"დინამოს" ძველები, ახლები და... "ბარსელონა"!

თბილისის "დინამოს" "ბარსელონას" ერთ-ერთი მწვრთნელი უთავკაცებს, რომლის ვინაობას მალე შევიტყობთ კვირა კი არა, ლამის დღე არ გავა, თბილისის "დინამოში" მომხდარ გარკვეულ საკადრო ცვლილებებზე არ შევიტყოთ; აი, გუშინაც, ჩვენს უმთავრეს საფეხბურთო სარბიელზე თბილისის "დინამოს" ხელმძღვანელობამ იქ შეკრებილ ჟურნალისტებსა და ფანკლუბის წევრებს ბოლოდროინდელი სიახლეები გააცნო.ისე, თვითონ ამ შეხვედრის ფორმა მართლაც ეფექტური და, ასე ვთქვათ, ევროპული გამოდგა: ეროვნულ სტადიონზე, კლუბის ახალი ლოგოთი დამშვენებული ბანერის ფონზე ჟურნალისტებისა და გუნდის ყველაზე ერთგული ფანების წინაშე "დინამოს" გენერალური დირექტორი ზურაბ პოლოლიკაშვილი და სპორტული დირექტორი გიორგი ნემსაძე წარსდგნენ. თუმცა, ვიდრე ზურაბ პოლოლიკაშვილი კლუბში უკვე მომხდარ თუ სავარაუდო ცვლილებებზე გაგვესაუბრებოდა, მანამდე "დინამოს" პრესატაშემ გიგა გვენცაძემ იქვე მყოფი ფეხბურთელებიც წარმოგვიდგინა ("უცხო" და "უცნობი" არავინ იყო): გულვერდ თომაშვილი და ნიკა ფირცხალავა უკვე წლებია "დინამოში" თამაშობენ და კლუბმა მათ კონტრაქტი გაუგრძელა (გაუმჯობესებული პირობებით)."დინამოს" სრულუფლებიანი წევრი გახდა 18 წლის ნიკა კვეკვესკირიც, - საქართველოს ახალგაზრდული ნაკრების ერთ-ერთი ლიდერი და ეროვნული ნაკრების კანდიდატი ჩვენს ყველზე ტიტულიან გუნდში მეორე ეტაპიდან ჩაირიცხა და 17 მატჩიც ჩაატარა. თუმცა, მთავარი სიახლე მაინც 26 წლის სანდრო იაშვილის გამოჩენა გახლდათ. ქართული ფეხბურთის ბოლო წლების ერთ-ერთი ყველაზე ნიჭიერი ქართველი ფეხბურთელი ოთხწლიანი პაუზის შემდეგ კვლავაც თბილისის "დინამოს" დაუბრუნდა! 2006-07 წლების სეზონი იაშვილისათვის ყველაზე წარმატებული იყო: საქართველოს ჩემპიონატის საუკეთესო ფეხბურთელიც გახდა და საუკეთესო ბომბარდირიც. სამწუხაროდ, ამის შემდეგ მისი კარიერა არაერთგვაროვნად წარიმართა: ყველას რომ გვეგონა, დამოუკიდებელი ქართული ფეხბურთის ნომერ პირველ თავდამსხმელს შოთა არველაძეს ჩვენს ნაკრებში ღირსეული შემცვლელი ეყოლებაო, სწორედ მაშინ დაიწყო იაშვილმა გუნდების ხშირი ცვლაც; შვეიცარულ "თუნს" მცირე ხნით ბოლნისის "სიონში" დაბრუნება მოჰყვა, მერე რუსეთის პირველი ლიგა და მახაჩყალის "ანჟი" იყო, რასაც კვლავაც საქართველოში დაბრუნება და "ოლიმპთან" ერთად გაჩემპიონება მოჰყვა; ამის მერე კვლავაც არშემდგარი უცხოური ვოიაჟი და ისევ "ოლიმპი" , ოღონდ საკმაოდ მცირეხნიანი (ამ სეზონში 5 მატჩი ჩაატარა) და აი, ამ ნიჭიერი და მართლაც არაორდინალური ფორვარდის კიდევ ერთი დაბრუნებაც.საერთოდაც, "დინამოს" ახალი ხელმძღვანელობა სელექციის საკითხს აშკარად "სხვაგვარად" რომ უცქერს, ფაქტია და ვფიქრობთ, ყოფილი დინამოელების მშობლიურ კლუბში დაბრუნების პროცესი კვლავაც გაგრძელდება..."დინამოს" ძველ-ახალი ფეხბურთელების წარდგენის გარდა, ზურაბ პოლოლიკაშვილმა კლუბისთვის მეტად აქტუალურ, სამწვრთნელო საკითხზეც ისაუბრა; როგორც კლუბის გენერალურმა დირექტორმა გვითხრა, უკვე პირველი ივნისისათვის თბილისში ჩამოსულები იქნებიან "ბარსელონას" წარმომადგენლები. ანუ, ფაქტობრივად, გადაწყვეტილია, რომ "დინამოს" სწორედ "ბარსელონას" ერთ-ერთი მწვრთნელი უთავკაცებს (სახლსა და გვარს მალე შეიტყობთო, ასე გვითხრეს გუშინ); ამას გარდა, თბილისში კიდევ ორი ესპანელი (გნებავთ, კატალონიელი) სპეციალისტი ჩამოვა: ერთი "დინამოში" ფიზმომზადების მწვრთნელი იქნება, მეორე კი "დინამოს" ბავშვთა აკადემიაში იმუშავებს. აქვე, შევიტყვეთ, რომ "დინამოს" აწ უკვე ყოფილი მთავარი მწვრთნელი კახა კაჭარავა კვლავაც კლუბში დარჩება და სავარაუდოდ, კლუბის სელექციურ საკითხებს გაუწევს კურირებას.ამ შემთხვევაშიც გვინდა გავიზიაროთ ზურაბ პოლოლიკაშვილის პოზიცია, როცა "დინამოს" გენერალურმა დირექტორმა კახა კაჭარავას ღვაწლი არ დაუკარგა: "მან ბევრი გააკეთა გუნდისთვის, კაჭარავას ხელმძღვანელობით "დინამოში" ბევრი ფეხბურთელი აღიზარდა და მადლობის მეტი არაფერი გვეთქმის აი, სელექცია კი დღემდე ცუდად მუშაობდა (განსაკუთრებით, რეგიონებში) და იმედია, ამ კუთხითაც საქმე გამოსწორდება".

