გვირაბი ბომბეიდან მანჩესტერამდე

„ბლექბერნის" ინდოელი შეფები "მანჩესტერ იუნაიტედისთვის" 19 წლის ფილ ჯონსის დათმობას ასე იოლად არ აპირებენ უკვე რამდენი დღეა, მთელი ინგლისური პრესა წერს, რომ „მანჩესტერ იუნაიტედმა“ „ბლექბერნისგან“ 19 წლის მცველი ფილ ჯონსი იყიდა. ასე ეგონათ ჟურნალისტებს, ასე ეგონა თავად ჯონსს და ასე ეგონა „იუნაიტედსაც“, მაგრამ ინდოეთის ქალაქ მუმბაიში, რომელსაც ადრე ბომბეი ერქვა და რომელიც მოსახლეობის რაოდენობით ქვეყნის უდიდესი ქალაქია, სულაც არ ფიქრობდნენ, რომ ჯონსი ამიერიდან „მანჩესტერ იუნაიტედში“ ითამაშებს.ამაზეა ნათქვამი ბომბეიდან ლონდონამდე... უფრო სწორად მანჩესტერამდე გვირაბს თხრიდნენო.ახლავე გეტყვით რა შუაში არიან ინდოელები: „ბლექბერნი“ იქაური კორპორაცია „ვენკის“ გუნდია. „ვენკის“ და შესაბამისად „ბლექბერნსაც“ მუმბაელი მილიარდერები, დესაები ფლობენ, რომელთაც, რომ გაიგეს ჩვენს ფეხბურთელს ყიდიანო, გაბრაზდნენ. არადა, ყველას კარგად გვახსოვს, რომ ჯონსის „მანჩესტერ იუნაიტედში“ გადასვლის ამბავზე ისე წერდნენ, როგორც შემდგარ ფაქტზე. გამოქვეყნდა ფოტოები, სადაც 19 წლის მოთამაშე, კოსტუმში გამოწყობილი, „იუნაიტედის“ იფისში შედის. დაიწერა, რომ სამედიცინო შემოწმებამ წარმატებით ჩაიარა და სერ ალექს ფერგიუსონმა, რომელმაც ამ ტრანსფერის გამო სამხრეთ საფრანგეთში დასვენება შეწყვიტა, ყველასა და ყველაფერს თავისი ადგილი მიუჩინა. მეტიც, ინგლისური მას-მედია ირონიით იყო სავსე. ამბობდნენ, რომ სერ ალექსმა ახალგაზრდა მცველი ცხვირწინ ააცალა თანამემამულე-კონკურენტს, „ლივერპულის“ თავკაც კენი დალდგლიშს. წერდნენ, რომ ჯონსი გახდა ინგლისურ ფეხბურთში პირველი თინეიჯერი, რომელსაც კვირაში 80 ათასი ფუნტი დაუნიშნეს. ტრანსფერის თანხაზე აღარაფერს ვამბობთ - 16,5 მილიონი ფუნტი ყველას უკვე გადარიცხული ეგონა, მაგრამ, მოულოდნელად ყველაფერი ყირაზე დადგა. „ბლექბერნმა“ „იუნაიტედს“ პირში მიახალა: ჩვენ ასე იოლად ვერ გადაგვთელავთ!და იცით, როგორი გაგრძელება მოყვა მუმბაელი დესაების გაბრაზებას? წამსვე წამოჰყო თავი „ლივერპულმა“ და „ბლექბერნს“ 22 მილიონი ფუნტი შესთავაზა. სად იყო და სად არა, გამოჩნდა „არსენალიც“, რომელმაც ასევე გამოაჩინა მანჩესტერელების 16,5 მილიონზე მეტი. ალაპარაკდნენ „ჩელსიზეც“. დასავლეთლონდონელებს ჯონსის ყიდვა სხვებზე ნაკლებ როდი სდომებიათ. წარმოიდგინეთ, რამხელა შეურაცხყოფა იქნება ფერგიუსონისთვის, ამოდენა ხმაურის და ზარ-ზეიმის შემდეგ ფეხბურთელი „ლივერპულში“ რომ აღმოჩნდეს.„დეილი მეილმა“ დაზუსტებით შეიტყო, რომ „ბლექბერნის“ მეპატრონეები უპირველეს ყოვლისა მანჩესტერელთა ქცევამ გააღიზიანა. შაბათს მათ თავიანთთან, ინდოეთში, ოღონდ არა მუმბაიში, არამედ მაჰარაშტრას შტატის მეორე ქალაქ პუნში სასწრაფო თათბირი გამართეს და მასზე დასასწრებად ინგლისიდან გუნდის მწვრთნელი სტივ კინი დაიბარეს. ვინ იცის, „იუნაიტედისთვის“ კოჭის გორების გამო ერთი ლაზათიანად შეჯორეს კიდეც. ერთი სიტყვით, თათბირი შედგა და გადაწყდა, რომ ფილ ჯონსის ტრანსფერი უნდა შეჩერდეს.„ბლექბერნის“ თავმჯდომარე ქალმა, ანურადა დესაიმ კინს აუხსნა, რომ მან და მისმა პარტნიორებმა გადაწყვიტეს ჯონსი გუნდში დატოვონ. მწვრთნელს დაევალა ფეხბურთელი ნახოს და უთხრას, რომ მასთან დაკავშირებით „ბლექბერნს“ შორს მიმავალი გეგმები აქვს - კაპიტნობასაც კი უპირებს.კვირაში 80 ათასი? ინდოელმა მეპატრონეებმა თქვეს, რომ ფული პრობლემა არ არის და ამაზე ლაპარაკიც არ ღირს. თუმცა, ასეთ დროს, მოგეხსენებათ, სხვა ფაქტორები იწყებს მოქმედებას. კერძოდ, დიდი შანსია, რომ ჯონსს, რომელიც ახლა ინგლისის 21 წლამდელთა ნაკრებთან ერთად, დანიაში, ევროპის ახალგაზრდულ ჩემპიონატში მონაწილეობს, „ბლექბერნში“ დარჩენა არ უნდოდეს. გასაკვირი არც იქნება, მას ჩემპიონთა ლიგაში რომ უნდოდეს ძალების მოსინჯვა ან, უბრალოდ, ისეთ გუნდში სურდეს გადასვლა, რომელშიც ტიტულების მოპოვების მეტი შანსი ექნება. ასეთ შემთხვევაში, ინდოელები მას მაინც გაყიდიან, მაგრამ არა „იუნაიტედში“, არამედ იმ კლუბში, რომელიც ყველაზე მეტს გადაუხდის.„ბლექბერნთან“ დაახლოვებულმა პიროვნებამ ჟურნალისტებს ასეთი რამ უთხრა: „ეს ის შემთხვევაა, როდესაც „იუნაიტედი“ თავისი სურვილის მიხედვით ვერ მოიქცევა“.ზემოთ მოგახსენეთ, რომ ჯონსს თავი უკვე მანჩესტერელი ეგონა. 21 წლამდელთა ნაკრების ვარჯიშზე მან „იუნაიტედის“ მაისურითაც კი გადაიღო ფოტოები.

