პირლო სამი წლით "იუვეში"

"მილანის" სატრანსფერო სიახლეები იტალიურ საფეხბურთო საზოგადოებაში უდიდეს ინტერესს იწვევს: გალიანიმ ბოატენგი და პალოსკი გამოისყიდა "მილანის" სატრანსფერო სიახლეები იტალიურ საფეხბურთო საზოგადოებაში უდიდეს ინტერესს იწვევს. ლომბარდიული გრანდის მესვეურები უკვე შეუდგნენ აქტიურ მუშაობას და სათქმელიც ბევრი დაგროვდა. ყველაზე მთავარი სიახლე ის გახლავთ, რომ ანდრეა პირლო ჩავიდა ტურინში და "იუვენტუსთან" 3-წლიანი ხელშეკრულება გააფორმა. კარგა ხნის წინ გაცხადდა, რომ ანდრეა "ბიანკონერის" მაისურს მოირგებდა, მაგრამ კონტრაქტზე ხელის მოწერის ფაქტზე აუცილებლად უნდა გავამახვილოთ თქვენი ყურადღება. პირლოს ხელშეკრულებას სამი წლის განმავლობაში ექნება ძალა და 2014 წლის 30 ივნისს დასრულდება. ამ საკითხზე "იუვეს" სპორტულმა დირექტორმა ჯუზეპე მაროტამ ისაუბრა:"ანდრეა პირლო მსოფლიო დონის ვარსკვლავია და მისი დამატებით გუნდი საგრძნობლად გავაძლიერეთ. "მილანს" სურდა ანდრეას შენარჩუნება და შესთავაზა კიდეც ახალი კონტრაქტი, თუმცა მან ჩვენთან გადმოსვლის გადაწყვეტილება მიიღო. მიზეზი? - ერთი, რომ ლომბარდიელებმა მხოლოდ ერთწლიანი კონტრაქტი დაუდეს მაგიდაზე, თანაც შემცირებული ხელფასით და მეორე, პირლო დიდი სიმპატიებით არის განწყობილი "იუვენტუსის" მიმართ და ჩვენთან თამაშის პერსპექტივამ მოხიბლა. ეს არც არის გასაკვირი, "იუვეში" ხომ ნახევარი იტალიის ნაკრებია თავმოყრილი და ანდრეას ყველანი დიდი სითბოთი მიიღებენ".ადრიანო გალიანიმ დაადასტურა, რომ პირლოს მხოლოდ ერთწლიანი კონტრაქტი შესთავაზა და თანაც შემცირებული ხელფასით - სწორედ ამის შემდეგ მიიღო ანდრეამ საბოლოო გადაწყვეტილება და ტურინს მიაშურა. ღიად რჩევა კიდევ ერთი ვეტერანის, კლარენს ზეედორფის საკითხი, რომელიც პირლოსი არ იყოს, კოლოსალურ გასამრჯელოს იღებს და "როსონერის" მესვეურებს მისი შემცირება სურთ - ამ საკითხზე გალიანი შემდეგს აცხადებს: "კლარენსს უახლოეს პერიოდში შევხვდები და ყველაფერზე დეტალურად დავილაპარაკებთ. დიდი სურვილი მაქვს, რომ მასთან ახალი ხელშეკრულება გავაფორმოთ და იმედია, ეს ასეც მოხდება. ხელფასების შემცირების პროცესი მხოლოდ რამდენიმე ფეხბურთელს შეეხო, რომლებიც განსაკუთრებულად დიდ გასამრჯელოს იღებენ - ეს მიშელ პლატინის რეფორმამ გვაიძულა, რომელიც არ გვაძლევს იმის საშუალებას, რომ გასავალი მეტი გვქონდეს, ვიდრე შემოსავალი. რაც არ უნდა უსასყიდლოდ უნდოდეს სილვიო ბერლუსკონის კლუბში ფულის ჩადება, ამას უბრალოდ ვერ გააკეთებს. ამიტომ, გარკვეული ზომების მიღებაა საჭირო იმისთვის, რომ შემდეგ სატრანსფერო ბაზარზე აქტიურები ვიყოთ".გალიანიმ "ჯენოას" პრეზიდენტ ენრიკო პრეციოზისთან შეხვედრაზე ისაუბრა, რომლის შემდეგაც ბევრ კითხვას გაეცა პასუხი. მაგალითად იმას, რომ სოკრატის პაპასტატოპულოსი მომდევნო სეზონში "ჯენოას" ღირსებას დაიცავს და სავარაუდოდ, კახა კალაძეს შეუწყვილდება დაცვის ცენტრში. ამ ორ კლუბს რამდენიმე ფეხბურთელზე თანაბარი უფლებები ჰქონდა და გალიანის ინფორმაციით, "მილანმა" მათი სრულად გამოსყიდვა მოახერხა - აქვე, ამ მოთამაშეების ჩამონათვალი: ჯანმარკო ძიგონი, ნამდი ოდუამანდი, მარკო ამელია, ალბერტო პალოსკი და კევინ პრინც ბოატენგი. მოვუსმინოთ გიალიანის:"ბოატენგმა გასული სეზონი უმაღლეს დონეზე ჩაატარა და ბუნებრივია, მისი გამოსყიდვა ჩვენი ერთ-ერთი პრიორიტეტული ამოცანა იყო. მარკო ამელიამაც შესანიშნავად წარმოაჩინა თავი და მისი დატოვებაც ერთხმად გადავწყვიტეთ. განსაკუთრებულად მიხარია ის, რომ მომდევნო სეზონში ალბერტო პალოსკიც ჩვენთან ერთად იქნება, რომელიც ძალიან ნიჭიერია და დარწმუნებული ვარ, შეტევით ხაზს საგრძნობლად გააძლიერებს. თანაც, კოპა ამერიკას გამო, გარკვეული პერიოდით ალეშანდრე პატოს და რობინიოს გარეშე მოგვიწევს ფონს გასვლა - სწორედ ამ დროს მიეცემა შანსი პალოსკის და მჯერა, რომ გამოიყენებს კიდეც. მოკლედ, რამდენიმე კარგი საქმე უკვე გავაკეთეთ, თუმცა მთავარი რა თქმა უნდა წინ გველის".ბოლოს, გალიანიმ რიკარდო მონტოლივოს "მილანში" გადასვლასთან დაკავშირებით გააკეთა კომენტარი და ზლატან იბრაჰიმოვიჩის შესაძლო გასხვისების თემასაც შეეხო: "მონტოლივოს მიმართ დიდი სიმპატიით ვარ განწყობილი, მაგრამ მის გადმობირებაზე ნამდვილად არ გვიფიქრია. მიზეზი მარტივია - ფლორენციელი საყრდენ ნახევარმცველად თამაშობს, ამ პოზიციაზე კი ჩვენთან ისედაც დიდი არჩევანია. მართალია, ანდრეა პირლომ დაგვტოვა, მაგრამ სამაგიეროდ, მასიმო ამბროზინისთან და მარკ ვან ბომელთან ახალი ხელშეკრულებები გავაფორმეთ. რაც შეეხება იბრაჰიმოვიჩის "რეალში" გადასვლის პერსპექტივებს, პირდაპირ გეტყვით, რომ ეს გამორიცხულია".

