პანჩო ჩარლის წინააღმდეგ

უიმბლდონის 10 დიადი მატჩი უიმბლდონი მხოლოდ იმით არ არის გამორჩეული, რომ უძველესი საჩოგბურთო ტურნირი გახლავთ. ეს არის მთელი კულტურა თავისი მითებით, ლეგენდებითა და გმირებით. სამყარო, სადაც იბადებიან ახალი ვარსკვლავები ან გვემშვიდობებიან ძველები. ადგილი, სადაც სიდიადიდან სასაცილომდე ერთი გათამაშება დგას. სამყარო, სადაც ისტორია იქმნება.უიმბლდონის წინ (და მისი მსვლელობისას) შემოგთავაზებთ სტატიების ციკლს ტურნირის ლეგენდარული მატჩების შესახებ. აუცილებელი არ არის ეს იყოს მაინც და მაინც ფინალური მატჩი ან შეხვედრა ვარსკვლავების მონაწილეობით. იმისთვის, რომ ისტორიაში შეხვიდე, ხანდახან ერთი საგულისხმო მომენტი ან დაძაბული ინტრიგაც საკმარისია. ეს დროებითი რუბრიკა უიმბლდონის სტატისტიკითაც იქნება გაჯერებული. ჩვენი პირველი გმირები კი პანჩო გონსალესი და ჩარლი პასარელი არიან, რომლებმაც ჩოგბურთის ისტორიაში ერთ-ერთი ყველაზე დაძაბული მატჩი გვაჩუქეს."ჩარლიტო თითქმის ისევე კარგად თამაშობს, როგორც მე", - ამბობდა 1966 წელს არტურ ეში ლოს ანჯელესის უნივერსიტეტსა და დევისის თასზე ამერიკის ნაკრებში თავის პარტნიორზე, პუერტორიკოელ ჩარლი პასარელზე. ჩარლი წყვილებში თამაშის სპეციალისტი იყო და კარიერის დასაწყისში დიდი პერსპექტივები ჰქონდა. 1967 წელს უიმბლდონზე მან სენსაცია მოახდინა, როცა პირველივე წრეში გამოთიშა ბრძოლას მოქმედი ჩემპიონი მანოლო სანტანა და მეოთხე წრემდე მიაღწია. 1968 წელს პუერტორიკოელს არ გაუმართლა - უკვე მეორე წრეში გადაეყარა კენ როზუოლს. შემდეგ წელს უიმბლდონის პირველ რაუნდში ჩარლის კიდევ ერთი ლეგენდა ელოდა.რიჩარდ გონსალესი (უფრო პანჩოდ ცნობილი) ერთ-ერთ უდიადეს მოთამაშედ ითვლება ჩოგბურთის ისტორიაში. ფლოტში სამსახურის შემდეგ ამერიკის ღია პირველობა ორჯერ მოიგო (1948, 1949) და პროფესიონალებში გადავიდა, სადაც 50-იანი წლების შუაში კარგა ხნით დაიმკვიდრა ადგილი პლანეტის საუკეთესო მოთამაშის რანგში. პანჩოს კორტზე აბსოლუტურად ყველაფერი ეხერხებოდა, ხოლო მისი მოწოდება მრავალი წლის განმავლობაში ეტალონად მიიჩნეოდა, მაგრამ, ამასთან, დიადი ამერიკელი მეტად ნერვული ადამიანი იყო, მუდმივად კამათობდა მსაჯებთან და საშინლად ცოფდებოდა წაგების გამო, თუნდაც საუკეთესო მეგობრებთან ბრძოლაში.1961 წელს, შვიდწლიანი მსოფლიო დომინირების შემდეგ პანჩომ კარიერის დასრულება გადაწყვიტა, მაგრამ ერთი წლის თავზე დაბრუნდა და თამაში გააგრძელა, თუმცა ეს აღარ იყო ძველი დონე. 1963 წელს გონსალესი ამერიკის ნაკრების კაპიტანი იყო, რომელმაც დევისის თასის ფინალამდე მიაღწია. დროთა განმავლობაში პანჩო სულ უფრო მეტ ყურადღებას უთმობდა სამწვრთნელო საქმეს. მისი შეგირდების რიცხვში შედიოდნენ არტურ ეში და... ჩარლი პასარელი. 