[VIDEO] ისაკის პირველი გოლი 2026 წელს და "ლივერპულის" მესამე მეკარის შესანიშნავი მოგერიებები - მერსისაიდელებმა "კრისტალ პალასი" დაამარცხეს

"არ ვცდილობთ, რომ მსოფლიოში ყველაზე მდიდარი ადამიანები ვიყოთ" - ბრუნომ ახსნა, რატომ არ წავიდა საუდის არაბეთში

პრემიერ ლიგის მოგებიდან 10 წლის შემდეგ - "ლესტერი" ინგლისის მესამე დივიზიონში გავარდა

ლევანდოვსკის MLS-ში ტრანსფერი ჩაიშალა

თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა

ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს

გოჩოლეიშვილი შეცვლაზე შევიდა - "ჰამბურგი" ისევ დამარცხდა

"ანჟესთან" მატჩში პსჟ-ს შემადგენლობა ცნობილია

კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა

[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში

"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ

ბენზემამ გამორიცხა - კარიმი ფეხბურთელის რანგში მშობლიურ გუნდში არ დაბრუნდება

"მილანი" ძლიერდება - "როსონერი" ორი ტრანსფერის განხორციელებასთან ძალიან ახლოსაა

"თუ გააბედნიერებს, წავიდეს" - ფაბრეგასს "ჩელსისკენ" გზა ეხსნება

სკანდალის დასასრული - UEFA-მ პრესტიანი 6 მატჩით დასაჯა

მბაპე ტრავმირებულია - "რეალს" მორიგი პრობლემა აქვს

დაბრუნება "რეალში" თუ კვლავ "ბენფიკაში" მუშაობა - მოურინიომ თავის მომავალზე ისაუბრა

[VIDEO] 41 წლის ლებრონ ჯეიმსი შეუჩერებელია - "ლეიკერსმა" "ჰიუსტონს" მესამე მატჩიც მოუგო

[VIDEO] მარკოიშვილის გაწვრთნილმა "მონაკომ" შენგელიას "ბარსელონას" სძლია და პლეი ოფში გავიდა

0:3-დან - "ლანსმა" "ბრესტთან" თითქმის წაგებულ მატჩში ქულა მოიპოვა

"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა

მატჩის დღე - პსჟ "ბაიერნამდე" ლიდერობის გასამყარებლად!