- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
რეკორდმაისტერი 7 ფეხბურთელით დაიქოქა!
<p>მიუნხენელებს მომავალ სეზონში ორი მისია აქვთ: დორტმუნდის ტახტიდან ჩამოგდება და ჩემპიონთა ლიგის ფინალი მიუნხენში <br> გუშინდელი დილის შემდეგ, მიუნხენის „ბაიერნში“ უკვე აღარავის ახსოვს გასული სეზონი, რომელიც გერმანიის რეკორდმაისტერმა უჩვეულოდ ცუდად ჩაატარა, რადგან გუშინ, დილის ათ საათზე ბავარიულმა გრანდმა ახალი სეზონისთვის მზადება დაიწყო - რა თქმა უნდა, ახალ მწვრთნელთან, იუპ ჰაინკესთან ერთად.</p><p>ასისტენტებთან, პეტერ ჰერმანთან, ჰერმან გერლანდთან და მეკარეების მწვრთნელ ტონი ტაპალოვიჩთან ერთად, „დონ იუპი“ ფეხბურთელების მხოლოდ მცირერიცხოვან რაოდენობას (სულ 7) მიესალმა. მათ შორის იყვნენ ახალწვეულები რაფინია და ნილს პეტერსენიც. მათთან ერთად ივარჯიშეს დიეგო კონტენტომ, ლუის გუსტავომ, იორგ ბუტმა, მესამე მეკარე როუვენ ზატელმაიერმა და ბასტიან შვაინშტაიგერმა, რომელსაც ამას წინათ გერმანიის ნაკრებში არ უთამაშია და შვებულება არ გაუხანგრძლივდა. ბუნდესგუნდის 13 მოთამაშე, მათ შორის ბუნდესმეკარე მანუელ ნოიერი, რომელიც „ბაიერნში“ „შალკედან“ გადავიდა, ჰაინკესის განკარგულებაში პარასკევიდან იქნებიან. გაცხადდა ერთი საკმაოდ საინტერესო სიახლეც: „ბაიერნში“ პირველად ითამაშებს იაპონელი ფეხბურთელი - როგორც მოსალოდნელი იყო, მიუნხელებმა ტაკაში უსამი იყიდეს.</p><p>„ბაიერნმა“ ახალი სეზონისთვის მზადება ტრადიციული ტონით დაიწყო და გერმანიის მოქმედ ჩემპიონ დორტმუნდის „ბორუსიას“ ომი გამოუცხადა. მეტიც, მიუნხენელები დარწმუნებულები არიან, რომ რეკორდმაისტერი „დორტმუნდს“ საჩემპიონო ტახტიდან აუცილებლად ჩამოაგდებს - აკი თომას მიულერმაც თქვა, ჩემპიონები ჩვენ გავხდებით, სხვა რამე გამორიცხულიაო. თუმცა ბავარიელები მხოლოდ გერმანიის ჩემპიონობას როდი უმიზნებენ - მათი მიზანი ჩემპიონთა ლიგის ფინალში გასვლაა (ფინალი ხომ მიუნხენში გაიმართება) და გერმანიის თასიც მოგებაც უნდათ. 66 წლის ჰაინკესი, რომელიც თავის სამწვრთნელო კარიერაში „ბაიერნს“ სათავეში მესამედ ჩაუდგა, ამბობს, რომ რეკორდმაისტერში დაბრუნება და სახელდობრ ეს სეზონი მისთვის უდიდესი გამოწვევაა.</p><p><strong>ლამი: მინიმუმ დუბლი გვინდა!</p><p></strong>მიზნებისა და გეგმების შესახებ ყველაზე მეტი კაპიტან ფილიპ ლამს უნდა ეთქვა და მანაც სიტყვები არ დაინანა: „ბაიერნი“ იმდენად მაღალი კლასის მოთამაშეებითაა დაკომპლექტებული, რომ ამ სეზონში მინიმუმ დუბლის შესრულება გვინდა. 2010/2011 წლების სეზონი უკვე დავიწყებას მიეცა და რაც მთავარია, გავძლიერდით კიდეც. გერმანიის ჩემპიონობა და თასის მოგება აუცილებელია, აი, ჩემპიონთა ლიგაში კი, მართალია, ფინალში გასვლაზე ვოცნებობთ, მაგრამ ვფიქრობ, პროგრამა მინიმუმი მერვედფინალის გადალახვა უნდა იყოს.