ფავორიტები დღეს იწყებენ

როლან გაროსის ტურნირის მე-19 ნომერი მარინ ჩილიჩი ესპანელ რუბენ რამირეს-იდალგოსთან დამარცხდა და ასპარეზობას გამოეთიშა მამაკაცების ტურნირი იმით დაიწყო, რომ უბრძოლველად დატოვა როლან გაროსი მსოფლიოს ყოფილმა პირველმა ჩოგანმა ლუიტონ ჰიუიტმა. ამის ოფიციალური მიზეზი მარცხენა ფეხის ტრავმა გახდა. შეგახსენებთ, რომ ავსტრალიელს სწორედ ამ დაზიანების გამო მაიამის მასტერსის შემდეგ არ უთამაშია.30 წლის ჰიუიტი ძირითად ბადეში ფრანგმა მარკ ჟიკელმა შეცვალა. მას გუშინვე მოუწია პირველ წრეში თამაში და დამარცხდა ესპანელ ალბერტ მონტანიესთან.შემდეგი მნიშვნელოვანი მოვლენა იყო პირველი განთესილი ჩოგბურთელის გავარდნა. საშინელი თამაში აჩვენა ტურნირის მე-19 ნომერმა მარინ ჩილიჩმა. საუკეთესო ათეულის ყოფილმა წევრმა სამ სეტში 67 (!) უნებლიე შეცდომა დაუშვა და ხუთჯერ წააგო საკუთარი მოწოდება. ასეთი თამაშით ხორვატს მეორე წრეში არაფერი ესაქმებოდა.ყველაზე საინტერესო ის არის, რომ ჩილიჩმა წააგო ესპანელ რუბენ რამირეს-იდალგოსთან. ამ ჩოგბურთელმა "დიდი სლემის" რიგით მე-15 ტურნირში აიღო სტარტი და მხოლოდ მეოთხე (!) მატჩი მოიგო. 2006 წელს, საფრანგეთის ღია პირველობაზე ესპანელმა მეოთხე წრეში გააღწია, იქიდან მოყოლებული კი "დიდი სლემის" 13 ჩემპიონატში მიიღო მონაწილეობა და 13-ჯერ (!) წააგო პირველი წრის მატჩი. ნავსი მან გუშინ გატეხა.კიდევ ერთ ესპანო-ხორვატულ დაპირისპირებაში ასევე პირენეის ნახევარკუნძულის წარმომადგენელმა გაიმარჯვა. 65-ე ნომერმა პერე რიბამ ATP-ის 46-ე ნომერი ივან დოდიგი დაამარცხა ოთხ სეტში - 6:3, 3:6, 7:6(6), 6:4. გადამწყვეტი მომენტი იყო მესამე სეტი, რომელიც საათი და 12 წუთი გაგრძელდა. საბოლოოდ, ტაი-ბრეიკზე ესპანელმა იმარჯვა და შემდეგ მეოთხე სეტში წერტილი დაუსვა შეხვედრას. მარათონული მატჩი სამი საათი 21 წუთი მიმდინარეობდა.აღარ გვიკვირს ერთ დროს პერსპექტიული ლატვიელის ერნესტ გულბისის წარუმატებლობები. საუკეთესო ოცეულის ყოფილი წევრი საერთოდ ამოვარდინილია ფორმიდან, ზედიზედ აგებს თამაშებს და ამ მომენტისთვის კლასიფიკაციაში 85-ე პოზიციამდეა დაშვებული.ბალტიისპირელის მეტოქე რეიტინგში მისი მეზობელი, 24 წლის სლოვენიელი ბლაჟ კავჩიჩი იყო. მიუხედავად იმისა, რომ შეხვედრის საბოლოო ანგარიში კატასტროფული ლატვიელისთვის იყო (1:6, 4:6, 2:6), თამაში საკმაოდ დიდხანს, თითქმის ორ საათს გაგრძელდა. გულბისმა ორი ბრეიკი გააკეთა, მაგრამ ამასთან, შვიდჯერ დათმო საკუთარი მოწოდება. აღსანიშნავია, რომ ლატვიელი ძალიან ბევრს ცდებოდა: მის ანგარიშზე ცხრა ორმაგი და 55 უნებლიე შეცდომა იყო. კავჩიჩის ანალოგიური მაჩვენებლები ექვს ორმაგსა და 20 უნებლიე შეცდომას უდრიდა.ადგილობრივი პუბლიკის გასახარად გუშინ სამი ფრანგი გავიდა მეორე რაუნდში, თუმცა იყვნენ წაგებულებიც. მაგალითად, შვეიცარიელმა სტანისლას ვავრინკამ ტურნირს ჩამოაშორა ფრანგი ოგუსტენ ჟენსე, მიუხედავად იმისა, რომ პირველი სეტი მასპინძელს დარჩა. სხვათა შორის, შვეიცარიელისთვის როლან გაროსზე ეს სტარტი ზედიზედ 25-ეა "დიდი სლემის" ტურნირების" ძირითად ბადეში. ასევე უნდა აღვნიშნოთ, რომ შვეიცარიელი ბოლო ორი წელი პარიზში მეოთხედფინალში თამაშობდა.მთავარ ფავორიტთაგან გუშინ ბრძოლაში მხოლოდ ესპანელი დავიდ ფერერი ჩაება და პრობლემა არ ჰქონია პირველ მატჩში. 29 წლის ჩოგბურთელი მსოფლიოს 50-ე ჩოგანს, ფინელ იარკო ნიემინენს ხვდებოდა. სხვათა შორის, ეს მოთამაშეები წელს ავსტრალიის ღიაზეც ამავე ეტაპზე დაუპირსპირდნენ ერთმანეთს და დავიდმა გამარჯვებას მიაღწია.პარიზულ გრუნტზე ესპანელმა კიდევ უფრო დამაჯერებლად მოიგო - 6:3, 6:3, 6:1. შემდეგ წრეში გასასვლელად დავიდმა საათი და 25 წუთი დახარჯა. ფერერმა ხუთჯერ აიღო მეტოქის მოწოდება, ამასთან, სკანდინავიელს არათუ ბრეიკი, ერთი ბრეიკ-პოინტიც არ დაანება.ბრძოლას აგრძელებს ორი იტალიელი - ფაბიო ფონინი და ანდრეას სეპი. მათ შესაბამისად, დენის ისტომინი და თემურ გაბაშვილი დაამარცხეს. შემთხვევითი არ არის, რომ იტალიელებმა როლან გაროსის წინ კარგი ფორმა აჩვენეს და გუშინდელმა მატჩებმა მათი მზადყოფნა კიდევ ერთხელ დაადასტურა.კაცებიI წრედავიდ ფერერი (ესპ, 7)-იარკო ნიემინენი (ფინ) 6:3, 6:3, 6:1; ჟულიან ბენეტო (საფ)-რუი მაშადო (პორ) 4:6, 6:1, 6:2, 6:0; კეი ნიშიკორი (იაპ)-იუნ ჰსუნ ლუ (ტაივ) 6:1, 6:3, 6:4; სერგეი სტახოვსკი (უკრ, 31)-დავიდ გუე (საფ) 6:7, 6:3, 6:3, 6:3; გიიომ რუფენი (საფ)-ადრიან მანარინო (საფ) 6:2, 6:3, 6:2; სტანისლას ვავრინკა (შვეიც, 14)-ოგუსტენ ჟენსი (საფ) 4:6, 6:3, 6:4, 6:2; ჟო ვილფრიდ ცონგა (საფ, 17)-იან ჰაიეკი (ჩეხ) 6:3, 6:2, 6:2; პერე რიბა (ესპ)-ივან დოდიგი (ხორ) 6:3, 3:6, 7:6, 6:4; მაქმის ტეიშეირა (საფ)-ვენსან მილო (საფ) 6:2, 5:7, 6:7, 6:4, 6:1; ფაბიო ფონინი (იტა)-დენის ისტომინი (უზბ) 6:4, 6:2, 6:2; გილერმო გარსია-ლოპესი (ესპ, 30)-რობერტ კენდრიკი (აშშ) 6:1, 7:5, 4:6, 6:3; რუბენ რამირეს იდალგო (ესპ)-მარინ ჩილიჩი (ხორ, 19) 7:6, 6:4, 6:4; ალბერტ მონტანიესი (ესპ)-მარკ ჟიკელი (საფ) 6:4, 6:4, 6:2; ანდრეას სეპი (იტა)-თეიმურაზ გაბაშვილი (რუს) 6:3, 7:5, 7:5; ბლაჟ კავჩიჩი (სლოვენ)-ერნესტ გულბისი (ლატ) 6:1, 6:4, 6:2.

