- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
სფფ XX ყრილობა, თუ სკკპ XX ყრილობა?
<p>რატომ არ აირჩიეს "ტორპედოს" პრეზიდენტი აღმასკომში? <br> "ჰოლიდეი ინში" გამართულ ფეხბურთის ფედერაციის XX ყრილობაზე მრავალ სატკივარსა და პრობლემაზე ილაპარაკეს, თუმცა დღეს მხოლოდ ყველაზე მნიშვნელოვან მოვლენასა და გადაწყვეტილებებზე მოგახსენებთ.</p><p><strong>საფეხბურთო სკოლების ლიცენზირება</strong></p><p>უკვე ითქვა, რომ საფეხბურთო სკოლებში კატასტროფული მდგომარეობაა და მათი უმეტესობა ლიცენზირების მოთხოვნებს ვერ აკმაყოფილებს. ამ საკითხს ფეხბურთის ფედერაციის პრეზიდენტი ზვიად იჭინავა ყრილობაზეც შეეხო.</p><p>"ჩვენი ამოცანაა, სკოლებმა საერთაშორისო სტანდარტები დააკმაყოფილონ. ას სკოლაზე მეტი შევამოწმეთ და ლიცენზიის მიღების შანსი მხოლოდ 19-ს აქვს, მათი უმრავლესობა კი თბილისშია. ანუ, ფაქტობრივად, რაიონებში ბავშვების გასაზრდელად არანაირი პირობები არ არსებობს. ამიტომ ფეხბურთის ფედერაცია და სპორტის სამინისტრო ერთიანი ძალებით ჩამოვაყალიბებთ იმ მოთხოვნებს, რომელთა შესრულებაც სავალდებულო იქნება", - თქვა ფედერაციის პრეზიდენტმა.</p><p>ყრილობის დელეგატები შეთანხმდნენ, რომ საკლუბო ლიცენზირების განყოფილების მიერ შემუშავავებული კატეგორიზაციის დებულებები აუცილებლად უნდა ამოქმედდეს, სკოლების სამართლებრივი, საკადრო, ფინანსური და ინფრასტრუქტურული მდგომარეობა კი უნდა გამოსწორდეს.</p><p><strong>ფედერაციის მეტი წევრი მეტი დელეგატია</strong></p><p>სფფ-ის გენერალურმა მდივანმა რევაზ არველაძემ ფედერაციის წევრების სტატუსთან დაკავშირებული ცვლილება წარადგინა: "ჩვენი დებულება უნდა შევუსაბამოთ ფიფასა და უეფას მოთხოვნებს. ამიტომ ფედერაციის წევრის სტატუსი უნდა შეუჩერდეს პროფესიული ფეხბურთის ლიგას, რადგან ფედერაციის წევრები ერთადროულად არ შეიძლება იყვნენ პროფლიგა და უმაღლესი ლიგის კლუბები. დღევანდელი სტატუს კვოს შენარჩუნება იმას ნიშნავს, რომ კლუბები ორმაგი ხმით სარგებლობენ, ერთს ყრილობაზე თავად წარმოადგენენ, მეორეს კი, ირიბად, ლიგის საშუალებით. ასეთი რამ ფიფა-უეფასთვის მიუღებელია."</p><p>ზვიად სიჭინავა: "არ არის სამართლიანი, როდესაც უამღლესი ლიგიდან გავარდნილი კლუბი ავტომატურად აღარ არის ფედერაციის წევრი. ეს არის აბსურდი. ჩვენი წინადადებაა, ეროვნული ჩემპიონატის მონაწილე ყველა კლუბი ფედერაციის წევრი გახდეს და სიმბოლური თანხა, 300 ან 500 ლარი გადაიხადოს. არ მეგულება კლუბი, რომელიც საკუთარი ნებით იტყვის, დელეგატის უფლება ჩამოგვართვით და პროფლიგას გადაეცითო."</p><p>წინადადება ყრილობის დელეგატებმა ერთხმად მიიღეს.</p><p><strong>ფედერაციის ბიუჯეტი 15 მილიონი ლარია</strong></p><p>ყრილობაზე ფედერაციის 2011 წლის ბიუჯეტი დაამტკიცეს და გამოჩნდა, რომ მას ჯერ კიდევ ბევრი ვალი აქვს გასასტუმრებელი და რომ მისი მთავარი დამფინანსებელი კვლავ სახელმწიფოა.