“</p><p>ლამის განცხადებაში ფანებს ალბათ მხოლოდ ბოლო წინადადება არ მოეწონებათ, რადგან ჩემპიონთა ლიგის მეოთხედფინალში თამაშს რეკორდმაისტერს წარმატებაში არავინ ჩაუთვლის. სამაგიეროდ, ქომაგები კაპიტანს აუცილებლად დაეთანხმებიან იმაში, რომ „ბაიერნი“ ბუნდესლიგაში პირველიდან ბოლო ტურამდე უნდა დომინირებდეს. თუმცა ფილიპი ამბობს, არც ეს იქნება მარტივიო, ფანებს კი მართლა არ მოეწონებათ ის, რომ ლამი მიზნებზე საუბრისას თავსაც იზღვევს. კაპიტანი ოპტიმისტურად უყურებს ჰაინკესის მესამე ერის დაწყებას „ბაიერნში“. დონ იუპი მიუნხენურ კლუბს პირველად 1987-დან 1991 წელს წვრთნიდა, მეორედ კი 2009 წელს, დროებითი მწვრთნელის რანგში იმუშავა.</p><p>„იუპმა თითოეული ფეხბურთელის შესახებ ყველაფერი იცის. მან უწყის, როგორ ფუნქციონირებს „ბაიერნი“ და რა სჭირდება ამ გუნდს წარმატებისთვის. გული კარგს მიგრძნობს,“ - ეს „ბაიერნის“ ვიცე-პრეზიდენტ კარლ-ჰაინც რუმენიგეს სიტყვებია.</p><p><strong>ბოატენგი და ჯენინგსი</p><p></strong>მიუხედავად იმისა, რომ რაფინიას ტრანსფერის გამო მან დაცვის მარცხენა ფლანგზე უნდა გადაინაცვლოს, სადაც თამაში ნაღდად არ ეპიტნავება, ფილიპ ლამსაც უხარია ის, რომ გუნდის მწვრთნელი ჰაინკესი იქნება. „იუპი ძალიან გამოცდილი სპეციალისტია, ჩამოყალიბებული სტილითა და სტრატეგიით. ჰაინკესი არც შემტევ ფეხბურთს ანიჭებს უპირატესობას და არც დაცვითს. ის ყოველთვის ისე იქცევა, როგორც საჭიროება მოითხოვს. ვან გაალის დროს ჩვენი მთავარი პრობლემა ის იყო, რომ გვჭირდებოდა, თუ არ გვჭირდებოდა, ყოველთვის შემტევ ფეხბურთს ვთამაშობდით. ასე კი არ შეიძლება,“ - ამბობს კაპიტანი.</p><p>ამ ეტაპზე „ბაიერნის“ სატრანსფერო აქტივობებიდან ყველაზე აქტუალური თემა დაცვის ცენტრის გაძლიერებაა და „მანჩესტერ სიტისთან“ ჟერომ ბოატენგის თაობაზე მოლაპარაკებები აქტიურ ფაზაში შევიდა. თვითონ ფეხბურთელმა უკვე თქვა, მიუნხენელებს ყველაფერზე შევუთანხმდი და „ბაიერნში“ გადასვლა მინდაო. ახლა მთავარია, კლუბებიც შეთანხმდნენ და გერმანიის ნაკრების მცველი „ბაიერნის“ ფეხბურთელი გახდება.</p><p>გამოიკვეთა და დაკონკრეტდა დეილ ჯენინგსის მოსალოდნელი ტრანსფერიც. ბრიტანული გამოცემების ცნობით, შაბათს ახალგაზრდა ინგლისელი ნახევარმცველი მიუნხენში შაბათს ჩავა და დასკვნით მოლაპარაკებებს გამართავს. ბავარიელები მზად არიან, მასში ნახევარი მილიონი ევრო გადაიხადონ და თუ ჯენინგსი რეკორდმაისტერში ადგილს დაიმკვიდრებს, სატრანსფერო თანხა 1.7 მილიონამდე გაიზრდება. სამაგიეროდ, საქმეს ისეთი პირი უჩანს, რომ ჰაინკესი და კომპანია ლევერკუზენელი არტურო ვიდალის გადაბირებას ვერ შეძლებენ. „ფარმაცევტების“ ხელმძღვანელები ყოველდღე იმეორებენ, ვიდალს „ბაიერნს“ არაფრისდიდებით არ დავუთმობო.