მოგვაშორეთ ეგ საზიზღარი!

უცნაური ამბავია „ასტონ ვილას“ თავს: ალექს მაკლიშს ამ გუნდის მწვრთნელობამდე აღარაფერი უკლია, გულშემატკივრები კი მძვინვარებენ, ეგ საზიზღარი თავიდან მოგვაშორეთო უცნაური ამბავია „ასტონ ვილას“ თავს: ალექს მაკლიშს ამ გუნდის მწვრთნელობამდე აღარაფერი უკლია, გულშემატკივრები კი მძვინვარებენ, ეგ საზიზღარი თავიდან მოგვაშორეთო. ზუსტად იმ დროს, როდესაც ბირმინგემიდან 164 კილომეტრში, ლონდონში, „დიდი ეკი“ „ვილას“ ამერიკელ მეპატრონეს, რენდი ლერნერს ხვდებოდა, „ვილა პარკის“ ჭიშკარი ათასზე მეტმა გაბრაზებულმა ფანმა დალაშქრა და „ბირმინგემ სიტის“ ყოფილი მწვრთნელის მიყვანა გააპროტესტა.მოგეხსენებათ, მაკლიშის „ვილაში“ გადასვლასთან თავისი პრეტენზია აქვს „ბირმინგემ სიტის“ ხელმძღვანელობასაც. ადრე ისინი ამბობდნენ, რომ მაკლიშსა და „ვილას“ პრემიერლიგის შეფებთან უჩივლებდნენ, მაგრამ ახლა გადაწყვიტეს ვექილები დარაზმონ, რათა „დიდ ეკს“ საკომპენსაციო თანხა არ შეარჩინონ - მაკლიში ხომ მათი მწვრთნელის პოსტიდან სრულიად მოულოდნელად გადადგა და წასვლის შესახებ კლუბის ხელმძღვანელობას ელექტროფოსტით აცნობა.თუმცა, როგორც ხედავთ, მაკლიშს „ვილაში“ გაშლილი ხელით არ ეგებებიან. ზემოთ „ვილა პარკის“ ჭიშკრის დალაშქვრა ვახსენეთ. როდესაც ამდენი გამძვინვარებული ფანი დაინახა, სტადიონის შესასვლელი პოლიციამ თავად გააღო, ეს ხალხი ჭყლეტაში რომ არ მოყოლილიყო ან რაიმე სხვა უწესრიგობა რომ არ მომხდარიყო.„ლომების“ გულშემატკივრებმა მაკლიშის შეურაცხმყოფელი პლაკატები გაშალეს და სტადიონის კედლებზეც საღებავით უამრავი საპროტესტო გამონათქვამი დაწერეს. ამის მიუხედავად, „ვილას“ მავანმა თანამშრომელმა ტაბლოიდებს განუცხადა:„ფანების ასეთი საქციელი მისტერ ლერნერს უკან ერთი ნაბიჯითაც არ დაახევინებს. რასაკვირველია, გულშემატკივარს შეუძლია როგორც უნდა ისე მოიქცეს და თავისი შეხედულება თავისუფლად გამოხატოს, მაგრამ ლერნერი გადაწყვეტილებას არ შეცვლის. მან კარგად იცის, რომ მთავარია მისი შერჩეული მწვრთნელი გუნდს გამოადგეს და მერე ყველაფერი დამშვიდდება“.ლონდონში ჩასაფრებულმა ჟურნალისტებმა კი გამოიკვლიეს, რომ ამერიკელმა მილიარდერმა და მისმა მარჯვენა ხელმა, პოლ ფოლკნერმა ერთობლივ სადილამდე, მაკლიშთან ძალიან დიდ ხანს ილაპარაკეს. გაზეთები წერენ, რომ „ვილას“ შეფებს მიზნად მკაფიო ამოცანა ჰქონდათ დასახული: გუნდისთვის ახალი თავკაცი ამ უქმეებამდე უნდა შეერჩიათ. ისინი პრემიერლიგის მომავალი სეზონისთვის ემზადებიან და მწვრთნელი დაუყოვნებლივ სჭირდებათ.ლერნერი, რასაკვირველია, დაძაბული იყო. ერთი მხრივ გულშემატკივართა პროტესტი და მეორე მხრივ „ბირმინგემის“ ხელმძღვანელთა მუქარა, რომ მაკლიშის „ვილაში“ გადასლვას მაქსიმალურად შეუშლიან ხელს. თუმცა, როდესაც „სიტის“ ბანაკიდან გამოვიდა ხმა, რომ იქაური შეფები მხოლოდ კომპენსაციას ითხოვენ, ამერიკელს ცოტა გულზე მოეშვა.გეხსომებათ, რომ „ბირმინგემ სიტის“ თავმჯდომარის, პიტერ პენუს პირველი რექცია სხვანაირი იყო. ის „ასტონ ვილაზე“ ცხარობდა და ამბობდა, რომ მაკლიშს „სენტ ენდრიუს“ სტადიონიდან გაპარვა სწორედ ამ კლუბის ხელმძღვანელებმა უკარნახეს, თუმცა, დღეს ისე ჩანს, რომ პენიუმ აზრი შეიცვალა და პრეტენზია ძირითადად „დიდ ეკთან“ აქვს. „სიტის“ თავმჯდომარე ამტკიცებს, რომ მაკლიშმა მას 5,4 მილიონი ფუნტი უნდა გადაუხადოს. სინამდვილეში რას გადაიხდის მაკლიში ჯერ არავინ იცის, მაგრამ, ორივე მხარის იურისტები ამბობენ, რომ შეთანხმება შეიძლება.რაც შეეხება „ვილა პარკზე“ გამართულ აქციას, პოლიციას არავინ დაუკავებია, თუმცა ფანების უკმაყოფილება მართლაც ძალიან დიდი იყო. ეს სოციალურ ქსელებშიც ძალიან ნათლად აისახა.„თუ ამ კაცს მწვრთნელად მოიყვანენ, მე აბონემენტს აღარ ვიყიდი“ - წერდა ერთი.„ჯერ აპირებდნენ კინაღამ გავარდნილი მარტინესის მოყვანას, შემდეგ კი გავარდნილ მაკლიშს მიადგნენ“ - ცხარობდა მეორე.მავანმა, მარტინესსაც და მაკლიშსაც „ტიტანიკის“ კაპიტნები უწოდა, „ფეისბუქზე“ კი მოძრაობას, „ვილას ფანებს არ უნდათ მაკლიში“ 16 ათასი კაცი შეუერთდა.საინტერესოა, რომ „ლიგის მწვრთნელთა ასოციაციამ“ პირიქით, მაკლიშს დაუჭირა მხარი. ამ ორგანიზაციის აზრით, „დიდი ეკი“ „ბირმინგემიდან“ გაქცევამდე ცუდ დღეში იყო, თუმცა „ლურჯები“ ამას კატეგორიულად უარყოფენ და ამბობენ, რომ მათ მაკლიშს ოთხივე ფეხბურთელი უყიდეს, რომელსაც ხელი დაადო.ამასობაში, ცნობილი გახდა, რომ ხმელთაშუა ზღვიდან დაბრუნებული მაკლიში უკვე „ასტონ ვილას“ პრობლემებზე ფიქრობს: მას გუნდში სტიუარტ დაუნინგის დატოვება სდომებია. დაუნინგი 26 წლის მარცხენა გარემარბი გახლავთ.„ბირმინგემ სიტის“ განაწყენებული ფანები კი თავიანთი ახალი მწვრთნელის ამბავს დარდობენ. ამბობენ, რომ „სენტ ენდრიუს“ სტადიონზე ყველაზე მეტად მაკლიშის შემცვლელად კრის ჰაფტონს ან დეივ ჯონსს უნდა ელოდნენ.

