მთავარი სტარტის მოლოდინში

მძლეოსნობაში მსოფლიოს ჩემპიონატი ახლოვდება და ათლეტები თანდათან შედიან ოპტიმალურ ფორმაში მძლეოსნობაში მსოფლიოს ჩემპიონატი ახლოვდება და ათლეტები თანდათან შედიან ოპტიმალურ ფორმაში. ამაზე მეტყველებს ამერიკის ქალაქ იუჯინში გამართული "ბრილიანტის ლიგის" მეოთხე ეტაპზე ნაჩვენები შედეგები. ეს სტარტი ამ კომერციული სერიის ჩამოყალიბებამდეც პრესტიჟული იყო. მისი ოფიციალური სახელწოდებაა - Prefontaine Classic. სტივ პრეფონტეინი მორბენალი იყო, რომელიც ავტოკატასტროფაში დაიღუპა. 2011 წელს იუჯინში ფენომენალური შედეგები დაფიქსირდა, მათ შორის ერთი - მსოფლიოს რეკორდი.ტურნირი ორ დღედ დაიყო. თავდაპირველად არენა სტაიერებს დაეთმო და სწორედ ამ დღეს დამყარდა მსოფლიოს რეკორდი. მისი ავტორი გახდა კენიელი მოზეს მოსოპი, რომელიც 30 კილომეტრზე მირბოდა. თავდაპირველად მან საუკეთესო დრო 25 კილომეტრზე დააფიქსირა - 1:12.25,4, თუმცა ამით არ დაკმაყოფილდა და ხუთი კილომეტრის შემდეგ კიდევ ერთი რეკორდი დაამყარა - 1:26.47,4! სულ ამ გარბენისას ფინიშამდე ხუთმა სპორტსმენმა მიაღწია.ორჯერ ნაკლებ დისტანციაზე ბრიტანელმა მო ფარაჰმა 22 აფრიკელს აჯობა. მო არათუ პირველი მივიდა ფინიშთან, არამედ ევროპის რეკორდის ავტორიც გახდა - 26.46,57.მეორე დღე უფრო დატვირთული იყო. საყოველთაო ინტერესი გამოიწვია 100 მეტრზე გარბენამ, თუმცა ის ამჯერად არ შედიოდა "ბრილიანტის ლიგის" ჩათვლაში. რა თქმა უნდა, განსაკუთრებული ყურადღება იყო მიპყრობილი ოლიმპიური ჩემპიონისკენ, ამერიკელ ჯასტინ გეტლინისკენ, რომელმაც შარშან მოიხადა ოთხწლიანი დისკვალიფიკაცია და პირველად გამოჩნდა ასეთი დონის ტურნირზე. ჯასტინი მერვე ბილიკზე დააყენეს. ამ გარბენში თანამედროვე სპრინტის ლიდერები ვერ ვიხილეთ, თუმცა ექვსმა მონაწილემ შეძლო 10 წამზე ნაკლები დროის დაფიქსირება. მათ შორის იყო გეტლინიც - 9,97 წამი, მაგრამ ეს დრო მხოლოდ მეექვსე ადგილისთვის აღმოჩნდა საკმარისი. ჯასტინზე სწრაფები იყვნენ - ფრატერი (9,94), პატონი (9,94), ნესტა კარტერი (9,92), როჯერსი (9,85), გამარჯვება კი იამაიკელმა სტივ მალინგსმა მოიპოვა სეზონის საუკეთესო დროთ - 9,80! იმის მისახვედრად რამდენად მაღალი შედეგი აჩვენა მალინგსმა, გეტყვით იმას, რომ შარშან მსოფლიოს რეკორდსმენ უსაინ ბოლტს ასე სწრაფად არ ურბენია. ასე რომ, სტივმა სერიოზული განაცხადა გააკეთა თანამედროვე სპრინტერთა ელიტაში შესასვლელად.მაღალი შედეგი ვიხილეთ ქალთა სპრინტშიც. კარმელიტა ჯეტერმა ზურგის ქარის (2 მ/წმ) დახმარებით 10,70 წამი დააფიქსირა! ქალთა სპრინტის ისტორიაში ამაზე სწრაფად მხოლოდ მერიონ ჯონსსა და მსოფლიოს რეკორდსმენ ფლორენს გრიფიტ-ჯოინერს ურბენიათ. თავად კარმელიტამ შარშანდელ სეზონში ექვსი მეასედით უკეთესი დრო აჩვენა, მაგრამ ეს წლის ბოლოს მოხდა. ამერიკელი წელს 32 წლის გახდება, მაგრამ, როგორც ჩანს, კარიერის ზენიტში იმყოფება. ასევე აღსანიშნავია ოლიმპიური ჩემპიონის შელი-ენ ფრეზერის დაბრუნება, რომელიც დისკვალიფიკაციას იხდიდა აკრძალული პრეპარატების მიღებისთვის.110 მეტრზე თარჯრბენში დევიდ ოლივერმა რევანში აუღო ლიუ სიანს "ბრილიანტის ლიგის" შანხაის ეტაპზე დამარცხებისთვის. ჩინელმა უფრო სწრაფად გაირბინა (13,00), ვიდრე შინ, მაგრამ ოლივერმა ბრწყინვალე ტემპი აჩვენა - 12,92 წამი. ამერიკელი დაირონ რობლესის მსოფლიოს რეკორდს მხოლოდ შვიდი მეასედით ჩამორჩა.IV ეტაპი. იუჯინი (აშშ)კაცები100 მ. 1. სტივ მალინგსი (იამ) - 9,80; 2. მაიკლ როჯერსი (აშშ) - 9,85; 3. ნესტა კარტერი (იამ) - 9,92; 400 მ. 1. ანჯელო ტეილორი (აშშ) - 45,16; 2. ჯერემი უორინერი (აშშ) - 45,43; 3. კევინ ბორლი (ბელ) - 45,51; 10 000 მ. 1. მოჰამედ ფარაჰი (ბრიტ) - 26.46,57; 2. იმეინ მერგა (ეთი) - 26.48,35; 3. ჯოსფატ კიპკოეჩ ბეტი (კენ) - 26.48,99; 30 000 მ. 1. მოსეს მოსოპი (კენ) - 1:26.47,4 (მსოფლიოს რეკორდი). 2. აბელ კირუი (კენ) - 1:30.00,1; 3. ხოსეა მვოკ მაჩარინიანი (კენ) - 1:32.25,6; 110 მ/თარჯბრენი. 1. დევიდ ოლივერი (აშშ) - 12,94; 2. ლიუ სიანი (ჩინ) - 13,00; 3. არის მერიტი (აშშ) - 13,18; სიმაღლეზე ხტომა. 1. რაულ შპანკი (გერ) - 2,32; 2. ანდრეი სილნოვი (რუს) - 2,32; 3. ჯესი უილიამსი (აშშ) – 2,32.ქალები100 მ. 1. კარმელიტა ჯეტერი (აშშ) - 10,70; 2. მარშევეტ მაიერსი (აშშ) - 10,76; 3. კერონ სტიუარტი (იამ) - 10,87; 800 მ. 1. კენი სიკლეირი (იამ) - 1.58,29; 2. კასტერ სემენია (ს. აფრ) - 1.58,88; 3. ჯანეტ ჯეპკოსგეი (კენ) - 1.59,15; სამხტომი. 1. ოლგა სალადუჰა (უკრ) - 14,98; 2. ბლესინგ უფოდიამა (აშშ) - 14,06; 3. ანა პიატიხი (რუს) - 13,98; ჭოკით ხტომა. 1. ანა როგოვსკა (პოლ) - 4,68; 2. სვეტლანა ფეოფანოვა (რუს) - 4,58; 3. ფაბიანა მიურერი (ბრა) - 4,48; შუბის ტყორცნა. 1. კრისტინა ობერგლოფი (გერ) - 65,48; 2. მარია აბაკუმოვა (რუს) - 65,30; 3. ბარბარა შპოტაკოვა (ჩეხ) - 64,87.* * *იუჯინში 100 მეტრზე გამარჯვებული სტივ მალინგსის დრო მხოლოდ რამდენიმე საათის განმავლობაში იყო სეზონის საუკეთესო შედეგი. თანამედროვე სპრინტის ერთ-ერთმა ლიდერმა, ამერიკელმა ტაისონ გაიმ კლერმონტში (ფლორიდას შტატი) ნაკლებად წარმომადგენლობით ტურნირზე 100 მეტრი 9,79 წამში გაირბინა.შეგახსენებთ, რომ წელს გაის მთავარ კონკურენტს უსაინ ბოლტს ჯერჯერობით მოკრძალებული შედეგი აქვს - რომსა და ოსტრავაში მან 9,91 წამი აჩვენა. ბოლტი მსოფლიოს რეკორდის მფლობელია - 9,58 წამი, გაის საუკეთესო შედეგი კი 9,69 წამია. მსოფლიოს ჩემპიონატამდე მათი გზები არ გადაიკვეთება. ამერიკელის მომდევნო სტარტი იქნება შაბათს "ბრილიანტის" ლიგის" ნიუ იორკის ეტაპი.

