"გვაცალეთ ჩვენს ნაძვის ხეზე ამ ძვირფასი სათამაშოს ყურება!" - რუსი სპეციალისტები ხვიჩას აფასებენ

"ხვიჩა - ეს რუსეთის პრემიერლიგის ნაძვის ხის ყველაზე კარგი სათამაშოა. ყაზანური გუნდის ფეხბურთელის აქტივი იზრდება, მაგრამ კლუბის ხელმძღვანელები მის გაყიდვას არ ჩქარობენ. მაინც რამდენი ღირს კვარაცხელია? ახლა "რუბინში" რუსეთის ტოპ-კლუბებისა და ევროპის გუნდებისათვის ყველაზე "გემრიელი ლუკმა" თამაშობს. 19 წლის ქართველი ბიჭუნა გლიჯავს ლიგას თავისი დრიბლინგით. მის გამო უყურებენ ნეიტრალური გულშემატკივრები ყაზანური გუნდის თამაშებს", - წერს kazanfirst-ი და ხვიჩაზე სპეციალისტების მოსაზრებას აქვეყნებს. ბორის იგნატიევი (რუსეთის ნაკრების ყოფილი მწვრთნელი):"მე მესმის, რომ ფეხბურთი ბიზნესია, მაგრამ სხვა რამ მსურს ვთქვა. სწორედ ახლა კარგად არ მესმის, როდესაც ასეთ კითხვას სვამენ: "რამდენად უნდა გაყიდონ ხვიჩა?". ის ჩვენ გვჭირდება, რუსეთის ჩემპიონატს სჭირდება. გამოდის, რომ ფეხბურთელს იმისათვის ვამზადებთ, რათა ევროპაში ყველამ გაიხაროს. აი, ვნახეთ ჩვენი გუნდები ჩემპიონთა ლიგაზე და რა?შემდეგ სლუცკის ჰკითხავენ: "რატომ მარცხდება გუნდი?", ის კი უპასუხებს: "ხვიჩა გავყიდეთ". რატომ? რა თქმა უნდა, კარგი და ნიჭიერი ბიჭია, თუმცა ჯერ ათლეტური მონაცემები არ ჰყოფნის. მე ცუდად წარმომიდგენია, მაგალითად, ის იტალიაში. თანაც, ჩვენ მენტალობასთან დაკავშირებით პრობლემა გვაქვს - ორჯერ შეაქებს ჩერდანცევი და გვგონია, რომ ვარსკვლავია. გავიმეორებ, ჯერ მინდა ის აქ ვნახო. არ მინდა უფერული ფეხბურთის ცქერა. მსურს ნაძვის ხის სათამაშოს ვუყურო. ხვიჩა ეს სწორედ ის სათამაშოა ნაძვის ხეზე. ხვალ-ზეგ "რუბინის" თამაშზე წავალ, რადგან იქ კვარაცხელიაა. და მარტო მე კი არა. მის გარეშე მე არ წავალ მესამე წყალსატუმბიდან სიდოროვის საყურებლად, ჩვენ კაშკაშა მოთამაშეები გვჭირდება.გაჯი გაჯიევი (რუსეთის დამსახურებული მწვრთნელი):მე ვფიქრობ, სლუცკი ის ადამიანია, რომელსაც საგანი ესმის. იცის, რაა გუნდი. ეს ცოცხალი ორგანიზმია. მას შეუძლია ავად გახდეს, დაინფიცირდეს. როდესაც ვინმე მიდის, ეს ადვილი პროცესი არაა. ხვიჩას ყველაზე ძლიერი თვისება დრიბლინგია. ვერ ვიტყვი, რომ ამ ასპექტში სრულყოფილებას ვერ მიაღწია. ვერ აიძულებ მას უკეთ მოატყუოს მეურვე, მაგრამ გამოცდილებასთან ერთად ფეხბურთელი უფრო გონიერი ხდება. სისწრაფე და კოორდინაცია, სათამაშო აზროვნებისაგან განსხვავებით სრულყოფილებას არ იძენს. ის კარგად იცვლის მიმართულებას, სიმყარეს ინარჩუნებს. აზროვნება შეიძლება დაუმატოს - როდის და სად მისცეს პასი. არავინ იცის, სად არის მისი ზედა ზღვარი - არც მე, არც სლუცკიმ, არც გვარდიოლამ. მოახდენს კი ყველაფრის რეალიზაციას, რაც მასში ჩადებულია - ეს საკითხავია.პუშკინიც ყოველ წელს არ წერდა "ევგენი ონეგინს". უნდა წახვიდე იქ ან დარჩე, სადაც თვითგანვითარებისათვის მეტი ვარიანტებია და არა იქ, სადაც მეტს გადაგიხდიან. ხვიჩა თავისას კიდევ გამოიმუშავებს.მე ვაფასებ ფეხბურთელს იმ თვისებების მიხედვით, რომლებიც მას განსაზღვრულ დონეზე თამაშის საშუალებას აძლევს. მას გააჩნია ხარისხი, რომელმაც ნებისმიერ ევროპულ კლუბში თამაშის საშუალება უნდა მისცეს, მაგრამ საჭიროა ფეხბურთელის ფსიქიკას ვიცნობდეთ. რამდენად მყარია. შეუძლია თუ არა გაუძლოს კონკურენციას? 20-25 მილიონი, რომელსაც მასზე ამბობენ, ზღაპრული ფასი არ არის. "ანჟიში" ბევრი ფეხბურთელი გავსინჯეთ. ბრაზილიურ "სანტოსში" ერთი ბიჭი მოგვეწონა. ჩვენ გვითხრეს, რომ 35 მილიონი ღირდა. ბუნებრივია, ასეთი ფული არ გვქონდა. ის ნეიმარი იყო. საფეხბურთო ბაზარი რომ უკეთ გვცოდნოდა, იმის გათვალისწინებით, რომ მოგვიანებით 225 მილიონად გაიყიდა, შეგვეძლო აგვეყვანა. ასე რომ, 20-25 მილიონი ფეხბურთელში გიგანტური თანხა არ არის. ბელგიაში მწითური ბიჭუნა ვნახეთ, დარბოდა იქ. ის კევინ დე ბრუინე იყო, რომელიც 3 მილიონი ღირდა, მაგრამ ის 3 მილიონიც არ გვქონდა".დენის ბოიარინცევი (ნოსტასა და კამაზის ყოფილი მწვრთნელი): "ვფიქრობ, ხვიჩაში 20 მილიონი ჯერ გადაჭარბებულია. დიახ, კარგი ბიჭია, ტექნიკური, სწრაფი. ჯერ კიდევ "სოჭისთან" მატჩში საუკეთესო ფეხბურთელად დავასახელე. რუსეთის ჩემპიონატზე უკვე წარმოაჩინა თავი. "რუბინში" საკუთარი თავის რეალიზაცია მოახდინა. თუმცა, თუ წახვალ, ძლიერ გუნდში უნდა წახვიდე. ასაკი ჯერ კიდევ აძლევს ამის საშუალებას. ჩემი აზრით, ყაზანში როგორც მინიმუმ ზაფხულამდე უნდა ითამაშოს. ნაადრევად ბევრი ავანსის გაცემა საჭირო არ არის, მაგრამ თუ წავა - მხოლოდ ევროპაში".

