შემტევი იტალია ახალი დევიზით

პრანდელიმ “აძურა” ესპანეთის ნაკრებს შეადარა: “როგორც ხედავთ, იტალიის ნაკრებს შეტევაშიც შეუძლია თამაში და თანაც, შედეგიანად" ესტონეთთან მატჩამდე ჩეზარე პრანდელიმ არაერთხელ განაცხადა, რომ მისი გუნდი შემტევ, ტექნიკურ ფეხბურთზე გააკეთებდა აქცენტს. ჩეზარე ყველანაირად ცდილობს სტერეოტიპი დაამსხვრიოს და დაამტკიცოს, რომ იტალიის ეროვნულ ნაკრებს შეტევაზე ორიენტირებული ფეხბურთის თამაში შეუძლია. რაც შეეხება უშუალოდ ესტონეთთან დაპირისპირებას, პრანდელიმ თამაშამდე ერთი დღით ადრე განაცხადა, რომ მეტოქეს ორი მსუბუქი ფორვარდით: ანტონიო კასანოსა და ჯუზეპე როსის ტანდემით შეუტევდა. მიზეზი გასაგებია, ბალტიისპირელები ძალისმიერ ფეხბურთს თამაშობენ, ორგანიზებულად იცავენ თავს და ძლიერები არიან საჰაერო ორთაბრძოლებში - ამიტომ, აქცენტი ტანმორჩილ, მაგრამ ტექნიკურ თავდამსხმელებზე გაკეთდა, რომელთა სწრაფ და არაორდინალურ ქმედებებს დისონანსი უნდა შეეტანათ ესტონელთა დაცვით ფაზაში. ასე აგიხდეთ ყველაფერი - პრანდელის სტრატეგიამ გაჭრა, კასანომ და როსიმ საკმაოდ ადვილად აუღეს ალღო ამოცანას, გოლებიც გაიტანეს და მთლიანობაში, თავი საუკეთესო კუთხით წარმოაჩინეს.შეხვედრის 21-ე წუთი მიმდინარეობდა, როდესაც ანტონიო კასანომ სტუმართა მცველს მოპარა ბურთი, კარგად შენიშნა საჯარიმოში შეჭრილი ჯუზეპე როსი და დროული გადაცემა გაუკეთა - ამ უკანასკნელმა ერთ უკანახაზელს მოხდენილად აუარა გვერდი და მარცხენა ფეხით, მახვილი კუთხიდან ესტონელთა კიპერს უზუსტესად დაუტყა, 1:0. ტაიმის დასრულებამდე ხუთ წუთზე ცოტა მეტი რჩებოდა, როდესაც უკვე კასანომ მიიღო ბურთი მეტოქის საჯარიმოში, ტანით ჩამოიცილა ერთი მეურვე და მანაც მარცხენა ფეხით გადაგზავნა ბურთი ბალტიისპერელთა კარის ჩარჩოში, 2:0.როგორც არ უნდა ეცადოს პრანდელი, რომ იტალიისგან ზეშემტევი გუნდი დააყენოს, ვფიქრობთ, რომ ბოლომდე მიზნის მიღწევა გაუჭირდება, რადგან მენტალიტეტი მაინც მენტალიტეტია - მეორე ნახევარში, იტალიელებმა თამაშის ტემპი დააგდეს და მშვიდად დაიწყეს ბურთის გორება. არადა, იმდენად დიდი იყო მასპინძელთა უპირატესობა, რომ კიდევ არაერთი გოლის გატანა შეიძლებოდა ესტონელთა კარში - თუმცა, ეს იტალიაა და არა მაგალითად გერმანია, რომელიც ასეთი ტიპის შეხვედრებში ექვს და შვიდ გოლსაც არ ჯერდება. აპენინელებმა ბურთის კონტროლს მიჰყვეს ხელი და უნდა ითქვას, რომ ეს საქმე ძალიან კარგად გამოუვიდათ. მეორე ნახევარში ანტონიო კასანო ჯამპაოლო პაცინიმ შეცვალა, ჯუზეპე როსი კი სებასტიან ჯოვინკომ. თუმცა, ამ უკანასკნელს მხოლოდ 10-12 წუთი მიეცა თავის გამოსაჩენად და განსაკუთრებული ვერაფერი შეძლო. აი პაცინიმ კი გაიტანა ერთი გოლი და შეხვედრის საბოლოო რეზულტატი დააფიქსირა. პაცოს გოლში რიკარდო მონტოლივომ დაიდო ლომის წილი, მოედნის ცენტრში მიიღო ბურთი, აწია თავი და რბილი გადაცემით “ინტერის” ფორვარდი მეკარეს პირისპირ შეჰყარა, ამ უკანასკნელმაც ერთი შეხებით გადაგზავნა ბურთი კარის ჩარჩოში, 3:0. დარჩენილ დროში საინტერესო აღარაფერი მომხდარა, იტალიამ საკმაოდ იოლად მოუგო ესტონეთს და თუ რაიმე სასწაული არ მოხდა, შესარჩევ ჯგუფში აუცილებლად პირველ ადგილს დაიკავებს.ნამატჩევს, პრანდელიმ “აძურა” ესპანეთის ეროვნულ ნაკრებს შეადარა: “როგორც ხედავთ, იტალიის ნაკრებს შეტევაშიც შეუძლია თამაში და თანაც, შედეგიანად. მეტსაც გეტყვით, ძალიან ძლიერი თავდასხმის ხაზი გვყავს და ამ კომპონენტში ცოტა თუ შეგვედრება. აქცენტი ბურთის კონტროლზე გავაკეთეთ და ესეც საკმაოდ კარგად გამოგვივიდა - დაახლოებით ისე ვიასპარეზეთ, რომ როგორც ესპანეთის ეროვნული გუნდი თამაშობს. პირინეელებს დაყენებული გუნდი ჰყავთ, ფეხბურთელები დიდი ხანია ერთად თამაშობენ და შესაბამისად, ჯერ წინ არიან, მაგრამ ვფიქრობ, რომ ძალიან მალე დავეწევით”.კომენტარი გააკეთა ჯუზეპე როსიმაც და განაცხადა, რომ ანტონიო კასანოს მხარდამხარ თამაში ძალიან მოეწონა: “კასანო რომ დიდი ფეხბურთელია, ისედაც ვიცოდი, თუმცა ასეთი სასიამოვნო თუ იქნებოდა მის გვერდით თამაში, არ მეგონა. ისეთი შეგრძნება დამეუფლა, რომ წლებია ერთად ვასპარეზობთ და ურთიერთგაგების თვალსაზრისით არავითარი პრობლემა არ გვაქვს. ეს მართლაც ასეა, არც ერთხელ არ დამიგვიანა გადაცემა და პირველი გოლიც ამის შედეგი გახლდათ. ჩემი მხრივ, მაქსიმალურად ვცდილობდი, რომ გუნდზე მეთამაშა და ნაკლები მეფიქრა საკუთარ თავზე - თუმცა, ისე მოხდა, რომ გოლიც გავიტანე და ეს კიდევ უფრო ბედნიერს მხდის”.ესპანელებს გაეტოლა ანდრეა პირლოც და შემდეგი განაცხადა: “მთელი თამაშის განმავლობაში, ბურთს ჩვენ ვაკონტროლებდით და შეხვედრაც სასურველი რეზულტატით დავასრულეთ. ესტონელებმა ტალინში დიდი წინააღმდეგობა გაგვიწიეს, თუმცა პრანდელიმ სწორი დასკვნები გამოიტანა იმ თამაშისგან, რამაც მიზნის მიღწევა ბევრად უფრო გაგვიადვილა. ნათელია, რომ ვპროგრესირებთ და შედეგიც კარგი გვაქვს - რაც შეეხება თამაშის მანერას, ახლოს ვართ ესპანეთის ნაკრების სტილთან და ეს ძალიან კარგია, რადგან პირენეელებმა ბოლო ოთხ წელიწადში ყველაფერი მოიგეს”.

