- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
თითქმის უნაკლო როხა
<p>როგორც იქნა! ფავორიტმა ისე ითამაშა, როგორც მას შეეფერება - წუხელ "ფურია როხამ" იოჰანესბურგის "ელის პარკზე" თითქმის უნაკლო თამაში შემოგვთავაზა. მართალია, მეტოქე არცთუ ძლიერი იყო, თუმცა ახლა ესპანეთის ნაკრებისთვის მთავარი დამაჯერებელი ანგარიშით მოგებასთან ერთად საკუთარი თამაშის "პოვნა" იყო და ვისენტე დელ ბოსკეს გუნდმა ეს წარმატებით შეძლო. აი, შედეგი კი გაცილებით დიდი უნდა ყოფილიყო... <br> 21 ივნისი. იოჰანესბურგი. "ელის პარკი" 45 000 მაყურებელი</p><p><p><strong>ესპანეთი-ჰონდურასი 2:0</strong></p><p><strong>ესპანეთი (4-4-2):</strong> კასილიასი - ს. რამოსი (77. არბელოა), პუიოლი, პიკე, კაპდევილა - ხ. ნავასი, ბუსკეტსი, ჩავი (66. ფაბრეგასი), ჩაბი ალონსო - ვილია, ტორესი (70. მატა).</p><p><strong>ჰონდურასი (4-2-3-1)</strong>: ვალადარესი - მენდოსა, ჩავესი, ფიგეროა, ისაგირე - ვ. პალასიოსი, გევარა - ტურსიოსი (63. ნუნიესი), მარტინესი, ესპინოსა (46. ველკომი) - სუასო (84. ჯ. პალასიოსი).</p><p><strong>გოლები:</strong> 1:0 ვილია (17), 2:0 ვილია (51)</p><p><strong>გაფრთხილება:</strong> ტურსიოსი (8), ისაგირე (38)</p><p><strong>მატჩი დაიწყო</strong>: ესპანეთი; დარტყმა: 22-9 (7-0); ჯარიმა: 9-18; კუთხური: 12-2; ბურთის ფლობა: 57%-43%.</p><p><strong>არბიტრი</strong>: იუიჩი ნიშიმურა</p> <p><strong>საინტერესო მომენტები</strong></p> <p>7' - დავიდ ვილიას შორეული დარტყმა ხარიხას მოხვდა.</p> <p>17' - 1:0 დავიდ ვილიას ბრწყინვალე ინდივიდუალური გოლი. ის საჯარიმოში მარცხენა კუთხიდან შევიდა, გასცდა მცველებს და ვარდნაში უძლიერესად დაარტყა.</p> <p>25' - ნავასის ჩაწოდებულს ჩავი ვერ მისწვდა თავით.</p> <p>35' - ტორესმა თავით დაარტყა, მაგრამ ბურთი გადააცილა კარს.</p> <p>51' - 2:0: საჯარიმოს მისადგომიდან ვილიამ ჰონდურასის კარი დალაშქრა, ბურთი ჯერ ძელს მოხვდა და შემდეგ გავიდა კარში.</p> <p>53' - სერხიო რამოსის დარტყმული ოდნავ აცდა კარს.</p> <p>60' - ნავასი საჯარიმოში ისაგირემ მოცელა - პენალტი.</p> <p>62' - ვილიამ პენალტი ჰონდურასელთა კარს ააცილა.</p> <p>66' - შეცვლაზე შესული ფაბრეგასი კინაღამ გოლის ავტორი გახდა, მისი დარტყმული ჰონდურასელმა მცველმა ჩავესმა ცარიელი კარიდან გამოიტანა.</p> <p>82' - გევარამ საჯარიმო შეასრულა, ველკომის თავური აცდა ესპანელთა კარს.</p> <p>86' - ვილიას დარტყმული ბოლო მომენტში მენდოსამ ჩაჭრა და ჰონდურასი გოლისგან იხსნა.</p> <p><strong>ორმაგი ვილია და რანდევუ ჩილესთან</strong></p> <p>როგორც იქნა! ფავორიტმა ისე ითამაშა, როგორც მას შეეფერება - წუხელ "ფურია როხამ" იოჰანესბურგის "ელის პარკზე" თითქმის უნაკლო თამაში შემოგვთავაზა. მართალია, მეტოქე არცთუ ძლიერი იყო, თუმცა ახლა ესპანეთის ნაკრებისთვის მთავარი დამაჯერებელი ანგარიშით მოგებასთან ერთად საკუთარი თამაშის "პოვნა" იყო და ვისენტე დელ ბოსკეს გუნდმა ეს წარმატებით შეძლო. აი, შედეგი კი გაცილებით დიდი უნდა ყოფილიყო, თუნდაც პორტუგალია-ჩრდილოეთ კორეის მატჩის მსგავსი, მაგრამ ხან ესპანელთა ფორვარდები სცოდავდნენ, ხან კი ჰონდურასელთა მცველები თავგანწირვით ეღობებოდნენ ვალადარესის კარისკენ წასულ ბურთებს.