- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ტრიუმფატორები და უიღბლონი
<p>საქართველოს ჩემპიონატი. XXXIV ტურის მიმოხილვა <br> მოხდა ის, რაც უნდა მომხდარიყო: მორიგი წარმატებული მატჩი და "ზესტაფონი" საქართველოს ჩემპიონი გახდა! თანაც, ყველამ უნდა ვაღიაროთ, რომ "ზესტაფონის" ტრიუმფი სრულიად დამსახურებული და კანონზომიერი იყო: გია გეგუჩაძის გუნდი ჯერ კიდევ სეზონის დაწყებამდე ერთ-ერთ უმთავრეს ფავორიტად მიიჩნეოდა და მთელი ჩემპიონატის განმავლობაში ამ სტატუსს ამართლებდა კიდეც;</p><p>რა თქმა უნდა, სეზონის დამთავრების შემდეგ ბევრად უფრო ვრცლად ვისაუბრებთ "ზესტაფონის" მიღწევაზე, მანამდე კი კლუბის ხელმძღვანელებს, სამწვრთნელო შტაბს, ტექნიკურ პერსონალს, თითოეულ ფეხბურთელსა და, რაც მთავარია, გუნდის ერთგულ ქომაგებს კიდევ ერთხელ გვინდა ეს წარმატება მივულოცოთ! ასე და ამრიგად, საქართველოს ჩემპიონატების ისტორიაში თბილისის "დინამოს", ქუთაისის "ტორპედოს", თბილისის "ვიტ ჯორჯიას", ბოლნისის "სიონისა" და რუსთავის "ოლიმპის" შემდეგ "ზესტაფონი" მეექვსე გუნდი გახდა, სეზონი პირველ ადგილზე რომ დაასრულა.</p><p>"ზესტაფონმა" საჩემპიონო ტიტული იმერულ "დერბიში" გაიფორმა და არავის ეპარებოდა ეჭვი, რომ საქართველოს ახალი ჩემპიონი სწორედ ამ ტურში გამოვლინდებოდა; სამწუხაროდ, ასევე ყველადარწმუნებული ვიყავით იმაშიც, რომ სწორედ ამ ტურსა და სწორედ ამ მატჩში გაირკვეოდა ერთ-ერთი იმ გუნდის ვინაობაც, უმაღლეს ლიგას რომ დაემშვიდობებოდა.</p><p>ასეც მოხდა: მომავალ სეზონს "სამტრედია" პირველ ლიგაში დაიწყებს და იმედი დავიტოვოთ, რომ ეს დიდი ტრადიციების მქონე გუნდი უმოკლეს დროში შეძლებს უძლიერესთა შორის დაბრუნებას. აი, მეორე უიღბლო გუნდის ვინაობას კი, ალბათ, ბოლო ტური გაარკვევს (შესაძლოა, მანამდეც), - ყოველ შემთხვევაში, "სპარტაკს" გადარჩენის თეორიული შანსი კვლავაც დარჩა. სამაგიეროდ, ყველაზე დიდი ინტრიგა VIII ადგილს უკავშირდება: ფაქტობრივად, ისეთი სიტუაციაა, რომ დარჩენილ ორ ტურში განსაკუთრებულზე-განსაკუთრებულ ინტერესს "კოლხეთისა" და "სიონის" მონაწილეობით ჩატარებული მატჩები იწვევს (ანუ, ამ ორიდან ერთ-ერთ გუნდს მოუწევს პლეი-ოფის მატჩის ჩატარება პირველი ლიგის მესამეადგილოსანთან); დანარჩენი კი ყველაფერი გარკვეულია და, ფაქტობრივად, თითქმის ყველა დანარჩენ შეხვედრას უმოტივაციო ხასიათი ექნება (ერთადერთი, მხოლოდ "ბაიას" სჭირდება კინკილა ქულა, პლეი-ოფი თავიდან რომ აიცილოს)...</p><p><strong>საჩემპიონო შედეგი</strong></p><p>ქვეყნის ახალმა ჩემპიონმა 34 მატჩი ჩაატარა და ამ გუნდის ფეხბურთელებმა მეტოქეთა კარში 68 გოლი გაიტანეს; ანუ, "ზესტაფონს" ყოველ მატჩში საშუალოდ 2 გოლი გაქონდა, რაც, დაგვეთანხმებით, რომ მართლაც მშვენიერი შედეგია. აღარაფერს ვამბობთ ამ გუნდის ერთ-ერთ გამორჩეულ რგოლზე - ამ 68 გოლიდან 42 თავდამსხმელებმა გაიტანეს!