ორი სენსაცია და ატირებული სერენა

უიმბლდონი 2011. ქალები. I წრე ქალთა ტურნირზე გაცილებით მეტი სენსაცია და მოულოდნელი შედეგი დაფიქსირდა. განსაკუთრებით გამორჩეული ორი მატჩის ანგარიში იყო.ვერაფრით გამოდის კრიზისიდან სერბი ელენა იანკოვიჩი. გუშინ ის იქამდე მივიდა, რომ 2005 წლის შემდეგ პირველად წააგო "დიდი სლემის" ტურნირის პირველ წრეში. მსოფლიოს ყოფილი პირველი ჩოგანი სამ სეტში დამარცხდა 28 წლის ესპანელ მარია ხოსე მარტინეს სანჩესთან - 7:5, 4:6, 3:6.იანკოვიჩი ამ მატჩში ძალიან ბევრ შეცდომას უშვებდა - რვა ორმაგი და 34 უნებლიე, რასაც აქტიური თამაშით მოპოვებული 30 ქულა ახლდა თან. ესპანელის მაჩვენებლები იყო - 9 ეისი, 38 "ვინერსი" და 22 უნებლიე შეცდომა.ორი საათისა და 23 წუთის განმავლობაში იანკოვიჩმა მხოლოდ ორი ბრეიკის გაკეთება მოახერხა და ოთხჯერ დათმო საკუთარი გეიმი. სხვათა შორის, პირად შეხვედრებში ესპანელი 3:1-ს უგებს სერბს.დავიდენკოსი არ იყოს, უიმბლდონზე თამაში არც მსოფლიოს მეათე ჩოგანს სამანტა სტოსურს გამოსდის. ცნობილი ავსტრალიელი ზედიზედ მეორედ და კარიერაში მეხუთედ გამოეთიშა ლონდონური ტურნირის პირველ წრეს.რაც ყველაზე გასაკვირია, როლან გაროსის ყოფილი ფინალისტი დამარცხდა მსოფლიო კლასიფიკაციის 262-ე (!) ნომერთან, 28 წლის მელინდა ჩინკთან. თანაც უნგრელის გამარჯვება ძალიან დამაჯერებელი იყო - მან საათსა და 7 წუთში მოამთავრა საქმე - 6:3, 6:4. ჩინკს კიდევ უფრო ნაკლებ დროში შეეძლო გამარჯვების მოპოვება, მაგრამ მესამე სეტში სტოსურს 0:4-დან ოთხი გეიმის აღების საშუალება მისცა, თუმცა ბოლოს მაინც მიიყვანა საქმე გამარჯვებამდე.წარმატებით დაიწყო ტიტულის დაცვა სერენა უილიასმა, თუმცა ამერიკელს ძალიან რთული ბრძოლის გადატანა მოუწია ირანული წარმოშობის ფრანგ არავან რეზაისთან.სერენასთვის პირველი სეტი ცუდად დაიწყო. რეზაი ბრეიკით დაწინაურდა - 2:0, მაგრამ შემდეგ ამერიკელმა ზედიზედ ხუთი გეიმი აიღო და პირველი სეტი თავის სასარგებლოდ დაასრულა. მეორე სეტში ყველაფერი ერთადერთმა ბრეიკმა გადაწყვიტა, რომელიც რეზაიმ მეექვსე გეიმში აიღო და სეტებში ანგარიში გათანაბრდა. მესამე სეტში ჩოგბურთელებმა საწყისი გეიმები გაცვალეს, რის შემდეგაც სერენამ მიჯრით კვლავ ხუთი გეიმი აიღო და მეორე წრის საგზური მოიპოვა. მატჩბოლი უილიამსმა რიგით მე-13 ეისის წყალობით გამოიყენა.მატჩის შემდეგ უმცროსმა უილიამსმა თავი ვერ შეიკავა და პირდაპირ კორტზე ატირდა. "როგორც წესი, არ ვტირი ხოლმე... მაგრამ ეს ძალიან რთული მატჩი გამოდგა. ვერასოდეს წარმოვიდგენდი, თუ ასე გამიჭირდებოდა აქ დაბრუნება - ეს ძალიან ემოციური მომენტი იყო. როცა აქ მოვდიოდი, თუნდაც ერთი მატჩის მოგებაზე ვოცნებობდი. საშინელი ერთი წელი მქონდა, მაგრამ ბოლომდე მჯეროდა წარმატების. მიყვარს ჩოგბურთი და ძალიან მინდოდა უიმბლდონზე გამოსვლა.რეზაი - ძლიერი მოთამაშეა. მოგებული აქვს მსხვილი ტურნირები, ერთხელ ჩემი დაც დაამარცხა. ამიტომაც კარგად მესმოდა, რომ გამიჭირდებოდა მის წინააღმდეგ", - განაცხადა მატჩის შემდეგ სერენამ.გაცილებით იოლად მოიგო პირველი წრის შეხვედრა მსოფლიოს პირველმა ჩოგანმა კაროლინ ვოზნიაცკიმ. ის პრაქტიკულად არ ცდებოდა ესპანელი არანჩა პარა-სანტონხას წინააღმდეგ. 6:2, 6:1 - ასეთია ამ მატჩის ანგარიში, რომელშიც დანიელმა მხოლოდ ხუთი უნებლიე შეცდომა დაუშვა, ხუთი ბრეიკი გააკეთა და საკუთარი არც ერთი გეიმი არ წაუგია.საინტერესო იყო რუსული დერბი მარია შარაპოვასა და ანა ჩაკვეტაძეს შორის, თუმცა ცოტა ვინმეს თუ სჯეროდა, რომ ახლახანს გამოჯანმრთელებული და უთამაშებელი ჩაკვეტაძე შეძლებდა ტურნირის ერთ-ერთ ფავორიტთან თანაბარ ბრძოლას. პროგნოზი გამართლდა - მარიამ მხოლოდ სამი გეიმი გაიმეტა თანამემამულისთვის და მეორე წრეში გასასვლელად საათი და 8 წუთი იკმარა. ახლა შარაპოვას შვიდიდან შვიდი მოგება აქვს ჩაკვეტაძის წინააღმდეგ, თანაც ამ მატჩებში ანას ერთადერთი სეტი აქვს მოგებული.ქალებიI წრეკაროლინ ვოზნიაცკი (დან, 1)-არანჩა პარა სანტონხა (ესპ) 6:2, 6:1; ვირჟინ რაზანო (საფ)-სანია მირზა (ინდ) 7:6, 2:6, 6:3; მელინდა ჩინკი (უნგ)-სამანტა სტოსური (ავსტრა, 10) 6:3, 6:4; ანასტასია იაკიმოვა (ბლრ)-სოფია არვიდსონი (შვედ) 4:6, 6:2, 6:1; ელენა ბალტაჩა (ბრიტ)-მონა ბარტელი (გერ) 6:2, 6:4; შუია პენგი (ჩინ, 20)-კირსტენ ფლიპკენსი (ბელ) 6:0, 6:4; ლუსი საფაროვა (ჩეხ, 31)-ლუსი ჰრადეცკა (ჩეხ) 2:6, 6:3, 6:3; კლარა ზაკოპალოვა (ჩეხ)-ემილი უებლი-სმიტი (ბრიტ) 6:3, 5:7, 8:6; მარია შარაპოვა (რუს, 5)-ანა ჩაკვეტაძე (რუს) 6:2, 6:1; ნა ლი (ჩინ, 3)-ალა კუდრიავცევა (რუს) 6:3, 6:3; ანა ივანოვიჩი (სერ, 18)-მელანი ოუდინი (აშშ) 6:0, 6:1; ელენი დანილიდუ (საბ)-კოკო ვანდევეგე (აშშ) 6:4, 6:4; მარიონ ბარტოლი (საფ, 9)-კრისტინა პლიშკოვა (ჩეხ) 6:0, 6:2; ლურდეს დომინგეს ლინო (ესპ)-რომინ ოპრანდი (იტა) 6:0, 6:1; მარია კირილენკო (რუს, 26)-ალბერტა ბრიანტი (იტა) 6:2, 6:1; ტამარინე ტანასუგარნი (ტაილ)-იაროსლავა შვედოვა (ყაზ) 6:2, 6:3; სიმონა ჰალეპი (რუმ)-ბოიანა იოვანოვსკი (სერ) 6:1, 6:2; სერენა უილიამსი (აშშ, 7)-არავან რეზაი (საფ) 6:3, 3:6, 6:1; ბარბორა ზახვალოვა (ჩეხ)-ალექსანდრა ვოზნიაკი (კან) 7:6, 6:4; ტამირა პაჩეკი (ავსტრია)-აიუმი მორიტა (იაპ) 5:7, 6:3, 6:0; სტეფანი დუბუა (კან)-ირინა ფალკონი (აშშ) 6:2, 6:2; ანდრეა პეტკოვიჩი (გერ, 11)-გრეტა არნი (უნგ) 6:3, 6:4; ანასტასია პავლიუჩენკოვა (რუს, 14)-ლესია ცურენკო (უკრ) 6:4, 7:6; ნადია პეტროვა (რუს)-ვესნა დოლონცი (რუს) 6:3, 6:4; კატერინა ბონდარენკო (უკრ)-ალიზ კორნე (საფ) 7:5, 6:2; დანიელა ჰანტუხოვა (სლოვაკ, 25)-ვიტალია დიატჩენკო (რუს) 4:6, 7:6, 6:3; მარინა ერაკოვიჩი (ზელ)-კაი-ჩენ ჩანგი (ტაივ) 6:4, 6:2; ივეტა ბენეშოვა (ჩეხ)-სანდრა ზახვალოვა (ჩეხ) 3:6, 6:3, 8:6; ვიქტორია აზარენკა (ბლრ, 4)-მაგდალენა რიბარიკოვა (სლოვაკ) 6:4, 3:2 რიბარიკოვას უარი; პეტრა კვიტოვა (ჩეხ, 8)-ალექსა გლეტჩი (აშშ) 6:2, 6:2; ენ კეოტავონგი (ბრიტ)-ნაომი ბროუდი (ბრიტ) 6:2, 6:4; რებეკა მარინო (კან)-პატრისია მეირ-ახლაიტნერი (ავსტრია) 6:3, 7:6; რობერტა ვინჩი (იტა, 29)-ვერა დუშევინა (რუს) 7:5, 6:2; მარია ხოსე მარტინეს სანჩესი (ესპ)-ელენა იანკოვიჩი (სერ, 15) 5:7, 6:4, 6:3; ცვეტანა პირონკოვა (ბულ, 32)-კამილა ჯორჯი (იტა) 6:2, 6:1; პეტრა მარტიჩი (ხორ)-ვანია კინგი (აშშ) 5:7, 6:2, 6:2.ყოველდღიური სპორტული გაზეთი "ლელო"