</p><p><strong>უსამის ტრანსფერი გადაწყდა</p><p></strong>სამაგიეროდ, უკვე გადაწყდა და ოფიციალურად დადასტურა 19 წლის იაპონელის, ტაკაში უსამის ტრანსფერი. ეს უკანასკნელი ნახევარმცველია, „გამბა ოსაკაში“ თამაშობდა და იაპონიაში უდიდეს ტალანტადაა მიჩნეული. უსამის მარჯვენა ან მარცხენა გარემარბის ფუნქციების შესრულება შეუძლია. აქედან გამომდინარე შეგვიძლია ვთქვათ, რომ ის არიენ რობენისა და ფრანკ რიბერის შემცვლელი იქნება.</p><p>იაპონელებმა უსამის ტრანსფერი გუშინ დაადასტურეს. ნიჭიერი ფეხბურთელი „ბაიერნში“ თავიდან ნახევარწლიანი არენდით ითამაშებს და თუ რეკორდმაისტერის მწვრთნელს თავს მოაწონებს, ბავარიელები მის კონტრაქტს იანვარში გამოისყიდიან. „ასეთი შანსი ადამიანს ყოველდღე ნამდვილად არ ეძლევა. ჯერ კიდევ ეიფორიაში ვარ, რადგან ევროპის ერთ-ერთ საუკეთესო ლიგაში, საუკეთესო ვარსკვლავებთან ერთად უნდა ვითამაშო. თავს არ დავზოგავ იმისათვის, რომ „ბაიერნში“ ყველას თავი მოვაწონო,“ - ამბობს უსამი, რომელსაც იაპონიის ნაკრებში დებიუტი ცოტა ხნის წინ ჰქონდა.</p><p>შეგახსენებთ, რომ რეკორდმაისტერმა მანამდე მხოლოდ სამი ფეხბურთელი, მანუელ ნოიერი (შალკედან), ნილს პეტერსენი (კოტბუსიდან) და რაფინია (ჯენოადან) გადაიბირა.</p><p><strong>ყოველდღიური სპორტული გაზეთი "ლელო"</strong></p>
Marca-მ გასულ სეზონში საუკეთესოდ კეინი ცნო - მერამდენე ადგილი დაიკავა ხვიჩა კვარაცხელიამ
დიდი ხნით "დორტმუნდში" - "ბორუსიამ" კოვაჩს კონტრაქტი გაუხანგლძრივა
[VIDEO] "ბაიერნმა" ბუნდესლიგის ისტორიაში ყველაზე სწრაფი გოლი გაუშვა
ინგლისური გრანდები "ბაიერნის" ვუნდერკინდისთვის იბრძოლებენ
კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა
17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
ზივზივაძის "ჰაიდენჰაიმმა" "კოტბუსთან" ქულები გაიყო
ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!
"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ
ახალციხემ სუპერლიგაში პირველი გამარჯვება გორის ივერიონთან მოიპოვა
Eurosport-მა პსჟ-ში კვარაცხელიას კიდევ ერთი შესაძლო შემცვლელის კანდიდატურა დაასახელა
გოგლიჩიძემ ისევ შეუცვლელად ითამაშა - "მონცა" "ტორინოსთან" დამარცხდა
აბუაშვილის "მეცმა" კაცნაკლულ "დიუნკერკს" ვერ მოუგო
VIDEO | ეროვნული ლიგა| ნინუას სტანდარტი და არაფრისმომცემი ქულები
ქართველები რუმინეთსა და ინგლისში; იტალიელი, შოტლანდიელი და სამხრეთ აფრიკელი საქართველოში
უკრაინა - საქართველო | ინფორმაცია ბილეთების შესახებ
კლოპმა განმარტა, რატომ უგულშემატკივრებს ელ კლასიკოში "ბარსელონას"
"ეს ნამდვილი ცირკია, გააუქმეთ მსგავსი ინდივიდუალური ნომინაციები" - ბაბელი "ოქროს ბურთზე"
დაბრუნდება ინძაგი იტალიაში? - "იუვენტუსს" მთავარი მწვრთნელის პოსტზე ახალი კანდიდატი ჰყავს
მეტოქე გაირკვა - ბასილაშვილის ასეულში დაბრუნებისა და ფინალში გასვლის გზა ციციპასზე გადის
როტენი: კატასტროფაა - "კვარას" გარეშე პსჟ ვერასდროს ვერ მოიგებდა ჩემპიონთა ლიგას
ნიკა ამაშუკელი - ტოკიო, ლონდონი და გენუა
ხვიჩა გვაკლია და სიცარიელეს აჩენს... პსჟ-ის მატჩია, მაგრამ...