მეოთხე ადგილი მსოფლიოზე

საქართველოს ახალგაზრდულმა ნაკრებმა მეოთხე ადგილი დაიკავა გერმანულ პლაუენში დამთავრებულ მსოფლიოს თასზე საქართველოს ახალგაზრდულმა ნაკრებმა მეოთხე ადგილი დაიკავა გერმანულ პლაუენში დამთავრებულ მსოფლიოს თასზე.შეგახსენებთ, რომ ჩვენები ქვეჯგუფში აზერბაიჯანის, აშშ-ს და იაპონიის გუნდებთან მოხვდნენ, პარასკევს კი აშშ-ს ნაკრები დაამარცხეს - 6:2. შაბათს მათ დღის პირველი შეხვედრა უმთავრეს კონკურენტ აზერბაიჯანთან უწევდათ. სამწუხაროდ, ჩვენი უსიამოვნო მოლოდინი გამართლდა და ნუგზარ სხირელის შეგირდებმა 1:7 წააგეს. ჩვენებურთაგან მხოლოდ ლაშა ლომთაძემ (55) იმარჯვა, ლევან როჭიკაშვილი (50), ზურაბ იაკობაშვილი (60), დავით გალეგაშვილი (66), ბექა პეტრიაშვილი (74), სანდრო ამინაშვილი (84), ომარ გუსოშვილი (96) და გიორგი ასლანიშვილი (120) კი დამარცხდნენ. ამ მოგებით აზერბაიჯანმა ფინალში გასვლა ლამის წინდაწინ დაიბევა, ჩვენებურთა არჩივი კი მესამე ადგილისთვის ბრძოლა ჩანდა - დარჩენილ რაუნდში აზერბაიჯანი აშშ-თან უპირობო ფავორიტი იყო და აკი აჯობა კიდეც 6:2, ჩვენები კი უქულო იაპონიას ხვდებოდნენ და მშრალი ანგარიშით მოგება არც ამათ გასჭირვებიათ - 8:0 იმარჯვეს.ამასობაში დაძაბულად მიმდინარეობდა შეხვედრები მეორე ქვეჯგუფში, სადაც რუსეთი გამოკვეთილი ფავორიტი კი ჩანდა და კიდეც მოიგო სამი შეხვედრა, მაგრამ ირანმა დიდი ბრძოლა გაუმართა და მათთან გამარჯვება თავისი არსით სენსაციის სფეროს უფრო მიეკუთვნება, ვიდრე - სპორტისას! ეს სპორტის სხვა სახეობა რომ ყოფილიყო, ამ შეხვედრაში მოგებაც ირანს დარჩებოდა და ფინალშიც ის გავიდოდა, მაგრამ ჭიდაობაში ხომ ყველაფერი გასაოცარი და ალოგიკური უნდა მოიგონონ! აქ შეიძლება, ქულათა საერთო მარაგით დიდი უპირატესობით დაამარცხო მეტოქე, მაგრამ წააგო პერიოდების რაოდენობით და მაინც გავარდე; შეიძლება, რომელიმე პერიოდი 6:0 მოიგო, მაგრამ დამატებით დროში 0:1 დათმო და მაინც გამოეთიშო შეჯიბრებას... დაახლოებით ამგვარი რამე მოხდა ახლაც ირან-რუსეთის შეხვედრაში - ორთაბრძოლა 4:4 დამთავრდა, მაგრამ ქულებით ირანმა მოუგო - 16:12, თუმცა დამატებითი მაჩვენებლებით გამარჯვება და ფინალის საგზური მაინც რუსეთს ერგო! სიმართლე გითხრათ, რა იგულისხმება ამ დამატებით მაჩვენებლებში, ზუსტად ვერ დავადგინეთ, რადგან ამის შესახებ არც ტურნირის დებულებაში წერია რამე, თუმცა ვვარაუდობთ, რომ საქმე წმინდა მოგეგებს ეხება. თუმცა აქაც ერთი პიკანტური სიტუაციაა - სუფთა გამარჯვებით არც ერთი შეხვედრა არ დასრულებულა, მხოლოდ რუსთა ერთ მოჭიდავეს - დაღესტნელ რუსტამ ამპარს (55) აქვს ერთი პერიოდი ქულებით წმინდად მოგებული - არაშ მუსტაფა დანგესარაკის 7:1 სძლია. ვეჭვობთ, შეხვედრის ბედიც სწორედ ამ ძალზე არამყარმა არგუმენტმა გადაწყვიტა. ამავე აზრზე არიან რუსულ საჭიდაო ფორუმებზეც, სადაც ასევე ვერ გაურკვევიათ ზუსტი კრიტერიუმები, თუმცა ხუმრობენ, რომ გამარჯვებულის ბედი... ფულმა გადაწყვიტა.ასეა თუ ისე, ამ ჯგუფიდან ბრინჯაოსთვის ბრძოლის უფლება ირანმა მოიპოვა, რომელიც ისედაც ხომ ძლიერი გუნდია, ასეთი დასანანი მარცხით გულდაწყვეტილი ჩვენებთან საჭიდაოდ სულ მთლად დაგეშილი გამოვიდა და დიდი ანგარიშითაც გვაჯობა - 7:1. ჩვენებურთაგან ეს ერთადერთი შეხვედრა გალეგაშვილმა მოიგო.ფრიად დაძაბულად წარიმართა ფინალიც რუსეთსა და აზერბაიჯანს შორის, რომელიც ასევე ფრედ დასრულდა - 4:4, ოღონდ ამჯერად ქულებით მოგება რუსეთს დარჩა - 15:14 და ჩემპიონობაც მოიპოვა.სამწუხაროდ, ამ ტურნირმა კიდევ ერთხელ დაადასტურა სხირელის პესიმიზმი მთელი რიგი წონითი კატეგორიებისადმი, რომ ღირსეული რეზერვი არ გვყავს. ყველაზე უფრო კარგად კიდევ ქვედა წონების წარმომადგენლები გამოვიდნენ. 4-დან 3-3 შეხვედრა მოიგეს ლომთაძემ და გალეგაშვილმა, 2-2 - როჭიკაშვილმა, იაკობაშვილმა, ამინაშვილმა და გუსოშვილმა.ახლა ჩვენი ახალგაზრდების წინაშე ბევრად უფრო მნიშვნელოვანი შეჯიბრებებია - ევროპისა და მსოფლიოს ჩემპიონატები. წლეულს მსოფლიოს პირველობაც ევროპაში იმართება, რაც ჩვენთვის კარგია, მაგრამ ცუდი ისაა, რომ ასეთი საპასუხიმგებლო ტურნირები დროის მეტად შემჭიდროებულ ვადებში ტარდება - შუალედი მხოლოდ ერთი თვეა. ევროპის ჩემპიონატს 21-26 ივნისს სერბული ზრენჯანინი უმასპინძლებს, მსოფლიოსას - 26-31 ივლისს - ბუქარესტი.

