<p>ფინეთის ქალაქ ვანტააში 12 სექტემბერს, ძიუდოში ევროპის ახალგაზრდულ ჩემპიონატზე ეთერ ლიპარტელიანი ოქროს მედლის მფლობელი გახდა.</p><p>ქართველმა სპორტსმენმა ფინალამდე ხორვატ დორა ბორტასს, ჰოლანდიელ პლეუნი კორნელისს და გერმანელ სეია ბალჰაუსს სძლია, გადამწყვეტ ბრძოლაში კი იტალიელ სილვია პელიტერის ასევე იპონით მოუგო.</p><p>ქართული ძიუდოს ისტორიაში ლიპარტელიანი პირველი ქალია, რომელმაც ევროპის ჩემპიონატზე ახალგაზრდებს შორის ოქროს მედალი მოიპოვა. იგი 23 სექტემბერს 20 წლის ხდება და აღსანიშნავია, რომ საკუთარ დაბადების დღეს ევროპის ჩემპიონის სტატუსით პირველად ხვდება.</p><p>რა გზა გამოიარა ჩემპიონობამდე ახალგაზრდა ქართველმა ძიუდოისტმა და როდიდან დაუკავშირა საკუთარი მომავალი სპორტის ამ სახეობას, ამ და სხვა საინტერესო კითხვებზე Sportall.ge-ს თავად სპორტსმენი პასუხობს.</p><p><strong>- ეთერ, რა განცდა გქონდა ბრძოლის წინ, ელოდი, რომ ჩემპიონი გახდებოდი? როგორი გრძნობაა, როცა საკუთარი ქვეყნისთვის გამარჯვება მოგაქვს?</strong></p><p>- განცდა არ მქონია, უბრალოდ ძალიან მინდოდა, რომ მომეგო; ძალიან მინდოდა, რომ ჩემპიონი გავმხდარიყავი და რა თქმა უნდა, ველოდი გამარჯვებას.</p><p><p><p>ბედნიერებით ვივსები ყოველი გამარჯვების დროს. ძალიან ბედნიერი ვარ, როდესაც უცხოეთში საქართველოს ჰიმნს ვაჟღერებთ და ჩვენი დროშა ყველაზე მაღლაა. ამაყი ვარ, რომ პატარა ქვეყანა სჯობნის ისეთ ქვეყნებს, როგორებიც არის რუსეთი, გერმანია, ჰოლანდია და კიდევ ძალიან ბევრი ქვეყნის წარმომადგენელს.</p></p></p><p><p><p><strong>- როდიდან დაინტერესდი ძიუდოთი? ვისი ინიციატივით დაიწყე სპორტის ამ სახეობაზე სიარული?</strong></p></p> - ძიუდოთი დავინტერესდი 8 წლის ასაკში, ვარჯიშიც დავიწყე ჩემს ოცნებებთან ერთად, ჩემი ინიციატივით. ძალიან ცელქი და სპორტული ბავშვი ვიყავი. ლენტეხში ვცხოვრობდით, ქვემო სვანეთში. იქ მყავდა ძმაკაცები და მათთან ერთად დავიწყე ძიუდოზე სიარული.</p><p><strong>- როგორ შეხვდნენ შენს გადაწყვეტილებას მშობლები?</strong></p><p>- ჩემმა გადაწყვეტილებამ დედას გული ძალიან დასწყვიტა, რადგან არ უნდოდა, გოგოს ასეთ ძლიერ სპორტზე მევლო. თან სვანებიც ცოტა მკაცრები არიან, სულ მეუბნებოდნენ, რა უნდა გოგოს ძიუდოზეო, მაგრამ მე მაინც დაჟინებით ვუმეორებდი, რომ ბოლომდე გავყვებოდი. ჩემი სურვილების ასრულებაში ხელი ძალიან შემიწყვეს მამამ და ბიძაჩემმა. 10 წლის ვიყავი, სვანეთიდან რომ წამომიყვანეს. რუსთავში ვცხოვრობდი და იქიდან დავდიოდი თბილისში სავარჯიშოდ, ბიძაჩემი კი სულ თან დამყვებოდა, სულ მამხნევებდა და ხელს მიწყობდა ყველანაირად. მისი დამსახურებაა, რომ მე დღეს წარმატებული ძიუდოისტი ვარ.</p><p><p><p><strong>- გვესაუბრე შენი მწვრთნელის შესახებ...