"სასქესო ორგანო გაჩვენოთ?" - ოლიმპიური ჩემპიონის სქესში ეჭვი შეიტანეს [PHOTO]

ვიქტორ სანეევის სახელობის ღია პირველობა

"თავმდაბლობას არ დავიწყებ, ვიცი, რომ წელსაც მეკუთვნოდა..." - ინტერვიუ ლაშა ტალახაძესთან

VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...

VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე

[VIDEO] ქვილითაიამ საფრანგეთში ზედიზედ მეორე მატჩში გაიტანა

ლოჩოშვილის "ნიურნბერგმა" "მაგდებურგს" მოუგო

ლევანდოვსკის MLS-ში ტრანსფერი ჩაიშალა

თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა

ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს

გოჩოლეიშვილი შეცვლაზე შევიდა - "ჰამბურგი" ისევ დამარცხდა

დავითაშვილის ტრავმა და "ტრუასთან" წაგება "სენტ-ეტიენს" შეიძლება ძვირად დაუჯდეს

პსჟ-მ "ბაიერნთან" მატჩამდე "ანჟეს" კვარაცხელიას გარეშე მოუგო

გივი მაჭარაშვილმა და აკაკი ქემერტელიძემ ევროპის ჩემპიონატზე ბრინჯაოს მედლები მოიპოვეს

VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა

"ანჟესთან" მატჩში პსჟ-ს შემადგენლობა ცნობილია

[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება

[VIDEO] ისაკის პირველი გოლი 2026 წელს და "ლივერპულის" მესამე მეკარის შესანიშნავი მოგერიებები - მერსისაიდელებმა "კრისტალ პალასი" დაამარცხეს

კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა

[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო

[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში

"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ

"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა