- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ჭაბუკები - კუშადასში, ახალგაზრდები - ევროპაზე
<p>თავისუფალი და ბერძნულ-რომაული სტილით მოჭიდავე ჭაბუკთა გუნდები კუშადასში საერთაშორისო ტურნირზე იასპარეზებენ <br> <strong>წონაში ორ-ორი მონაწილით</strong></p><p>ხვალ თავისუფალი და ბერძნულ-რომაული სტილით მოჭიდავე ჭაბუკთა გუნდები თურქეთში გაემგზავრებიან, სადაც კუშადასში საერთაშორისო ტურნირში იასპარეზებენ. ესაა ჭაბუკთა საკმაოდ დიდი და წარმომადგენლობითი შეჯიბრება, რომელიც წლეულს მეთოთხმეტედ ტარდება. საქართველოს თავისუფალი სტილით მოჭიდავეთა ჭაბუკთა ნაკრების მთავარ მწვრთნელ თამაზ ბენდიანიშვილს იქ არასრული გუნდი მიჰყავს - რამდენიმე მოჭიდავეს ახლა წონას არ აკლებინებს და ზედა წონაში აჭიდავებს. შედეგად, ზოგიერთ წონით კატეგორიაში მონაწილე არ გვეყოლება. სამაგიეროდ, სხვებში ორ-ორი ფალავანით ვიასპარეზებთ. თუმცა განსხვავებულია მიზეზი, რის გამოც მძიმე წონაში მონაწილის გარეშე დავრჩით - გენო პეტრიაშვილი ახალგაზრდულ ნაკრებშია გამოძახებული ევროპის ჩემპიონატზე საჭიდაოდ. საბოლოოდ კუშადასში ასეთი გუნდით გამოვალთ: რამაზ ზოიძე, ტაიფუნ აბდულაევი (ორივე - 42), გიორგი პასიკაშვილი, რამაზ დარჩიძე (ორივე - 46), შოთა ფანცულაია, შალვა ხუციშვილი (ორივე - 50), შოთა ფარტენაძე, რაუფ შაკულ-ოღლი (ორივე - 58), შალვა ჭადაშვილი, ომარ გურჯიძე (ორივე - 69), გიორგი ჩხარტიშვილი (76), ბექა როჭიკაშვილი (85).</p><p><strong>და... განსხვავებული მიდგომა</strong></p><p>კუშადასში ბერძნულ-რომაული სტილით მოჭიდავეთა ნაკრებში გიზო მელაძე (42), ლეონ ხოზრევანიძე (46), ედნარ შავაძე (50), გიორგი ტოტიკაშვილი (54), ლაშა მარიამიძე, შმაგი ბოლქვაძე (58), ვლადიმერ ქიქავა (63), ნიკა ფირცხალავა (69), ლაშა გობაძე (76), კუკური კირცხალია, გიორგი კოვზირიძე (85), ბექა კანდელაკი და თორნიკე ბაბუნაშვილი (ორივე - +85) იჭიდავებენ. ეს გუნდები თანატოლთა ევროპის ჩემპიონატისთვის არჩევენ კადრებს. როგორც ვხედავთ, მწვრთნელებმა ამ შეჯიბრებისადმი განსხვავებული მიდგომა აირჩიეს - ბენდიანიშვილს თუ ყველა წონაში ორ-ორი კაცი მიჰყავს, კრავეიშვილმა ბევრად კომპაქტური შემადგენლობა შეარჩია და გაორებებს მოერიდა.</p><p>ორივე გუნდმა შეკრება ბათუმში გაიარა და თურქეთშიც იქიდან გადავლენ. მათ კალენდარში მომდევნო სტარტი ირანის საერთაშორისო ტურნირია და, სავარაუდოდ, მწვრთნელები იმის შემდეგ დაასახელებენ 9-14 აგვისტოს ვარშავაში გასამართ ევროპის ჩემპიონატზე წასაყვან შემადგენლობას. ჭიდაობაში მსოფლიო მასშტაბით შექმნილი ქაოსი კარგად მოგეხსენებათ და ჭაბუკებს მსოფლიოს პირველობაც აგვისტოში უწევთ(!), სულ რაღაც 9-დღიანი ინტერვალით - 23-28 აგვისტოს უნგრულ სომბათჰეიში იმართება.