მეგრელი

ეგ იქნება კარიერის პიკი )))
MACHO

პატარაიას რაცხა უნდა და გეცოდინება შენ!
მ.ტ.

ხვიჩას ფასი მერე იკითხეთ თქვენ, ბაბუცა პატარაიაც რომ აღიარებს...
სოსო

სამივე რესპოდენტი,ფეხბურთში კარგად ერკვევა და საინტერესოა მათი მოსმენა.ვფიქრობ საიტს,პირდაპირ ასეთი ხალხის აზრები რომ გამოაქვეყნებინა,ვიღაც კრეტინების პოსტების ნაცვლად,გაცილებით უკეთესი იქნებოდა.ზაფხულამდე რუბინში დარჩენის აზრს,მთლიანად ვიზიარებ.სლუცკი მასთან ძალიან ნაყოფიერად მუშაობს და თანმიმდევრულად უვითარებს სხვადასხვა უნარებს.ეს ყოველ თამაშში იგრძნობა და ძალიან სასარგებლოა ხვიჩასთვის.სეზონის ბოლოს,მას უკვე საკმარისი ფიზიკური,ტაქტიკური,ტექნიკური და მენტალური მომზადება ექნება,ევროპის ნებისმიერ გუნდში სათამაშოდ და ძირითადში ადგილზე კონკურენციისათვის.
recondite

მოკლედ იმდენს იზამენ რომ ან დათარსავენ ამ ბიჭს როგორც ჩაკვე დათარსეს ან ისეთ ფსიქოლოგიურ წნეხში მოაქცევენ რომ რეგრესი დაეწყება...აცალეთ რა თამაში და განვითარება !!!!!!!
ილია

სამწუხაროდ ჩვენი ფეხბურთის და ფეხბურთელების ბედი სხვის ხელშია.
100%

ჩვენ კი პირიქით ვართ, ულამაზესი ნაძვის ხე გვაქვს, საქართველოს სახით, რომელსაც ყველაზე მახინჯი სათამაშოები თქვენი კიდია, სამხედრო ბაზები სოხუმსა და ცხინვალში.
G.LA

ეგ ნაძვის ხე კი თქვენია, მარა ეგ ძვირფასი სათამაშო ჩვენია. ხვიჩა გონიერი ბიჭი ჩანს და სასიხარულოა რომ მამაც გონიერი კაცი ჩანს. ასე რომ იმედია არ აჩქარდებიან რომელიმე აგენტის ნაჩქარევ შემოთავაზებაზე. ხვიჩამ და საქართველოს ნაკრებმა ევროპაზე უნდა ითამაშონ ჯერ და მერე ვნახოთ, რა და როგორ იქნება. წარმატება და გამარჯვებები ხვიჩას.

