- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
უპასუხო კითხვები სამბისტების ევროპრესკონფერენციაზე
<p>სოფიაში ჩატარებულ ევროპის 30-ე ჩემპიონატზე ქართველმა სამბისტებმა 6 მედალი მოიპოვეს <br> სოფიაში ჩატარებულ ევროპის 30-ე ჩემპიონატზე ქართველმა სამბისტებმა 6 მედალი მოიპოვეს - 1 ოქრო, 2 ვერცხლი და 3 ბრინჯაო. კონტინენტის წლევანდელი ჩემპიონი უშანგი კუზანაშვილია (57), ვიცე-ჩემპიონის ტიტული კახა მამულაშვილმა (74) და მინდია ბოდაველმა (90) მოიპოვეს, მესამე პრიზიორები კი ბექა იმერლიშვილი (68), ნიკოლოზ კუცია (82) და მირიან პავლიაშვილი (100) გახდნენ, გუნდურ ჩათვლაში კი მესამეზე გავედით.</p><p>გუშინ სპორტისა და ახალგაზრდობის საქმეთა სამინისტროში პრესკონფერენცია გამართა ნაკრების ხელმძღვანელობამ. გუნდის თავკაცმა ოლეგ იაძემ დასაწყისშივე აღნიშნა, რომ ასპარეზობას, რომელსაც პასუხისმგებლობით მოეკიდა ადგილობრივი ხელისუფლება, სოფიის საუკეთესო სპორტკომპლექსმა "უნივერსიადამ" უმასპინძლა. ერთი უსიამოვნო ტენდენციისგან არც ეს ჩემპიონატი ყოფილა დაზღვეული. მონაწილეთა კლების პროცესი კვლავაც გაგრძელდა და ამჯერად მხოლოდ 21 ნაკრები გამოდიოდა. იაძის თქმით, ამას ყველა ქვეყანა შეუშფოთებია, კლების მიზეზად კი რუსთა მიდგომა დაასახელა, რომლებიც მართლაც ცუდად უფათურებენ ხელს სამბოში. აქაოდა, სპორტის რუსული სახეობააო, ისინი მესაკუთრესავით იქცევიან და ყველაფერს თავისი ინტერესებით ჭრიან.</p><p>რუსებს თურმე ყველაზე მეტად გუნდურ პირველობაში დამარცხების საფრთხე აშინებთ და ამიტომ არ ეთმობათ მართვის სადავეები. ეტყობა, მათი ასეთი მიდგომა ყველას ამოუვიდა ყელში და სამართლიანობის პრინციპის დაცვაზე, სახეობის შემდგომ განვითარებაზე ჩემპიონატის დაწყებამდე გამართულ აღმასკომზე სერიოზული მსჯელობა ყოფილა.</p><p>ჩვენი მოჭიდავეების გამოსვლაზე იაძემ ჩვეულებრივად ამომწურავად ისაუბრა და არც იუმორი დაუკლია. მაგალითად, კუზანაშვილზე, რომელიც პირველად ჭიდაობდა ახალ წონაში, განაცხადა: ისეთი სტილის მოჭიდავეა, რომც დაკარგოს ქულები, მაინც იმედიანად ვარ, ვიცი, აუცილებლად გააბათილებს ჩამორჩენას, რადგან არ უჭირს ქულების მოპოვება, თუმცა ამჯერად ნამეტანი მოუვიდა - სამივე შეხვედრა თითოქულიანი სხვაობით მოიგო და იმდენი მანერვიულა, ლამის შაქარი დამმართაო. აღსანიშნავია, რომ ეს კუზანაშვილის მეოთხე ევროჩემპიონობაა და ამ მხრივ რეკორდსმენი გახდა ქართველებში.</p><p><strong>მწვრთნელის შეფასებები</strong></p><p>ვიცე-ჩემპიონთაგან განსაკუთრებული სინანული მამულაშვილის წაგებაზე გამოთქვა, რადგან ფინალამდე ბევრად უფრო ძლიერ ფალავნებს მოუგო. მათ შორის, რუს ევროპისა და მსოფლიოს ჩემპიონ ალექსეი შაროვს, ვისთანაც ადრე რამდენჯერმე წაუგია, და უკრაინელ დმიტრო ბაბიჩუკს, ვისთანაც შარშან ევროპის ფინალი დათმო. მაშინ შემჩნევით დამარცხდა მასთან, ახლა კი სუფთად მოუგო - 13:0.</p><p>მამულაშვილმა ფინალი ბელარუს სტეფან პოპოვთან წააგო, ვისაც ადრე სისტემატურად ამარცხებდა. იაძე მიიჩნევს, რომ მას ფინალის შიში აქვს და ამიტომ აგებს გადამწყვეტ ეტაპს. არ ვიცი, ამ დროს 1000-ლარიან ხელფასზე ფიქრობს თუ რა ემართება, მაგრამ ვატყობ, საჭიდაოდ განწყობა უჭირსო, თქვა მწვრთნელმა.