</p><p>ევროპისა და მსოფლიოს პირველობები ახალგაზრდებში ასევე შემჭიდროებულ ვადებში ტარდება, თუმცა აქ დაახლოებით ერთთვიანი შუალედი მაინცაა - ევროპის პირველობა 21-26 ივნისს სერბულ ზრენჯანინში ტარდება, მსოფლიოსი - 26-31 ივლისს ბუქარესტში. გაირკვა იქ მონაწილე `თავისუფალთა~ ნაკრების შემადგენლობა: ლაშა ტალახაძე (50), ვლადიმერ ხინჩეგაშვილი (55), თენგიზ ჩოჩიშვილი (60), დავით ტლაშაძე (66), ბექა პეტრიაშვილი (74), დავით მარსაგიშვილი (84), თედო ებანოიძე (96), გენო პეტრიაშვილი (120).</p><p><strong></p><p>მთავარი მოულედნელობა</strong></p><p>"თავისუფლებში" მთავარი მოულოდნელობა გენო პეტრიაშვილის გამოჩენაა. ამ გუნდის თავკაცი ნუგზარ სხირელი მძიმეწონოსნების მომზადებით უკმაყოფილებას არასოდეს მალავდა და ამბობდა, რომ ეს ძალზე სუსტი წონაა. მწვრთნელი აქ ისეთ ფალავნებს იყო მიჩვეული, ნებისმიერი გუნდი ინატრებდა - გიორგი საკანდელიძემ ბოლო ორ წელიწადში ევროპაზე ოქრო-ვერცხლი მოიპოვა, მსოფლიოზე - ვერცხლ-ბრინჯაო. მას ღირსეულ სპარინგ-პარტნიორობას ლევან ბერიანიძე უწევდა, რომელსაც ახალგაზრდულში გამოსვლა არ დასცალდა, მაგრამ სამაგიეროდ, უფროსებში გახდა მსოფლიოს პრიზიორი. თუმცა სხირელი წლევანდელი კანდიდატების უკმაყოფილო ამათ ფონზე კი არ იყო, ზოგადად არ აკმაყოფილებდა მათი მომზადება, მათი სპორტული მხარე. აქედან გამომდინარე, ისინი რომ შეცვალა, ეს არ გაგვკვირვებია. უბრალოდ, პეტრიაშვილი აქამდე კანდიდატებშიც არ დაუსახელებია. 1994 წელს დაბადებული, 197-სანტიმეტრიანი და 102-კილოგრამიანი პეტრიაშვილი მისი პირადი მოსწავლეა და მწვრთნელი ერთ-ერთ უნიჭიერესადაც მიიჩნევს. თუმცა საზოგადოებამ ეს ფალავანი პირველად არა საჭიდაო წარმატებებით, არამედ, როგორც ადრეც ვწერდით, სულ სხვა კუთხით გაიცნო - მშობლიური სოფლიდან ოსებმა გაიტაცეს და რამდენიმე დღე მათ ტყვეობაში გაატარა. პეტრიაშვილი შეკრებებს აქამდე ახალგაზრდულ ნაკრებთან ერთად გადიოდა, რადგან ჭაბუკებში სათანადო სპარინგ-პარტნიორი არ ჰყავს, თუმცა სერბული ტურნირის შემდეგ იმ გუნდს დაუბრუნდება და მის შემადგენლობაში ევროპა-მსოფლიოს იჭიდავებს.</p><p>როგორც მძიმეწონოსანთა მაგალითზე ვთქვით, ამ ნაკრებმა თაობათა ცვლის მტკივნეული პროცესი განიცადა და შემადგენლობაც გადახალისდა, თუმცა ის დუეტი სხირელის ერთადერთი დანაკლისი არაა - ასევე უფროსებში გადავიდა შარშან ახალგაზრდებში ევროპა-მსოფლიოს მომგები დავით ხუციშვილიც (74). ამის მიუხედავად, სხირელს შარშანდელიდან მაინც ბევრი შერჩა და საკმაოდ ძლიერი გუნდიც ჰყავს - ხინჩეგაშვილმა შარშან ახალგაზრდებში მსოფლიოს პირველობა მოიგო, ევროპაზე კი ფინალი დათმო, ხოლო წლეულს ის და მარსაგიშვილი უკვე უფროსებში გახდნენ ევროპის ვიცე-ჩემპიონები. ჩოჩიშვილმა შარშან ამ ასაკში ევროპაზე ვერცხლი, მსოფლიოზე კი ბრინჯაო მოიპოვა, ხოლო ტალახაძე, პირიქით, ევროპაზე გავიდა მესამეზე და მსოფლიოზე ფინალი დათმო. შარშანდელ გუნდში იყო ტლაშაძეც. ევროპის პირველობაზე შარშან ამ გუნდმა 2-2 ოქრო-ვერცხლი და 1 ბრინჯაო მოიპოვა. ჩემპიონები საკანდელიძე და ხუციშვილი გახდნენ, ვერცხლის მედალოსნები - ხინჩეგაშვილი და ჩოჩიშვილი, ბრინჯაოს კი ტალახაძე დაეუფლა.