</p><p>H ჯგუფში ისეთი სიტუაცია შეიქმნა, რომ შეიძლება პლეი ოფს მიღმა 6-ქულიანი გუნდიც კი დარჩეს. 6 ქულა ჯერჯერობით ჩილეს ნაკრებს აქვს, თუმცა ამის შანსი ესპანელებსა და შვეიცარიელებსაც აქვთ. აი, ამის შემდეგ კი ყურადღება ჯგუფში გატანილი და მიღებული ბურთების სხვაობას მიექცევა, შემდეგ კი გოლების რაოდენობას. დასანანია, ამ ჯგუფში სამი მართლაც კარგი გუნდი შეიკრიბა, მაშინ როცა ზოგიერთ ჯგუფში შეიძლება უსახური ნაკრები 3 ქულითაც გავიდეს მერვედფინალში. სხვათა შორის, ამ ჯგუფში შანსი ჯერ ჰონდურასელებსაც არ დაუკარგავთ, თეორიული შანსი ჯგუფიდან გასასვლელად მათაც კი შერჩათ.</p><p>ვისენტე დელ ბოსკემ შვეიცარიის ნაკრებთან მატჩისგან დასკვნები გამოიტანა და ცვლილებებიც შეიტანა შემადგენლობაში - ფერნანდო ტორესმა სასტარტო შემადგენლობაში დაიწყო და დავიდ ვილიასთან ერთად ცნობილი დუეტი აღადგინა. მოულოდნელად, სასტარტოში ადგილი შეინარჩუნა სერხიო ბუსკეტსმა, ვერ ითამაშა ანდრეს ინიესტამ და ვერც სესკ ფაბრეგასი ვიხილეთ (ის მხოლოდ შეცვლაზე შემოვიდა), სამაგიეროდ თავიდანვე გამოჩნდა ხესუს ნავასი. ესპანეთის ნაკრებმა ფაქტობრივად მარცხენა ნახევარმცველის გარეშე ითამაშა, რადგან კაპდევილა თითქმის მთელ ფლანგს აკონტროლებდა და ვილიაც შეტევებს უფრო ამ ფლანგიდან იწყებდა.</p><p>ცვლილებებმა უდავოდ გაამართლა - ესპანეთის ნაკრები უკეთ ათამაშდა, ხოლო ჰონდურასმა ვერ შეძლო ისეთი დაცვითი რედუტების შექმნა, როგორც შვეიცარიამ. და მაინც, კაცმა არ იცის, როგორ წარიმართებოდა მოვლენები, რომ არა ვილიას დროული და ფანტასტიკური გოლი მე-17 წუთზე. ამის შემდეგ "ფურია როხას" გაცილებით გაუადვილდა თამაში. დავიდ ვილიამ ესპანეთის ნაკრების შემადგენლობაში 39-ე და მე-40 გოლები გაიტანა, შეეძლო 41-ეც შეეგდო, ვალდებულიც იყო, მაგრამ პენალტი უხეიროდ დაარტყა და ამერიკელთა კარს საერთოდ ააცილა ბურთი.</p><p>მესამე ტურის წინ ესპანეთის ნაკრებისთვის მარტივი, მაგრამ ძნელად შესასრულებელი ამოცანა დგას - თუკი "ფურია როხა" მოუგებს ჩილეს, ნებისმიერი ანგარიშით, ის პლეი ოფში გავა. არ შეიძლება არ აღვნიშნოთ, რომ ესპანეთის ნაკრების უსუსტეს რგოლად რჩება... მეკარე. დიახ, კაპიტანი ძალზე არადამაჯერებლად თამაშობს. ინჩადას გაუმართლდა, ნახევარმცველებსა და მცველებს საქმე იშვიათად მიჰყავთ კასილიასამდე, თორემ არავინ იცის რას მოიმოქმედებდა "აჭრილი" გოლკიპერი. ჩილეს ნაკრებთან მატჩის წინ დელ ბოსკეს მთავარი საფიქრალი უთუოდ კასილიასი იქნება. წუხელ სუსტი იყო ტორესიც...</p><p><strong>მატჩის საუკეთესო ფეხბურთელი</p><p>დავიდ ვილია</strong></p><p>განა შეიძლება არსებობდეს სხვა მოსაზრება? და ეს მიუხედავად იმისა, რომ ვილიამ მეორე ტაიმში მესამე გოლის გატანის უნიკალური შანსი გაანიავა - თერთმეტმეტრიანი ააცილა. პირველი და მეორე გოლები მცირე საფეხბურთო შედევრები იყო "ელ გუახეს" შესრულებით. ის მარცხენა ფლანგიდან უტევდა მეტოქის კარს და შესანიშნავადაც.