</p><p>რაც შეეხება ბოდაველს, ის ბელარუს ანდრეი კაზუსიონაკთან დამარცხდა, რომელიც სამბოსა თუ ძიუდოში ამ წონის ერთ-ერთი ლიდერია. ეს წაგება იაძემაც მეტოქის საჭიდაო სტილის შეუსწავლელობით ახსნა და თურმე სპორტსმენიც ასე ფიქრობს. ორივე დარწმუნებულია, რომ მსოფლიოზე რევანში შედგება.</p><p>მწვრთნელმა ქების სიტყვები არ დაიშურა ახალგაზრდა კუციას მიმართ, ხოლო მისი მარცხი მომავალ ვიცე-ჩემპიონთან, ბელარუს ალექსეი სტეფანკოვთან მსაჯებს დააბრალა. კუციამ მინსკში გამართული ევროპის შარშანდელი პირველობაც ბელარუსთან წააგო, თუმცა მაშინ არბიტრთა მიკერძოების გამო იქაური ფედერაციის პრეზიდენტს ბოდიშიც კი მოუხდია. იაძეს საყვედური არც პავლიაშვილზე უთქვამს იმის მიუხედავად, რომ ხშირად აკრიტიკებს მას. ამ კაცმა იმდენი კი დაიმსახურა, ძიუდოისტებზე წინ დავაყენო და ტურნირებზე წავიყვანო, სხვა თუ არაფერი, მისი მოგვერდები და ლამაზი ჭიდაობა ღირს ამადო, განაცხადა და თან დასძინა, ბრინჯაოსთვის შეხვედრაში რუმინელ იოან ნედელკუს სამჯერ ჩაუტარა მოგვერდი და დარბაზის ოვაცია დაიმსახურაო.</p><p>იმერლიშვილის ევროპაზე წასვლა იმთავითვე საკამათო იყო, რადგან აქ პრეტენზიას ევროპისა და მსოფლიოს შარშანდელი ვიცე-ჩემპიონი ლევან ნახუცრიშვილიც აცხადებდა. საბოლოოდ საქმე იმერლიშვილის სასარგებლოდ იმან გადაწყვიტა, რომ მოსამზადებელ ეტაპზე მოიგო სამი უძლიერესი შეჯიბრება - არმავირში, მოსკოვსა და ასტანაში, ნახუცრიშვილმა კი მხოლოდ ყაზახეთში იჭიდავა და იქაც წააგო. თან ჯერ კიდევ სტკივა შარშან ნატკენი ხელი. იაძე იმერლიშვილის ჭიდაობით უკმაყოფილო არაა, მაგრამ მსოფლიოზე მაინც ნახუცრიშვილის წაყვანას გეგმავს.</p><p>ასევე გარიგება ყოფილა 62 კილოგრამშიც დავით სვიმონიშვილსა და ნესტორ ხერგიანს შორის - რაკი სვიმონიშვილი სოფიაში დამარცხდა, იაძემ გადაჭრით განაცხადა, რომ მსოფლიოს ხერგიანი იჭიდავებს. თუმცა ამ შემთხვევაში საქმე შედარებით მარტივადაა, რადგან სვიმონიშვილმა წააგო და მწვრთნელთა მოწონება ვერ დაიმსახურა, იმერლიშვილს კი ურიგოდ არ უჭიდავია. სვიმონიშვილს იაძე თურმე ჯერ კიდევ ვარჯიშებზე ატყობდა, მთლად სასურველ ფორმაში რომ ვერ იყო.</p><p>მწვრთნელს წაგებისთვის არ გაუკრიტიკებია დებიუტანტი დიმიტრი მულაძე (52), რადგან ორივე შეხვედრა მინიმალური სხვაობით დათმო. აღნიშნა მისი შრომისმოყვარეობა და თქვა, კარგია, მეტოქეს არაფერს რომ არ უთმობს, მაგრამ თვითონაც უნდა აართვას ქულებიო.</p><p><strong>გია გალდავამ სათქმელი თქვა</strong></p><p>სამბოს პოპულარიზაციასთან დაკავშირებით სპორტის მინისტრის მოადგილე გია გალდავამ გაიხსენა რამდენიმე წლის წინანდელი ამბავი, როცა თურმე სამბოს საერთაშორისო ფედერაციას გაერთიანება ჭიდაობის საერთაშორისო ფედერაციამ შესთავაზა და სანაცვლოდ ოლიმპიადის პროგრამაში ორი წონითი კატეგორიის შეტანასაც დაჰპირდა ჭიდაობის ხარჯზე, მაგრამ რატომღაც სამბისტებს თავი შეუკავებიათ.</p><p>იაძემ სპორტსმენთათვის უცხოურ ტურნირებზე განკუთვნილი ყოველდღიური სახარჯო ფულის განაწილების პრინციპის შეცვლაც ითხოვა. მისი თქმით, მოჭიდავეებს ეს ფული მალევე შემოეხარჯათ და მერე ჯიბის ფულის გარეშე, უჭმელ-უსმელნი დარჩნენ. ამიტომ მათთვის გადაცემას, მე ჩავიბარებ და გამოვუზოგავო, რაზეც პასუხად გალდავამ მიუგო, მაგის უფლებას კანონი არ გვაძლევს, თუმცა უფრო მოქნილი სისტემის შემუშავება კი შეიძლებაო.