- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
აღირსეთ გორს დარბაზი და სამაგიეროდ, ის შედეგებს მოგცემთ
<p>გუშინ ჭიდაობის ფედერაციაში შეხვედრა მოუწყვეს მსოფლიოს ახალგაზრდული ჩემპიონატიდან ტრიუმფით დაბრუნებულ `თავისუფალთა~ ნაკრებს...</p><p><br> გუშინ ჭიდაობის ფედერაციაში შეხვედრა მოუწყვეს მსოფლიოს ახალგაზრდული ჩემპიონატიდან ტრიუმფით დაბრუნებულ `თავისუფალთა~ ნაკრებს. შეგახსენებთ, რომ მათ ბუდაპეშტში ორ-ორი ოქრო-ბრინჯაო და ერთი ვერცხლი მოიპოვეს, გუნდურ ჩათვლაში კი მესამეზე გავიდნენ. ნუგზარ სხირელის შეგირდთაგან ამ სეზონში ყველაზე დიდ წარმატებას დავით ხუციშვილმა (74) მიაღწია, რომელმაც სამი კვირის წინ მოპოვებულ ევროპის ჩემპიონობას მსოფლიოს ოქრო დაუმატა და სეზონი დუბლით დაასრულა. მსოფლიოს ჩემპიონობა იზეიმა ევროპის წლევანდელმა ვიცე-ჩემპიონმა ვლადიმერ ხინჩეგაშვილმაც (55). ეტყობა, ამ უნიჭიერესმა ფალავანმა საბოლოოდ დასძლია შარშანდელი კრიზისი, რაც წონის შეცვლით იყო გამოწვეული. უნგრეთში ჩვენებურთაგან ფინალი მხოლოდ ევროპის წლევანდელმა ბრინჯაოს პრიზიორმა ლაშა ტალახაძემ (50) წააგო, თენგიზ ჩოჩიშვილი (60) და გიორგი საკანდელიძე (120) კი მესამე ადგილებზე გავიდნენ. შეგახსენებთ, რომ თანატოლთა ევროპის წლევანდელ პირველობაზე ჩოჩიშვილი მეორე იყო, საკანდელიძე კი ჩემპიონი გახდა. როგორც ვხედავთ, ევროპაზეც და მსოფლიოზეც მედლები ამ ხუთეულმა მოიპოვა, რაც მათ სტაბილურობაზე მიუთითებს. სამწუხაროდ, ორივე ტურნირი ასევე სტაბილურად ერთმა და იმავე ფალავნებმა ჩააგდეს. მათგან განსაკუთრებით საწყენი დავით მარსაგიშვილის (84) მარცხია, რომელიც ნამდვილად ნიჭიერია და აშკარად მეტი შეუძლია, რაც ივნისში ვახტანგ ბალავაძის სახელობის `ოქროს დიდი პრიზის~ ტურნირის ფინალში გასვლითაც დაამტკიცა.</p><p>პრესკონფერენციას სხირელთან და საქართველოს ჭიდაობის ფედერაციის ხელმძღვანელობასთან ერთად სპორტისა და ახალგაზრდობის საქმეთა მინისტრი ლადო ვარძელაშვილი, მისი მოადგილე დავით ნამგალაური და სამინისტროს სპორტის დეპარტამენტის უფროსი გია გალდავაც ესწრებოდნენ. შეხვედრა ფედერაციის გენერალურმა მდივანმა მალხაზ ჯორბენაძემ გახსნა, რომელმაც ბიჭებს წარმატება მიულოცა და სამომავლოდაც გამარჯვებები უსურვა. მადლობით დაიწყო თავისი გამოსვლა ვარძელაშვილმაც, რომელიც სპორტსმენებს კუთვნილ პრემიებსაც დაჰპირდა და გამოთქვა იმედი, რომ მათგან რამდენიმე ლონდონის ოლიმპიადაზეც მოხვდება. `გულწრფელად გილოცავთ ამ გამარჯვებას, რომელიც მართლა დიდი სიხარულია მთელი ქვეყნისთვის. ამ დღეებში ყველანი აღტაცებულები ვიყავით თქვენი ასეთი კარგი გამოსვლით. ეს მით