1968 წელს, 40 წლის ასაკში რიჩარდ გონსალესი ჩოგბურთის დიდების დარბაზში შეიყვანეს. თითქოს უკვე შეიძლებოდა დამსახურებულ პენსიაში გასვლა, მაგრამ იმავე წელს ჩოგბურთში ე. წ. "ღია ერა" დაიწყო. ამერიკელს კარიერის ბოლოსკენ უიმბლდონის მოგება მოუნდა...1968 წელს გონსალესმა უბრალოდ ენერგია ვერ აღიდგინა საფრანგეთის ღია პირველობის შემდეგ. ამიტომაც უიმბლდონის მესამე წრეში ვეტერანმა ოთხ სეტში წააგო ალექსანდრ მეტრეველთან. შემდეგ სეზონში პანჩომ შეგნებულად თქვა უარი პარიზში გამგზავრებაზე და მიზანმიმართულად მოემზადა წლის მთავარი ტურნირისთვის. მას 41 წელი შეუსრულდა, მეტოქე 25 წლის იყო...* * *1969 წლის 24 ივნისს ლონდონში წვიმდა, ამიტომაც გონსალესისა და პასარელnს მატჩი მხოლოდ საღამოს ექვს საათზე დაიწყო. მწვრთნელისა და მოსწავლის შეხვედრისთვის ცენტრალური კორტი გამოყვეს, რადგან ამ დუელმა დიდი აჟიოტაჟი გამოიწვია. მაყურებელთა მოლოდინი გამართლდა - მეტოქეებმა პირველივე სეტში ბრწყინვალე შოუ დადგეს. პასარელს წინასწარ ჰქონდა შემუშავებული ტაქტიკა - მიღების შემდეგ ის ფეხებში ურტყამდა ბადესთან გასულ გონსალესს და შემდეგ შემოვლით დარტყმას ასრულებდა. ტაქტიკა მეტნაკლები წარმატებით მოქმედებდა - გონსალესი ბრწყინვალედ მოქმედებდა ბადესთან. ორსაათიანი ბრძოლა 46-ე გეიმში დასრულდა, როცა პასარელმა მოახერხა ბრეიკის გაკეთება - 24:22.უკვე საღამოს რვა საათი იყო, ცა ღრუბლებით დაიფარა. დაღლილმა გონსალესმა სამჯერ სთხოვა მსაჯს მატჩის შემდეგი დღისთვის გადადება. კოშკურის არბიტრმა მაიკ გიბსონმა უარი განაცხადა. პანჩო გაბრაზდა და მისი თამაში საერთოდ მოიშალა. მატჩი გაგრძელდა და მაყურებელმა, რომელიც მანამდე თბილად შეხვდა ვეტერანს, პანჩოს სტვენა აუტეხა. გონსალესს ბრძოლის არანაირი სურვილი არ ჰქონდა. პასარელმა მოიგო მეორე სეტი - 6:1. გიბსონმა, როგორც იქნა, ოთხშაბათისთვის გადადო მატჩი. გონსალესმა ჩოგანი კორტზე დაახეთქა და სტვენის თანხლებით გასახდელში გაემგზავრა.ღამე მეტოქეებმა სხვადახვაგვარად გაატარეს. პასარელი ადრე დაწვა დასაძინებლად, გაღიზიანებულ გონსალესს კი არ ეძინებოდა. ის ღამის ორ საათზე ადგა და დილამდე შაშს ეთამაშებოდა თავის ყოფილ მეუღლეს.* * *ოთხშაბათს მზიანი დილა გათენდა. სანამ პასარელს ეძინა, გონსალესმა ცოტა ივარჯიშა და მალე თამაში გაგრძელდა. სრულიად მოულოდნელად ღამენათევი პანჩო არაფერში ჩამორჩებოდა ახალაზრდა და დასვენებულ მეტოქეს. 14:14-ზე პასარელმა თავისი მოწოდებისას ორჯერ გაწყვიტა სიმები საკუთარ ჩოგანზე. შესაძლოა, სწორედ ეს გახდა გარდამტეხი მომენტი - პანჩომ მეტოქის მოწოდება აიღო და შემდეგ სეტი თავის სასარგებლოდ დაასრულა. საინტერესოა, რომ ყოველთვის ნერვული გონსალესი დემონსტრატიულად მშვიდი იყო, იმ დროს, როცა მისი ოპონენტი აშკარად ნერვიულობდა. მეოთხე სეტში გადამწყვეტი მომენტი გახდა პასარელის ორმაგი შეცდომა 3:4-ზე. პანჩომ ბრეიკი გააკეთა, შემდეგ გეიმში კი სეტებს შორის ანგარიში გაათანაბრა.