<p>რუსმა მწვრთნელმა-ანალიტიკოსმა იგორ მანანიკოვმა ყაზანის "რუბინის" ქართველი ნახევარმცველის, ხვიჩა კვარაცხელიას შესახებ ისაუბრა.</p><p>- ხვიჩასა და მაკაროვს თუ შევადარებთ, მეორე უფრო სტაბილურია: ვგულისხმობ გადაწყვეტილებების მიღებას, იმის ცოდნას, თუ რა სურს. დენისის უპირატესობა სივრცეშია, ხვიჩა კი შეტევაში მრავალფეროვნებას ქმნის. ის მეტოქეებს იმაზე მეტჯერ ატყუებს, ვიდრე რუსეთის პრემიერიგის გუნდების ნახევარი ერთად აღებული.</p><p>- <strong>კვარაცხელიას დრიბლინგის 107 მცდელობა აქვს. ეს პრემიერლიგის საუკეთესო მაჩვენებელია, თან მეორეადგილოსანს დიდი ფორით უსწრებს. წარმატებული ამ მდელობებიდან 55 იყო...</strong></p><p>- ნელ-ნელა მისი დრიბლინგების ეფექტიანობა იზრდება. მათ უკვე გაგრძელება აქვთ: ხვიჩა უკეთ ანაწილებს ბურთს, ეს ცხადია. პროგრესი ძალიან სწრაფი არაა, თუმცა სხვანაირად შეუძლებელია. მოტყუების შემდეგ ხვიჩა უფრო და უფრო ეფექტიანი ხდება. სწორედ მისი თამაშის შედეგიანობაზეა დამოკიდებული "რუბინის" შეტევა.</p><p>კვარაცხელია მრავალმხრივი ფეხბურთელია. შეუძლია ზონებს შორის ბურთი ზურგით მიიღოს და კარისკენ უცებ მოტრიალდეს. თუ ხვიჩა მოუმატებს და სწრაფად მოიფიქრებს, რა უყოს ბურთს ბრწყინვალე დრიბლინგის შემდეგ, თუ პარტნიორებსაც უფრო ხშირად შეამჩნევს, "რუბინის" შეტევა ამით გაძლიერდება. იყო ეპიზოდები, როცა პასი უნდა გაეკეთებინა, თუმცა სხვა გადაწყვეტილება მიიღო. თუ ამ "პრობლემაზე" იმუშავებს, ის ტოპ-დონეზე ავა.</p><p><strong></p><p>- ზოგჯერ ხვიჩა ზედმეტად ათრევს ბურთს და ამას სახიფათო კონტრშეტევები მოჰყვება. როგორი დამოკიდებულება უნდა გქონდეს, როცა შენი ფეხბურთელი მუდმივად მეტოქის მოტყუებაზე მიდის? სლუცკი ამბობს, რომ მისი შეზღუდვა არ სურს... </strong></p><p>- ლეონიდი თამაშის დაგეგმვაში კრეატიულობას უდიდეს მნიშვნელობას ანიჭებს, თუმცა უფრო მკაცრი პრინციპებიც არსებობს. მათ ფარგლებში თავისუფლება ხვიჩასთვისაც მოიძებნება.</p><p>წესებში ცვლილების შეტანა ყოველთვის შეიძლება, თუ საქმე ფენომენალურ ციფრებთან გვექნება. ხვიჩას სტატისტიკა კი ფენომენალურთან ძალიან ახლოსაა. სლუცკის სისტემის ცოდნის გათვალისწინებით, ვხვდები, როგორ ათავსებს მასში კვარაცხელიას. დრიბლინგების დიდ ოდენობას შედეგი ყოველთვის არ მოაქვს და მოთამაშეს მითითებები სჭირდება. ვთვლი, რომ ეს მუშაობს. აღნიშნულ სამწვრთნელო შტაბთან ერთად ხვიჩას დრიბლინგი უფრო ეფექტიანი ხდება.</p><p>საინტერესო ის არის, მომავალში მის წინააღმდეგ უხეშ თამაშზე ხვიჩას რა რეაქცია ექნება და როგორ შეინარჩუნებს სტაბილურ დონეს. თუმცა, ეჭვგარეშეა, "რუბინს" თავდასხმაში დიდი მომავალი აქვს", - განაცხადა მანანიკოვმა.</p><p><strong>მ</strong><strong>ომზადებულია Sports-ის მიხედვით</p><p></strong> <p><br></p>