თუ "სიტის" დააქვეითებენ - "ბაიერნი" ფოდენის შეძენას შეეცდება

"ახლა თქვენს გვერდით ყველაზე მეტად ვარ" - გვარდიოლა "სიტის" ფინანსურ დარღვევებთან დაკავშირებულ საქმეს გამოეხმაურა

ტიერი ანრი: გულშემატკივრები არ დაელოდებიან, ბარკოლა ბოლომდე როდის გაიხსნება

ჩრდ. ირლანდიასთან მატჩში საქართველოს ნაკრების შემადგენლობა ცნობილია

18 წ. | ევროპის ჩემპიონატს ჩეხეთი უმასპინძლებს

აბეები ისევ ფინალში არიან და ესპანელი მეტოქეები ეყოლებათ

მერკვილაძის წარმატებული დებიუტი BNXT ლიგაში: ქართველი ფორვარდის 20 ქულა და "გრონინგენის" გამარჯვება

შენგელია "დუბაის" სასტარტოში ადრიატიკის ლიგაში გამოჩნდა | 11 ქულა და მოგება

მენდეში: თუ რონალდო დაბრუნდება, სიხარულით შევხვდებით

I ტური დასრულდა: კსუ კავკასიას დამაჯერებელი გამარჯვება და ორბის წარმატებული გასვლა თელავში

პორტუგალიამ ნორვეგიას, დანიამ კი უელსს მოუგო

"შავი ლომი" | თბილისის თასი "ჩიტასთან" გამარჯვებით დავხურეთ

ლაშა დვალი: მხოლოდ ასე შევძლებთ ამ ვითარების შემოტრიალებას

ჩრდილოეთ ირლანდიის მწვრთნელი: წინ კარგად მივიწევთ და მგონია, ხვალ საღამოსაც წარმატებას მივაღწევთ

VIDEO | ეროვნული ლიგა | იბერია 1999 1-2 დინამო (თბ). ლიდერობის ტოლფასი 3 ქულა

ქართველი მსაჯები უეფას ერთა ლიგის მატჩს მოემსახურებიან

ლუჩანო სპალეტი: "კვარა" სულ სხვა საფეხბურთო გარემოდან მოვიდა

[VIDEO] გიორგი სარდალაშვილმა მსოფლიო ჩემპიონატზე ბრინჯაოს მედალი მოიპოვა!

[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

მატჩის დღე! ლოგიკის დროით, საქართველოს გამარჯვების დროა

"ხალხი თამაშებზე მის გამო დადის, ამიტომ "ოქროს ბურთი" მან უნდა მოიგოს" - ჩეხეთის ნაკრების მთავარი მწვრთნელი

"მესი თუ რონალდო?" - მიულერმა არჩევანი გააკეთა