- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ხალასი "დალასი" - თასი საიმედო ხელშია
<p>ფინალური სერიის მეექვსე მატჩში "დალასმა" სტუმრად მოუგო "მაიამის" და თავის ისტორიაში პირველად მოიგო NBA-ის ჩემპიონატი</p><p><br> სერიის მეექვსე მატჩში "დალასმა" სტუმრად მოუგო "მაიამის" და თავის ისტორიაში პირველად მოიგო NBA-ის ჩემპიონატი. როგორც მოსალოდნელი იყო, ფინალური სერიის MVP გერმანელი დირკ ნოვიცკი გახდა.</p><p>მატჩის წინ "ჰიტის" დამრიგებელმა ერიკ სპოელსტრამ შემადგენლობაში გარკვეული გადაადგილებები მოახდინა. ასე მაგალითად, როგორც იქნა, სასტარტო ხუთეულში გამოჩნდა "მაიამის" საუკეთესო გამთამაშებელი მარიო ჩელმერსი, ფორმიდან ამოვარდნილი მაიკ ბიბი კი ღრმა რეზერვში გადაისროლეს. სათადარიგოთა სკამიდან კი მოედანზე ვეტერანი ედი ჰაუსი შედიოდა. როგორც აღმოჩნდა, ამ გადაადგილებებმა მხოლოდ სარგებლობა მოუტანა "ჰიტს".</p><p>პირველმა წუთებმა მასპინძელთა კარნახით ჩაიარა. წინა მატჩების ჩაგდებისთვის გვარიანად გაკრიტიკებულმა ლებრონ ჯეიმსმა სიტუაციის გამოსწორება სცადა - ფლორიდელთა ფორვარდმა ზედიზედ ჩააგდო თავისი გუნდის პირველი ოთხი სროლა, რითაც "დალასის" დაცვის პრობლემები გამოაჩინა. ლებრონის გარდა, ჩვეულებრივ აქტიური იყო დუეინ უეიდი, რომელიც საფირმო გარღვევებით აწუხებდა "მავერიქსის" უკანა ხაზს.</p><p>თუმცა "დალასი" ამის გამო დიდად არ დანაღვლიანებულა. ბარეას შესანიშნავი თამაშით სტუმრებმა მეტოქეს შორს წასვლის საშუალება არ მისცეს, ცოტა ხანში კი წინ გასვლაც მოახერხეს. თავის მხრივ, უკან დახევას არც "მაიამი" აპირებდა. ტაიმ-აუტის შემდეგ მეოთხედის შუა ნაწილიდან მოყოლებული, "ჰიტი" უკანმოუხედავად გაიქცა. შესანიშნავი შეთამაშება აჩვენეს "დიდი ტრიოს" წევრებმა და ამან მასპინძლებს ცხრაქულიანი უპირატესობა მოუტანა. რიკ კარლაილმა მაშინვე უპასუხა - საუკეთესო სათადარიგო ჯეისონ ტერი შეუშვა მოედანზე. მცველი შესანიშნავად ჩაერთო თამაშში და რამდენიმე წუთში გაათანაბრა სიტუაცია. თუმცა სტუმრებს პრობლემები მრავლად ჰქონდათ. გარდა იმისა, რომ დირკ ნოვიცკიმ და ტაისონ ჩენდლერმა ორ-ორი სწრაფი ფოლი მიიღეს, გერმანელს სროლა საერთო არ მისდიოდა. პირველ ტაიმში "მავერიქსის" ლიდერმა თამაშიდან 12-ჯერ ისროლა და მხოლოდ ერთი ჩააგდო.</p><p>ამ ყველაფრის მიუხედავად, ტექსასელები პირველ შესვენებაზე ხუთქულიანი უპირატესობით გავიდნენ. მეორე მეოთხედი "დალასის" შთამბეჭდავი გაქცევით დაიწყო. წარმოიდგინეთ - ჯერ კიდევ პირველი 12-წუთეულის მსვლელობისას კარლაილის შეგირდები ცხრა ქულას აგებდნენ, მეორე მეოთხედის პირველ წუთებში კი მათი უპირატესობა 12 ქულას შეადგენდა! როგორც ყოველთვის, სტუმრები შორეული ტყორცნებით აწუხებდნენ მეტოქეს, მთავარი სნაიპერი კი დეშოუნ სტივენსონი გახდა, რომელმაც მოკლე დროში სამი სამქულიანი მოათავსა კალათში.