- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მსოფლიო რაგბის ხვალინდელი დღე
<p>მთელი სარაგბო სამყაროს ყურადღება ახლა რომისკენაა მიმართული, სადაც მსოფლიოს ახალგაზრდული ჩემპიონატი მიმდინარეობს <br> მთელი მსოფლიოს სარაგბო სამყაროს ყურადღება ახლა სწორედ ამ შეჯიბრებისკენაა მიმართული, რადგან ევროპის სამხრეთში პლანეტის საუკეთესო ახალგაზრდა მორაგბეები ირჯებიან, იქ ახლა რაგბის ხვალინდელი დღე იჭედება.</p><p>20-წლამდელთა მსოფლიოს ჩემპიონატი 2008 წლიდან იმართება. მას შემდეგ ამ ტურნირში მონაწილე 96-მა მოთამაშემ გაითქვა სახელი. მათი უმრავლესობა თავისი ქვეყნის ეროვნული ნაკრების წამყვანი მოთამაშე გახდა. ამჯერად მათ შორის ყველაზე გამორჩეულ შვიდ მორაგბეზე გიამბობთ.</p><p><strong>დევიდ პოქოკი (ავსტრალია)</strong></p><p>როდესაც "ვოლაბების" კაპიტანმა ნაკრების კვართი საბოლოოდ გაიხადა, რათა ევროპაში სათამაშოდ წასულიყო, ყველას ერთი კითხვა აწუხებდა. ვინ უნდა ყოფილიყო მისი სრულფასოვანი შემცვლელი? ამ კონტექსტში ხშირად ახსენებდნენ "ბრამბიზის" მესამეხაზელ ჯულიან სალვის, თუმცა მერე გამოჩნდა ვინმე პოქოკი. 2008 წლის მსოფლიოს ახალგაზრდულ ჩემპიონატზე ის ავსტრალიის ნაკრების კაპიტანი იყო.</p><p>უელსში გამართულ შეჯიბრებაში ავსტრალიელთა გუნდში რამდენიმე ძალიან ნიჭიერი მოთამაშე ირჯებოდა: ქუადე კუპერი, ვილი გენია და ქართლი ბეილი. მიუხდავად ამისა, "უმცროსი ვოლაბების" ასპარეზობას ტურნირზე წარმატებულს ვერაფრით დავარქმევთ. ისინი მხოლოდ მე-5 ადგილს დასჯერდნენ.</p><p>მას შემდეგ პოქოკმა ეროვნული ნაკრების შემადგენლობაში 30 კეპი მოიხვეჭა.</p><p><strong>ბენ იანგზი (ინგლისი)</strong></p><p>მან მსოფლიოს ახალგაზრდულ ჩემპიონატზე ორჯერ ითამაშა 2008 და 2009 წლებში. ჯერ კიდევ შარშან ბენ იანგზი "პომების" ცხრა ნომრებს შორის მესამე ნომრად ითვლებოდა. წლეულს კი ექვსი ერის გათამაშებაში შესანიშნავად იასპარეზა და დაამტკიცა, რომ ამ პოზიციაზე ინგლისში საუკეთესოა.</p><p>იანგზს ამჟამად ეროვნულ ნაკრებში 12 კეპი აქვს მოხვეჭილი. ახალგაზრდულ ნაკრებში მასთან ერთად თამაშობდა კორტნი ლოუ, რომელიც, თუ ტრავმა დროულად მოიშუშა, ახალ ზელანდიაში მსოფლიო თასზე იასპარეზებს. იმ დროინდელი გუნდიდან კიდევ ერთი აღმოჩენა იყო ალექს კორბსეირო, რომელმაც ექვსი ერის გათამაშებაში ენდრიუ შერიდანი წარმატებით შეცვალა.</p><p><strong>აარონ კრადენი (ახალი ზელანდია)</strong></p><p>ის 2009 წელს მსოფლიოს საუკეთესო ახალგაზრდა მორაგბედ დაასახელეს. იმ წელიწადს გამართულ მსოფლიოს ახალგაზრდულ ჩემპიონატზე აარონ კრადენი ახალი ზელანდიის ნაკრების კაპიტანი იყო. "უმცროსმა ოლ ბლექსმა" ფინალში ინგლისის ნაკრები დაამარცხა და კრადენმა იმ მატჩში ორი ლელო გაიტანა.