სოსო
მგონი კარგი ანალიზია.კარგი ისაა,რომ სლუცკი მას ენდობა.თან ათამაშებს და თან გზადაგზა ხვეწავს მის თამაშს.ამ ეტაპზე ხვიჩასთვის,სლუცკიზე უკეთესი მწვრთნელი,ვერ წარმომიდგენია.თვითონ ხვიჩა,ძალიან სერიოზულად უდგება თავის განვითარებას და ეს არც მიკვირს,მამამისი ხომ თვთონაც ყოფილი ფეხბურთელი და მწვრთნელია.ოჯახმა ძალიან კარგად იცის,რა სჭირდება და გეგმას მიჰყვება.სხვათა შორის,იგივეს ვიტყოდი ზურიკო დავითაშვილზე და მის ოჯახზეც.ზურიკოს რაღაც პერიოდი ჩავარდნა ჰქონდა და ახლა გამოდის წინა ხაზზე.ვფიქრობ მას უფრო მეტი კომპონენტები აქვს დასახვეწი,მაგრამ თუ ამ ორმა ბოლომდე გაქაჩა განვითარებაში,მაშინ საქართველოს ნაკრებს,მესხისა და მეტრეველის დინამოს შეადარებენ.ღმერთმა ქნას ახდენილიყოს.პ.ს.მესხი მსოფლიოში სწორუპოვარი დრიბლიორი იყო,მეტრეველი კი თითქოს არ ჩანდა ხოლმე.მე ბავშვი ვიყავი მაშინ და რა თქმა უნდა თამაშის გარჩევა-გაგება ,არ შემეძლო,მაგრამ უკვე ცოტა მოზრდილმა,ვეტერანთა მატჩში ვნახე მეტრეველი და საკუთარი თვალით რომ დავაკვირდი რას და როგორ აკეთებდა მოედანზე,აღტაცებული დავრჩი.საოცარი ფეხბურთელი ყოფილა,შესაძლოა მესხზეც კი მნიშვნელოვანი.
aburjga
კოჭებამდე წყალში, დამბალ გრუნტზე სისწრაფის აკრეფა ძალიან ძნელია! ამიტომაც ვერ გაასწრო, მაშიმნ როცა ვერ გაასწრო!
აბა ესა ყოფილა
ეს არაკაცი და საკუთარი ხალხის შანტაჟისტი მესი რა მოსატანია როცა კაცები საუბრობენ.
ვა რა დონეა
ხვიჩაზე უხეში თამაში ან ყვითელია და საჯარიმოში პენალტი.ასეა რუბინშიც ასე იყო ნაკრებშიც.რას ჭკუსკოლოფობთ ორივე თამაშში შედეგი მაგისი იყო.მაკედონიასთან წყლიან მინდორზე რომ ვერ გაასწრო თურმე სისწრაფე არ ქონია.ყველას თავი ფეოლა გონია.
Milani
Kargi bichia xvicha, imedia shezlebs shesazleblobebis realizebas.
Lasha
19 წლისაა და მაგ ასაკის ნეიმარივით ან მბაპესავით ნამდვილად ვერ თამაშობს, რომ მუდვმივი ფინტაობა აცალო და არ შეზღუდო. არც ბეილის სისწრაფე აქვს, რამდენჯერმე მაკედონიელ და ესტონელ მცველებსაც ვერ გაასწრო. ასეთი მოთამაშის განეიტრალება საკმაოდ მარტივია საშუალოზე დაბალი გუნდისთვისაც კი და ეს კარგად ვნახეთ მაკედონიასთან თამაშის მეორე ნახევარში. ამიტომ რაც უფრო მრავალმხრივ განვითარდება, ისევ თავის თავს და კარიერასვე გამოადგება. თანაც რაც უფრო სწრაფი იქნება გადაწყვეტილებებში, მით ნაკლები მოხვდება ფეხებში. ძალიან მაგარი ბიჭია ნამდვილად და ხმამაღლა უნდა გაუმახვილოს ყველამ სუსტ მხარეებზე ყურადღება, რომ ჯანოს, ოქრის და კიდევ სხვათა გზას არ დაადგეს.