მეხუთე სეტის მსვლელობისას ცხადი გახდა, რომ ცენტრალურ კორტზე ახალი ისტორია იწერებოდა. ტრიბუნები სავსე იყო, მაყურებელი გასასვლელებშიც კი იდგა, კიდევ 30 ათასი კორტის გარშემო იყო შეკრებილი და ელექტრონულ ტაბლოზე აკვირდებოდა მიმდინარე მოვლენებს. დროთა განმავლობაში გამოიკვეთა პასარელის ფიზიკური უპირატესობა. გონსალესი ხშირად ცდებოდა, პერიოდულად არ მუშაობდა მისი მთავარი იარაღი - უნაკლო მოწოდება. 4:5-ზე პანჩომ მეტოქეს თავის მოწოდებაზე სამმაგი მატჩბოლი მისცა. "მეგონა, რომ ყველაფერი დამთავრდა", - ამბობდა მატჩის შემდეგ გონსალესი. მაგრამ ნერვებმა მის მეტოქესაც უმტყუნა - პასარელმა ზედიზედ სამი შეცდომა დაუშვა და გეიმებში ანგარიში გათანაბრდა. სიტუაცია გონსალესის მომდევნო ჩაწოდებისას განმეორდა - ისევ 0:40 და ისევ სამი მატჩბოლი. პირველი პანჩომ შესანიშნავი "სმეშით" მოიგერია, მეორეში პასარელს კარგი მიღება გამოუვიდა, მაგრამ გონსალესი მიუხვდა ჩანაფიქრს და ბრწყინვალე კროსით ჰაერიდან მოიგო ქულა. მესამე მატჩბოლი მაშინ მოიგერია, როცა ჩარლიმ ცუდად მიიღო მოწოდება.7:8-ზე პუერტორიკოელმა კიდევ ერთი მატჩბოლი მიიღო - რიგით მეშვიდე. ამჯერად გონსალესი მოწოდებისთანავე გავიდა ბადესთან, ჩარლიმ მეტოქისთვის ბურთის თავზე გადაგდება მოინდომა, მაგრამ დარტყმა აუტში გაუშვა. ახალგაზრდა ჩოგბურთელს კიდევ უფრო მეტად დაეტყო ნერვიულობა, მისი ასაკოვანი ოპონენტი კი პირიქით, ყოველგვარი ემოციის გარეშე თამაშობდა. საბოლოოდ, მე-19 გეიმში პანჩომ შეძლო ბრეიკის გაკეთება, რის შემდეგაც საკუთარი გეიმის აღება რჩებოდა. მან ზედიზედ სამი გათამაშება მოიგო და პირველი მატჩბოლი მიიღო. მოკლე გათამაშებისას გონსალესმა ბადესთან გაიტყუა მეტოქე, რის შემდეგაც აკურატულად გადაუგდო ბურთი თავზე. ამჯერად ყველაფერი იდეალურად იყო შესრულებული - ჩარლი გაშეშებული ადევნებდა თვალს, როგორ ეშვებოდა ბურთი პირდაპირ ხაზზე...არც ერთ ჩოგბურთელს არ დარჩა ძალა ემოციების გამოსახატავად. ბადესთან მათ ხელი ჩამოართვეს და ერთმანეთს გადაეხვივნენ. 50 ათასი მაყურებელი ფეხზე ამდგარი უკრავდა ტაშს ამ დიადი მატჩის მონაწილეებს.პასარელმა მხოლოდ გასახდელში გააცნობიერა მომხდარი და ატირდა. რამდენიმე წუთში მასთან გონსალესი შევიდა. მან მოსწავლეს მხრებზე პირსახოცი მოახურა და უბრალოდ უთხრა - "მაპატიე!"...მატჩის ანგარიში იყო - 22:24, 1:6, 16:14, 6:3, 11:9. ის ხუთ საათზე მეტხანს გრძელდებოდა. 41 წლის შემდეგ უიმბლდონზე ხანგრძლივობის რეკორდი დაამხეს ჯონ ისნერმა და ნიკოლა მაუმ.