2013 ისევ "უემბლიზე"?

„უემბლიმ“ 2011 წლის ჩემპიონთა ლიგის ფინალს ისე უმასპინძლა, რომ დიდი შანსია ორი წლის შემდეგ, შეჯიბრების დამაგვირგვინებელი მატჩი ისევ ლონდონის მთავარ სარბიელზე გაიმართოს „უემბლიმ“ 2011 წლის ჩემპიონთა ლიგის ფინალს ისე უმასპინძლა, რომ დიდი შანსია ორი წლის შემდეგ, შეჯიბრების დამაგვირგვინებელი მატჩი ისევ ლონდონის მთავარ სარბიელზე გაიმართოს. როგორც ჩანს უეფას წარმომადგენლებს ადგილობრივმა ინფრასტრუქტურამ მოსჭრა უპირველე ყოვლისა თვალი. ამასთან, ისინი ითვალისწინებენ, რომ სხვა ქალაქები, რომლებიც ლიგის ფინალის სამასპინძლოდ თავს სთავაზობენ, ბევრ საკითხში მოუმზადებლები არიან.28 მაისის დილას, სანამ „ბარსელონა“ „მანჩესტერ იუნაიტედს“ 3:1-ს მოუგებდა, უეფას წარმომადგენლები „უემბლის“ სტადიონის თანამშრომლებს შეხვდნენ და პირდაპირ უთხრეს, რომ ასე მზად სტადიონი ფინალს არ დახვედრია, რაც 1992 წელს ჩემპიონთა თასი ჩემპიონთა ლიგად გადაკეთდა. ინგლისის ფეხბურთის ასოციაციის თანამშრომლები განსაკუთრებული ქების ღირსნი გახდნენ. თამაშის დასრულების შემდეგ ითქვა ისიც, რომ მატჩს დიდი კომერციული წარმატება ჰქონდა, რითაც, რასაკვირველია, საკუთრივ „უემბლის“ სტადიონმაც ძალიან იხეირა.დავაზუსტოთ, ფეხბურთის ასოციაციამ ამ ერთი მატჩით მილიონი ფუნტი მოიგო, მაშინ, როდესაც ტრადიციულად ყველაზე შემომტანი ღონისძიება, მაღალი რანგის როკ კონცერტი, საშუალოდ 250 ათას ფუნტს სტოვებს. შევადაროთ, ეს ფინალი იმავე გუნდების მონაწილეობით ჩატარებულ ორი წლის წინ რომში, რომის „სტადიო ოლიმპიკოზე“ ჩატარებულ ფინალსაც. მაშინ, მოგება სულ რაღაც 125 ათასი ფუნტი იყო.ბილეთების ფასი, „უემბლიზე“, 225-დან 4 ათას ფუნტამდე მერყეობდა. 225 ფუნტი ჩვეულებრივი ბილეთი ღირდა, შემდეგ კი მომსახურეობის მიხედვით ძვირდებოდა. როგორც ტაბლოიდები ვარაუდობენ, მარტო ბილეთებით ვაჭრობამ დაახლოებით 50 მილიონი ფუნტი მოიტანა.შემდეგი ფინალი მიუნხენის „ალიანს არენაზეა“ დანიშნული, მაგრამ უეფა არჩევანით მაინც და მაინც კმაყოფილი არ არის, რადგან ეს სტადიონი სპორსორებთან ცუდ ურთიერთობაშია და დავა რით დასრულდება არავინ იცის.2013 წლის ფინალი კი იმითაც იქნება განსაკუთრებით მნიშვნელოვანი, რომ ის ინგლისის ფეხბურთის ასოციაციის 150 წლისთავს ემთხვევა. ცნობისათვის: „უემბლიზე“ დღეისათვის ჩემპიონთა თასის გათამაშების ყველაზე მეტი ფინალი ჩატარებულა. პირველად ეს 1963 წელს მოხდა, როდესაც ერთმანეთის პირისპირ „მილანი“ და „ბენფიკა“ წარსდგნენ (მილანელებმა 2:1 მოიგეს), სულ კი აქ ექვსი ფინალი გაიმართა: 1963, 1968, 1971, 1978, 1992, 2011.თუ 2013 წლის ფინალს მართლა „უემბლიზე“ ჩაატარებენ, ეს იქნება პირველი შემთხვევა, როდესაც ერთი და იგივე სტადიონი სამ წელიწადში ორჯერ უმასპინძლებს ფინალს. აქამდე, ორ ფინალს შორის ყველაზე „მოკლე მანძილი“ ისევ და ისევ „უემბლიზე“ გახლდათ - 1968, 1971. ასეთივე სხვაობა იყო ვენაში, „პრატერშტადიონზე“, იმავე ერნსტ ჰაპელის სახელობის სტადიონზე ჩატარებულ ფინალებს შორის - 1987, 1990.

როდრი: კლასიკოზე უფრო მნიშვნელოვანი პსჟ-სთან მატჩია

მუსიალა: მინდა სიხარულისგან სიამოვნება მივიღო

Footmercato: პსჟ-ს ეს ფეხბურთელი შეზღუდული შესაძლებლობებისაა

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა

"მესი თუ რონალდო?" - მიულერმა არჩევანი გააკეთა

ზესტაფონის მარგვეთმა გორში ივერიონს მოუგო

"საქართველოსთან ვდომინირებდით - უკრაინასთან შურისძიება გვმართებს" - უნგრელი ფეხბურთელი

U19 | საქართველო 2:2 ლატვია

საქართველოს ნაკრების ფეხბურთელები: საკუთარ თავში უნდა ვიპოვოთ ძალები, რომ პირველ რიგში გამოვასწოროთ ჩვენი თამაში

ფუტსალი | 19-წლამდე ნაკრების მეტოქეები ცნობილია

საქართველოს ნაკრები ეიფორიიდან ჩიხში! - რატომ არაა კვარაცხელია სობოსლაი?

"ეს ბევრ რამეზე მეტყველებს" - ბასტონი საფრანგეთთან მატჩის შემდეგ

"ალბათ რამე მეც მერგება" - კუკურელიამ "ოქროს ბურთზე" ისაუბრა

ბათუმმა სუპერლიგის გასხნით მატჩში ქუთაისი ბოლო წამებზე 80:77 დაამარცხა

საფრანგეთი და იტალია დაზავდნენ, ბელგიამ თურქეთი დაამარცხა

როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?

[VIDEO] ისევ უგოლოდ - საქართველოს ნაკრები უნგრეთთან დამარცხდა და 1 ქულით აუტსაიდერია

უნგრეთთან მატჩში საქართველოს ნაკრების შემადგენლობა ცნობილია

რაფინია მძიმე ტრავმას გადაურჩა

ოლმოს ხორვატიაში დაბრუნება სურს

სიომინი: ხვიჩა "ოქროს ბურთის" ნომერი პირველი პრეტენდენტია

საქართველო, პორტუგალია, რუმინეთი და ესპანეთი ოთხი ერის ალიანსს აფუძნებენ