</p><p><strong>მატჩის შემდეგ</strong></p><p><strong>ვისენტე დელ ბოსკე</strong> (ესპანეთის ნაკრების მთავარი მწვრთნელი): "დღეს ყველაზე მთავარი გამარჯვება იყო. ახლ ჩვენი იგივე უნდა გავაკეთოთ ჩილეს ნაკრების წინააღმდეგ. დღეს ძალზე ბევრი საგოლე მომენტი გავანიავეთ, თუმცა ეს ფეხბურთს ახასიათებს - ზოგჯერ ერთ მომენტს შექმნი და იმას გამოიყენებ, ზოგჯერ კი ათი მომენტიც არ არის საკმარისი გოლის გასატანად".</p><p><strong>რეინალდო რუედა</strong> (ჰონდურასის ნაკრების მთავარი მწვრთნელი): "ვგეგმავდით ჩვენი ფეხბურთი შემოგვეთავაზებინა მეტოქისთვის, რაც მოულოდნელობა უნდა ყოფილიყო მისთვის. მაგრამ ვილიას პირველმა გოლმა ყველაფერი ჩაგვიშალა. ესპანელები მოედანზე თავისი საქმის დიდი ოსტატები არიან, ჩვენ გაცილებით უკეთეს ნაკრებთან წავაგეთ".</p><p><strong>სახალისო სტატისტიკა</strong></p><p><strong>დავიდ ვილია</strong>: კარისკენ 7 დარტყმა, 3 კარში წავიდა, 2 გოლი; 4 სოლორეიდი; გაირბინა 9 512 მეტრი.</p><p><strong>ყველაზე მეტი პასი:</strong> ჩაბი ალონსო (88)</p><p><strong>ყველაზე მეტი ზუსტი პასი</strong>: ჩაბი ალონსო (73)</p><p><strong>ჩაწოდება:</strong> ხ. ნავასი (12)</p><p><strong>ყველაზე მეტი გაირბინა</strong>: ჩაბი ალონსო (11 318 მ)</p><p><strong>ყველაზე სწრაფი:</strong> პიკე (28,15 კმ.სთ.)</p> <p><strong>ნიკოლოზ ნეფარიძე</strong></p> <p> </p> <p> </p> <p> </p> <p> </p> <p> </p> <p> </p> <p> </p></p>
[VIDEO] ქუთაისის "ტორპედომ" მეოთხედ მოიგო საქართველოს სუპერთასი!
VIDEO | სლავა მეტრეველის სახელობის სუპერთასი | დილა 0-1 ტორპედო. რომ არა 73-ე წუთი...
VIDEO | სლავა მეტრეველის სახელობის სუპერთასი | იბერია 1999 1-0 დინამო (თბ). ფინალისტის ბედი ბედოშვილის გოლმა გადაწყვიტა
სალაჰი შეიძლება პრემიერლიგიდან არ წავიდეს
"ოჯახში 7 წლის განმავლობაში ჩემი ხელფასიდან 1 პენი არ დაგვიხარჯავს, ბონუსებით ვცხოვრობდით" - ოსკარმა ჩინეთში გამომუშავებულ მილიონებზე ისაუბრა
საფრანგეთის ნაკრებს მუნდიალის შემდეგ ზინედინ ზიდანი ჩაიბარებს
ოფიციალურად: ტილემანსი "მანჩესტერ იუნაიტედის" ფეხბურთელია
ვიეირა: ფრანგი ფეხბურთელები ყველანი გაქრნენ
ტერი: ინგლისი არგენტინაზე უკეთესია - ბელინგემი ზიდანს მომაგონებს
17-წლამდე ძალოსანთა ნაკრებმა მსოფლიო ჩემპიონატზე 14 მედალი მოიპოვა
დაბრუნება მშობლიურ გუნდში - აზარი ლიგა 1-ში ითამაშებს
"ბარსელონამ" შესაძლოა, საშინაო მატჩები ოლიმპიურ სტადიონზე კვლავ გამართოს
"პერესს ვურჩიე, თუ ერთ ფეხბურთელზეა ფული დასახარჯი, ის შეიძინოს" - მაკელელემ ფავორიტი დაასახელა
დღეს მბაპე VS იამალი, ხვალ კეინი VS მესი - ნახევარფინალების PREVIEW
ფერანის მორიგი გაშორება - ტორესმა ქალებთან ურთიერთობა ვერაფრით დაალაგა
იტალიის ნაკრებს სავარაუდოდ, პირლოს ჩააბარებენ
ალისონის წასვლა მაინც შესაძლებელია? - "ლივერპული" ბრაზილიელის გაშვებას მხოლოდ ერთ შემთხვევაში დათანხმდება
მე-3 კლასში სკოლის მიტოვება მოუწია - ოსიმენმა თქვა, რას აპირებს კარიერის დასრულების შემდეგ
შედგება თუ არა თოფურიასა და გეიჯის რემატჩი - ამერიკელი მებრძოლის აგენტმა ყველაფერი განმარტა
ეს ხუმრობა როდია - სენეგალის ნაკრების ექიმი გინეკოლოგი ყოფილა
"ტორპედომ" შულაია დაიმატა
"მესი მოკვდავს ჰგავს - დავაძინებთ" - ინგლისელები წინასწარ ზეიმობენ გამარჯვებას
ოფიციალურად | ნოდარ ყალიჩავა ბათუმის "დინამოს" ფეხბურთელია