* * *იმ ტურნირზე გონსალესმა კიდევ ორი მატჩი მოიგო, მაგრამ მეოთხე წრეში მას სხვა მოსწავლემ გადაუღობა გზა. არტურ ეში აჭარდებდა, როცა ამბობდა, რომ ჩარლიტო მასსავით კარგად თამაშობდა. ოთხ სეტში ახალგაზრდობამ გამოცდილება დაამარცხა. ეში უფრო შორს წავიდა - ნახევარფინალამდე მიაღწია და იქ წააგო ჩოგბურთელთან, რომელთანაც 1969 წელს ყველა მარცხდებოდა. როდ ლეივერმა იმ წელს თავისი მეორე სეზონური "დიდი სლემი" მოიგო.პანჩოს კარიერა 1973 წლამდე გრძელდებოდა. ერთი წლით ადრე, 43 წლისა და 9 თვის ასაკში მან მოიგო დე-მინეს ტურნირი, რითაც ისტორიაში ATP-ის ტიტულის ყველაზე ასაკოვანი მფლობელი გახდა. ეს რეკორდი დღემდე არავის დაუმხია. მრავალი წელი გონსალესი ლას ვეგასში ცნობილი სასტუმროს - Caesar's Palace-ის საჩოგბურთო ცენტრს ხელმძღვანელობდა, მაგრამ მძიმე ხასიათის გამო ურთიერთობა გაიფუჭა ხელმძღვანელობასთან და იძულებული იყო ცენტრი დაეტოვებინა. 80-იანი წლების ბოლოს პანჩო ლას ვეგასში თავის მორიგ, მეექვსე ცოლთან რიტასთან ერთად ცხოვრობდა. პარალელურად ის სპარინგებს მართავდა რიტას ძმასთან, ვინმე ანდრე აგასისთან...რიჩარდ "პანჩო" გონსალესი 1995 წლის 3 ივლისს კიბოთი გარდაიცვალა. ეს უიმბლდონის მატჩის ყურებისას მოხდა. მან რამდენიმე დღე ვერ გაძლო პიტ სამპრასის მორიგ გამარჯვებამდე. თამაშის მანერით სწორედ პიტს მიიჩნევდნენ გონსალესის მემკვიდრედ.ჩარლი პასარელი ინდიან უელსის მასტერსის დირექტორად მუშაობს, პარალელურად კომენტარს უკეთებს საჩოგბურთო მატჩებს. შეიცვლებოდა თუ არა მისი ბედი იმ მატჩის მოგების შემთხვევაში? პასარელს ამ კითხვაზე პასუხი არ აქვს, თუმცა ცხოვრებით კმაყოფილია. თუნდაც იმიტომ, რომ ლეგენდა გახდა.უიმბლდონი. ყველა ფინალი. კაცებისამოყვარულო ერა1877 სპენსერ გორი (ბრიტ)-უილიამ მარშალი (ბრიტ) 6:1, 6:2, 6:41878 ფრენკ ჰადოუ (ბრიტ)-სპენსერ გორი (ბრიტ) 7:5, 6:1, 9:71879 ჯონ ჰარტლი (ბრიტ)-ვერ სენტ ლეგერი (ბრიტ) 6:2, 6:4, 6:21880 ჯონ ჰარტლი (ბრიტ)-ჰერბერტ ლოუფორდი (ბრიტ) 6:3, 6:2, 2:6, 6:31881 უილიამ რენშოუ (ბრიტ)-ჯონ ჰარტლი (ბრიტ) 6:0, 6:1, 6:11882 უილიამ რენშოუ (ბრიტ)-ერნესტ რენშოუ (ბრიტ) 6:1, 2:6, 4:6, 6:2, 6:21883 უილიამ რენშოუ (ბრიტ)-ერნესტ რენშოუ (ბრიტ) 2:6, 6:3, 6:3, 4:6, 6:31884 უილიამ რენშოუ (ბრიტ)-ჰერბერტ ლოუფორდი (ბრიტ) 6:0, 6:4, 9:71885 უილიამ რენშოუ (ბრიტ)-ჰერბერტ ლოუფორდი (ბრიტ) 7:5, 6:2, 4:6, 7:51886 უილიამ რენშოუ (ბრიტ)-ჰერბერტ ლოუფორდი (ბრიტ) 6:0, 5:7, 6:3, 6:41887 ჰერბერტ ლოუფორდი (ბრიტ)-ერნესტ რენშოუ (ბრიტ) 1:6, 6:3, 3:6, 6:4, 6:41888 ერნესტ რენშოუ (ბრიტ)-ჰერბერტ ლოუფორდი (ბრიტ) 6:3, 7:5, 6:01889 უილიამ რენშოუ (ბრიტ)-ერნესტ რენშოუ (ბრიტ) 6:4, 6:1, 3:6, 6:01890 ვილუბი ჰემილტონი (ბრიტ)-უილიამ რენშოუ (ბრიტ) 6:8, 6:2, 3:6, 6:1, 6:11891 ვილფრედ ბადელეი (ბრიტ)-ჯოშუა პიმი (ბრიტ) 6:4, 1:6, 7:5, 6:01892 ვილფრედ ბადელეი (ბრიტ)-ჯოშუა პიმი (ბრიტ) 4:6, 6:3, 6:3, 6:21893 ჯოშუა პიმი (ბრიტ)-ვილფრედ ბადელეი (ბრიტ) 3:6, 6:1, 6:3, 6:21894 ჯოშუა პიმი (ბრიტ)-ვილფრედ ბადელეი (ბრიტ) 10:8, 6:2, 8:61895 ვილფრედ ბადელეი (ბრიტ)-ვილდერფორს ივსი (ბრიტ) 4:6, 2:6, 8:6, 6:2, 6:31896 ჰაროლდ მაჰონი (ბრიტ)-ვილფრედ ბადელეი (ბრიტ) 6:2, 6:8, 5:7, 8:6, 6:31897 რეჯინალდ დოჰერტი (ბრიტ)-ჰაროლდ მაჰონი (ბრიტ) 6:4, 6:4, 6:31898 რეჯინალდ დოჰერტი (ბრიტ)-ლოურენს დოჰერტი (ბრიტ) 6:3, 6:3, 2:6, 5:7, 6:11899 რეჯინალდ დოჰერტი (ბრიტ)-არტურ გორი (ბრიტ) 1:6, 4:6, 6:3, 6:3, 6:31900 რეჯინალდ დოჰერტი (ბრიტ)-სიდნი სმიტი (ბრიტ) 6:8, 6:3, 6:1, 6:21901 არტურ გორი (ბრიტ)-რეჯინალდ დოჰერტი (ბრიტ) 4:6, 7:5, 6:4, 6:41902 ლოურენს დოჰერტი (ბრიტ)-არტურ გორი (ბრიტ) 6:4, 6:3, 3:6, 6:01903 ლოურენს დოჰერტი (ბრიტ)-ფრენკ რაისლი (ბრიტ) 7:5, 6:3, 6:01904 ლოურენს დოჰერტი (ბრიტ)-ფრენკ რაისლი (ბრიტ) 6:1, 7:5, 8:61905 ლოურენს დოჰერტი (ბრიტ)-ნორმან ბრუქსი (ავსტრა) 8:6, 6:2, 6:41906 ლოურენს დოჰერტი (ბრიტ)-ფრენკ რაისლი (ბრიტ) 6:4, 4:6, 6:2, 6:31907 ნორმან ბრუქსი (ავსტრა)-არტურ გორი (ბრიტ) 6:4, 6:2, 6:21908 არტურ გორი (ბრიტ)-ჰერბერტ ბარეტი (ბრიტ) 6:3, 6:2, 4:6, 3:6, 6:41909 არტურ გორი (ბრიტ)-ჯოშია რიტჩი (ბრიტ) 6:8, 1:6, 6:2, 6:2, 6:21910 ენტონი უილდინგი (ზელ)-არტურ გორი (ბრიტ) 6:4, 7:5, 4:6, 6:21911 ენტონი უილდინგი (ზელ)-ჰერბერტ ბარეტი (ბრიტ) 6:4, 4:6, 2:6, 6:2, უარი1912 ენტონი უილდინგი (ზელ)-არტურ გორი (ბრიტ) 6:4, 6:4, 4:6, 6:41913 ენტონი უილდინგი (ზელ)-მორის მაკლაფლინი (აშშ) 8:6, 6:3, 10:81914 ნორმან ბრუქსი (ავსტრა)-ენტონი უილდინგი (ზელ) 6:4, 6:4, 7:51919 ჯერალდ პატერსონი (ავსტრა)-ნორმან ბრუქსი (ავსტრა) 6:3, 7:5, 6:21920 ბილ ტილდენი (აშშ)-ჯერალდ პატერსონი (ავსტრა) 2:6, 6:3, 6:2, 6:41921 ბილ ტილდენი (აშშ)-ბრაიან ნორტონი (ს. აფრ) 4:6, 2:6, 6:1, 6:0, 7:51922 ჯერალდ პატერსონი (ავსტრა)-რენდოლფი ლისეტი (ს. აფრ) 6:3, 6:4, 6:21923 ბილ ჯონსონი (აშშ)-ფრენსის ჰანტერი (აშშ) 6:0, 6:3, 6:11924 ჟან ბოროტრა (საფ)-რენე ლაკოსტი (საფ) 6:1, 3:6, 6:1, 3:6, 6:41925 რენე ლაკოსტი (საფ)-ჟან ბოროტრა (საფ) 6:3, 6:3, 4:6, 8:61926 ჟან ბოროტრა (საფ)-ჰოვარდ კინსი (აშშ) 8:6, 6:1, 6:31927 ანრი კოშე (საფ)-ჟან ბოროტრა (საფ) 4:6, 4:6, 6:3, 6:4, 7:51928 რენე ლაკოსტი (საფ)-ანრი კოშე (საფ) 6:1, 4:6, 6:4, 6:21929 ანრი კოშე (საფ)-ჟან ბოროტრა (საფ) 6:4, 6:3, 6:41930 ბილ ტილდენი (აშშ)-ვილმერ ელისონი (აშშ) 6:3, 9:7, 6:41931 სიდნი ვუდი (აშშ)-ფრენ შილდსი (აშშ) უარი1932 ელსვორტ ვაინსი (აშშ)-ბანი ოსტინი (ბრიტ) 6:2, 6:2, 6:01933 ჯეკ კროუფორდი (ავსტრა)-ელსვორტ ვაინსი (აშშ) 4:6, 11:9, 6:2, 2:6, 6:41934 ფრედ პერი (ბრიტ)-ჯეკ კროუფორდი (ავსტრა) 6:3, 6:0, 7:51935 ფრედ პერი (ბრიტ)-გოტფრიდ ფონ გამი (გერ) 6:2, 6:4, 6:41936 ფრედ პერი (ბრიტ) გოტფრიდ ფონ გამი (გერ) 6:1, 6:1, 6:01937 დონ ბაჯი (აშშ)-გოტფრიდ ფონ გამი (გერ) 6:3, 6:4, 6:21938 დონ ბაჯი (აშშ)-ბანი ოსტინი (ბრიტ) 6:1, 6:0, 6:31939 ბობი რიგსი (აშშ)-ელვუდ კუკი (აშშ) 2:6, 8:6, 3:6, 6:3, 6:21946 ივონ პეტრა (საფ)-ჯეფ ბრაუნი (ავსტრა) 6:2, 6:4, 7:9, 5:7, 6:41947 ჯეკ კრემერი (აშშ)-ტომ ბრაუნი (აშშ) 6:1, 6:3, 6:21948 ბობ ფალკენბურგი (აშშ)-ჯონ ბრომვიჩი (ავსტრა) 7:5, 0:6, 6:2, 3:6, 7:51949 ტედ შრიოდერი (აშშ)-იაროსლავ დრობნი (ჩეხ) 3:6, 6:0, 6:3, 4:6, 6:41950 ბაჯ პეტი (ავსტრა)-ფრენკ სედგმენი (ავსტრა) 6:1, 8:10, 6:2, 6:31951 დიკ სევიტი (აშშ)-კენ მაკგროგერი (ავსტრა) 6:4, 6:4, 6:41952 ფრენკ სედგმენი (ავსტრა)-იაროსლავ დრობნი (ეგვ) 4:6, 6:2, 6:3, 6:21953 ვის სეისასი (აშშ)-კურტ ნილსენი (დან) 9:7, 6:3, 6:41954 იაროსლავ დრობნი (ეგვ)-კენ როზუოლი (ავსტრა) 13:11, 4:6, 6:2, 9:71955 ტონი ტრაბერტი (აშშ)-კურტ ნილსენი (დან) 6:3, 7:5, 6:11956 ლიუ ჰოდი (ავსტრა)-კენ როზუოლი (ავსტრა) 6:2, 4:6, 7:5, 6:41957 ლიუ ჰოდი (ავსტრა)-ეშლი კუპერი (ავსტრა) 6:2, 6:1, 6:21958 ეშლი კუპერი (ავსტრა)-ნილ ფრეზერი (ავსტრა) 3:6, 6:3, 6:4, 13:111959 ალექს ოლმედო-როდ ლეივერი (ავსტრა) 6:4, 6:3, 6:41960 ნილ ფრეზერი (ავსტრა)-როდ ლეივერი (ავსტრა) 6:4, 3:6, 9:7, 7:51961 როდ ლეივერი (ავსტრა)-ჩაკ მაკინლი (აშშ) 6:3, 6:1, 6:41962 როდ ლეივერი (ავსტრა)-მარტინ მალიგანი (ავსტრა) 6:2, 6:2, 6:11963 ჩაკ მაკინლი (აშშ)-ფრედ სტოლი (ავსტრა) 9:7, 6:1, 6:41964 როი ემერსონი (ავსტრა) ფრედ სტოლი (ავსტრა) 6:4, 12:10, 4:6, 6:31965 როი ემერსონი (ავსტრა) ფრედ სტოლი (ავსტრა) 6:2, 6:4, 6:41966 მანუელ სანტანა (ესპ)-დენის რელსტონი (აშშ) 6:4, 11:9, 6:41967 ჯონ ნიუკომბი (ავსტრა)-ვილჰელმ ბუნგერტი (გფრ) 6:3, 6:1, 6:1ღია ერა1968 როდ ლეივერი (ავსტრა)-ტონი როუჩი (ავსტრა) 6:3, 6:4, 6:21969 როდ ლეივერი (ავსტრა)-ჯონ ნიუკომბი (ავსტრა) 6:4, 5:7, 6:4, 6:41970 ჯონ ნიუკომბი (ავსტრა)-კენ როზუოლი (ავსტრა) 5:7, 6:3, 6:2, 3:6, 6:11971 ჯონ ნიუკომბი (ავსტრა)-სტენ სმიტი (აშშ) 6:3, 5:7, 2:6, 6:4, 6:41972 სტენ სმიტი (აშშ)-ილიე ნასტასე (რუმ) 4:6, 6:3, 6:3, 4:6, 7:51973 იან კოდეში (ჩეხ)-ალექსანდრ მეტრეველი (სსრკ) 6:1, 9:8(7:5), 6:31974 ჯიმი კონორსი (აშშ)-კენ როზუოლი (ავსტრა) 6:1, 6:1, 6:41975 არტურ ეში (აშშ)-ჯიმი კონორსი (აშშ) 6:1, 6:1, 5:7, 6:41976 ბიორნ ბორგი (შვედ)-ილიე ნასტასე (რუმ) 6:4, 6:2, 9:71977 ბიორნ ბორგი (შვედ)-ჯიმი კონორსი (აშშ) 3:6, 6:2, 6:1, 5:7, 6:41978 ბიორნ ბორგი (შვედ)-ჯიმი კონორსი (აშშ) 6:2, 6:2, 6:31979 ბიორნ ბორგი (შვედ)-როსკო ტანერი (აშშ) 6:7(4:7), 6:1, 3:6, 6:3, 6:41980 ბიორნ ბორგი (შვედ)-ჯონ მაკინროი (აშშ) 1:6, 7:5, 6:3, 6:7(16:18), 8:61981 ჯონ მაკინროი (აშშ)-ბიორნ ბორგი (შვედ) 4:6, 7:6(7:1), 7:6(7:4), 6:41982 ჯიმი კონორსი (აშშ)-ჯონ მაკინროი (აშშ) 3:6, 6:3, 6:7(2:7), 7:6(7:5), 6:41983 ჯონ მაკინროი (აშშ)-კრის ლუისი (ზელ) 6:2, 6:2, 6:21984 ჯონ მაკინროი (აშშ)-ჯიმი კონორსი (აშშ) 6:1, 6:1, 6:21985 ბორის ბეკერი (გფრ)-კევინ კარენი (აშშ) 6:3, 6:7(4:7), 7:6(7:3), 6:41986 ბორის ბეკერი (გფრ)-ივან ლენდლი (ჩეხ) 6:4, 6:3, 7:51987 პეტ კეში (ავსტრა)-ივან ლენდლი (ჩეხ) 7:6(7:5), 6:2, 7:51988 სტეფან ედბერგი (შვედ)-ბორის ბეკერი (გფრ) 4:6, 7:6(7:2), 6:4, 6:21989 ბორის ბეკერი (გფრ)-სტეფან ედბერგი (შვედ) 6:0, 7:6(7:1), 6:41990 სტეფან ედბერგი (შვედ)-ბორის ბეკერი (გერ) 6:2, 6:2, 3:6, 3:6, 6:41991 მიხაელ შტიხი (გერ)-ბორის ბეკერი (გერ) 6:4, 7:6(7:4), 6:41992 ანდრე აგასი (აშშ)-გორან ივანიშევიჩი (ხორ) 6:7(8:10), 6:4, 6:4, 1:6, 6:41993 პიტ სამპრასი (აშშ)-ჯიმ კურიე (აშშ) 7:6(7:3), 7:6(8:6), 3:6, 6:31994 პიტ სამპრასი (აშშ) გორან ივანიშევიჩი (ხორ) 7:6(7:2), 7:6(7:5), 6:01995 პიტ სამპრასი (აშშ)-ბორის ბეკერი (გერ) 6:7(5:7), 6:2, 6:4, 6:21996 რიხარდ კრაიჩეკი (ჰოლ)-მალივეი ვაშინგტონი (აშშ) 6:3, 6:4, 6:31997 პიტ სამპრასი (აშშ)-სედრიკ პიოლინი (საფ) 6:4, 6:2, 6:41998 პიტ სამპრასი (აშშ)-გორან ივანიშევიჩი (ხორ) 6:7(2:7), 7:6(11:9), 6:4, 3:6, 6:21999 პიტ სამპრასი (აშშ)-ანდრე აგასი (აშშ) 6:3, 6:4, 7:52000 პიტ სამპრასი (აშშ)-პატრიკ პაფრერი (ავსტრა) 6:7(10:12), 7:6(7:5), 6:4, 6:22001 გორან ივანიშევიჩი (ხორ)-პატრიკ პაფრერი (ავსტრა) 6:3, 3:6, 6:3, 2:6, 9:72002 ლეიტონ ჰიუიტი (ავსტრა)-დავიდ ნალბანდიანი (არგ) 6:1, 6:3, 6:22003 როჯერ ფედერერი (შვეიც)-მარკ ფილიპუსისი (ავსტრა) 7:6(7:5), 6:2, 7:6(7:3)2004 როჯერ ფედერერი (შვეიც)-ენდი როდიკი (აშშ) 4:6, 7:5, 7:6(7:3), 6:42005 როჯერ ფედერერი (შვეიც)-ენდი როდიკი (აშშ) 6:2, 7:6(7:2), 6:42006 როჯერ ფედერერი (შვეიც)-რაფაელ ნადალი (ესპ) 6:0, 7:6(7:5), 6:7(2:7), 6:32007 როჯერ ფედერერი (შვეიც)-რაფაელ ნადალი (ესპ) 7:6(9:7), 4:6, 7:6(7:3), 2:6, 6:22008 რაფაელ ნადალი (ესპ)-როჯერ ფედერერი (შვეიც) 6:4, 6:4, 6:7(5:7), 6:7(8:10),9:72009 როჯერ ფედერერი (შვეიც)-ენდი როდიკი (აშშ) 5:7, 7:6(8:6),7:6(7:5),3:6,16:142010 რაფაელ ნადალი (ესპ)-ტომაშ ბერდიხი (ჩეხ) 6:3, 7:5, 6:4ყოველდღიური სპორტული გაზეთი"ლელო"

