<p>25 აპრილს, თბილისში, გლდანი-ნაძალადევის სპორტულმა ცენტრმა საქართველოს პროფესიონალური კრივის კავშირისა და Boxing Group Promotion-ის ორგანიზებით გამართულ სარეიტინგო ორთაბრძოლებს უმასპინძლა.</p><p>ღონისძიებაში მონაწილეობა მიიღეს პროფესიონალმა მებრძოლებმა საქართველოს სხვადასხვა ქალაქის კრივის კლუბებიდან.</p><p>რინგზე ასპარეზობას მონატრებულმა სპორტსმენებმა საკმაოდ საინტერესო და დაძაბული პაექრობები შესთავაზეს ქომაგს, რომელთა დარბაზში დასწრება დაშვებული არ იყო, თუმცა ყველას ჰქონდა პირდაპირი რეპორტაჟის ხილვის საშუალება.</p><p>უშეღავათო ბრძოლა გააჩაღეს 6-რაუნდიან დაპირისპირებაში გამოცდილმა ფოთელმა მოკრივემ, გიორგი უნგიაძემ და თბილისელმა ბექა მურჯიკნელმა. მებრძოლთა დაუღალავი მცდელობების მიუხედავად, შეხვედრა ფრედ დასრულდა.</p><p>დაძაბულობით გამოირჩა დებიუტანტი გორელი მებრძოლის, გიორგი დოლიაშვილისა და ახალციხელი რატი მიგრიაულის შერკინებაც 66 კილოგრამ წონით კატეგორიაში. დოლიაშვილის სწრაფ და ტექნიკურ სტილს მიგრიაულმა მძლავრი დარტყმებით უპასუხა. თუმცა საბოლოოდ, მსაჯების გადაწყვეტილებით, დაპირისპირებაში ქულებით გიორგი დოლიაშვილმა იმარჯვა.</p><p>ტრადიციულად, მაღალი ოსტატობა და კლასი გამოავლინა ფოთელმა იაგო კიზირიამ, რომელმაც მოუღლელი შეტევებით და კორპუსში უძლიერესი დარტყმებით ვადაზე ადრე გატეხა დებიუტანტი ნიკა ბუქურის წინააღმდეგობა 76 კილოგრამ წონით კატეგორიაში.</p><p>იმავე წონით კატეგორიაში ღონისძიების ერთ-ერთი გამორჩეული მომენტი შექმნა თბილისელმა გიორგი კანკავამ, რომელმაც უძლიერესი დარტყმით ღრმა ნოკაუტში გაგზავნა ბორჯომელი მერაბ გუკასიანი.</p><p>ტექნიკური ნოკაუტით პირველივე რაუნდში იმარჯვა კიდევ ერთმა გამორჩეულმა მოკრივემ, 21 წლის გიორგი უმეკაშვილმა, რომელსაც ღონისძიების დასასრულს ბრძოლების ორგანიზატორებისაგან სპეციალური პრიზიც ერგო. საშუალო წონაში მოასპარეზე მებრძოლი რინგზე დაუმარცხებელია და მხოლოდ უმაღლეს მიზნებს ისახავს კარიერაში.</p><p>ღონისძიების გამორჩეული და ყველაზე დაძაბული ბრძოლა კი მძიმეწონოსან მოკრივეთა შორის შედგა. კასპელი თამაზ ზადიშვილი ქუთაისელ დებიუტანტ მებრძოლს, რიჩარდ ფხაკაძეს დაუპირისპირდა. ფხაკაძემ სწრაფად, აქტიურად და ენერგიულად დაიწყო შეტევები, თუმცა ზადიშვილმა დიდი ბრძოლისუნარიანობა და ამტანობა გამოიჩინა. მან საკმაოდ გახსნილი სტილით განაგრძო ასპარეზობა, თავადაც გაუძლო და მეტოქესაც მიაყენა უძლიერესი დარტყმები. საბოლოოდ, მსაჯების გადაწყვეტილებით, მცირედი უპირატესობა სწორედ ზადიშვილს მიენიჭა და უდაძაბულეს ბრძოლაში კასპელმა მებრძოლმა ერთქულიანი სხვაობით სძლია მოწინააღმდეგეს.</p><p>საინტერესოდ წარმართეს ბრძოლები და გამარჯვებები მიითვალეს გიორგი გოგატიშვილმა (ფოთი), გიორგი მჭედლიძემ (კასპი), საბა მაჭარაშვილმა (რუსთავი), გიორგი ღვინიაშვილმა (ვარიანი), მიხეილ ხუციშვილმა (ვარიანი) და ნიკა ყულუმბეგაშვილმა (თბილისი).</p><p>ბრძოლები დიტო გულიაშვილსა (ვარიანი) და ბესო ლუხუტაშვილს (მესტია), ასევე ბექა ადუაშვილსა (ვარიანი) და დავით ბადურაშვილს (თბილისი) შორის კი ფრედ დასრულდა.