სამწუხარო მარცხი - ბასილაშვილი რომის მასტერსს გამოეთიშა

[VIDEO] როცა ქართველები საზღვარგარეთ სპორტსმენებს გვერდით უდგანან - ბასილაშვილმა ჩვენს თანამემამულეებთან ერთად გამარჯვება ემოციურად აღნიშნა

ნაკაშიმაც დამარცხებულია - ბასილაშვილი რომის მასტერსის მერვედფინალში რუბლევს დაუპირისპირდება

Rousing The Kop: "ლივერპულს", შესაძლოა, მამარდაშვილის დაკარგვასთან შეგუება მოუწიოს, ვიდრე ის ისეთი პრობლემა არ გახდება, რომელსაც ვერ მოაგვარებენ

განაწყენებული ბარკოლა სასტარტოში - ითამაშებს კვარაცხელია "პარიზთან"?

სანტანდერში საგიჟეთია, გულიაშვილი სასტარტოშია - "რასინგი" ლა ლიგას უახლოვდება

გოჩოლეიშვილი სათადარიგო იყო - "ჰამბურგი" "ბაიერს" ფრედ ეთამაშა

20 წ. | საერთაშორისო სერიისთვის 30 მოთამაშე შეირჩა

ოფიციალური შეთავაზება მზადაა - ალისონი "იუვენტუსს" სულ უფრო უახლოვდება

ყველა ტრანსფერზე - "ლიონის" შემდეგ რთულ ფინანსურ მდგომარეობაში "მარსელიც" აღმოჩნდა

"აიაქსს" მომავალი სეზონიდან ახალი მწვრთნელი ეყოლება

ასე ხმაურიანად დაბრუნდება? - მოურინიოს "რეალში" "ბარსელონას" ფეხბურთელის მიყვანა სურს

ზედიზედ მეოთხედ - ვახტანგ ახობაძე ევროპის ჩემპიონია

VIDEO | ეროვნული ლიგა | ტორპედო 2-1 დილა. კორღალიძის მარცხიანი დებიუტი

"ასტონ ვილა" - "ლივერპული". გუნდების შემადგენლობები ცნობილია

თბილისის 7-კაცას "ლოკომოტივის ბაზა" უმასპინძლებს

ითამაშებს თუ არა დღეს მამარდაშვილი? - Liverpool Echo ინფორმაციას ავრცელებს

"ბაიერი" მწვრთნელს გადააყენებს

ქართველი მსაჯები საბერძნეთის სუპერლიგის ბოლო ტურის მატჩს განსჯიან

ზურიკო წინ, დღეს ბუდუს ამბავი და პსჟ-ის ბოლო ტური

"ეს რაგბია და არა ფეხბურთი" - ბერნარდო სილვამ "არსენალი" გააკრიტიკა

მომავალ კვირას ყველაფერი გაოფიციალურდება - ცნობილია რამდენს გადაუხდის "რეალი" "ბენფიკას" მოურინიოს სანაცვლოდ

"ნიუკასლის" შემტევმა "ბაიერნთან" პირადი კონტრაქტი შეათანხმა