საქართველოს მინიფეხბურთის ნაკრები ევროპის ჩემპიონატზე ესპანეთს დაუზავდა

დიდი დაბრუნება - ვლადიმირ ვაისი სლოვაკეთის ნაკრების მთავარი მწვრთნელია

ბუნდესლიგის ამომავალი ვარსკვლავი შეიძლება მამარდაშვილის ან კვარაცხელიას თანაგუნდელი გახდეს

20 წ. | ვინ მოდის საქართველოში - აშშ

ანტმანი: თუ შანსებს ვერ იყენებ, ამით მეტოქე სარგებლობს

ბაჰრეინთან მატჩში საქართველოს ნაკრების შემადგენლობა ცნობილია

რობერტსონი "ლივერპულიდან" "ტოტენჰემში" გადავიდა

BILD: აი, ასე დასცინოდა სლოტი "ლივერპულის" ახალწვეულებს

პალიკო ჯიმშელაძე ბორჯღალოსნებში ბრუნდება!

ვინგსმა ჰიუნდაი დაამარცხა და ფინალში ვსა-ს შეუწყვილდა | რა ხდება ასაკობრივ A ლიგებში?

"მე კი წავედი, მაგრამ მის ადგილას კარგად დავფიქრდებოდი" - კოულმა კალაფიორის "რეალში" შესაძლო ტრანსფერზე ისაუბრა

"შავი ლომი" | "ტოიოტა ჩელენჯს" "აირლინკ პუმასით" ვიწყებთ

კიტეიშვილი: სანაკრებო დონეზე შედეგები მარტივად არ მიიღწევა და ამისთვის მზად უნდა ვიყოთ

ოფიციალურად - "ლივერპული" ირაოლამ ჩაიბარა

U21 | აშშ V საქართველო - მატჩისწინა ვარჯიში ბრანსკოში

არც კოშტა და არც სვილარი - პსჟ იტალიელ მეკარეს დაიმატებს

Le Parisien: პსჟ-მ ბატრაკოვთან დაკავშირებით გადაწყვეტილება მიიღო

20 წ. | ვინ მოდის საქართველოში - ესპანეთი

ქალთა ნაკრები ფარერის კუნძულების ეროვნულ გუნდს უმასპინძლებს

"ხვიჩა პირველივე წუთებიდან ითამაშებს... მამარდაშვილს ვურჩევდი, რომ სხვა კლუბში გადავიდეს" - ვილი სანიოლის პრესკონფერენცია

ვან დერ ვაარტმა მიანიშნა, რომ რუსებმა ევროპირველობაზე დოპინგი მიიღეს

მატჩის დღე! ბაჰრეინთან "მამარდას" გარეშე და "კვარასთან" ერთად

ვლაჰოვიჩი "იუვენტუსს" თავისუფალი აგენტის სტატუსით დატოვებს