<p>წლეულს ივლისის მეორე დეკადიდან ჩინეთი საწყლოსნო სახეობებში სალიცენზიო მსოფლიოს ჩემპიონატს უმასპინძლებს <br> წლეულს ივლისის მეორე დეკადიდან ჩინეთი საწყლოსნო სახეობებში სალიცენზიო მსოფლიოს ჩემპიონატს უმასპინძლებს. ამ შეჯიბრებაზე საქართველოდან წყალმხტომელებიც იასპარეზებენ. ესენი არიან - ჭოლა ჭანტურია და შოთა კორახაშვილი.</p><p>ისინი სინქრონულ ხტომებში 19 ივლისს, ინდივიდუალურში კი 21-22 ივლისს მოსინჯავენ ძალებს. პირველობისთვის კარგა ხანია, მონდომებით ემზადებიან. ამას წინათ ბოლცანოში (იტალია) მათ მსოფლიოს გრანპრიზე სინქრონულ ხტომებში მე-5 ადგილი დაიკავეს.</p><p>გვესაუბრება საწყლოსნო სახეობათა ეროვნული ფედერაციის გენერალური მდივანი, წყალმხტომელთა მწვრთნელი ირაკლი ბართაია:</p><p>- ბოლცანო სამგზის ოლიმპიური ჩემპიონის კლაუს დი ბიასის მშობლიური ქალაქია. სახელოვანი სპორტსმენის პატივსაცემად აქ ყოველწლიურად იმართება მნიშვნელოვანი შეჯიბრებები, მათ შორის - მსოფლიოს გრანპრი. შარშან მსგავს ტურნირზე მე-6 ადგილი დავიკავეთ, წლეულს კი ერთი საფეხურით წინ წავიწიეთ და 30 სარეიტინგო ქულაც დავიმსახურეთ.</p><p>რაც მთავარია, ჩვენს მუდმივ კონკურენტებს - მექსიკელ და კანადელ წყალმხტომელებს ვაჯობეთ, თუმცა ჯერჯერობით რეიტინგში მაინც გვისწრებენ, რადგან უფრო გამოცდილები არიან. ბოლო მონაცემებით, სინქრონულ ხტომებში მე-10 ადგილზე ვართ და ჩვენ წინ მდგომ იტალიელ ძმებს - მარკონებს მხოლოდ 0,33 ქულით ჩამოვრჩებით.</p><p>ბოლცანოს გარდა, მსოფლიოს ჩემპიონატისთვის მოსამზადებლად, საშეჯიბრო გამოცდილების გასამდიდრებლად კიდევ მსოფლიოს ორ გრანპრისა და ევროპის ჩემპიონატზე მოვსინჯეთ ძალები. შედეგებით უკმაყოფილო არ ვარ, თუმცა ჩვენს ბიჭებს მეტი შეუძლიათ როგორც სინქრონულში, ისე იდივიდუალურ ხტომებში. მაგალითად, ჭოლა ჭანტურიამ შარშან ჩინეთში სამმეტრიანი ტრამპლინიდან ხტომებში 406 ქულა დაიმსახურა. უმთავრესად 380 ქულის ფარგლებში ტრიალებს.</p><p>ასეთი ქულებით ჩემპიონატზე, სადაც 70-მდე სპორტსმენი იასპარეზებს, ნახევარფინალში, ანუ 18 საუკეთესოში შეუძლია მოხვედრა. ეს კი ლონდონის ოლიმპიადის საგზურის მოპოვების რეალურ შანსს იძლევა. მთავარია, ჭანტურიამ და კორახაშვილმა თავიანთი შესაძლებლობები ბოლომდე გამოავლინონ.</p><p>სპორტისა და ახალგაზრდობის საქმეთა სამინისტროს თანადგომით 23 ივნისს მინსკში გავემგზავრებით და მასპინძლებთან ერთად იქაურ ოლიმპიურ ბაზაზე ორკვირიან საწვრთნელ შეკრებას გავივლით. ჩინეთში 11 ივლისს ჩავალთ, სადაც მსოფლიოს ჩემპიონატის შემდეგ 12-22 აგვისტოს მსოფლიო უნივერსიადა გველის. ორივე შეჯიბრებაზე ვეცდებით, ქომაგები არ გავაწბილოთ.</p><p><strong>ყოველდღიური სპორტული გაზეთი "ლელო"</strong></p>
ვისოლის“ გუნდის წევრი გიორგი კოდუა King of Drift 2026-ის ჩემპიონი გახდა
როგორ განაპირობებს წარმოების ხარისხი ეზოს ფილების ხანგრძლივ ექსპლუატაციას?
მოვლილი წვერი და უქერტლო თმა - სპეციალურად მამაკაცებისთვის შექმნილი ბრენდი Recipe
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
უკრაინასთან მატჩში საქართველოს ნაკრების შემადგენლობა ცნობილია
U17. საქართველოს ნაკრები საკვალიფიკაციო ეტაპის A ლიგაში გავიდა
საქართველოს ნაკრებმა პირველი ვარჯიში თბილისი არენაზე გამართა
216 სანტიმეტრი სიმაღლის ცენტრით - ჯიკიჩმა ნოემბრის სანაკრებო მატჩებისთვის გაფართოებული შემადგენლობა დაასახელა
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
მესი კვლავ არგენტინის ნაკრებში და უკვე სხვა როლით? - ლეოს ახალი წინადადება აქვს
წლის რჩეული მამაკაცი - საფრანგეთში ამ პრიზის მფლობელი კვარაცხელია გახდა
ოფიციალურად: "კრისტალ პალასს" ახალი მთავარი მწვრთნელი ჰყავს
"ყველაზე სამწუხარო, შენი სასოწარკვეთის ეს დონეა" - ბასილაშვილის პასუხი იმ ადამიანს, რომელმაც გარიგებულ მატჩებში დაადანაშაულა