Burton

ჟურნალისტებისგან მეტი კრიტიკაა საჭირო. ამოიღეთ რა ხმა. თქვენც ხომ არ მოგწონთ, რატომ არაფერს იძახით? კრიტიკის გარეშე იდეალურიც კი დაჩლუნგდება.
giorgi

ახალი კლუბის შენება იწყება ლოგოდან ქართული ენის მოშორებით? არაკაცებო!
გიგა

დინამოს დიდო რეფორმატორებო, ბანერზე ქართულენოვანი წარწერა სამარცხვინოა, არა? სად გაიზარდეთ, რა მენტალიტეტი გაქვთ?!
Burton

ქართული წარწერა დაამატეთ ლოგოს თქვე გამყიდველებოოოოო

ქეცბაიას პირველი კომენტარი: მოედანზე თუ შევვარდებოდი და თამაშს ჩავშლიდი, თორემ...

"საქართველო საოცარი ქვეყანაა, მათ რუსები არ მოსწონთ და ჩვენი მსგავსი მენტალიტეტი აქვთ" - ინტერვიუ "გაგრას" უკრაინელ ფორვარდთან

"იბერიამ" "ლეგანესიდან" მცველი დაიმატა

U18. მეოთხე მატჩიც მოიგეს - საქართველოს ნაკრებმა კოსოვოც დაამარცხა

პსჟ და "ლივერპული" ბარკოლას ფასზე ვერ თანხმდებიან

სამიდან სამი გამარჯვება - კვიპროსიც დამარცხებულია

ქორწილის წინ რონალდოს საცოლეს სქელი უწოდეს - ის კრიშტიანომ დაამშვიდა და მორგანიც გამოექომაგა

"ნაპოლიმ" "ბაიერს" მცველი 30 მილიონად მიჰყიდა

[PHOTO] "ჩემი სათამაშოები" - რონალდომ თავისი ძვირფასი ავტოპარკი აჩვენა

18-წლამდელები სამხრეთ აფრიკაში ჩავიდნენ

ტყვიის სროლა. დიდი წარმატება ვროცლავში

"რეალმა" სათამაშო პრაქტიკის მისაღებად მასტანტუონო იტალიაში გაანათხოვრა

კვლავ აფრიკაში - ერვე რენარი ნაცნობ ადგილას დასაქმდა

კონტრაქტს ჯერ არ გაუგრძელებენ, მაგრამ რჩება - "ინტერმა" ჩალღანოღლუსთან დაკავშირებით გადაწყვეტილება მიიღო

ხანგლძრივი მოლაპარაკებების შემდეგ, "არსენალმა" ბრუნო გიმარაეში შეიძინა

"ერთადერთი, გული ამაზე მწყდება... "იბერია" კარგი გუნდია, მაგრამ..." - "ლარნეს" მწვრთნელმა მატჩი შეაფასა და თბილისში თავდაჯერებული გუნდი მოჰყავს

მიდის თუ რჩება - ილია ზაბარნიმ თავის მომავალზე გადაწყვეტილება მიიღო

აკრძალული ნივთიერება მუდრიკის ორგანიზმი საქართველოსთან მატჩის წინ მოხვდა - უკრაინელი ჟურნალისტი ფეხბურთელის დისკვალიფიკაციაზე ინფორმაციას ავრცელებს

"ჩემი ოცნება "მილანთან" ერთად რაიმეს მოგება იყო" - მოდრიჩმა "როსონერიში" თავის მისიაზე ისაუბრა

შეთანხმება შედგა, სამედიცინო შემოწმება კვირის ბოლოს - ესპანურმა პრესამ ქოჩორაშვილის ახალი გუნდი დაასახელა

Hisense წარმოგიდგენთ გზავნილს „ინოვაციები უკეთესი ცხოვრებისათვის“ FIFA-ს 2026 წლის მსოფლიო ჩემპიონატზე

"შალკემ" 40 წლის ჯეკოს კონტრაქტი გაუგრძელა