სიტუაცია იძაბება

NHL. პლეი ოფი. 1/2 ფინალი "ვანკუვერ კენაქსს" არ გამოუვიდა იოლი გასეირნება "სან ხოსესთან" სერიაში. მესამე მატჩის მოგების შემთხვევაში კანადელები პრაქტიკულად სტენლის თასის ფინალში იქნებოდნენ, მაგრამ "შარქსმა" გაქვითა სერიაში ანგარიში და ბრძოლის შანსი დაიტოვა.მასპინძლებმა დებიუტშივე სცადეს მატჩის ბედი გადაწყვეტა და ეს თითქმის გამოუვიდათ. ამაში მეტოქე ჰოკეისტების გაძევებები და მეკარე ლოუნგოს არადამაჯერებელი თამაში დაეხმარათ. "ზვიგენების" კაპიტანმა ჯო ტორნტონმა ორი ბრწყინვალე პასით ორი გოლი გაატანინა პატრიკ მარლოს, მის გოლებს შორის ერთხელ თავი ქლოუმ გამოიჩინა.3:0 დაწინაურების შემდეგ "სან ხოსემ" ისევ ჩართო თვითლიკვიდაციის რეჟიმი. მეორე პერიოდში მასპინძლები ერთმანეთის მიყოლებით ტოვებდნენ მოედანს გაძევებების გამო. "შარქსს" გაუმართლა, როცა "ვანკუვერმა" ორჯერ ვერ გამოიყენა ორით მეტი ჰოკეისტი. შემდეგ იყო მესამე პერიოდი, რომელსაც "სან ხოსე", როგორც წესი, კოშმარულად ატარებს, თუმცა ამჯერად გაუმართლა, რადგან მეტოქემ კარგი საჩუქარი გაუკეთა. მას შემდეგ, რაც ბაროუზმა ერთი შაიბა გაქვითა, მან და კესლერმა 25 წამის ინტერვალით 2-წუთიანი ჯარიმები მიიღეს და დენ ბოილმა რიცხობრივი უპირატესობა გამოიყენა - 4:1."სან ხოსემ" მაინც ვერ აიცილა თავიდან ნერვული დასასრული. მე-12 წუთზე "ზვიგენების" ფორვარდმა ჯეიმი მაკგინმა ზურგში ჩასცხო "კენაქსის" მცველ აარონ როუმს, რომელიც მოედნის დამცავ ბარიერს თავით დაეჯახა. ის გასახდელში საკაცით გაიყვანეს, მაკგინმა კი ხუთწუთიანი ჯარიმა და მატჩის ბოლომდე გაძევება დაიმსახურა.ეს ხუთწუთიანი რიცხობრივი უპირატესობა "ვანკუვერმა" მაქსიმალურად ეფექტურად გამოიყენა - ორი შაიბა გაიტანა. ასე რომ, "შარქსისთვის" ბოლო ექვს მატჩში მესამე პერიოდების საერთო ანგარიში 5:17 გახდა. თუმცა უფრო მეტის გაკეთება "ვანკუვერმა" ვერ შეძლო. ბაროუზისა და კესლერის აქტიურობა ანგარიშის გასათანაბრებლად საკმარისი არ აღმოჩნდა, ძმები სედინები კი, რომლებმაც მეორე მატჩში გაიბრწყინეს, ამჯერად ისევ ჩრდილში მოექცნენ.დასავლეთისან ხოსე-ვანკუვერი 4:33:0, 0:0, 1:3გოლები: 1:0 მარლო-6 (ჯ. ტორნტონი-12, სეტოგუჩი-3), 2:0 ქლოუ-5 (დ. ბოილი-12, ი. უაიტი-8), 3:0 მარლო-7 (ჯ. ტორნტონი-13), 3:1 ბაროუზი-5, 4:1 დ. ბოილი-3 (მარლო-4, ჯ. ტორნტონი-14), 4:2 ჰამჰუისი-1 (ჰ. სედინი-13), 4:3 ბიეკსა-4 (რეიმონდი-6, ჰანსენი-4).სერია: 1-2* * *თითქმის იგივე სცენარით წარიმართა "ტამპა ბეისა" და "ბოსტონის" სერიის მეოთხე მატჩი, ოღონდ იმ განსხვავებით, რომ 0:3-ის შემდეგ "ლაითნინგმა" შეძლო გამარჯვების მოპოვება და სერიაში ანგარიშის გათანაბრება.ტერიტორიული უპირატესობის მიუხედავად, მასპინძლებისთვის თამაში კოშმარულად დაიწყო. დებიუტში "ბოსტონმა" სამივე შაიბა მეტოქის უხეში შეცდომების შემდეგ გაიტანა. მაგალითად, ბრეტ კლარკმა საკუთარ კართან პატრის ბერჟერონს ჩააბარა შაიბა და მან ახლო კუთხეში გაიტანა.როგორც ჩანს, მცველების არადამაჯერებლობა მეკარე დუეინ როლოსონსაც გადაედო. ერთ მომენტში მან კინაღამ ბარიერიდან ასხლეტილი შაიბა გაუშვა, ცოტა ხანში კი ერთი წუთის ინტერვალით მის კარში ორი შაიბა აღმოჩნდა და ვეტერანი მაიკ სმიტით შეცვალეს.თითქოს გი ბუშეს გუნდს გადარჩენის შანსი აღარ ჰქონდა, რადგან "ტამპას" ბევრი არაფერი გამოსდიოდა, მაგრამ მეორე პერიოდში მასპინძლებს მეტოქე დაეხმარა - სტუმრებმა საკუთარი კარის უკან დაკარგეს შაიბა, რომელიც საიმონ განიემ ჩაიგდო ხელში და ტედი პურსელს გაატანინა. ზუსტად ერთ წუთში მანვე მახვილი კუთხიდან გაიტანა და დუბლი შეასრულა. მასპინძლებმა ფსიქოლოგიური უპირატესობა მოიპოვეს და მალე ანგარიში გაათანაბრეს. შონ ბერგენჰაიმმა კარის უკან შაიბა მოპარა კრეისის და თავად დაასრულა შეტევა - 3:3.მესამე გაშვებულმა გოლმა "ბოსტონი" გააქტიურა, მაგრამ როლოსონის შემცვლელი სმიტი კარგად იდგა კარში. მან ჯამში 21 დარტყმიდან ყველა მოიგერია და კარიერაში პირველად მოიგო პლეი ოფის შეხვედრა. ამასობაში, "ტამპამ" პირველად წინ გასვლის შანსი დაკარგა, როცა მელოუნმა ერთი ერთზე გასვლა ვერ გამოიყენა, ცოტა ხანში კი საიმონ განიემ ტიმ ტომასს ახლო მანძილიდან გაუტანა.რა არ სცადა "ბოსტონმა" დარჩენილ დროში ანგარიშის გასათანაბრებლად, მაგრამ სმიტს ვერაფერი მოუხერხა. ბოლო წუთზე კი მარტინ სენტ ლუისმა ცარიელ კარში გაიტანა და შეხვედრას წერტილი დაუსვა - 5:3.აღმოსავლეთიტამპა ბეი-ბოსტონი 5:30:3, 3:0, 2:0გოლები: 0:1 პ. ბერჟერონი-3, 0:2 რაიდერი-5 (კელი-6, ტ. კაბერლე-6), 0:3 პ. ბერჟერონი-4, 1:3 პურსელი-3 (საიმონ განიე-6), 2:3 პურსელი-4 (ოლუნდი-2, ლეკავალიე-11), 3:3 ბერგენჰაიმი-9 (მური-8), 4:3 საიმონ განიე-4 (მელოუნი-3), 5:3 სენტ ლუისი-8 (საიმონ განიე-7, ჰედმანი-6).სერია: 2-2