metreveli

ალექსანრე და არა ალექსანდრ მეტრეველი! და ერთხელ მაინც გეთქვათ, რომ ქართველია.

თრილერი ცინცინატიზე - საბალენკამ რადუკანუ დაამარცხა

ერთი ნაბიჯი ტურნირის ძირითად ბადემდე - ბასილაშვილი ცინცინატის მასტერსის კვალიფიკაციის ფინალშია

სინერმა უიმბლდონზე ალკარასის დომინაცია დაასრულა - იანიკმა მეოთხე დიდი სლემის ტიტული მოიგო

17-წლამდე ვაჟთა ნაკრები საწვრთნელ შეკრებას იწყებს

სიგუა შვეიცარიაში გუნდს გამოიცვლის

15-წლამდე გოგონათა ნაკრები განვითარების თასისთვის ემზადება

ტონი კროოსმა ფეხბურთის ისტორიაში საუკეთესო მეკარე დაასახელა

"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ

ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში

"სპორტინგმა" ისევ მოიგო, ქოჩორაშვილი ისევ შეცვლაზე შევიდა

[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა

"ნანტთან" მატჩში პსჟ-ს სასტარტო შემადგენლობა ცნობილია

"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა

"ვალენსია" ჩაკვეტაძის ტრანსფერზე "უოტფორდს" დაუკავშირდა

"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა

საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს

"ლევერკუზენმა" შესაძლოა, "იუნაიტედის" ყოფილი მცველი დაიმატოს

"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა

"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი

"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?

"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა

"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა

ხამზატ ჩიმაევი UFC-ის საშუალო წონის ახალი ჩემპიონია