შერმადინი ესპანეთის ჩემპიონატის პირველი წრის საუკეთესო მოთამაშეა

ესპანურმა El Dia-მ ლიგა ენდესას პირველი წრე (18 ტური) შეაჯამა და ჩემპიონატის საუკეთესო კალათბურთელად "იბეროსტარ ტენერიფეს" ქართველი ცენტრი გიორგი შერმადინი დაასახელა. შეგახსენებთ, რომ მცირე ხნის წინ ლიგა ენდესას ოფიციალურმა ვებგვერდმა შერმადინი 2020 წლის საუკეთესო მოთამაშედ აღიარა, ამდენად, მოკლე დროში, ქართველი ლეგიონერი უკვე მეორედ დააფასეს. აი, რას წერს El Dia:"იბეროსტარ ტენერიფესთვის" გიორგი შერმადინის მნიშვნელობას გადაფასებულს ნამდვილად ვერავინ უწოდებს. გასულ სეზონში ის უკვე იყო საუკეთესოთა შორის, ახლა კი, ჩვენი აზრით, კიდევ უფრო მაღალ დონეზე თამაშობს, რაზეც სტატისტიკური მაჩვენებლებიც მეტყველებს. გასულ 18 ტურში შერმადინის საშუალო სარგებლიანობის კოეფიციენტი 23.3 გახლდათ და ეს მცირედით ნაკლებია მისი გასული სეზონის მაჩვენებელზე. სამაგიეროდ, დაახლოებით 3.5-ით მეტია მისი უახლოესი მდევრის – 'ობრადოიროს" ლიეტუველი ცენტრის, ლაურინას ბირუტისის შედეგზე. რა განაპირობებს ამ სხვაობას? ეს თვალსაჩინოა. 2 მატჩის გარდა, ქართველი კალათბურთელის სარგებლიანობის კოეფიციენტი 17-ს დაბლა არასდროს ჩამოსულა. მცირე ჩავარდნები "ვალენსიასთან" (8) და "ბასკონიასთან" (9) თამაშებში იყო.შეიძლება ითქვას, რომ შერმადინი გასული სეზონის გრაფიკით მიდის, როდესაც რეგულარული პირველობის 22 მატჩში მისი სარგებლიანობის კოეფიციენტი ორნიშნა ციფრებით გამოიხატებოდა, ჯამში კი, ზედიზედ 32 თამაში ჰქონდა, როდესაც კოეფიციენტი მინიმუმ 11 ჰქონდა. ქართველი ცენტრი ტრადიციულად ძლიერია ფარქვეშ, სტაბილურად აგროვებს მოხსნებს, საჯარიმოებს კი ლამის 90%-იანი სიზუსტით ესვრის. გიო შთამბეჭდავი შედეგების ჩვენებას ახერხებს იმის გათვალისწინებითაც, რომ გასულ სეზონთან შედარებით სათამაშო დრო მცირედით შეუმცირდა: 25 წუთი 27-ის ნაცვლად."იბეროსტარ ტენერიფეში" გადასვლის შემდეგ მის კარგ თვისებებს ერთიც დაემატა, რამაც კიდევ უფრო დაფასებული კალათბურთელი გახადა. როდესაც შერმადინი ბურთს ფარქვეშ იღებს, მისი შეჩერება მხოლოდ უშუალო კონკურენტს ძალიან უჭირს. ის ბურთს გრძელი ხელებით კარგად აკონტროლებს, დამზღვევების გადმოსვლის შემდეგ კი სწორი პასის გაცემაც ისწავლა. ამან ის მოიტანა, რომ გასულ 18-ვე მატჩში ის მინიმუმ ერთ შედეგიან გადაცემას აკეთებდა. ამ დროისთვის, მის აქტივში უკვე 42 პასია, რაც საშუალოდ 2.33-ს უდის. ესპანეთის ჩემპიონატში ცენტრებს შორის ამაზე უკეთესი მაჩვენებელი მხოლოდ ვალენსიელ ბოიან დუბლევიჩს (2.7) გააჩნია.შემთხვევითი ნამდვილად არაა, რომ შერმადინი გასული წლის ოქტომბრის საუკეთესო კალათბურთელი გახდა, ამას გარდა კი, ლიგა ენდესას მე-6 და მე-14 ტურების საუკეთესო მოთამაშედაც აღიარეს. მას ყველა შანსი აქვს, ესპანეთის ჩემპიონატისთვის თანამედროვეობის რეკორდიც დაამხოს, რომელიც ლეგენდარულ ფელიპე რეიესს ეკუთვნის. 2008-09 წლების სეზონში ესპანელი ცენტრის საშუალო სარგებლიანობის კოეფიციენტი 25.6 გახლდათ, რაც დღემდე ვერავინ გადაფარა”.შეგახსენებთ, რომ 31 წლის შერმადინი "იბეროსტარ ტენერიფეს" ღირსებას უკვე მე-2 სეზონია იცავს და გუნდის აშკარა ლიდერია. მიმდინარე სეზონში მას ესპანეთის ჩემპიონატში 18 მატჩი აქვს ჩატარებული, საშუალო მაჩვენებლები კი ასეთი აქვს: 25:00 წუთი, 17.1 ქულა, 6.0 მოხსნა, 2.3 პასი. გიორგის საშუალო სარგებლიანობის კოეფიციენტი 23.3-ს უტოლდება და ეს მთელ ლიგა ენდესაში საუკეთესო მაჩვენებელია. ტენერიფელებს 18-დან 14 მატჩი აქვთ მოგებული და "ბასკონიასთან" ერთად მესამე-მეოთხე ადგილებს იყოფენ; მომდევნო მატჩს კი 16 იანვარს, სტუმრად, ბექა ბურჯანაძის "გრან კანარიასთან" ჩაატარებენ.<a href="http://gbf.ge/news/shermadini-espanethis-chempionatis-pirveli-tsris-sauketheso-mothamashea" target="_blank">GBF</a>