პსჟ კვარაცხელიას შემცვლელის შეძენას გეგმავს

საზონოვი ისევ არ ათამაშეს - "ხეტაფემ" "ლუგანოსთან" 5 გოლი გაუშვა

ხვიჩა: ჩაფიქრებული, სევდიანი და მენტალურად სრულყოფილი - წინ კიდევ ბევრია!..

"მიალბისთან" მატჩში "იბერია 1999"-ის შემადგენლობა ცნობილია

"ასეთი თამაში მიუღებელია" - კერიკი "კომოსთან" 1:4 მარცხის შემდეგ

"კომომ" "მანჩესტერ იუნაიტედი" გაანადგურა, "გალათასარაიმ" "ლილს" სძლია

"ლივერპულის" ნახევარმცველმა კონტრაქტის გაგრძელების შესახებ ისევ ისაუბრა

"ბორჯღალოსნები" | ბრონკანმა ნოემბრისთვის გაფართოებული შემადგენლობა დაასახელა

მარიო რუი პორტუგალიის მესამე ლიგის გუნდში გადავიდა

"გამოჯანმრთელდი, ხვიჩა, ნეაპოლში შენი ისტორია დაუვიწყარია" - "ნაპოლი" და ტიფოზები კვარაცხელიას ამხნევებენ

"შეინარჩუნე შენში ეს ცეცხლი!" - კრიშტიანო რონალდომ ხვიჩა კვარაცხელიას მიმართა

საქართველოს ნაკრების ყოფილი კაპიტანი, გიორგი ნემსაძე გარდაიცვალა

"ყოველი თამაშის წინ ღმერთს ვთხოვდი მოედანი ჯანმრთელად დამეტოვებინა, მაგრამ ამაოდ" - ხვიჩა კვარაცხელიამ ტრავმის შემდეგ პირველი განცხადება გააკეთა

"სწორედ ამიტომ, ხვიჩა დაბრუნდება და ისევ მაღალ დონეზე ითამაშებს" - სიომინი კვარაცხელიას ტრავმაზე

იქნება თუ არა როდრი "ელ კლასიკოში" - ფლიკმა ესპანელ ფეხბურთელზე ისაუბრა

„ვისოლის“ მრბოლელები NASCAR Euro Series-იდან ჩემპიონისა და ვიცე-ჩემპიონის ტიტულებით დაბრუნდნენ

ის, რისიც ყველას გვეშინოდა - პსჟ-მა კვარაცხელიას ტრავმაზე ოფიციალური ინფორმაცია გაავრცელა

[PHOTO] რუსეთის დროშის ფერებში - UFC-იმ წარადგინა შორტი, რომლითაც იანი დვალიშვილის წინააღმდეგ გამოვა

"პსჟ ახლა ჩვენზე უკეთესია" - რა თქვა ფლიკმა მატჩის შემდეგ

"ბრაგამ" კარლოს ვისენსი მთავარი მწვრთნელის პოსტიდან გაათავისუფლა

არველაძეები, ანანიძე, შარიქაძე - ტურნირი, რომელიც დღესასწაულად უნდა იქცეს!..

"კვარა" - ვარდისფერი გამუქდა, მაგრამ მენტალურ მონსტრს შეუძლია!..

ხვიჩა: ჩაფიქრებული, სევდიანი და მენტალურად სრულყოფილი - წინ კიდევ ბევრია!..

გაჯი გაჯიევი: რუსული ფეხბურთი ავადაა

ბათუმის "დინამო" პერმის "ამკართან" მატჩში ქართველის გოლით დამარცხდა

პსჟ კვარაცხელიას შემცვლელის შეძენას გეგმავს

ირაკლი ძარია: ჩემპიონობისთვის ბრძოლა ბოლომდე იქნება!

გია გრიგალავას ორი გზა: "როსტოვი" თუ "ამკარი"?

დავით ხოჭოლავა და დონეცკის "შახტარი"? რეალურია!

"კვარაცხელია ჩვენთან არ დააფასეს" - რუსეთის ნაკრების ყოფილი მწვრთნელი

რუსებმა დაგვასწრეს - გიორგი ჯიქია რუსეთის ნაკრების შეკრებაზეა გამოძახებული!

RMC Sport: "კვარას" ტრავმა პსჟ-სთვის მძიმე დარტყმაა - კონტრაქტის გასაგრძელებლად ფინანსურ კომპრომისს უნდა მიაღწიონ