</p><p>ზვიად სიჭინავამ ასეთი რიცხვები დაასახელა: სახელმწიფო ფეხბურთის განვითარებისთვის წლეულს 7 მილიონზე ბევრად მეტს გაიღებს - ჩვენ გვირიცხავს 7 მილიონს, მოედნებისთვის 2,5 მილიონ ლარს დახარჯავს და კიდევ, რაც აქამდე არ თქმულა - სახელმწიფო ყოველწლიურად ბავშვთა ფეხბურთის განვითარებისთვის დამატებით 10 მილიონ ლარს იხდის.</p><p>აფხაზეთის ფედერაციის პრეზიდენტმა მურად ანჯაფარიძემ გაოცება გამოთქვა, რომ ბიუჯეტში არ იყო ასახული ფედერაციის მიერ შეძენილი მანქანები. ამაზე ფედერაციის ბუღალტერმა ნარგიზა ჩხიკვაძემ მიუგო, რომ მანქანის შეძენა ბუღალტრულად არის არა ხარჯი, არამედ ძირითადი საშუალების შეძენა და თავიდან შეიძლება არ აისახოსო.</p><p>იყო კითხვა, ლაპრაკი იყო რეგიონული ფედერაციების დაფინანსების გაზრდაზეო, რაზეც სიჭინავამ უპასუხა:</p><p>- როდესაც გრანტებიდან გამოყოფილი თანხების განკარგვით დავინტერესდით, აღმოჩნდა, რომ 13 რეგიონული ფედერაციიდან ცხრამ 10 ათასი ლარი მოახმარა არა ფეხბურთის განვითარებას, არამედ ხელფასების გაცემას. ეს არის დარღვევა და გამოვიძიებთ. ამასთან დაკავშირებით კითხვა გაუჩნდა ახლახან თბილისში ჩამოსულ ფიფას წარმომადგენელ ევა პასკიესაც.</p><p><strong>საქართველოს ფეხბურთის ფედერაცია 2011 წლის ბიუჯეტი</strong></p><p>2011 წლის შემოსავლები (ლარში)</p><p><strong><em>მოსალოდნელი ბიუჯეტი </em></strong></p><p>შემოსავლები ბილეთების რეალიზაციიდან - 800.000</p><p>შემოსავლები ტრანსლაციის გაყიდვიდან - 816.000</p><p>სპონსორები - 1.182.000</p><p>სხვა ეკონომიკური შემოსავლები - 520.000</p><p>სულ ეკონომოკური შემოსავლები - 3.318.000</p><p>სახელმწიფო დაფინანსება (სახელმწიფო პროგრამა) - 7.200.000</p><p>სხვა სუბსიდიები - 40.000</p><p>სულ სუბსიდიები - 7.240.000</p><p>საერთაშორისო ორგანიზაციების გრანტები</p><p>ფიფა - 462,500</p><p>უეფა - 3.120.000</p><p>სულ გრანტების შემოსავლები - 3.582.500</p><p>კლუბების საწევროები - 1.040.000</p><p>სულ შემოსავლები - 15.180.500</p><p>გასავლები</p><p>ეროვნული ნაკრების ხარჯი - 1.685.000</p><p>ახალგაზრდული ნაკრებების ხარჯი - 2.370.000</p><p>ხელფასები - 5.921.926</p><p>ბანკის მომსახურების პროცენტი - 20.000</p><p>კომუნიკაციის ხარჯი - 65.000</p><p>მივლინების ხარჯი - 150.000</p><p>ლიცენზირების კომიტეტის ხარჯი - 47.500</p><p>კომუნალური, საიჯარო, რემონტისა და შენახვის ხარჯები - 154.300</p><p>სფფ-ის დაცვა - 35.000</p><p>აუდიტი - 40.000</p><p>გადასახადი, მიწა, ქონება - 35.000</p><p>საბაჟო - 20.000</p><p>ბავშვთა ფეხბურთი - 60.000</p><p>ქალთა ფეხბურთი - 170.000</p><p>მატჩების ორგანიზების ხარჯები - 200.000</p><p>ფუტსალის ნაკრები - 100.000</p><p>მოედნების დაგების ხარჯი - 800.000</p><p>წარმომადგენლობითი ხარჯი - 150.000</p><p>რეგიონული ფედერაციების ხარჯი - 130.000</p><p>სოციალური და სხვადასხვა ხარჯი - 60.000</p><p>სულ ხარჯი - 12.213.726</p><p>ჯარიმები და საურავები - 80.000</p><p><strong><em>საბანკო სესხები</em></strong></p><p>"საქართველოს ბანკის" სესხი - 