კახა გოგიჩაიშვილი: დღევანდელ ნაკრებში შეუცვლელი არავინაა

ხორვატია-საქართველოს მატჩის წინ - სპლიტში იმავე ტაქტიკით და ქულაზე ოცნებით ხორვატია-საქართველოს მოახლოებული დაპირისპირების წინ საქართველოს ეროვნული ნაკრების ყოფილ ნახევარმცველს, ამჟამად ბავშვთა მწვრთნელ კახა გოგიჩაიშვილს ვესაუბრეთ.- რა შეიცვალა საქართველოს ნაკრებში თემურ ქეცბაიას მოსვლით?- უპირველეს ყოვლისა, შეიცვალა ის, რომ ფეხბურთელებს საკუთარი თავის რწმენა დაუბრუნდათ. ქეცბაიას დანიშვნამდე ნაკრებს დიდი ხნის განმავლობაში ერთი თამაშიც კი არ ჰქონდა მოგებული, რაც ბიჭებზე დამთრგუნველად მოქმედებდა. ქეცბაიამ ჯერ სადებიუტო მატჩი მოიგო, მერე ნაკრები მთელ წელიწადს დაუმარცხებლად ატარა და ბოლოს მთელი ქვეყანა ხორვატიის ძლევით გაახარა.ყოველივე ამან ნაკრების წევრები დაარწმუნა, რომ მაღალი დონის ფეხბურთის თამაში თავადაც შეუძლიათ. მიხარია, რომ დღეს საქართველოს ნაკრები ყველასთვის ანგარიშგასაწევი ძალაა და მას იოლად ვეღარავინ დაამარცხებს.- რისი წყალობით შევძელით თბილისში ხორვატთა დამარცხება?- გამართული და სწორი ფეხბურთით, სწორად შერჩეული შემადგენლობითა და ტაქტიკით, რა თქმა უნდა, იღბლითაც, რის გარეშეც ხორვატიის დონის გუნდს ვერ დაამარცხებ. თემურმა ერთადერთი მართებული გადაწყვეტილება მიიღო და ხორვატიას დაცვიდან ეთამაშა, მეტოქეს სივრცეები გადაუკეტა და კოზირების გამოყენების საშუალება არ მისცა. მატჩის ბოლოს ჩვენც მოგვეცა შანსი, რომელიც ხელიდან არ გავუშვით და დაუვიწყარი გამარჯვება მოვიპოვეთ.- ალბათ, მოედნის ბატონ-პატრონები სპლიტში ხორვატები იქნებიან.- რა თქმა უნდა. თანაც, დარწმუნებული ვარ, ხორვატიის ნაკრები პარასკევს გაცილებით უფრო ძლიერად ითამაშებს, ვიდრე თბილისში. პირველ მატჩში ხორვატებმა საქართველოს ნაკრების ძალა სათანადოდ ვერ შეაფასეს, ახლა კი შესანიშავად გვიცნობენ, რევანშის წყურვილი კლავთ და მოედანზე განსაკუთრებული შემართებით გავლენ. სტადიონზეც ჩვენთვის უსიამოვნო ვითარება იქნება, მაგრამ, დარწმუნებული ვარ, ბიჭები ამ სტრესულ სიტუაციას სათანადოდ გაუმკლავდებიან. ალბათ, დამეთანხმებით, რომ ამ შეხვედრაში ჩვენთვის იდეალური და მაქსიმალური შედეგი ფრე იქნება.- რომელ რგოლებში აქვს პრობლემები საქართველოს ნაკრებს?- როგორც იქნა, მოიხსნა მეკარის პრობლემა, რომელიც ჩვენი გუნდისთვის მუდამ აქილევსის ქუსლი იყო. დაცვა ძალიან საიმედო გვყავს, რაზეც მიღებული გოლების რაოდენობაც კარგად მეტყველებს. ნახევარდაცვაც ეფექტურია, ერთადერთი რგოლი, სადაც პრობლემები გვაქვს, თავდასხმაა. სამწუხაროდ, ძლიერი და გამტანი ფორვარდის აშკარა დეფიციტი გვაქვს. ეს პრობლემა რომ არ გვაწუხებდეს, გაცილებით ძლიერი ნაკრები გვეყოლებოდა.- სპლიტში ნაკრებს რამდენიმე ფეხბურთელი დააკლდება. მათი სრულფასოვანი შეცვლა თუ მოხერხდება?- ჩემი აზრით, ლორია რევიშვილს არაფრით ჩამოუვარდება და მეკარის პრობლემა არ უნდა გვქონდეს. კობიაშვილი საქართველოს ნაკრებისთვის ბევრს ნიშნავს, მაგრამ ვფიქრობ, მისი სრულფასოვანი შეცვლაც შესაძლებელი იქნება, ისევე, როგორც სხვა ტრავმირებული ფეხბურთელებისა. საერთოდ, დღეს ისეთი ვითარებაა, რომ საქართველოს ნაკრებში შეუცვლელი არავინაა.- რამდენად წაადგნენ ნაკრებს ახალი თაობის ფეხბურთელები?- გუნდისთვის ისინი დიდ ძალას წარმოადგენენ. გამოვარჩევდი ჯაბა კანკავას, რომელიც დებიუტანტი არ არის, მაგრამ ნაკრებს დიდი პაუზის შემდეგ დაუბრუნდა და უმალ იქცა გუნდისთვის სასარგებლო ფეხბურთელად. დარწმუნებული ვარ, თავის სიტყვას უფრო ახალგაზრდებიც იტყვიან. ვერ დავეთანხმები იმ მოსაზრებას, თითქოს თაობები არ მოდის. მშვენიერი თაობა გვყავს და დარწმუნებული ვარ, ამ ბიჭების წყალობით საქართველოს ნაკრები მაღალი დონის გუნდი იქნება.- ქეცბაიამ უკვე საკმაოდ ბევრი ფეხბურთელი გასინჯა. კიდევ ხომ არ გეგულებათ საიმისო რეზერვი, ნაკრებს რომ გამოადგეს?- თემური სამართლიანი ადამიანია, სამწვრთნელო ნიჭიც აქვს და დარწმუნებული ვარ, მის თვალს არც ერთი კარგი ფეხბურთელი არ გამოეპარება. ვფიქრობ, მან შანსი ყველა საინტერესო კანდიდატს მისცა და დღეს ნაკრებში ყველაზე ღირსეულები თამაშობენ. ისიც მჯერა, რომ თუ ვინმეს თვალსაჩინო პროგრესი ექნება, ქეცბაიას არც მათი მონდომება დარჩება შეუმჩნეველი.- როგორ აფასებთ საქართველოს ნაკრების ევროპის ჩემპიონატის ფინალურ ეტაპზე მოხვედრის შანსებს?- ჯგუფში მეორე ადგილის დაკავებისა და პლეი ოფში გასვლის საკმაოდ რეალური შანსი გვაქვს, რასაც ხორვატიაში მარცხის შემთხვევაშიც კი შევინარჩუნებთ. მთავარია, საშემოდგომო მატჩები ჩავატაროთ მაღალ დონეზე და თუ იქ ქულათა მაქსიმუმს მოვაგროვებთ, დარწმუნებული ვარ, მეორე ადგილს შევწვდებით.

