დავაყენეთ მოლი, მივაწექით, რომ შევსულიყავით და ჩაგვეშალა არალეგიტიმური არჩევნები - მორაგბე

"ექსპო ჯორჯიაში", სადაც რაგბის კავშირის პრეზიდენტის არჩევნები მიმდინარეობს, ამ დრომდე დაძაბული ვითარებაა. ირაკლი აბუსერიძის მხარდამჭერები პოლიციის კორდონის გარღვევას შეეცადნენ. ადგილზე სამართალდამცველები არიან მობილიზებულნი."მორაგბეები მშვიდობიანად ვართ განწყობილნი. უბრალოდ, დავაყენეთ მოლი. მოლი არის რაგბის ილეთი. ჩვენ შევიკარით და მივაწექით, რომ შევსულიყავით და ჩაგვეშალა ეს არალეგიტიმური არჩევნები. მშვიდობიანი აქცია გვინდოდა, მაგრამ აქ ისეთი ადამიანები გაჩნდნენ, რომლებიც რაგბისთან კავშირში არ არიან. სამარცხვინოა ეს, რაც აქ ხდება", - აცხადებს მორაგბე სიმონ მაისურაძე.რამდენიმე წუთის წინ დაპირისპირების შედეგად რამდენიმე ადამიანი დაშავდა. დაპირისპირების მიზეზი რაგბის პრეზიდენტობის კანდიდატის, სოსო ტყემალაძის მისვლა გახდა. ადგილზე შეკრებილები ტყემალაძესთან მიახლოებას ცდილობდნენ, რისი საშუალებაც სამართალდამცველებმა არ მისცეს.ცნობისთვის, დღეს "ექსპო ჯორჯიაში" რაგბის კავშირის პრეზიდენტის არჩევნები იმართება. როგორც ცნობილია, პრეზიდენტობის ერთადერთი კანდიდატია სოსო ტყემალაძე.გასული წლის 30 დეკემბერს ჩატარებულ არჩევნებში ირაკლი აბუსერიძემ გაიმარჯვა, მაგრამ საჯარო რეესტრმა პრეზიდენტად არ დაარეგისტრირა.ირაკლი აბუსერიძის მხარდამჭერები ამ არჩევნებს არალეგიტიმურად აფასებენ და თვლიან, რომ პრეზიდენტი უკვე არჩეულია და ის ირაკლი აბუსერიძეა.

გიორგი

რა დემოკრატიაცაა დასავლეთში, ეს აშკარად გამოჩნდა ამერიკის 2020 წლის საპრეზიდენტო არჩევნებში. გასაოგნებელი გაყალბება მოხდა. თუმც, საქართველოს ჯერ ბევრად გვჯობნიან. რუსეთსაც და კიდევ ბევრ სხვა ნახევრად ველურ ქვეყანას.
BT

აშკარაა, რომ მოლის და შერკინების მწვრთნელი შესაცვლელია
ჟორა გაბრიჭიძე

დემოკრატია ნაადრევად ხომ არ შემოგვტენეს ქართველებს ამერიკელებმა? დემოკრატიისთვის ველურად გამოვიყურებით ქართველები და ველურებისთვის დემოკრატია, ეს ანარქიაა და მეტი არაფერი, რასაც ვხედავთ კიდეც ჩვენს ყოველდღიურ ცხოვრებაში. სწორედ ამიტომაც გვიკიჟინებს დასავლეთი დემოკრატია დანერგეთ თუ არა თვალით არ დაგვენახოთო. ის კი ავიწყდებათ, რომ დემოკრატიას თვითონ ორი საუკუნე აშენებდენ და ბოლომდე მაინც ვერ ააშენეს.
ზურა

ხო მაგრამ, ხომ უნდა ითქვას მიზეზი რატომ არ სცნო აბუსერიძის გამარჯვება? იცით რამე?
პაატა

სახელმწიფომ არ დაარეგისტრირა, ანუ არ ცნო წინა არჩევნების შედეგები. შესაბამისად საჭირო გახდა ახალი არჩევნების ჩატარება. ესაა ობიექტური რეალობა. დანარჩენი უკვე ზღაპრებია და ხელების გადაგრეხვა. გამარჯვებულ ტყემალაძეს ხმა უცხოპლანეტელებმა მისცეს, თუ ქართული რაგბის წარმომადგენლებმა?
Irakli

ბიჭებო, რას ითხოვთ? იქნებ მოთხვნები კონკრეტული და განხორციელებადი ჩამოწერეთ და ჩვენც გავიგოთ რატომ გვართმევენ რაგბს და რატომ არ არის არჩევნები ლეგიტიმური! აბუსერიძეც ხომ ოცნების კაცია და რატომ იჩაგრება, მოკლედ ვერაფერი გავიგე, თუმცა უკვე მგონია მნიშვნელოვაც არ აქვს!
abgd

კერ რაგბის წესები უნდა იცოდე და მერე ატლიკინო ენა
: )))))))

გეთანხმები, მაგრამ იცი რა არ მესმის? თუ ბიძინამ ტყემალაძეს საქმის მოგვარება დაავალა, რა საჭირო იყო ამხელა დაპირისპირება და ერთმანეთთან ამ ხალხის გადაკიდება? პირველივე კანდიდატი ყოფილიყო ეს კაცი და თავიდანვე იქნებოდა ცნობილი ეს ყველაფერი. ეხლა კი გაჩნდა მტრობა და უსიამოვნება ერთმანეთში, გამოჩნდა თუნდაც ცნობილი თემურ ბენდიაშვილი, რომელიც ჯერ იქით იყო და დღეს აქეთ არის
Love rugby