1.992.009</p><p>"პრივატბანკის" სესხი - 1.075.878</p><p>შვეიცარიის ბანკის სესხის დაფარვა - 720.000</p><p>"ინფრონტსპორტმედიას" სესხის დაფარვა - 384.000</p><p>დავალიანება "პუმა" - 80.500</p><p>სულ სასესხო დანახარჯი - 4.252.387</p><p>სულ დანახარჯები - 16.546.113</p><p><strong>არც ერთი კერძო მეპატრონე აღმასკომში </strong></p><p>ყრილობაზე ახალი აღმასკომი აირჩიეს. სიტყვა "ახალი" პირობითად თუ ითქმის: ძველი უმნიშვნელო ცვლილებით გადაირჩიეს და წინა აღმასკომის 16 წევრიდან 15 ხელახლა აირჩიეს, სამცხე-ჯავახეთის რეგიონული ფედერაციის პრეზიდენტად არჩეულმა გელა მაისურაძემ წინამორბედი ტარიელ ხაჩიძე შეცვალა. ძველ წევრებს ორი ახალი დაემატათ - სპორტისა და ახალგაზრდობის საქმეთა მინისტრი ლადო ვარძელაშვილი და ფეხბურთის ფედერაციის ვიცე-პრეზიდენტი და პროფესიული ლიგის პრეზიდენტი გია ფირცხალავა.</p><p>საბოლოოდ, ყრილობაზე წარდგენილი 20 კანდიდატიდან 4 წლის განმავლობაში ვინც აღმასკომის მუშაობაში მონაწილეობას მიიღებს, შემდეგი 18 წევრი:</p><p>1. კახაბერ ებრალიძე - გურიის რეგიონული ფედერაცია</p><p>2. ვალერი მანაგაძე - იმერეთის რფ</p><p>3. გიორგი რევაზიშვილი - შიდა ქართლის რფ</p><p>4. სერგო კვარაცხელია - სამეგრელო-ზემო სვანეთის რფ</p><p>5. გოჩა როსტომაშვილი - კახეთის რფ</p><p>6. ვიტალი გრძელიშვილი - მცხეთა-მთიანეთის რფ</p><p>7. გია შარაბიძე - რაჭა-ლეჩხუმისა და ქვემო სვანეთის რფ</p><p>8. გელა მაისურაძე - სამცხე-ჯავახეთის რფ</p><p>9. მურად ანჯაფარიძე - აფზახეთის ავტონომიური რესპუბლიკის რეგიონული ფედერაცია</p><p>10. ალექსანდრე ჩივაძე - ვეტერან ფეხბურთელთა კავშირი</p><p>11. გიორგი ფირცხალავა - ქალთა ფეხბურთის ასოციაცია</p><p>12. ვახტანგ ქორიძე - აჭარის ავტონომიური რესპუბლიკის ფეხბურთის ფედერაცია</p><p>13. გიორგი ასანიძე - საქართველოს ფეხბურთის მუშაკთა პროფკავშირი</p><p>14. ლაშა მინდელი - ქვემო ქართლის რფ</p><p>15. ლადო ვარძელაშვილი ("დინამო", "მგლები")</p><p>16. დავით ნამგალაური - ფუტსალის ასოციაცია</p><p>17. სერგო გაბელაია - სამხრეთ ოსეთის ფეხბურთის ფედერაცია</p><p>18. გრიგოლ ცაავა - თბილისის ფეხბურთის ფედერაცია</p><p>ფედერაციის პრეზიდენტი ზვიად სიჭინავა ავტომატურად ითვლება აღმასკომის წევრად და თავმჯდომარედ.</p><p>იმ დროს, როდესაც აღმასკომში არჩეულმა კანდიდატებმა 30 და მეტი ხმა მიიღეს, საკმარისი ხმები ვერ დააგროვეს ქუთაისის "ტორპედოს" პრეზიდენტმა ლევან ფხაკაძემ (8 ხმა) და ბოლნისის "სიონის" გენერალურმა დირექტორმა ნუგზარ ლომთაძემ (7).</p><p>ამგვარად, ფეხბურთის ფედერაციის აღმასკომში კერძო კლუბების წარმომადგენელთაგან ვერც ერთი ვერ მოხვდა. განსაკუთრებით გასაკვირია "ტორპედოს" მეპატრონისა და პრეზიდენტის იგნორირება. დელეგატების ნებაა, ვინც სურდათ, ის აირჩიეს, მაგრამ ქართულ ფეხბურთში მოქმედ ორიოდე კერძო მეპატრონესაც ხელი რომ ჰკრეს, ლოგიკას არ ექვემდებარება. ძნელი დასაჯერებელია, რომ საფეხბურთო სამყაროსთვის უინტერესოა ქართული ბიზნესის წარმომადგენელთა მონაწილეობა უმნიშვნელოვანესი გადაწყვეტილებების მიღებაში და რეალურად არ სურთ მათი გამოცდილების ფეხბურთში გამოყენება. მაგრამ ფაქტი ამაზე მეტყველებს.