას დიდი ალბათობით, კონტე ჩაიბარებს

[VIDEO] სკანდალური მომენტი ინგლისისა და განას მატჩიდან, რომელიც ყველას გამორჩა

"მე ვხედავ მოხუც კაცს ყავარჯნებით, რომელსაც..." - რონალდოს დის ირონიული კომენტარი პორტუგალიის გამარჯვების შემდეგ

მარკოიშვილის ისტორიული ტრიუმფი, რომელმაც მონაკო საფრანგეთის ჩემპიონად აქცია!

"ჩელსიმ" "ინტერს" ფეხბურთელი წაართვა - პალესტრა პრემიერლიგაში ითამაშებს

ხორვატიამ ბუდიმირის გოლით პანამა დაამარცხა

[VIDEO] განამ ინგლისს ფრე გაუგორა

VIDEO | ეროვნული ლიგა | დინამო (თბ) 2-1 დინამო (ბთ). პლაცდარმი უკეთესი გაგრძელებისთვის

ბათუმის "დინამომ" 17 წლის მცველი დაიმატა

[VIDEO] აკი რონალდოს გოლის გატანა დაავიწყდაო - პორტუგალიამ უზბეკეთს უპრობლემოდ მოუგო

VIDEO | ეროვნული ლიგა | იბერია 1999 2-1 მეშახტე. როცა შეგიძლია, გართულება თავიდან აიცილო...

გეგმა მესის შესაჩერებლად - იმუშავებს "არსენალის" ყოფილი ფეხბურთელის შემუშავებული ტაქტიკა?

ამ კვირაში წარადგენენ - მარესკა "სიტის" მწვრთნელი ოფიციალურად რამდენიმე დღეში გახდება