</strong></p></p> <p><p>- 10 წლის ასაკიდან სულ თან დამყვება ჩემი პირადი მწვრთნელი კახაბერ მოცრაძე. ფაქტობრივად, ჩვენ, სპორტსმენებს უფრო დიდ დროს გვითმობს, ვიდრე თავის ოჯახს. ახლა მასთან ერთად ჩემი პირადი მწვრთნელია, გია თენაძე. ეს ორი ადამიანი ყველაფერს აკეთებს იმისთვის, რომ დიდი სპორტსმენები გავხდეთ და ამასთან ერთად, ადამიანებად ჩამოვყალიბდეთ. მადლობა მინდა გადავუხადო მათ და მათთან ერთად ყველას, ვინც წვლილი შეიტანა ჩემს წარმატებაში.</p></p></p><p><strong>- ძიუდოს გარდა, კიდევ რითი ხარ დაინტერესებული?</strong></p><p>- ძიუდოს გარდა, კიდევ ფეხბურთით, კალათბურთით და მეკლდეურობით ვარ დაინტერესებული. თავისუფალ დროს დავდივარ ხოლმე ცოცვის დარბაზში ავთო ქურასბედიანთან. იგი ხელს მიწყობს და მეხმარება ყველაფერში.</p><p><p><p><strong>- რადგან გოგო ხარ, ამის გამო ხომ არ გირჩევდნენ, სხვა პროფესიას გაჰყოლოდი?</strong></p></p> - მირჩევდნენ, ცეკვას გავყოლოდი, რადგან ძიუდოს დაუფლება ძნელია. ყველას ეგონა, რომ არაფერი გამომივიდოდა.</p><p><p><p><strong>- ახალგაზრდა სპორტსმენი ხარ, როგორია შენი სამომავლო გეგმები?</strong></p></p> - გეგმები დიდი მაქვს. მთავარია, როგორ განვახორციელებ. მინდა ოლიმპიური ლიცენზია მოვიპოვო და ჩემი მაქსიმუმი გამოვავლინო ოლიმპიადაზეც.</p><p><p><p><strong>- რა დროს უთმობ ვარჯიშს?</strong></p></p> - 3-4 საათს ვუთმობ ძიუდოს, ზოგჯერ უფრო მეტს, 6 საათსაც. ეს მაშინ ხდება, როდესაც დღის განმავლობაში 2-3ჯერ გვიწევს ვარჯიში.</p><p><p><p><strong>- რა რეაქცია აქვს დედ-მამას, როცა შენს ასპარეზობას ადევნებენ თვალს? ეთერ, რამდენი დედმამიშვილი გყავს?</strong></p></p> <p><p>- ძალიან ნერვიულობენ. ამიტომ, რომ არ ვანერვიულო, ზოგჯერ არც ვეუბნები რომ ვჭიდაობ. ორი და მყავს და ერთი ძმა.</p></p></p><p><p><strong>რუსკა კილასონია, სპეციალურად Sportall.ge-სთვის</strong></p><p><br></p>
ტერეზა მეი
ყოჩაღ, ეთერ! შენ იცი, ისახელე თავი და ასახელე საქართველო. ძალიან გგულშემატკივრობ :)
tamta
ეთო კარგი გოგო ხარ. გვეამაყები!
Alexandre
გაიხარე,შვილო. გილოცავ ჩემპიონობას. 5 წლის მერე მოგველოცოს ოლიმპიური ჩემპიონობა. გაისად კი... პრიზიორობა. გაახარე შენი ოჯახი და მთელი საქართველო.
ბართა
ღმერთი იყოს შენი მფარველი, შვილო! კიდევ მრავალ და გრანდიოზულ წარმატებას გისურვებ. ღირსი ხარ ნამდვილად.
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
[VIDEO] საქართველოს ძიუდოისტთა ნაკრებმა ევროპის ჩემპიონატზე ვერცხლის მედალი მოიპოვა
საქართველოს ძიუდოისტთა ნაკრები ევროპის გუნდური ჩემპიონატის ფინალშია!
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
არის ოქრო! - ლიპარტელიანი ლოზანის გრანდ-სლემის გამარჯვებულია
[VIDEO] დომინანტურად - ეთერ ლიპარტელიანი მსოფლიო ჩემპიონატის ნახევარფინალშია
[VIDEO] ლიპარტელიანი ოქროს ზედიზედ მეორედ შეუტევს! - ეთერი მსოფლიო ჩემპიონატის ფინალშია
[VIDEO] სამწუხარო მარცხი დამატებით დროში - ეთერ ლიპარტელიანმა მსოფლიო ჩემპიონატზე ვერცხლის მედალი მოიპოვა
მსოფლიო ჩემპიონატზე საქართველოს ძიუდოისტთა ნაკრების შემადგენლობა ცნობილია
"ბევრმა არ იცის, რა მდგომარეობაში იყო შეჯიბრებამდე" - ლიპარტელიანმა სომხიშვილზე ისაუბრა