ქართველების 4-4 ქულა ესპანეთში: შერმადინის დამაჯერებელი გამარჯვება, ანდრონიკაშვილი ბილბაოში დამარცხდა

ალექს მერკვილაძის შედეგიანი თამაში BNXT ლიგაში — გრონინგენი სტუმრად დამარცხდა

[VIDEO] დონჩიჩის 52 ქულა და სანდრო ცენტრის პოზიციაზე - "ლეიკერსმა" ზედიზედ მესამე მატჩი მოიგო

"ვინ უნდა ჩაიბაროს "იუნაიტედი"? მათთან მიახლოებაც კი არავის მოუნდება" - ინგლისის ნაკრების ყოფილი მეკარე

[VIDEO] "ოლდ ტრაფორდზე" კერიკის დღეები დათვლილია - "მანჩესტერ იუნაიტედი" შინ "ბორნმუთთან" 0:3 დამარცხდა

[VIDEO] დამაჯერებლად - "ლივერპულმა" "ბრაიტონი" დაამარცხა

იეგოიანის "ექსელსიორმა" მორიგი მარცხი განიცადა

ინგლისური გრანდები "ბაიერნის" ვუნდერკინდისთვის იბრძოლებენ

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

"საუკეთესო ხუთეულში აუცილებლად უნდა მოხვდეს. მისი თამაშის ყურება ძალიან მიყვარს" - "ბარსელონას" ნახევარმცველმა ხვიჩა კვარაცხელიაზე ისაუბრა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა

"ერთადერთი რამაც გამაკვირვა, ეს ჩემი თავი იყო" - დვალიშვილის პირველი კომენტარი იანთან მარცხის შემდეგ

დავითაშვილის "სენტ-ეტიენმა" დაძაბულ მატჩში "ნანტს" სძლია

[VIDEO] კლასია, კლასი - მიქაუტაძემ "ვილიარეალს" "ვალენსიასთან" გამარჯვება მოუპოვა!

VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...

გულიაშვილი არ ათამაშეს - "რასინგმა" "ესპანიოლს" მოუგო

ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება

ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა

VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი

წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა

"ეს ნამდვილი ცირკია, გააუქმეთ მსგავსი ინდივიდუალური ნომინაციები" - ბაბელი "ოქროს ბურთზე"

[VIDEO] "ბარსელონამ" "ტენერიფეს" მეორე შეხვედრაც მოუგო და ფინალს მიუახლოვდა

18 ქულა 18 წუთში | შერმადინის შედეგიანობით "ტენერიფემ" ვერ იხეირა

[VIDEO] გიორგი შერმადინის ბენეფისი და MVP-ს ტიტული — ტენერიფემ რომა გაანადგურა

შერმადინი მოედანს დაუბრუნდა | "ტენერიფეს" დასანანი მარცხი "სარაგოსასთან"

[VIDEO] შენგელიას 14 ქულა - "ბარსელონამ" "ტენერიფე" დიდი ანგარიშით დაამარცხა