უფრო სასიამოვნოა წარმატებული ევროპის ჩემპიონატის შემდეგ. აუცილებლად დაგიფასდებათ შრომა და სეზონის ბოლოს პრემიებს მიიღებთ. ეს შედეგები იმედს გვაძლევს, რომ კარგი მომავალი გვეზრდება და თაობათა ცვლა უმტკივნეულოდ მოხდება, რამდენიმე თქვენგანი კი ლონდონის ოლიმპიადაზეც იასპარეზებს~ - უთხრა მინისტრმა ახალგაზრდა ფალავნებს. მან სხირელის ღვაწლსაც გაუსვა ხაზი და მსოფლიოში ერთ-ერთი საუკეთესო მწვრთნელი უწოდა, თუმცა მინისტრი მხოლოდ ქებით არ შემოფარგლულა და ამ მართლაც ამაგდარ, ქართული საჭიდაო სკოლის წინაშე ფრიად დამსახურებულ კაცს უმაღლესი სპორტული ჯილდო - სპორტის რაინდის ორდენი გადასცა.</p><p>შეგირდების გამოსვლით კმაყოფილია თავად სხირელიც, რომელმაც ასევე მიულოცა მათ წარმატება და გამოთქვა იმედი, რომ ისინი ღირსეულად შეცვლიან ეროვნული ნაკრების ლიდერებს. მწვრთნელი ამჯერად არ შეხებია იმ მტკივნეულ თემას, რასაც მსოფლიოს პირველობაზე წასვლამდე წააწყდა, როცა მწვრთნელთა საბჭომ რამდენიმე საკადრო ცვლილების ნება არ დართო. ამ კონკრეტული შემთხვევის მიღმა იმალება სრულფასოვანი რეზერვის აღზრდის ბევრად დიდი პრობლემა და მას ცალკე წერილში აუცილებლად მივუბრუნდებით, აქ კი ზოგადად ვიტყვით, რომ მწვრთნელი ხელფეხშეკრული არ უნდა იყოს. ბუნებრივია, არც მწვრთნელთა საბჭოა ვალდებული, უსიტყვოდ დაემორჩილოს მას, მაგრამ, როცა ინტერესთა კვეთაა (თუ კონფლიქტი არა), საინტერესოა, ვინ უნდა თქვას გადამწყვეტი სიტყვა - ფედერაციის აღმასკომმა თუ სხვა ვინმემ? უნდა ჩაერიოს თუ არა ვინმე ამ დავაში? აი, აქ უკვე საკანონმდებლო სფეროს მივადექით - მსგავსი სადავო საკითხები ფედერაციის დებულებამ უნდა განსაზღვროს, რომელიც, თავის მხრივ, სრულ შესაბამისობაში უნდა იყოს ძირითად კანონთან და მართვის დემოკრატიულ პრინციპებს უზრუნველყოფდეს. არ ვამბობთ, რომ ჭიდაობის ფედერაციის წესდება უვარგისია და არც ის ვიცით, ამ შემთხვევაში დაეკითხა თუ არა ვინმე აღმასკომს, მაგრამ ფაქტია - მსოფლიოზე წააგო თორნიკე ხიდეშელმა (100), ანუ ერთმა მათგანმა, ვისი შეცვლაც მწვრთნელს სურდა, ეს კი გვაფიქრებინებს, რომ ამ შემთხვევაში სხირელის უფლებები შეილახა. თუმცა ესეც ცალკე მსჯელობის თემაა, მინისტრმა კი ამ კითხვაზე გვიპასუხა, რომ გაისიდან საკონტროლო შეხვედრების პრაქტიკის დანერგვას აპირებს, ხოლო წესდებებში ვერ ჩაერევა. ჩარევა ნამდვილად არაა სასურველი, მაგრამ ფაქტია - ფედერაციათა წესდებებს გადახედვა ნამდვილად სჭირდება. პრესკონფერენციაზე ოფიციალურად არაფერი თქმულა სხირელის კიდევ ერთ გასაჭირზე, რომ გორში არ არის ნორმალური დარბაზი, მაგრამ, როგორც კულუარებში ამბობენ, ეს პრობლემა