<p>მაშ, ალექს მაკლიში „ბირმინგემ სიტიდან“ „ასტონ ვილაში“ რატომ გაიქცაო, არა? იმიტომ, ბატონებო, რომ მისი შემოსავალი ორნახევარჯერ გაიზარდა <br> მაშ, ალექს მაკლიში „ბირმინგემ სიტიდან“ „ასტონ ვილაში“ რატომ გაიქცაო, არა? იმიტომ, ბატონებო, რომ მისი შემოსავალი ორნახევარჯერ გაიზარდა.</p><p>ბირმინგემის მეორე კლუბმა დიდ ეკად წოდებულ შოტლანდიელს სამწლიანი კონტრაქტი გაუფორმა და წელიწადში 2 მილიონი ფუნტი დაუნიშნა, „ლურჯები“ კი იმის გამო, რომ პრემიერლიგიდან ჩემპიონშიფში გავარდნენ, მწვრთნელს გასამრჯელოს 800 000-მდე უმცირებდნენ.</p><p>ხელფასის ასეთი მომატება ნამდვილად საოცნებოა. ასეთი რამის გამო კაცმა, როგორც ჩანს, ყველაფერი უნდა აიტანო - მოგეხსენებათ, მაკლიშის „ვილას“ მწვრთნელად დანიშვნას თვით „ვილას“ ფანები აპროტესტებდნენ. მათ გამოსვლებიც კი მოაწყვეს და როგორ არ ლანძღეს ქალაქის მეორე ბოლოდან გამოპარული, მაგრამ დიდი ეკი პირობას დებს, რომ გუნდს საუცხოოდ აათამაშებს და ამ ხალხს გააჩუმებს.</p><p>„ვიცი, ზოგიერთმა ჩვენმა ფანმა ეჭვი გამოთქვა და ისიც ვიცი რატომაც, მაგრამ ახლა ჯერი ჩემზეა. მე ამ ხალხს უნდა დავუმტკიცო, რომ სწორედ ის კაცი ვარ, რომელსაც „ასტონ ვილას“ გაძლიერება შეუძლია. ერთი სული მაქვს, როდის დავიწყებ მუშაობას ჩვენი გუნდის ნიჭიერი და მონდომებული ფეხბურთელების ჯგუფთან. კონტრაქტის გაფორმების შემდეგ პირველი, რაც გავაკეთე ბოდიმურ ჰითის საწვრთნელი ბაზის დათვალიერება იყო. აღფრთოვანებული დავრჩი. ინფრასტრუქტურა შესანიშნავია. მზად ვარ თავით გადავეშვა საქმეში. მინდა მალე დავიწყოთ სეზონისთვის მზადება. ახლა საქმე ფეხბურთის თამაშზეღაა მიმდგარი“.</p><p>დიდ ეკს მხარი „ვილას“ 24 წლის ფორვარდმა გებრიელ აგბონლაჰორმა დაუჭირა. მან თქვა, რომ ფეხბურთელები ერთხმად ამოუდგებიან მაკლიშს მხარში.</p><p>„ახალ ცხოვრებას ვიწყებთ და ეს ძალიან კარგია. მაკლიშის მოსვლას მივესალმებით, რადგან ის ძალიან კარგი მწვრთნელია. გადახედეთ მის შედეგებს „რეინჯერსსა“ და შოტლანდიის ნაკრებში. მისი ხელმძღვანელობით გუნდები ყოველთვის კარგად გამოდიოდნენ. მისი ხელმძღვანელობით „ბირმინგემი“ გარკვეული სტილით თამაშობდა და ჩვენი ფანები ნერვიულობენ, მაკლიშმა იგივე სტილი „ვილაშიც“ რომ არ გადმოიტანოს, მაგრამ ეს გამორიცხულია, რადგან „ვილა“ სხვა გზას ადგას. ჩვენ ბევრი ნიჭიერი შემტევი ფეხბურთელი გვყავს და შესაბამისად შემტევი ფეხბურთი უნდა ვითამაშოთ. მინდა ვთხოვო გულშემატკივრების იმ ნაწილს, ვინც მაკლიშის მოსვლას ეწინააღმდეგება, მისცენ მას დრო და შედეგის მიხედვით განსაჯონ“.</p><p>შეგახსენებთ, რომ „ასტონ ვილას“ გასულ სეზონში ერთობ თავისებური მდგომარეობა ჰქონდა. ჯერ იყო და ჩემპიონატის დაწყებიდან ხუთ დღეში მარტინ ო’ნილი მოხსნეს თანამდებობიდან, შემდეგ კი მის ნაცვლად ფრანგი ჟერარ ულიე მიიყვანეს, რომელმაც მაინცდამაინც ვერ ააწყო საქმე, ბოლოს კი ავადაც გახდა და სამსახური დასტოვა. 52 წლის მაკლიში განაგრძობს:</p><p>„იმ დღეს, როდესაც შვებულებები დასრულდება და ფეხბურთელები ბაზაზე დაბრუნდებიან, დაიწყება ჩვენი დიდი თავგადასავალი. ჩემთვის დიდი პატივია ისეთი კლუბის მწვრთნელად მუშაობა, როგორიც „ასტონ ვილაა“.</p><p>შეგახსენებთ, რომ გასულ სეზონში მაკლიშმა „ბირმინგემ სიტის“ ინგლისის ლიგის თასი მოაგებინა, თუმცა ამ დიდ წარმატებას დიდი იმედგაცრუებაც მოჰყვა - დიდ ეკს გუნდი პრემიერლიგიდან გაუვარდა. „ლურჯების“ ხელმძღვანელებს დღემდე ეჭვი აქვთ, რომ სამწელიწადნახევრიანი თანამშრომლობის შემდეგ მაკლისის ასეთი ნაუცბათევი გაქცევა „ასტონ ვილას“ წაქეზებული იყო. ბოლო ინფორმაციით, თითქოს საქმე ჩაფარცხული იყო, მაგრამ როგორც ირკვევა, „ბირმინგემ სიტის“ თავმჯდომარე კვლავ ცდილობს საქმის გამოძიებას და ადვოკატები ჰყავს დაქირავებული.</p><p><strong>ყოველდღიური სპორტული გაზეთი</p><p>"ლელო"</strong></p>
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
"ლივერპულში" დარჩენის მოსურნე ალისონმა, დასვენების დრო წარმატებული თევზაობით შეავსო
[VIDEO] სასწაული "ოცნებათა თეატრში" - 8 გოლი და "მანჩესტერ იუნაიტედის" ქამბექი "ასტონ ვილასთან"
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"