</p><p>ქართველ ბიზნესმენებს ჩვენს ფეხბურთზე ისედაც გული აქვთ აცრუებული და ორიოდე მოამაგიდან ერთის არჩევა საქმეს არ აწყენდა. ძნელი სათქმელია, აცნობიერებდნენ კი დელეგატები ამ გადაწყვეტილების შედეგებს? ცხადია, ეს კლუბების პასიურობის ბრალიც არის, მაგრამ 32 დელეგატიდან მხოლოდ 8-ს რომ აღმოაჩნდება კერძო ბიზნესის თანადგომის სურვილი, გაუგებარია.</p><p>კლუბებში ფულს რომ არ აბანდებდნენ ილია კოკაია, ბესიკ ჩიხრაძე, გურამ რუხაძე, ლექსო თოფურია, ლევან და სოსო ფხაკაძეები, რომან ფიფია, ფრიდონ ინჯია, ბიძინა ივანიშვილი და ჯოზეფ კეი, მხოლოდ სახელმწიფოსგან დაფინანსებული კლუბები დაგვრჩებოდა. ცხადია, ეს საჭირო და აუცილებელიც არის დღევანდელ ვითარებაში, როდესაც კერძო ბიზნესი დიდ დაინტერესებას არ იჩენს ეროვნული ჩემპიონატის მიმართ, მაგრამ ფაქტებიც გავიხსენოთ - გასულ სეზონში პირველ ხუთეულში მხოლოდ კერძო კლუბები მოხვდნენ და არა სახელმწიფოსგან დაფინანსებულები.</p><p><strong>ყოველდღიური სპორტული გაზეთი "ლელო"</strong></p>
ერევნის ტურნირზე საქართველოს ნაკრებმა მოლდოვას დიდი ანგარიშით სძლია
"რომა" "იუვენტუსს" სწორედ ამიტომ ვარჩიე" - გასპერინი
"ნაპოლისთვის" მზად არ არის" - მარადონა უმცროსმა "კვარას" შემცვლელი გააკრიტიკა
ზამთრის სერიებისა და წლის ბოლო 3×3 საკალათბურთო ტურნირის გამარჯვებული არგო გახდა
იმედები ვერ გაამართლა - "ატლეტიკო" სორლოტის გაყიდვას ეცდება
დეკემბერში პსჟ-ს საუკეთესო ფეხბურთელად საფონოვი დაასახელეს
"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის
ფუტსალი | საქართველოს ნაკრები სომხეთთან დამარცხდა
დამძიმებული ფეხებით - ჩაკვეტაძემ "ლესტერთან" მატჩამდე ისაუბრა
"ფრთებგაშლილი ნერესი ფენომენალური "კვარას" დამამძიმებელი აჩრდილისგან გათავისუფლებას ლამობს" - იტალიური მედია
"ბარსელონა" ბოლო წამებზე დამარცხდა - თორნიკეს ისევ არ უთამაშია
"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა
ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის
ხელფასის შემცირებაზე თანახმაა - ლევანდოვსკის მომდევნო სეზონშიც "ბარსელონაში" თამაში სურს
კარგი ამბავი - ბათუმის "დინამოს" ახალი მფლობელი ჰყავს
უარი "ჩელსის, "ლივერპულსა" და "მანჩესტერ იუნაიტედს" - სემენიომ არჩევანი სხვა ინგლისურ გრანდზე შეაჩერა
[VIDEO] ახალწვეული კუპერ ფლეგისა და ენტონი დევისის ბრწყინვალე მატჩი - "დალასმა" ნიკოლა იოკიჩის "დენვერი" დაამარცხა
[VIDEO] მამუკელაშვილის 4 სამქულიანი და კარგი მატჩი - სანდრომ "ტორონტოს" ძირითად შემადგენლობაში ითამაშა
საზონოვს მალე, ალბათ, "ტორინოს" დატოვება მოუწევს
დასაევი: საფონოვი რა, ასეთი დიადია?
სანდრო ალთუნაშვილი "ჰაპოელის" ფეხბურთელი გახდა
ოფიციალურად - "ლიონმა" "რეალისგან" ენდრიკი ინათხოვრა
სპორტის სამინისტრომ 2025 წლის საუკეთესო სპორტსმენები დაასახელა