state

არ შეიძლება სპორცმენი სათამაშოდ მოსაგებად არ გადიოდე.........!!!!

საქართველოს ნაკრებმა ნოემბრის მატჩებისთვის მზადება დაიწყო

საქართველოს ნაკრებს ძირითადი შემადგენლობის ორი ფეხბურთელი გამოაკლდა

დე ლა ფუენტემ თბილისში წამოსასვლელად ესპანეთის ნაკრები დარაზმა

კომისარ-მსაჯები განაწილდნენ: რატიშვილი სკოპიეში, თვაური და შალამბერიძე – ბაქოში

საქართველო 10:1 ესტონეთი

"ბორჯღალოსნები" | ნამატით კანადასთან

"ვან დეიკის გოლი უნდა ჩათვლილიყო" - რუნი მსაჯების გადაწყვეტილებას არ ეთანხმება

მეორე ვადით - "ბენფიკას" პრეზიდენტად კვლავ რუი კოშტა აირჩიეს

"ბარსელონას" მთავარი მწვრთნელი გაათავისუფლეს - შენგელიას გუნდი "ზენიტის" ყოფილ თავკაცს დაუკავშირდა

იურიჩს მოხსნას უპირებენ - "ატალანტას" სეზონის ძალიან ცუდი სტარტი გამოუვიდა

"სევილია" შესაძლოა, მალე გაიყიდოს - ახალ მფლობელებს კლუბში დიდი ვალი დახვდებათ

ტენ ჰაგი პრემიერ ლიგაში არ დაბრუნდება - ვულვზმა მწვრთნელად სხვა დამრიგებელი აირჩია

[VIDEO] ბითაძის 3 დაფარება 14 წუთში - "ორლანდო მეჯიქი" "ბოსტონ სელტიქსთან" დამარცხდა

[VIDEO] ლუკა გაგნიძის მეორე საგოლე პასი ესპანეთში

საქართველო 5:0 ესტონეთი

ბურჯანაძის "გრანადამ" ლიდერი "ვალენსია" დაამარცხა, შენგელიას "ბარსა" კი "ხირონასთან" დამარცხდა

[VIDEO] პირველი გოლი ლიგა 1-ის ახალ სეზონში - "კვარამ" "ლიონს" გაუტანა

კიტეიშვილის მაღალი შეფასებები და "შტურმის" ფრე "ზალცბურგთან"

"ლიონთან" მატჩში პსჟ-ს შემადგენლობა ცნობილია

წიტაიშვილმა შეუცვლელად ითამაშა - "მეცმა" ზედიზედ მესამე გამარჯვება იზეიმა

პენალტის მოგერიება არ დაუფასდა - როგორი შეფასებები მიიღო გიორგი მამარდაშვილმა "მანჩესტერ სიტისთან" მატჩში?

[VIDEO] გიორგი მამარდაშვილმა ერლინ ჰოლანის დარტყმული პენალტი მოიგერია

[VIDEO] "ნაპოლის" მესამე უგოლო მატჩი და მარცხი "ბოლონიასთან"