"ბაიერნი" ვიდალს არ ეშვება

...თუმცა მიუნხენელებს "ნაპოლის" სახით სერიოზული კონკურენტი ჰყავთ „ლევერკუზენის“ 24 წლის ნახევარმცველ არტურო ვიდალზე დიდი ბრძოლაა გაჩაღებული, რაც ლოგიკურიცაა იმის გათვალისწინებით, რომ ჩილელმა გასული სეზონი ბრწყინვალედ ჩაატარა – „ლევერკუზენში“ ნაღდად საუკეთესო იყო და ზოგადად ბუნდესლიგის ერთერთი საუკეთესო მოთამაშეც გახლდათ.ლევერკუზენელებს ვიდალი არ ეთმობათ და მასთან არსებული კონტრაქტის (2012 წლამდე) გაგრძელება უნდათ, თუმცა რაკი ფეხბურთელზე პრეტენზიას თვით მიუნხენის „ბაიერნი“ აცხადებს, ვიდალს გადაწყვეტილების მიღება უჭირს. რეკორდმაისტერმა „ლევერკუზენს“ უკვე შესთავაზა 10 მილიონი ევრო, მაგრამ „ფარმაცევტებმა“ მიუნხენელებს ცივი უარი შეუთვალეს. „ბაიერის“ შეფი ვოლფგანგ ჰოლცჰოიზერი ამბობს, ყველაფერს გავაკეთებთ იმისთვის, რომ თუ ვიდალი დაგვტოვებს, „ბაიერნში“ არ გადავიდეს, რადგან არ გვინდა, რომ ლიგის ერთერთი საუკეთესო ფეხბურთელი ჩვენმა კონკურენტმა ჩაიგდოს ხელშიო.ბუნდესლიგის ფეხბურთელის გადაბირება „ბაიერნს“ თითქმის არასდროს უჭირს ხოლმე, რადგან კონკურენტები ფინანსური შესაძლებლობებით რეკორდმაისტერს ყოველთვის ჩამორჩებიან და თანაც, „ბაიერნი“ გერმანიაში ხომ ნებისმიერი მოთამაშისთვის უბრალოდ საუკეთესო მისამართია. ჩვენი გერმანელი კოლეგები ამიტომაც ეჭვობენ, რომ მიუნხენური გრანდი ვიდალსაც ჩაიგდებს ხელში, რადგან ადრე თუ გვიან, „ლევერკუზენი“ უნდა დანებდეს. დანებდეს ისე, როგორც ახლო წარსულში დანებდა „შტუტგარტი“, რომელმაც მარიო გომესი ბავარიულ გრანდს დიდი ბრძოლების შემდეგ მაინც დაუთმო; როგორც დანებდა „შალკე“, რომელმაც საბოლოოდ მაინც დათმო გერმანიის ნაკრების მეკარე მანუელ ნოიერი და ა.შ.„ბაიერნს“ საქმეს ცოტათი ურთულებს ის ფაქტი, რომ ვიდალს სხვა კლუბებიც ეპატიჟებიან. მაგალითად, იტალიური „კორიერე დელო სპორტის“ ცნობით, ჩილელი ნახევარმცველის გადაბირება „ნაპოლისაც“ უნდა და ნეაპოლელები მზად არიან, „ფარმაცევტებს“ ვიდალის სანაცვლოდ 12 მილიონი ევრო ჩაუთვალონ. ვიდალის აგენტმა ფერნანდო ფელიჩევიჩმა „ბილდისთვის“ მიცემულ ინტერვიუში დაადასტურა, რომ ნეაპოლელებთან მოლაპარაკებები მიმდინარეობს. ასე რომ, რეკორდმაისტერს „ლევერკუზენისთვის“ ახალი, გაუმჯობესებული წინადადებით მიმართვა მოუწევს.

"გერმანია არასაკმარისად თეთრი" და "არასაკმარისად გერმანულია"? - კლოპმა კრიტიკოსებს უპასუხა

ახალი კონტრაქტი ოლისეს - ფრანგი "ბაიერნში" შესაძლოა, ყველაზე მაღალანაზღაურებადი ფეხბურთელი გახდეს

გადაიხდის "ბაიერნი" ჰოლანში 220 მილიონს?

ჩრდ. ირლანდიასთან მატჩში საქართველოს ნაკრების შემადგენლობა ცნობილია

18 წ. | ევროპის ჩემპიონატს ჩეხეთი უმასპინძლებს

აბეები ისევ ფინალში არიან და ესპანელი მეტოქეები ეყოლებათ

მერკვილაძის წარმატებული დებიუტი BNXT ლიგაში: ქართველი ფორვარდის 20 ქულა და "გრონინგენის" გამარჯვება

შენგელია "დუბაის" სასტარტოში ადრიატიკის ლიგაში გამოჩნდა | 11 ქულა და მოგება

მენდეში: თუ რონალდო დაბრუნდება, სიხარულით შევხვდებით

I ტური დასრულდა: კსუ კავკასიას დამაჯერებელი გამარჯვება და ორბის წარმატებული გასვლა თელავში

პორტუგალიამ ნორვეგიას, დანიამ კი უელსს მოუგო

"შავი ლომი" | თბილისის თასი "ჩიტასთან" გამარჯვებით დავხურეთ

ლაშა დვალი: მხოლოდ ასე შევძლებთ ამ ვითარების შემოტრიალებას

ჩრდილოეთ ირლანდიის მწვრთნელი: წინ კარგად მივიწევთ და მგონია, ხვალ საღამოსაც წარმატებას მივაღწევთ

VIDEO | ეროვნული ლიგა | იბერია 1999 1-2 დინამო (თბ). ლიდერობის ტოლფასი 3 ქულა

ქართველი მსაჯები უეფას ერთა ლიგის მატჩს მოემსახურებიან

ლუჩანო სპალეტი: "კვარა" სულ სხვა საფეხბურთო გარემოდან მოვიდა

[VIDEO] გიორგი სარდალაშვილმა მსოფლიო ჩემპიონატზე ბრინჯაოს მედალი მოიპოვა!

[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

მატჩის დღე! ლოგიკის დროით, საქართველოს გამარჯვების დროა

"ხალხი თამაშებზე მის გამო დადის, ამიტომ "ოქროს ბურთი" მან უნდა მოიგოს" - ჩეხეთის ნაკრების მთავარი მწვრთნელი

"მესი თუ რონალდო?" - მიულერმა არჩევანი გააკეთა