ისევ დამაჯერებლად - ბასილაშვილი ჩენგდუს ტურნირის ნახევარფინალშია!

კვლავ სეტის წაუგებლად - ბასილაშვილმა რეიტინგის მე-40 ნომერი დაამარცხა და ჩენგდუს ტურნირის მეოთხედფინალშია

კვლავ ორ სეტში - ბასილაშვილი ჩენგდუს ტურნირის მერვედფინალშია

"შავი ლომი" | ახალი სახეებით "ჩიტასთან"

U19 | საქართველო 2:2 ლატვია

ფუტსალი | 19-წლამდე ნაკრების მეტოქეები ცნობილია

"ეს ბევრ რამეზე მეტყველებს" - ბასტონი საფრანგეთთან მატჩის შემდეგ

ბათუმმა სუპერლიგის გასხნით მატჩში ქუთაისი ბოლო წამებზე 80:77 დაამარცხა

საფრანგეთი და იტალია დაზავდნენ, ბელგიამ თურქეთი დაამარცხა

უნგრეთთან მატჩში საქართველოს ნაკრების შემადგენლობა ცნობილია

რაფინია მძიმე ტრავმას გადაურჩა

ოლმოს ხორვატიაში დაბრუნება სურს

სიომინი: ხვიჩა "ოქროს ბურთის" ნომერი პირველი პრეტენდენტია

საქართველო, პორტუგალია, რუმინეთი და ესპანეთი ოთხი ერის ალიანსს აფუძნებენ

რას ნიშნავს ტექნიკური SEO და რატომ არის ის მნიშვნელოვანი?

"ვისაც ფეხბურთი ესმის, ყველამ იცის "ოქროს ბურთი" ვინ უნდა მოიგოს" - ნიკო უილიამსი

"დღეს ის ფეხბურთელი ვარ, რომელზეც "ბარსელონაში" ყოფნისას ვოცნებობდი" - უსმან დემბელე

"თუ ჰპირდები, უნდა შეასრულო" - ბელგიის ნაკრების მწვრთნელმა რონალდო დაიცვა

"ჩვენთვის ეს ადამიანი ღმერთთან ახლოსაა" - ტიერი ანრი

[VIDEOS] მეტოქისგან უფრო დაფასდა - ჰოილუნმა გოლი რონალდოს სტილში აღნიშნა, შემდეგ პორტუგალიის ნაკრების მწვრთნელს ხელი ჰკრა

18 ქულა, 9 მოხსნა | მერკვილაძე საუკეთესო იყო, თუმცა "გრონინგენი" დამარცხდა

ფელიქსს "ბარსელონაში" დაბრუნება სურს

საქართველოს ნაკრები პირველი გამარჯვებისთვის! - გასაიდუმლოებული დეტალები ბუდაპეშტში