</p><p>თუმცა "ჰიტმა" მოიგერია შემოტევა. ყველაზე საინტერესო ის არის, რომ "მაიამიმ" კონტრდარტყმა მაშინ განახორციელა, როცა სპოელსტრამ სათადარიგოთა სკამზე დასვა ჯეიმსი. მის ნაცვლად შემოსული ედი ჰაუსი შესანიშნავად ჩაერთო გუნდურ თამაშში. მას კარგად გამოსდიოდა საფირმო სამქულიანები. გარდა ამისა, საუკეთესო თვისებები გამოავლინა კრის ბოშმა. თავის თანაგუნდელებს შორის მას ყველაზე კარგად მისდიოდა თამაში, მაგრამ მაინც ვერ გახდა თავისი გუნდის წარმატების მთავარი ფაქტორი. ამასობაში, ჰაუსის კიდევ ერთმა სამქულიანმა მასპინძლები წინ გაიყვანა. იქვე დეშოუნ სტივენსონმა ჩხუბი აუტეხა უდონის ჰასლემსა და მარიო ჩელმერსს. არბიტრებმა სამივეს ტექნიკური პერსონალურები ჩამოურიგა. პირველი ტაიმი "დალასის" მინიმალური უპირატესობით დასრულდა - 53:51.</p><p>დიდი შესვენების შემდეგ "ჰიტი" აგრძელებდა ზეწოლას ტექსასელებზე. თითქოს მასპინძლები დაცვაში ყველაფერს სწორად აკეთებდნენ, მაგრამ ბარეას ფანტასტიკური ტყორცნების გადამკიდე ანგარიშს ვერ ათანაბრებდნენ. თანაც გამოფხიზლდა ნოვიცკი. პირველი ტაიმის ჩაგდების შემდეგ გერმანელმა საჭირო რითმი დაიჭირა და ახლა არა მხოლოდ საჯარიმოს ხაზიდან, არამედ თამაშიდანაც ზუსტად ისროდა. ამავდროულად, ფლორიდელებს სერიოზული და ყოვლად აუხსნელი პრობლემები ჰქონდათ საჯარიმოების სროლისას. 33-დან 20 ზუსტი თავისუფალი ტყორცნა - შესაძლოა, სწორედ ეს ქულები არ ეყო "მაიამის" მატჩის მოსაგებად. საბოლოოდ, სტუმრებმა ბოლო მეოთხედის წინ ცხრაქულიან უპირატესობას მიაღწიეს.</p><p>ასეთი ჰანდიკაპის გასაბათილებლად "ჰიტს" აღმაფრენა სჭირდებოდა, მაგრამ ჯეისონ ტერის ორი სამქულიანის შემდეგ მასპინძლები საბოლოოდ დაიბნენ. ბრაიან კარდინალიც კი სასარგებლო იყო მოედანზე - ის პერსონალურებს იღებდა, რადგან იცოდა, რომ ჯარიმების ასეთი რეალიზაციით "მაიამის" მეტოქის დაწევის შანსი არ ექნებოდა. "ჰიტის" უნიათობის პიკი გახდა მეოთხედის შუა ნაწილი, როცა მასპინძლებმა რამდენჯერმე მიიღეს იოლი სამქულიანის შესრულების შანსი, მაგრამ სროლა ვერავინ გაბედა. ფლორიდელები იქვე დაისაჯნენ. თავიდან ტაისონ ჩენდლერმა მოიგო შეტევაში რამდენიმე მოხსნა, რის შემდეგაც დირკმა და კიდმა ზუსტი საშუალო ტყორცნებით საბოლოოდ მოუსპეს "მაიამის" მატჩის გადარჩენის შანსი.</p><p>ასე მოიგო თავისი პირველი ჩემპიონობა "დალასმა", მისი ლიდერი დირკ ნოვიცკი კი რჩეულთა რიგებში მოხვდა - მან ფინალური სერიის საუკეთესო მოთამაშისთვის განკუთვნილი პრიზი მოიგო. სხვათა შორის, დირკი მეორე ევროპელია ტონი პარკერის (2007) შემდეგ, ვინც ეს პრესტიჟული ტიტული მიიღო.</p><p>"დალასის" მფლობელმა მარკ ქიუბანმა მადლობა გადაუხადა თავის მოთამაშეებს ბედნიერი წამებისთვის, მატჩის საუკეთესო მოთამაშე ჯეისონ ტერი საკუთარ ბიცეპსს კოცნიდა, რომელზეც ჯერ პლეი ოფის დაწყებამდე ამოასვირინგა საჩემპიონო თასი, 38 წლის ჯეისონ კიდი კი კარიერის დასრულების უკეთეს საშუალებას ვერ მოიფიქრებდა. რაც შეეხება ლებრონს, მან კინაღამ იტირა, ბოლოს კი დიდხანს პასუხობდა ჟურნალისტთა შეკითხვებს, რომელიც ძირითადად ასეთი ხასიათისა იყო - რა ემართება "მეფეს", როცა გადამწყვეტი მატჩების დრო დგება?!</p><p>ფინალი. VI მატჩი</p><p><em><strong>მაიამი-დალასი 95:105</strong></em></p><p>27:32, 24:21, 21:28, 15:13</p><p>მ: ჯეიმსი (21+6 პასი), ბოში (19+8 მოხსნა), ჩელმერსი (18+7 პასი+3 ჩაჭრა), უეიდი (17+8 მოხსნა+6 პასი+2 დაფარება), ჰასლემი (11+9 მოხსნა), ჰაუსი (9), ენტონი, ჰოვარდი, მილერი.</p><p>დ: ტერი (27), ნოვიცკი (21+11 მოხსნა), ბარეა (15), მერიონი (12+8 მოხსნა), კიდი (9+8 პასი), სტივენსონი (9), ჩენდლერი (5+8 მოხსნა), მაინმი (4), კარდინალი (3).</p><p>სერია: 2-4</p>
[VIDEO] მამუკელაშვილის 20 წუთი - სანდრომ "ლეიკერსის" მაისურით პირველად ითამაშა
"პატარა გოგოს ჰგავს" - NBA-ის ყოფილმა კალათბურთელმა ლებრონ ჯეიმსი გააკრიტიკა
"კარიერის დასრულება?" - კარიმ სამომავლო გეგმებზე ისაუბრა
იეგოიანის "ექსელსიორმა" მორიგი მარცხი განიცადა
ინგლისური გრანდები "ბაიერნის" ვუნდერკინდისთვის იბრძოლებენ
კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა
"საუკეთესო ხუთეულში აუცილებლად უნდა მოხვდეს. მისი თამაშის ყურება ძალიან მიყვარს" - "ბარსელონას" ნახევარმცველმა ხვიჩა კვარაცხელიაზე ისაუბრა
17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა
დავითაშვილის "სენტ-ეტიენმა" დაძაბულ მატჩში "ნანტს" სძლია
[VIDEO] კლასია, კლასი - მიქაუტაძემ "ვილიარეალს" "ვალენსიასთან" გამარჯვება მოუპოვა!
VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...
გულიაშვილი არ ათამაშეს - "რასინგმა" "ესპანიოლს" მოუგო
ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება
ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა
VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი
წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა
ზივზივაძის "ჰაიდენჰაიმმა" "კოტბუსთან" ქულები გაიყო
ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!
"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ
"ვიმეგობებთ თუ არა მე და დვალიშვილი?" - იანმა შეკითხვას უპასუხა
ახალციხემ სუპერლიგაში პირველი გამარჯვება გორის ივერიონთან მოიპოვა
[VIDEO] მამუკელაშვილის 23 წუთი - "ლეიკერსმა" "კლიპერსი" დაამარცხა