</p><p>აარონი ეროვნულ ნაკრებში ზუსტად ერთი წლის შემდეგ გამოჩნდა და ამ დროისთვის ექვსი კეპი აქვს მოხვეჭილი. ახალი ზელანდიის 2009 წლის ახალგაზრდული ნაკრებიდან გამოვყოფდით ასევე სემ ვაითლოქს, ვისი ძამა, ლუკა ამჟამად იტალიაში მოასპარეზე ნაკრების კაპიტანია. ერთ-ერთი საუკეთესო იყო (და დღესაც არის) ზაკ გილფორდი, რომელმაც 2009 წლის მსოფლიოს ჩემპიონატზე რვა ლელო გაიტანა.</p><p><strong>რის რადოკი (ირლანდია)</strong></p><p>ის 2010 წლის მსოფლიოს ახალგაზრდულ ჩემპიონატზე ირლანდიის ნაკრების კაპიტანი იყო. იმავე წელს, რის რადოკის კარიერაში მისთვის შოკის მომგვრელი ამბავი მოიხდა. ის ეროვნულ ნაკრებში მიიწვიეს. ამას ხელი ვითარებამ შეუწყო. სამხრეთ ნახავარსფეროში ტურნეზე გამგაზვრების წინ დაშავდნენ ჯეიმზ ჰესლი და ჯონ მალდუნი, "სამყურების" მთავარმა მწვრთნელი დეკლან კიდნიმ არჩევანი რადოკზე შეაჩერა და არც შემცდარა.</p><p>რისმა ტურნეზე ყველა მოლოდინს გადააჭარბა. მისი დებიუტი ახალი ზელანდიის მაორებთან მატჩში შედგა. პირველი კეპი კი ბრისბენში, ავსტრალიის ნაკრებთან მატჩში მოიხვეჭა. მას შემდეგ რადოკი "ლენსტერის" ისტორიაში, ამ გუნდის ყველაზე ახალგაზრდა კაპიტანი გახდა.</p><p><strong>ლი ჰელპფენი (უელსი) </strong></p><p>"კარდიფ ბლუზის" აღზრდილი 2008 წლის მსოფლიოს ახალგაზრდულ ჩემპიონატში უელსელთა შორის ყველაზე შედეგიანი იყო. ლი ჰელპფენმა გუნდს მაშინ 52 ქულა შესძინა და იმავე წელიწადს ნოემბრის ტესტებისას სამხრეთ აფრიკაში გაემგზავრა ეროვნულ ნაკრებთან ერთად. მისი დებიუტიც იქ შედგა.</p><p>მომდევნო წელს ჰალპფენი კიდევ უფრო უკეთესად ათამაშდა და ყველაზე ახალგაზრდა მორაგბე გახდა, მათ შორის ვინც "რბიტანელი ლომების" შემადგენლობაში ბოლო 40 წლის განმავლობაში მიუწვევიათ. სამწუხაროდ, ლი დაშავდა და მისთვის ტურნე ამით დასრულდა. თუმცა მისი სწრაფი ზრდა და ელვისებური სიჩქარით განვითრებული კარიერა, უელსელი ახალგაზრდებისთვის სამაგალითო გახდა.</p><p><strong>ტობი ფალეტაუ (ტონგა, უელსი)</strong></p><p>ამ სიაში ის აუცილებლად ინდა შეგვეყვანა. ტობი ფალეტაუ დავადებით ტონგელია, მისი მამა კული ფალეტაუ 1999 წლის მსოფლიო თასის გათამაშებაში ტონგას ნაკრების ღირსებას იცავდა. ტობი უელსის ახალაგზრდულ ნაკრებში შარშან არგენტინაში გამართულ მსოფლიოს ახალგაზრდულ ჩამპიონატზე გამოჩნდა. მან იქ შესანიშნავად ითამაშა და წლეულს ეროვნულ ნაკრებშიც მიიწვიეს ექვს ერზე სათამაშოდ, თუმცა ბედმა უმუხთლა, დაშავდა და თამაში ვერ შეძლო.</p><p>მისი დებიუტი უელსის ნაკრებში ახლახან, "ბარბაროსებთან" მატჩში შედგა და თავი არ შეურცხვენია, მეტიც, ვფიქრობთ, "ნიუპორტის" უკანახაზელს წინ თავბრუდამხვევი კარიერა ელოდება.