</p><p>ახლაც, საჩემპიონო მატჩში სამივე ფორვარდმა თავი გამოიჩინა და საკუთარ "მონაგარს" თითო-თითო გოლიც მიუმატა: 25 წლის ნიკოლოზ გელაშვილმა სეზონში მე-17 ბურთი გაიტანა, 26 წლის ჯაბა დვალმა - მე-12, ხოლო რატი წინამძღვრიშვილმა - მე-13; აღსანიშნავია, რომ წინამძღვრიშვილმა ამ შემთხვევაშიც შეცვლაზე შემოსულმა იხეირა, - მსგავსი შემთხვევა ჩვენთან კი არა, საერთოდ სადმე მომხდარიყოს, ვერაფრით გაგვიხსენებია.</p><p>ჩემპიონატის დასრულებამდე ორი ტურით ადრე საუკეთესო ბომბარდირთა დავაში ნიკოლოზ გელაშვილი ლიდერობს და იმედია, სხვა კონკურენტები არ გვიწყენენ, თუ ვიტყვით, რომ სეზონის ნომერ პირველი გოლიადორის წოდებას სწორედ ეს თავდამსხმელი იმსახურებს.</p><p>დაბოლოს, "ზესტაფონის" კიდევ ერთ მიღწევაზეც: გია გეგუჩაძის გუნდი ექვსი თვეა დაუმარცხებლად ასპარეზობს ჩემპიონატში და ეს ოცმატჩიანი წაუგებელი სერიაც ნამდვილად არ არის პატარა ამბავი...</p><p><strong>სენსაცია თუ კანონზომიერება?</strong></p><p>ერთი შეხედვით, მართლაც ძნელია ზუსტი შეფასება მოვუძებნოთ "კოლხეთის" სტუმრად გამარჯვებას - ბოლოს და ბოლოს, ფოთელებმა გასვლით შეხვედრაში ხომ ქვეყნის ექს-ჩემპიონს მოუგეს! ისე, ამ სეზონში "კოლხეთმა" მართლაც რომ გაამწარა "ოლიმპი": პირველ წრეში დიდი ანგარიშით (5:1) მოუგო, მესამე წრეში შინ ფრედ ეთამაშა (0:0) და მხოლოდ ერთხელ, მეორე წრეში დამარცხდა (0:2). ანუ, "კოლხეთმა" ოთხ შეხვედრაში 7 ქულა აართვა წინა სეზონის ტრუმფატორს და ყოვლივე ეს პატარა ამბავი არ უნდა იყოს.</p><p>ისე, როგორც "ოლიმპის" ქრონიკული წაგებებია უჩვეულო და უცნაური: გასაგებია, რომ გუნდს დისკვალიფიკაციის გამო წამყვან ფეხბურთელთა ჯგუფი ვერ ეხმარება, მაგრამ სეზონში ათი წაგება მაინც მეტისმეტად მიგვაჩნია. ცნობისთვის: წინა ოთხი ჩემპიონატის განმავლობაში რუსთავული კლუბი 15-ჯერ დამარცხდა, ახლა კი, ერთი სეზონის განმავლობაში - ათჯერ...</p><p>სოსო ფილია უმაღლეს ლიგაში მომუშავე მწვრთნელებს შორის ყველაზე გამოცდილია და უმაღლეს ლიგაში გარკვეული წლების შემდეგ დაბრუნებულმა სპეციალისტმა მშობლიურ გუნდს გადარჩენის შანსი დაუტოვა. სხვათა შორის, - სამწვრთნელო საქმეს დაბრუნებულმა ფილიამ პირველი მატჩი სწორედ "ოლიმპთან" ჩაატარა (16 მარტს) და მაშინ ქულა მოაპოვებინა "კოლხეთს"; ახლა კი როგორც ხედავთ, უფრო მეტსაც მიაღწია და ფოთელებმა საჭიროზე-საჭირო გამარჯვებით უმაღლეს ლიგაში ადგილის შენარჩუნებისკენ დიდი ნაბიჯიც გადადგეს.</p><p>ისე, ცოტა არ იყოს, ძნელი სათქმელია, როგორ დასრულდებოდა ეს მატჩი, ოპტიმალური შემადგენლობით ეასპარეზა, ან კიდევ მასპინძლებს ჩემპიონატში "მცირეოდენი" მოტივაცია მაინც რომ ჰქონოდათ დარჩენილი...</p><p><strong>დასამახსოვრებელი ფაქტები</strong></p><p>ზედიზედ მეორე ტურია, თავისი გუნდისთვის მნიშვნელოვანი გოლები გააქვს დიმიტრი ტატანაშვილს - "დინამოს" 27 წლის ახალწვეულმა, ისე როგორც წინა მატჩში ("სამტრედიასთან"), ახლაც შეცვლაზე შემოსულმა გამოიჩინა თავი. თუმცა, რატომ გვიკვირს - სამი წლის წინ, როცა ტატანაშვილი "ამერში" თამაშობდა და ამ გუნდის საუკეთესო ბომბარდირიც გახლდათ, 13 გოლიდან 9 შეცვლაზე შემოსულმა გაიტანა!