</p><p>გალდავამ იქვე ერთი დამახასიათებელი მაგალითიც მოიყვანა - თურმე მავანი ფედერაციის ხელმძღვანელი, ახლო წარსულში თავადაც მოქმედი სპორტსმენი, ამ ფულს თვითონ იღებდა, სპორტსმენებმა კი ამ თანხის შესახებ არაფერი იცოდნენ! არ გამოვრიცხავთ, ასეთი ფაქტები სხვაგანაც ხდება. სამწუხაროდ, გალდავამ კონკრეტული გვარი არ დაასახელა, თუმცა ვფიქრობთ, ასეთები საჯაროდ უნდა ამხილონ და მაშინ იმავეს სხვები ვერ გაბედავენ.</p><p>იაძემ ორი, ქართული რეალობისთვის ასევე დამახასიათებელი მანკიერებაც წარმოაჩინა. თურმე სამინისტროში ან სხვა უწყებებში მავანი გამგებლები და სხვა რანგის ჩინოვნიკები რეკავენ და ამა თუ იმ სპორტსმენის ნაკრებში დაყენებას ითხოვენ! ესეც აუცილებლად აღსაკვეთი ტენდენციაა, იმ გამგებლებსა თუ სხვა რიგის სახელმწიფო მოხელეებს კი ვიღაცამ უნდა აუხსნას, რომ მათი მოვალეობა კანონის განუხრელი დაცვაა და არა მისი დარღვევა; რომ თანამდებობა კანონზე და სამართლიანობაზე გადახტომის ნებას არ აძლევთ... იაძემ ყურადღება იმაზეც გაამახვილა, რომ წლეულს ილიას უნივერსიტეტში (მოგეხსენებათ, მას შეუთავსეს სპორტის გაუქმებული აკადემიის ფუნქცია) სამბოს მწვრთნელობაზე აბიტურიენტთა მიღება საერთოდ არ ყოფილა. მოგვიანებით განმარტეს, რომ ამ მდგომარეობაში თურმე კიდევ რამდენიმე სახეობა აღმოჩნდა, მაგრამ გალდავას თქმით, ამაზე კონსულტაციები უკვე გაიარეს და გაისად პრობლემა მოიხსნება. უნივერსიტეტი ავტონომიური ერთეულია, მაგრამ მაინც ჩნდება კითხვა - უთანხმებენ კი ასეთ გადაწყვეტილებებს განათლების ან სპორტის სამინისტროს?</p>
-
unown
ოლეგ იაძის გარეშე ქართული სამბო მკვდარია!!!!
ისტორიული შედეგი - ქართველმა სამბისტებმა ევროპირველობაზე 13 მედალი მოიპოვეს
ლერი აბულაძე მსოფლიოს ჩემპიონი გახდა [VIDEO]
"ნუ გადავიტანთ ამ ყველაფერს პოლიტიკურ ჭრილში" - სამბოს ფედერაცია განცხადებას ავრცელებს
"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის
ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის
სანდრო ალთუნაშვილი "ჰაპოელის" ფეხბურთელი გახდა
ოფიციალურად - "ლიონმა" "რეალისგან" ენდრიკი ინათხოვრა
სპორტის სამინისტრომ 2025 წლის საუკეთესო სპორტსმენები დაასახელა
პსჟ-ს ტრავმის გამო შემტევი გამოაკლდა
ლევან კობიაშვილმა ფიფას კომიტეტის სხდომას უხელმძღვანელა
ტიკნიზიანი: სომხეთის დედაქალაქი მაიამია - ყოველ სომეხს აშშ-ს პასპორტი უნდა ჰქონდეს
პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული
18-წლამდელთა ნაკრები გიორგი ნემსაძემ ჩაიბარა
წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს
მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს
"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე
"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა
"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე
გვარდიოლას გვარდიოლის დიდი ხნით შენარჩუნება უნდა - "სიტი" იოშკოსთან ახალ კონტრაქტზე მუშაობს
[PHOTO] მხოლოდ პირსახოცით - "შახტარის" ფეხბურთელის მეუღლის მიერ სააბაზანოდან გამოქვეყნებულ თამამ ფოტოებს დიდი აჟიოტაჟი მოჰყვა
ზირკზე კვლავ სერია A-ში? - მოლაპარაკებები უკვე დაწყებულია
[VIDEO] ბითაძის 14 წუთი - "გოლდენ სტეიტმა" "ორლანდო მეჯიქი" დაამარცხა
მორიგი გუნდი 58 წლის ასაკში - კაზუიოში მიურა პროფესიონალური ფეხბურთის თამაშს აგრძელებს