</p><p><strong>პატრიკ ლამბიე (სამხრეთ აფრიკა) </strong></p><p>ის დღესდღეობით მსოფლიოში ერთ-ერთი საუკეთესო ახალგაზრდა მორაგბეა. პატრიკ ლამბიე 2010 წლის მსოფლიოს ახალგაზრდულ ჩემპიონატზე საუკეთესო მექულე გახდა. ზე 14-ის გუნდ "ნატალ შარქსში" მას დებიუტი 19 წლის ასაკში ჰქონდა. თუმცა ეს მხოლოდ "ქარის თასის" გათამაშება იყო.</p><p>ლამბიე კიდევ უფრო პოპულარული მას შემდეგ გახდა, რაც 2010 წლის ნოემბერში ეროვნულ ნაკრებში პირველად ითამაშა ირლანდიასთან. იმ შეხვედრაში მან ლეგენდარული მორნი სტეინი შეცვალა. პატრიკმა ნოემბრის ტესტების ყველა მატჩში მიიღო ითამაშა, ოთხი კეპი დაუგროვდა და ზე რაგბის ამჟამინდელ გათამაშებაში ერთ-ერთი საუკეთესო მორაგება. როგორც ჩანს, ის დიდ როლს ითამაშებს, წლეულს, ახალ ზელანდიაში გასამართ მსოფლიო თასზე სამხრეთ აფრიკის ნაკრების წარმატებაში.</p><p><strong>ყოველდღიური სპორტული გაზეთი "ლელო"</strong></p>
ნიკა ამაშუკელის "საუკეთესო ბილეთი" ჩემპიონთა თასის ნახევარფინალში
"შავი ლომი" | სამი მატჩი სამხრეთაფრიკულ გუნდებთან
7-ქალა მონაკოს ტურნირზე ითამაშებს
ლევანდოვსკის MLS-ში ტრანსფერი ჩაიშალა
თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა
ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს
გოჩოლეიშვილი შეცვლაზე შევიდა - "ჰამბურგი" ისევ დამარცხდა
"ანჟესთან" მატჩში პსჟ-ს შემადგენლობა ცნობილია
კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა
[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში
"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ
ბენზემამ გამორიცხა - კარიმი ფეხბურთელის რანგში მშობლიურ გუნდში არ დაბრუნდება
"მილანი" ძლიერდება - "როსონერი" ორი ტრანსფერის განხორციელებასთან ძალიან ახლოსაა
"არ ვცდილობთ, რომ მსოფლიოში ყველაზე მდიდარი ადამიანები ვიყოთ" - ბრუნომ ახსნა, რატომ არ წავიდა საუდის არაბეთში
"თუ გააბედნიერებს, წავიდეს" - ფაბრეგასს "ჩელსისკენ" გზა ეხსნება
სკანდალის დასასრული - UEFA-მ პრესტიანი 6 მატჩით დასაჯა
მბაპე ტრავმირებულია - "რეალს" მორიგი პრობლემა აქვს
დაბრუნება "რეალში" თუ კვლავ "ბენფიკაში" მუშაობა - მოურინიომ თავის მომავალზე ისაუბრა
[VIDEO] 41 წლის ლებრონ ჯეიმსი შეუჩერებელია - "ლეიკერსმა" "ჰიუსტონს" მესამე მატჩიც მოუგო
[VIDEO] მარკოიშვილის გაწვრთნილმა "მონაკომ" შენგელიას "ბარსელონას" სძლია და პლეი ოფში გავიდა
0:3-დან - "ლანსმა" "ბრესტთან" თითქმის წაგებულ მატჩში ქულა მოიპოვა
"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა
მატჩის დღე - პსჟ "ბაიერნამდე" ლიდერობის გასამყარებლად!