</p><p><strong>შარაძე - ყველგან?</strong></p><p>რაც შეეხება ბერძენ-რომაელთა ახალგაზრდულ ნაკრებს, ვლადიმერ ადეიშვილს სერბეთში ნიკოლოზ ცეცხლაძე (50), თორნიკე ტოტიკაშვილი (55), გოგიტა გოგიბერაშვილი (60), საჩინო დავითაია (66), ზურაბ დათუნაშვილი (74), დავით ჩაკვეტაძე (84), სანდრო დიხამინჯია (96) და სერგო გოგისვანიძე (120) მიჰყავს. თაობათა ცვლა ან გუნდში კიდევ უფრო საგრძნობია - შარშანდელი შემადგენლობიდან მხოლოდ გოგიბერაშვილი, დავითაია და გოგისვანიძე შემორჩნენ. ამ ნაკრების შარშანდელი მონაგარი 1 ოქრო და 2 ვერცხლია. ჩემპიონი ვასილ იმერლიშვილი (96) გახდა, ვიცე-ჩემპიონები - თორნიკე მახარაძე (50) და დავითაია.</p><p>ევროპის ჩემპიონატი გოგოებშიც ტარდება, თუმცა ჩვენ ევროპაზე მონაწილე, სავარაუდოდ, არ გვეყოლება, აი, მსოფლიოზე კი, დიდი შანსია, ბათუმელმა შორენა შარაძემ იჭიდაოს, რომელსაც აჭარის მხარე ჰპირდება დაფინანსებას. სავარაუდოდ, გამოსვლის ნებას ქალთა ძიუდოს ნაკრების ხელმძღვანელობაც დართავს, სადაც ამჟამად ვარჯიშობს შარაძე, თუმცა საკითხავი ერთი გარემოებაა - ის ჭიდაობს ძიუდოს, პერიოდულად გამოდის სამბოშიც და ახლა თუ ამას თავისუფალი ჭიდაობაც დაემატება, შეძლებს კი ამდენს?</p>
[თავისუფალი ჭიდაობა] სამი ბრინჯაოს მედალი ევროპის ჩემპიონატზე!
[VIDEO] ცარუკიანის უღირსი ქმედება, რომელსაც ტატამზე დიდი დაპირისპირება მოჰყვა
[VIDEO] წარმატებული დებიუტი - მაჭარაშვილმა ბიუკენენი ეფექტური ილეთით დაამარცხა
ახალი კონტრაქტი "ჯენოასგან" - დე როსის მიწვევა სხვა იტალიურ კლუბებსაც სურთ
"ჩელსის" დიდი დანაკლისი პსჟ-ისთან მატჩის წინ - ლონდონელებს გუნდის კაპიტანი გამოაკლდათ
მე-17 ტურის ბოლო მატჩში "რუსთავმა" გურჯაანში "დელტა" დაამარცხა
VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...
დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე
საქართველოს ნაკრები რუმინეთთან ამხანაგურ მატჩს გამართავს
"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი
[VIDEO] კიდევ ეს უნდოდა? - იგორ ტუდორის კურიოზული ვიდეო სოციალურ ქსელში ვირუსულად ვრცელდება
ბათუმმა ზედიზედ მეოთხე გამარჯვება ორბთან იზეიმა
[VIDEO] პსჟ-მდე "ჩელსი" სახლში "ნიუკასლთან" დამარცხდა
[VIDEO] აკი პუტინი არ ვარო - ლაპორტა მესამედ გახდა "ბარსელონას" პრეზიდენტი და წაუცეკვა
[VIDEO] რეგრესი - საქართველოს ნაკრები რაგბი ევროპის ჩემპიონატის ფინალში პორტუგალიასთან დამარცხდა
VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...
[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა
[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა
[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა
VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს
სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო
ემერის რეკორდი - "ასტონ ვილას" თავკაცმა საიუბილეო ნიშნული დააფიქსირა
"ნაპოლი" ჰოილუნდს 44 მილიონ ევროდ გამოისყიდის