მესის რეკორდი დამხობილია - მასტანტუონო "ფიორენტინას" ისტორიაშიც შევიდა

[VIDEO] ინტერვიუს დროს კანკალებდა - ლავეცის ჯანმრთელობის მდგომარეობამ შეშფოთება გამოიწვია

ტრავმების ეპიდემიის ფონზე, "იუვენტუსი" ზინჩენკოს დამატების ვარიანტს განიხილავს

VIDEO | ეროვნული ლიგა | იბერია 1999 1-0 სპაერი. ფავორიტის მძიმე გამარჯვება

საზონოვი შეცვლაზე შევიდა - "ხეტაფემ" "დეპორტინოსთან" ქულები გაიყო

"ბრესტთან" მატჩში პსჟ-ს შემადგენლობა ცნობილია

VIDEO | ეროვნული ლიგა | დილა 2-2 დინამო (ბთ). ლიდერი ორშაბათამდე თუ..?

გოგლიჩიძე არ ათამაშეს - "მონცა" "ლეჩესთან" დამარცხდა

ქართველების გარეშე - "ჰაიდენჰაიმმა" "ჰოლშტაინს" მოუგო

იეგოიანის "ექსელსიორი" სახლში "უტრეხტთან" დამარცხდა

ხვალ "სან სიროზე" სერია A-ში ჩაკვეტაძის დებიუტია მოსალოდნელი

ნიკოლოზ ბასილაშვილი გუანჯოუს ჩელენჯერზე იასპარეზებს

"ძალიან დიდი პოტენციალი აქვს" - მოურინიო დიომანდეს თამაშით კმაყოფილია

ზაფხულის სატრანსფერო საგის მთავარი მონაწილე ტრავმირებულია

არაბეთიდან კატარში - ბროზოვიჩი აზიურ ტურნეს აგრძელებს

იქნება თუ არა დღეს კვარაცხელია ძირითადში - L'Équipe-ის პროგნოზი

"ოქროს ბურთი" მხოლოდ "კვარაცხელიას" - აცხადებს ცნობილი ფრანგი ჟურნალისტი

"შავი ლომი" | სასარგებლო მოთელვა "ბენეტონთან"

[VIDEO] დავითაშვილის საგოლე პასი და "სენტ-ეტიენის" წაგება ხუთი მოგების შემდეგ

ლოჩოშვილის სრული მატჩი და "კიოლნის" ფრე "ვერდერთან"

უგოლო ფრე "ენფილდზე" - "ლივერპულმა" "ფულჰემს" ვერ აჯობა

[VIDEO] კვერნაძემ სერია A-ში ისევ გაიტანა და საუკეთესო იყო - "ფროზინონე" "ჯენოას" ფრედ ეთამაშა

მატჩის დღე! რომელი "პარიზელი" დაისვენებს და ქართველების სიმრავლე ესპანეთში