[VIDEO] ნუთუ ილიასთან ბრძოლაზე ფიქრობდა? - ცარუკიანი საჩემპიონო ბრძოლაში დამარცხდა

[VIDEO] დიდებული მერაბ დვალიშვილი! - ქართველმა საოცარი ბრძოლა შემოატრიალა და ბრწყინვალე გამარჯვება მოიპოვა

ზედიზედ მეორედ - კონსტანტინე პეტრიაშვილი ევროპის 20-წლამდელთა ჩემპიონია!

18-წლამდელები სამხრეთ აფრიკაში ჩავიდნენ

ტყვიის სროლა. დიდი წარმატება ვროცლავში

კვლავ აფრიკაში - ერვე რენარი ნაცნობ ადგილას დასაქმდა

კონტრაქტს ჯერ არ გაუგრძელებენ, მაგრამ რჩება - "ინტერმა" ჩალღანოღლუსთან დაკავშირებით გადაწყვეტილება მიიღო

ხანგლძრივი მოლაპარაკებების შემდეგ, "არსენალმა" ბრუნო გიმარაეში შეიძინა

Hisense წარმოგიდგენთ გზავნილს „ინოვაციები უკეთესი ცხოვრებისათვის“ FIFA-ს 2026 წლის მსოფლიო ჩემპიონატზე

20 წ. | საიმონ კიბლი: საქართველომ გამორჩეულად წარმატებული ტურნირი ჩაატარა

ქართველი მსაჯები ევროპა ლიგის მატჩს განსჯიან

[VIDEO] მძიმე მატჩი, შედეგი სასურველი - "იბერია 1999"-ს მომდევნო რაუნდში გასვლის კარგი შანსი აქვს

"ლარნესთან" მატჩში "იბერია 1999"-ის შემადგენლობა ცნობილია

ნორვეგიის ნაკრების მეკარე "ლაიფციგში" დაბრუნდა

ოფიციალურად: საბა საზონოვი “ხეტაფეს” ფეხბურთელია

ჩატარდება თუ არა დღეს "ლარნესა" და "იბერიას" მატჩი - ქართულმა გუნდმა ინფორმაცია გაავრცელა

ალისონმა მუნდიალის შემდეგ 5 კვირა დაისვენა და "ლივერპულს" დაუბრუნდა

ნიკა ამაშუკელი სამხრეთ აფრიკაში - ხუთი მატჩი "ოლ ბლექსის" ისტორიულ ტურნეზე

გადადის თუ არა ფერან ტორესი პსჟ-ში?

მამისა და შვილის სხვა განცხადება - ნეიმარი ბრაზილიის ნაკრებში კიდევ ითამაშებს?

ერექციული დისფუნქცია მამაკაცებში - რა უნდა ვიცოდეთ?

"რეალმა" ვინისიუსს წლიურ გასამრჯელოდ 22 მილიონი შესთავაზა - ბრაზილიელი მეტს ითხოვს

"ბარსელონამ" ტერ შტეგენი "აიაქსში" გაუშვა