უახლოეს ხანებში მოწესრიგდება. ამ ახალგაზრდულ გუნდში სამი გორელია, ხოლო ეროვნული ნაკრების ნახევარს უკვე წლების განმავლობაში იქაურები შეადგენენ. მედლების ლომის წილიც გორელებზე მოდის, ქალაქს კი დღემდე არ ეღირსა ისეთი დარბაზი, როგორსაც იმსახურებს. ახლანდელი ბაზა მოვარჯიშეებს ვერ იტევს და სპორტსმენები ძალზე ცუდ პირობებში ემზადებიან. სხირელს ახალი დარბაზის აშენებას რამდენჯერმე შეჰპირდნენ, მაგრამ დღემდე ამაოდ. არადა, იმსახურებს ეს ქალაქი ერთ ნორმალურ საჭიდაო ბაზას. ახლა ლაპარაკია ახლის აშენებაზე, თუმცა მანამდე ძველის გარემონტებასაც აპირებენ. ისე, გამოსავალი არც რემონტია – ამით შენობა სიგრძე-სიგანეში არ გაიზრდება და თანაც სავარჯიშო პროცესის შეწყვეტას გამოიწვევს, ეს კი არც სხირელს სურს. იმედია, პრობლემა დადებითად გადაწყდება.</p><p><strong>ყოველდღიური სპორტული გაზეთი "ლელო"</strong></p>
[VIDEO] დვალიშვილი სეხუდოსთან 35 წამში დამარცხდა
[VIDEO] ნუთუ ილიასთან ბრძოლაზე ფიქრობდა? - ცარუკიანი საჩემპიონო ბრძოლაში დამარცხდა
[VIDEO] დიდებული მერაბ დვალიშვილი! - ქართველმა საოცარი ბრძოლა შემოატრიალა და ბრწყინვალე გამარჯვება მოიპოვა
იკარდი შესაძლოა, სერია A-ს დაუბრუნდეს
"მეგონა, კარიერას "სიტიში" დავასრულებდი" - როდრი მანჩესტერული გუნდის დატოვების მიზეზზე
ოფიციალურად: კოუტინიო "სანტოსის" ფეხბურთელია
[VIDEO] ლაშა გუჯეჯიანი უზბეკეთის ნაკრების მთავარ მწვრთნელად დანიშნეს
ქართველმა მსაჯებმა უეფას წინასასეზონო შეკრებაში მიიღეს მონაწილეობა
საკალათბურთო სეზონი დუდუ დადიანის მემორიალით, რუსთავში გაიხსნება
VIDEO | ეროვნული ლიგა | დინამო (თბ) 4-0 გაგრა. დამატებითი ბონუსი ქეცბაიასთვის
VIDEO | ეროვნული ლიგა | ტორპედო 3-2 სამგურალი. "სტანდარტების" დღე უხვგოლიან იმერულ დერბიში
თაჩ რაგბის ტურნირი ტაბახმელაში
ეკვადორის ნაკრებს გალიარდო ჩაუდგა სათავეში
"ამ სეზონში ყველაზე ცუდად ვითამაშეთ, მაგრამ მოვიგეთ" - რა თქვა ლუის ენრიკემ "ბრესტთან" მატჩის შემდეგ?
"ეს ჩემთვის სიურპრიზია" - მატვეი საფონოვი
"ლივერპული" რეკორდული ტრანსფერისთვის ემზადება
"წელს "ოქროს ბურთის" მოგებას მე ვიმსახურებ" - ლამინ იამალი
[VIDEO] "მანჩესტერ იუნაიტედი" კაცნაკლულ "სიტისთან" დამარცხდა
როგორი შეფასებები მიიღეს პსჟ-ს ფეხბურთელებმა "ბრესტთან" მატჩში?
კვარაცხელიას 66 წუთი - პსჟ-მ "ბრესტს" მინიმალური ანგარიშით მოუგო
VIDEO | ეროვნული ლიგა | იბერია 1999 1-0 სპაერი. ფავორიტის მძიმე გამარჯვება
საზონოვი შეცვლაზე შევიდა - "ხეტაფემ" "დეპორტინოსთან" ქულები გაიყო
"ძალიან დიდი პოტენციალი აქვს" - მოურინიო დიომანდეს თამაშით კმაყოფილია