ტყემალაძე რას ჩადის? ტყემალაძე წარდგენილი კანდიდატი იყო. წარედგინა აბუსერიძის მხარესაც ისეთი კანდიდატი ვისაც შანსი ექნებოდა გამარჯვების. რა "აბიზალოვკააა" პარლამენტიდან ფედერაციის პრეზიდენტის სკამზე გადაჯდე? თუ არადა ეგენი არ იყვნენ რო გაიძახოდნენ კანონით ვიბრძოლებთო და ხან ძალას გამოვიყენებთო. მაგრამ სადღაც ძაღლის თავია დამარხული. რაღაც ინტერესი თუ არ გამოძრავებს პარლამენტარების მერე ფედერაციის პრეზიდენტობა რა მუღამია?
giorgi 3

პოლიციელებს ვერ აჯობეს მოლში! მაგენი იტალიას ან შოტლანდიას მოუგებენ?!
QT

გამოჩნდა, რომ მოლში და შერკინებაში ვეღარ ვართ ძლიერები.
:)

არა რა, ხისთავიანი ხისთავიანია... შე დალოცვილო, სარაგბე მოედანსა და საზოგადოებრივ სივრცეს ერთმანეთისგან ვერ ანსხვავებ? ამ პოლიციელებმაც რამდენ სახედარს უნდა გაუძლონ...
გიორგი

მორაგბეების ამ ნაწილს მოვუსმინე საინფორმაციო გადაცემებში და მჯერა მათი. მჯერა, რომ ტყემალაძის გუნდმა სახელმწიფო რესურსი გამოიყენა მიზნის მისაღწევად. მაგრამ, ნახევარ სიმართლით ბევრს ვერ მიაღწევთ ხალხო. ტყემალაძეს ბიძინამ დაავალა რაგბის აწეწილი საქმეების დალაგება. თქვენ კი კობახიძეებისკენ იშვერთ ხელს, ესენი კი პაიკებია. სიმართლეს თუ გაუსწორებთ თვალს, თქვენ ბიძინას სურვილს უპირისპირდებით და შესაბამისად უნდა გესმოდეთ, რომ ფულს თქვენ არ მოგცემენ და რაგბი დარჩება უსახსროდ. უფულოდ რას გააკეთებთ? ამიტომაა, რომ ვერავინ უპასუხა ჟურნალისტის კითხვას, გეგმა რა გაქვთო?
???

რა მოლი დააყენეთ? ეს უკვე ფიზიკური დაპირისპირებაა და მერე გულშემატკივარს სთხოვთ გვერდში დგომას? კაი, ტყემალაძე რასაც სჩადის, ნათელია ყველაფერი, მაგრამ რომ მიაწვებით და ძალას გამოიყენებთ, ეგ უკეთეს შედეგს გამოიღებს?

20 წ. | ვინ მოდის საქართველოში - აშშ

"შავმა ლომმა" "ტოიოტა ჩელენჯი" გამარჯვებით დაიწყო

"შავი ლომი" | "ტოიოტა ჩელენჯს" "აირლინკ პუმასით" ვიწყებთ

"ბეშიქთაში", რომელსაც დავითაშვილს უკავშირებენ, იტალიანოს ჩააბარეს

FIFA-მ მსოფლიო ჩემპიონატზე ვუვუზელას გამოყენება აკრძალა

20 წ. | ვინ მოდის საქართველოში - აშშ

ანტმანი: თუ შანსებს ვერ იყენებ, ამით მეტოქე სარგებლობს

ბაჰრეინთან მატჩში საქართველოს ნაკრების შემადგენლობა ცნობილია

რობერტსონი "ლივერპულიდან" "ტოტენჰემში" გადავიდა

BILD: აი, ასე დასცინოდა სლოტი "ლივერპულის" ახალწვეულებს

რუსი მწვრთნელი ვან დერ ვაარტს ფსიქიატრის დახმარებას დაჰპირდა

პალიკო ჯიმშელაძე ბორჯღალოსნებში ბრუნდება!

ანა ჯაფარიძე პარატაეკვონდოში რომის გრან პრის გამარჯვებულია

ვინგსმა ჰიუნდაი დაამარცხა და ფინალში ვსა-ს შეუწყვილდა | რა ხდება ასაკობრივ A ლიგებში?

"მე კი წავედი, მაგრამ მის ადგილას კარგად დავფიქრდებოდი" - კოულმა კალაფიორის "რეალში" შესაძლო ტრანსფერზე ისაუბრა

"კვარა", ნევეში, თუ ვიტინია? - პერესმა მომდევნო კვირას 150-მილიონიანი ტრანსფერი დაანონსა

"შავი ლომი" | "ტოიოტა ჩელენჯს" "აირლინკ პუმასით" ვიწყებთ

"განსაკუთრებული იყო" - კვარაცხელია გულშემატკივრებმაც საუკეთესოდ აღიარეს

კიტეიშვილი: სანაკრებო დონეზე შედეგები მარტივად არ მიიღწევა და ამისთვის მზად უნდა ვიყოთ

ოფიციალურად - "ლივერპული" ირაოლამ ჩაიბარა

U21 | აშშ V საქართველო - მატჩისწინა ვარჯიში ბრანსკოში

[VIDEO] "ოქროს ბურთის" ხუთი ყველაზე დიდი უსამართლობა?

მატჩის დღე! ბაჰრეინთან "მამარდას" გარეშე და "კვარასთან" ერთად