[VIDEO] საქართველოს დავით ყიფიანის სახელობის თასზე სამი მეოთხედფინალისტი გაირკვა

[VIDEO] ლანჩხუთის "გურიამ" საქართველოს თასის 1/16 ფინალში თბილისის "დინამო" დაამარცხა და შემდგომ ეტაპზე გავიდა!

საქართველოს თასის 1/16-ფინალური მატჩები 25, 26 და 27 ივლისს გაიმართება

ტრაპიზონში საგიჟეთია - სალაჰს 25 ათასი ფანი დახვდა

18-წლამდელები სამხრეთ აფრიკაში ჩავიდნენ

ტყვიის სროლა. დიდი წარმატება ვროცლავში

კვლავ აფრიკაში - ერვე რენარი ნაცნობ ადგილას დასაქმდა

კონტრაქტს ჯერ არ გაუგრძელებენ, მაგრამ რჩება - "ინტერმა" ჩალღანოღლუსთან დაკავშირებით გადაწყვეტილება მიიღო

ხანგლძრივი მოლაპარაკებების შემდეგ, "არსენალმა" ბრუნო გიმარაეში შეიძინა

Hisense წარმოგიდგენთ გზავნილს „ინოვაციები უკეთესი ცხოვრებისათვის“ FIFA-ს 2026 წლის მსოფლიო ჩემპიონატზე

20 წ. | საიმონ კიბლი: საქართველომ გამორჩეულად წარმატებული ტურნირი ჩაატარა

ქართველი მსაჯები ევროპა ლიგის მატჩს განსჯიან

[VIDEO] მძიმე მატჩი, შედეგი სასურველი - "იბერია 1999"-ს მომდევნო რაუნდში გასვლის კარგი შანსი აქვს

"ლარნესთან" მატჩში "იბერია 1999"-ის შემადგენლობა ცნობილია

ნორვეგიის ნაკრების მეკარე "ლაიფციგში" დაბრუნდა

ოფიციალურად: საბა საზონოვი “ხეტაფეს” ფეხბურთელია

ჩატარდება თუ არა დღეს "ლარნესა" და "იბერიას" მატჩი - ქართულმა გუნდმა ინფორმაცია გაავრცელა

ალისონმა მუნდიალის შემდეგ 5 კვირა დაისვენა და "ლივერპულს" დაუბრუნდა

ნიკა ამაშუკელი სამხრეთ აფრიკაში - ხუთი მატჩი "ოლ ბლექსის" ისტორიულ ტურნეზე

გადადის თუ არა ფერან ტორესი პსჟ-ში?

მამისა და შვილის სხვა განცხადება - ნეიმარი ბრაზილიის ნაკრებში კიდევ ითამაშებს?

"რეალმა" ვინისიუსს წლიურ გასამრჯელოდ 22 მილიონი შესთავაზა - ბრაზილიელი მეტს ითხოვს

"ბარსელონამ" ტერ შტეგენი "აიაქსში" გაუშვა