კიდევ 80 000 000 "გაზპრომისგან"!

რა უნდოდათ "შალკეს" ბოსებს პუტინთან? რა თქმა უნდა, ფული! პრინციპში, ეს სეზონი „შალკესთვის“ მაინც ძალიან წარმატებულად უნდა ჩაითვალოს. მართალია, ლევან ყენიას გუნდმა ბუნდესლიგაში ძალიან ცუდად იასპარეზა და სეზონის მიწურულამდე ელიტაში ადგილის შენარჩუნებაც კი არ ჰქონდა განაღდებული (არადა, „შალკე“ შარშან ვიცე-ჩემპიონი გახდა), სამაგიეროდ, გელზენკირხენელები გერმანიის თასის ფინალში გავიდნენ, სადაც შაბათს მეორე ბუნდესლიგის წარმომადგენელ „დუისბურგს“ ეთამაშებიან და რაც ყველაზე მთავარია, ჩემპიონთა ლიგის ნახევარფინალში ითამაშეს.ამ სენსაციურმა წარმატებამ „შალკეს“ ბევრი ფული აშოვნინა, ფული კი, გელზენკირხენელებს ძალიან სჭირდებოდათ, რადგან აგერ უკვე ორი წელია, ვალებში იხრჩობიან. ამ თვალსაზრისით მთავარ წარმატებას გუნდმა გუშინ მიაღწია, როცა გადაწყდა, რომ გენერალური სპონსორი, რუსული ნავთობ-გიგანტი „გაზპრომი“ „შალკესთან“ ახალ კონტრაქტს აფორმებს. ძველ ხელშეკრულებას ვადა 2012 წელს ეწურებოდა, ახალი კონტრაქტის მიხედვით კი, „გაზპრომი“ „შალკეს“ გენერალური სპონსორი 2017 წლამდე იქნება. რუსულ გიგანტს თანამშრომლობის გაგრძელებაზე გელზენკირხენული კლუბის შეფები, სამეთვალყურეო საბჭოს თავმჯდომარე კლემენს ტიონიესი და ფინანსური დირექტორი პეტერ პეტერსი შეუთანხმდნენ.„ბილდის“ ინფორმაციით, „გაზპრომი“ „შალკეს“ 2017 წლამდე, ყოველწლიურად 16 მილიონ ევროს გადაურიცხავს, რაც იმას ნიშნავს, რომ ტიონიესმა და პეტერსმა 80-მილიონიან კონტრაქტს გამოჰკრეს ხელი. და ეს ყველაფერი არ არის: ამ თანხას ხომ სხვადასხვა წარმატებებისთვის გათვალისწინებული პრემიები დაემატება და დიდი შანსია, რომ „გაზპრომისგან“ საერთო შემოსავალმა 100 მილიონსაც გადააჭარბოს. ცნობისათვის, რუსები „შალკეს“ აქამდე ყოველწლიურად მხოლოდ 12.5 მილიონ ევროს უხდიდნენ.ტიონიესი და პეტერსი მოსკოვში ორშაბათს გაფრინდენ, სამშაბათს კი „გაზპრომის“ შეფ ალექსეი მილერთან გამართეს მოლაპარაკებები. საღამოს, „შალკეს“ შეფები თვით რუსეთის პრემიერმინისტრმა ვლადიმირ პუტინმაც მიიღო...„თანამშრომლობით ორივე მხარე ძალიან კმაყოფილია. „გაზპრომი“ საფეხბურთო გერმანიაში დღეს ყველაზე ცნობილი სპონსორია. ძალიან გამიკვირდა და გამიხარდა ის, რომ თურმე ვლადიმირ პუტინმა „შალკეს“ შესახებ ძალიან ბევრი რამ იცის,“ - აცხადებს ტიონიესი.„შალკესა“ და „გაზპრომს“ შორის ახალი კონტრაქტი ოფიციალურად ორ კვირაში გაფორმდება და თუ გელზენკირხენული კლუბი გერმანიის თასს მოიგებს და ევროპის ლიგის საგზურს მოიპოვებს, რუსები ხელშეკრულებას კიდევ უფრო გაუმჯობესებული კონდიციებით გააფორმებენ. სხვათა შორის, „გაზპრომს“ სანკტ პეტერბურგის „ზენიტისთვის“ ახალი სუპერ-სტადიონის აშენება უნდა და „ბილდის“ ინფორმაციით, პუტინს „შალკეს“ შეფებისთვის დახმარება უთხოვია - გელზენკირხენის „ფელტინს არენა აუფ შალკე“ ხომ ევროპის ერთერთი საუკეთესო სტადიონია და რუსებსაც სწორედ ასეთის აშენება სურთ.

"გერმანია არასაკმარისად თეთრი" და "არასაკმარისად გერმანულია"? - კლოპმა კრიტიკოსებს უპასუხა

ახალი კონტრაქტი ოლისეს - ფრანგი "ბაიერნში" შესაძლოა, ყველაზე მაღალანაზღაურებადი ფეხბურთელი გახდეს

გადაიხდის "ბაიერნი" ჰოლანში 220 მილიონს?

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა

"მესი თუ რონალდო?" - მიულერმა არჩევანი გააკეთა

ზესტაფონის მარგვეთმა გორში ივერიონს მოუგო

U19 | საქართველო 2:2 ლატვია

საქართველოს ნაკრების ფეხბურთელები: საკუთარ თავში უნდა ვიპოვოთ ძალები, რომ პირველ რიგში გამოვასწოროთ ჩვენი თამაში

ფუტსალი | 19-წლამდე ნაკრების მეტოქეები ცნობილია

საქართველოს ნაკრები ეიფორიიდან ჩიხში! - რატომ არაა კვარაცხელია სობოსლაი?

"ეს ბევრ რამეზე მეტყველებს" - ბასტონი საფრანგეთთან მატჩის შემდეგ

"ალბათ რამე მეც მერგება" - კუკურელიამ "ოქროს ბურთზე" ისაუბრა

ბათუმმა სუპერლიგის გასხნით მატჩში ქუთაისი ბოლო წამებზე 80:77 დაამარცხა

საფრანგეთი და იტალია დაზავდნენ, ბელგიამ თურქეთი დაამარცხა

როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?

[VIDEO] ისევ უგოლოდ - საქართველოს ნაკრები უნგრეთთან დამარცხდა და 1 ქულით აუტსაიდერია

უნგრეთთან მატჩში საქართველოს ნაკრების შემადგენლობა ცნობილია

რაფინია მძიმე ტრავმას გადაურჩა

ოლმოს ხორვატიაში დაბრუნება სურს

სიომინი: ხვიჩა "ოქროს ბურთის" ნომერი პირველი პრეტენდენტია

საქართველო, პორტუგალია, რუმინეთი და ესპანეთი ოთხი ერის ალიანსს აფუძნებენ

ფელიქსს "ბარსელონაში" დაბრუნება სურს