</p><p>ახალწვეულები ვახსენეთ და ლევან მდივნიშვილზეც უნდა ვთქვათ, - 28 წლის შემტევი "კოლხეთში" მეორე ეტაპის დასაწყისიდან გამოჩნდა და ოთხი გოლით ფოთელთა გუნდის საუკეთესო ბომბადირიცაა; გამოცდილება არც ლაშა ჯაკობიას დაეწუნება: "სპარტაკის" 30 წლის ახალწვეულმა თავისი ახალი გუნდის შემადგენლობაში, უდავოდ, საუკეთესო შეხვედრა ჩაატარა. ჯაკობიასა და მისი ახალგაზრდა პარტნიორების, 20 წლის თეიმურაზ შონიასა და 19 წლის ბესიკ დეკანოიძის მონდომებით, "სპარტაკმა" უსიამოვნო სერია შეწყვიტა: გუნდს 3 მარტის მერე არ ჰქონდა მოგებული.</p><p>დაბოლოს, რამდენიმე ახალგაზრდაზეც: უმაღლეს ლიგაში სადებიუტო გოლი გაიტანა 19 წლის აკაკი დვალიშვილმა ("სამტრედია"); ამას გარდა, არცთუ "ჩვეულებრივ" ამბად მიგვაჩნია ის ფაქტიც, რომ 16 წლის ბიჭებიც ნელ-ნელა უშინაურდებიან უმაღლეს ლიგას: გურამ სამუშია, ავთანდილ ენდელაძე ("ორივე-"ბაია") და გიორგი აბურჯანია ("ოლიმპი").</p>
-
მამუკა
ორი დღის უკან სამთავროში ვიყავი და გოდერძის საფლავზე ამოხეთქილ კრავს მოვეფერე. ისიც კრავი იყო,უანგარო სიყვარულისა და სიკეთისათვის შეწირული კრავი...
VIDEO | ეროვნული ლიგა | იბერია 1999 1-2 დინამო (თბ). ლიდერობის ტოლფასი 3 ქულა
"დილამ" ნახევარმცველი დაიმატა, რომელსაც ისრაელის ნაკრებში უთამაშია
VIDEO | ეროვნული ლიგა | სპაერი 1-4 დილა. ფეხბურთი, რომელიც ერთ ტაიმს ეყო
I ტური დასრულდა: კსუ კავკასიას დამაჯერებელი გამარჯვება და ორბის წარმატებული გასვლა თელავში
ქართველი მსაჯები უეფას ერთა ლიგის მატჩს მოემსახურებიან
[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს
[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია
ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა
"მესი თუ რონალდო?" - მიულერმა არჩევანი გააკეთა
"ეს ნორმალური ნამდვილად არ არის" - დე ლა ფუენტე ხორვატიის გამანადგურებელ მარცხს გამოეხმაურა
ზესტაფონის მარგვეთმა გორში ივერიონს მოუგო
"შავი ლომი" | ახალი სახეებით "ჩიტასთან"
უკრაინელი მწვრთნელი: ბრიტანელებმა ჩვენი სუსტი ადგილი მოძებნეს
"საქართველოსთან ვდომინირებდით - უკრაინასთან შურისძიება გვმართებს" - უნგრელი ფეხბურთელი
U19 | საქართველო 2:2 ლატვია
ნაკრები ბელფასტში გაემგზავრა - გუნდს ერთი ფეხბურთელი გამოაკლდა
საქართველოს ნაკრების ფეხბურთელები: საკუთარ თავში უნდა ვიპოვოთ ძალები, რომ პირველ რიგში გამოვასწოროთ ჩვენი თამაში
ფუტსალი | 19-წლამდე ნაკრების მეტოქეები ცნობილია
საქართველოს ნაკრები ეიფორიიდან ჩიხში! - რატომ არაა კვარაცხელია სობოსლაი?
"ეს ბევრ რამეზე მეტყველებს" - ბასტონი საფრანგეთთან მატჩის შემდეგ
"ჩემთვის ყველაფერი ნათელია" - ლუნინმა "ოქროს ბურთის" ფავორიტი დაასახელა
"ალბათ რამე მეც მერგება" - კუკურელიამ "ოქროს ბურთზე" ისაუბრა
"ლომებმაც კი იციან, ნადირობა როდის მთავრდება" - იბრაჰიმოვიჩმა რონალდო გააკრიტიკა