ჰენდერსონი ოთხჯერ გამდიდრება

„სანდერლენდის“ ყოფილმა ნახევარმცველმა მერსისაიდელებთან ოთხწლიანი ხელშეკრულება გააფორმა და კვირაში 60 ათას ფუნტს მიიღებს ჯორდან ჰენდერსონს „ლივერპულში“ გადასვლის შემდეგ შემოსავალი ოთხჯერ გაეზრდება. მოგეხსენებათ, „სანდერლენდის“ ყოფილმა ნახევარმცველმა მერსისაიდელებთან ოთხწლიანი ხელშეკრულება გააფორმა და კვირაში 60 ათას ფუნტს მიიღებს. ოთხშაბათი დღე ჰენდერსონმა ლივერპულის საავადმყოფოში, სამედიცინო შემოწმებებში გაატარა. მოგეხსენებათ, 20 წლის ფეხბურთელი „წითლებს“ 20 მილიონი ფუნტი დაუჯდათ, ოღონდ საფასური მთლიანად ფულით არ გადაუხდით - თანხის ნაწილი თავდამსხმელ დავიდ ნგოგში გაიქვითა, რომელიც „ლივერპულიდან“ „სანდერლენდში“ გადაბარგდა.მერსისპირეთში საქმეების მოგვარების შემდეგ, ჰენდერსონი დანიაში დაბრუნდა, სადაც სტიუარტ პირსის ხელმძღვანელობით ევროპის 21 წლამდელთა პირველობაში მიიღებს მონაწილეობას.„წითლების“ მწვრთნელი კენი დალგლიში შემდეგ ნაბიჯს „ბირმინგემის“ მცველის, 24 წლის სკოტ დენის გადასაბირებლად გადადგამს. თუ დენის ფრონტზე არაფერი გამოუვა, დალგლიშს ალტერნატიული ვარიანტიც აქვს შეგულებული - „პარი სენ ჟერმენის“ 21 წლის მოთამაშე, სენეგალური წარმოშობის ფრანგი მამადუ საკჰო.დენი „ბირმინგემისთვის“ ძალიან მნიშვნელოვანი ფეხბურთელი რომ არის, იმითაც მტკიცდება, რომ სანამ ის ორთავა კუნთის ტრავმას მიიღებდა, ალექს მაკლიშის გუნდი ასე თუ ისე, მყარად იდგა, მაგრამ ბოლო ოთხი თვე „ლურჯებმა“ მის გარეშე ჩაატარეს და გავარდნენ კიდეც პრემიერლიგიდან. ბუნებრივია, დენის გუნდში დატოვება და ჩემპიონშიპში გამოყვანა, როდესაც მას „ლივერპული“ ეპატიჟება, ბირმინგემელებისთვის ძალიან ძნელი საქმე იქნება.დალგლიშის გეგმებში შედის „ასტონ ვილას“ სტიუარტ დაუნინგის, ბლექპულელი ჩარლი ადამის და იფსვიჩელი კონორ უიკჰემის ყიდვაც. ამასთან, ივლისში, „ენფილდ როუდზე“, საფრანგეთის ნაკრების ფეხბურთელის, სილვაინ მარვოს მისვლასაც ელიან - მარვო 25 წლის ნახევარმცველია, რომელიც „რენში“ თამაშობდა, მაგრამ კონტრაქტის ვადა ამოეწურა და ახლა, თავისუფალი აგენტის სტატუსით ლივერპულს მიემგზავრება. „ლივერპულში“ ელიან 25 წლის ესპანელ მარჯვენა მცველ ხოსე ენრიკესაც, რომელსაც ინგლისელი კომენტატორები უფრო ენრიკედ მოიხსენიებენ.არის კიდევ ერთი ვარიანტი. ჩემპიონთა ლიგის გამარჯვებულსა და ესპანეთის ჩემპიონ „ბარსელონას“ 23 წლის თავდამსხმელი ჟეფრენ სუარესი აღარ სჭირდება და მის სხვაგან გადასვლას ხელს არ შეუშლის. ამბობენ, რომ ეს „სხვაგან“, შეიძლება „ლივერპული“ იყოს, თუმცა ჟეფრენი ბრიტანელი არ არის, დალგლიშს კი გულში ბრიტანული გუნდის შექმნა აქვს ამოჭრილი.

"ბორნმუთმა" "იუვენტუსის" მეკარე ინათხოვრა

ოფიციალურად: სავინიო "ტოტენჰემის" ფეხბურთელია

კვლავ პრემიერ ლიგაში - ნიკო გონსალესმა "სიტი" დატოვა

"იუვენტუსმა" პოლონელი მეკარე დაიმატა

ოფიციალურად: სავინიო "ტოტენჰემის" ფეხბურთელია

კიევის "დინამოს" თავდამსხმელი შეიძლება "გალათასარაიში" გადავიდეს

"ბორნმუთმა" "იუვენტუსის" მეკარე ინათხოვრა

კვლავ პრემიერ ლიგაში - ნიკო გონსალესმა "სიტი" დატოვა

არ დაადგა საშველი - ლეაომ არაბებს უარი შეუთვალა და ევროპიდან ახალი მსურველი ჰყავს

მუდრიკი სავარაუდოდ, კარიერას საფრანგეთის ჩემპიონატში განაგრძობს

15-წლამდე გოგონათა ნაკრები უეფას განვითარების თასზე იასპარეზებს

საქართველო - უკრაინა | ინფორმაცია ბილეთების შესახებ

ბუნდესლიგის დაწყების წინ ლოჩოშვილმა თასის მატჩში ტრავმა მიიღო

ფეხბურთიდან ომამდე: როგორ გადაიქცა შეხვედრა 100-საათიან ომად

"ატლეტიკო" ალვარესის გაყიდვას დათანხმდა, მაგრამ ძალიან ძვირად აფასებს

შენგელია პირველი ტიტულისთვის! დუბაი ევროლიგის სუპერთასზე ითამაშებს

"ნიუკასლის" მწვრთნელს მიაჩნია, რომ მსაჯმა "ლივერპულს" პენალტი აჩუქა

ჰიუგოს გმირი "კვარა" - რას მოიტანს კონკურენცია ხვიჩასა და გუნდისთვის

ენეს მაჰმუტოვიჩი ბათუმის "დინამოს" ფეხბურთელია

ფერან ტორესი: მთლად კმაყოფილი არ ვარ

"მანჩესტერ იუნაიტედი" ახალგაზრდა ნახევარმცველის შეძენასთან ახლოსაა

"მანჩესტერ სიტი" როდრის შემცვლელს 100 მილიონ ევროდ შეიძენს

აქვსენტი გიორგაძე ქართულ რაგბს დაუბრუნდა