ბეღურა
დღეს რუსეთის სპორტული საინფორმაციო საშუალებები აცხადებენ, რომ ოფიციალურად ლოკომოტივმა და კრასნოდარმა ფეხბურთელის ყიდვის შესახებ ოფიციალური წერილი გაუგზავნეს რუბინს შესაბამისად თანხა ეხება 15 და 10 მილიონ ევროს, მე ვფიქრობ კვარაცხელია მეტი ღირს
ილია
"საინტერესო ის არის, მომავალში მის წინააღმდეგ უხეშ თამაშზე ხვიჩას რა რეაქცია ექნება და როგორ შეინარჩუნებს სტაბილურ დონეს"უნდა ვილოცოთ რათა, რუსი ექსპერტის ეს სიტყვები არ ახდეს და ხვიჩაზე ნებადართული ნადირობა არ გამოაცხადონ.
ჰავლაბრელი ყაიმაზა ელი..
ფეხებს გაუფრთხილდი ხვიჩა, ფეხებს! შენი ფეხები, ჩვენი იმედია... ღმერთმა არ ქნას დაამტვრიონ, სოციალურ ქსელებში უნდა გავრცელდეს ქართველების გაფრთხილება, რომ ვინც ხვიჩას დაამტვრევს, უნდა იცოდეს, რომ ხრუსტალივით დაილეწება, იქნებ ესე შევეშველოთ, გვერდიდან.. მეტოქის დაცვას მუდამ „„აბაროტის““ შიში უნდა ჰქონდეთ, თორემ.....
semi
19 წლის მესი ბიჭი კარში რო ზუსტად ურტყავდეს გოლები გაქონდეს საგოლე პასებს არიგებდეს და თამაშ მარტო იგებდეს მესი იქნებოდა, ბარსაში ითამაშებდა და ოქროს ბურთს მოიგებდა. ეს ყველაფერი წინ აქვს ხვიჩას და იმდენს ნუ მოვთხოვთ რაც დააკომპლექსებს. ის აუცილებლად გააუმჯობესებს ყველა ასპექტს და მაღალი კლასის ფეხბურთელი დადგება უბრალოდ დროა საჭირო.
peeezz
რეალურად ხვიჩას პასის პრობლემა არ აქვს, რუბინის თამაშებს თუ უყურებს ეს პატივცემული ამას დაინახავდა - ხვიჩას ერთადერთი პრობლემა არასწორი მიმართულებით სვლაშია, ხშირ შემთხვევაში მოტყუების შემდგომ იქით მიემართება საითაც უფრო რთულ სიტუაციაში იგდებს ხოლმე თავს - ალბათ მიზეზი მის მუდმივ ლტოლვაშია რომ რაც შეიძლება მეტი კაცი მოატყუოს - თუ ამაზე იმუშავებს მეტ გოლსაც გაიტანს და მეტ სწორ პასსაც გააკეთებს.
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
კვერნაძე პირველია - სერია A-ში გიორგის ყველაზე მეტი წარმატებული დრიბლინგი ჰქონდა
მოლაპარაკებები დასკვნით ეტაპზეა - პსჟ კვარაცხელიასა და გუნდის სხვა ლიდერებს კონტრაქტებს უხანგრძლივებს
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
"აჩვენეთ მსოფლიოს, რას ნიშნავს, იყო ქართველი" - კვარაცხელიამ დვალიშვილს და ლაზიშვილს მხარდაჭერა გამოუცხადა, მას ხაბიბმა "ინსტაგრამზე" გამოწერა გაუუქმა
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
"მომავალი კვარაცხელიაა" - ენრიკემ პსჟ-ის სპორტულ დირექტორს ამ ფეხბურთელის დამატება მოსთხოვა
მოლაპარაკებები დასკვნით ეტაპზეა - პსჟ კვარაცხელიასა და გუნდის სხვა ლიდერებს კონტრაქტებს უხანგრძლივებს