</p><p>საქართველოს პროფესიონალური კრივის კავშირის პრეზიდენტის, გიორგი კანდელაკის თქმით, კრივის სარეიტინგო ბრძოლების გამართვა საქართველოში ინტენსიურ ხასიათს მიიღებს და „კრივის საღამოები“ ყოველთვიურად შედგება. შემდგომი შეჯიბრება 2021 წლის 24 მაისს არის ჩანიშნული.</p><p>შედეგები:</p><p>1. გიორგი მჭედლიძე (კასპი) VS ირაკლი კურტანიძე (ბორჯომი) 69 კგ. 4 რაუნდი - გაიმარჯვა მჭედლიძემ.</p><p>2. საბა მაჭარაშვილი (რუსთავი) VS თორნიკე გიკაშვილი (გორი) 65 კგ. 4 რაუნდი - გაიმარჯვა მაჭარაშვილმა.</p><p>3. გიორგი დოლიაშვილი (გორი) VS რატი მიგრიაული (ახალციხე) 66 კგ. 4 რაუნდი - გაიმარჯვა დოლიაშვილმა.</p><p>4. გიორგი ღვინიაშვილი (ვარიანი) VS დავით ბიძინაშვილი (გორი) 66 კგ. 4 რაუნდი - გაიმარჯვა ღვინიაშვილმა.</p><p>5. მიხეილ ხუციშვილი (ვარიანი) VS რობერტ ფარნაშვილი (თბილისი) 90 კგ. 4 რაუნდი - გაიმარჯვა ხუციშვილმა.</p><p>6. მერაბ გუკასიანი (ბორჯომი) VS გიორგი კანკავა (თბილისი) 76 კგ. 4 რაუნდი - გაიმარჯვა კანკავამ.</p><p>7. გიორგი გოგატიშვილი (ფოთი) VS მალხაზ თათრიშვილი (გორი) 63 კგ. 4 რაუნდი - გაიმარჯვა გოგატიშვილმა.</p><p>8. დიტო გულიაშვილი (ვარიანი) VS ბესო ლუხუტაშვილი (მესტია) 68 კგ. 4 რაუნდი - ფრე.</p><p>9. ბექა ადუაშვილი (ვარიანი) VS დავით ბადურაშვილი (თბილისი) 78 კგ. 4 რაუნდი - ფრე.</p><p>10. გერისო ადუაშვილი (ვარიანი) VS ნიკა ყულუმბეგაშვილი (თბილისი) 90 კგ. 4 რაუნდი - გაიმარჯვა ყულუმბეგაშვილმა.</p><p>11. იაგო კიზირია (ფოთი) VS ნიკა ბუქური (დუშეთი) 76 კგ. 4 რაუნდი - გაიმარჯვა კიზირიამ.</p><p>12. გიორგი უნგიაძე (ფოთი) VS ბექა მურჯიკნელი (თბილისი) 68 კგ. 6 რაუნდი - ფრე.</p><p>13. რიჩარდ ფხაკაძე (ქუთაისი) VS თამაზ ზადიშვილი (კასპი) 90+ კგ. 4 რაუნდი - გაიმარჯვა ზადიშვილმა.</p><p><p><p>14. გიორგი უმეკაშვილი (თბილისი) VS ტრისტან ხიზანიშვილი (ვარიანი) 72 კგ. 4 რაუნდი - გაიმარჯვა უმეკაშვილმა.</p></p></p><p><p><p>წყარო: <a href="https://www.facebook.com/BoxingGeorgia" target="_blank">Boxing Group Promotion</a></p></p><br></p>
19-წლამდელთა ევროპის ჩემპიონატზე საქართველოს მოკრივეთა ნაკრებმა სამივე ხარისხის მედალი მოიპოვა
ზედიზედ მეოთხე გამარჯვება - ლაშა გურული შეუჩერებელია
"ქართველებო, თქვენი დანაკარგის გამო გისამძიმრებთ" - უკრაინელი უსიკი ილია II-ს გარდაცვალებას გამოეხმაურა
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
[PHOTO] ახლო მეგობრები - უკრაინის ნაკრების წევრმა მატჩის შემდეგ საქართველოს ნაკრების ფეხბურთელთან გადაღებული ფოტო გამოაქვეყნა
სვანაძე: ასე გაგრძელება არ შეიძლება - გულშემატკივრების რეაქციას კარგი თამაშით უნდა ვუპასუხოთ
უკრაინელთა მწვრთნელი: საქართველო არაფრითაა უნგრეთზე ან უკრაინაზე სუსტი - აბსურდულ სიტუაციაში გავიმარჯვეთ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
ჩრდილოეთ ირლანდია უნგრეთს ფრედ ეთამაშა და A დივიზიონში აღზევდა
[VIDEO] კატასტროფა - საქართველოს ნაკრებმა ერთა ლიგა გატანილი გოლის გარეშე, ბოლო ადგილზე დაასრულა
უკრაინასთან მატჩში საქართველოს ნაკრების შემადგენლობა ცნობილია