დელიო როსი: ფერგიუსონს იტალიაში გაუჭირდებოდა

სენიორ დელიომ თავისი მოსაზრებები “კორიერე დელო სპორტის” ჟურნალისტს გაუზიარა და რამდენიმე საინტერესო საკითხზე ისაუბრა “ინტერის” მთავარი მწვრთნელობის დიდი სურვილი ჰქონდა დელიო როსის, მაგრამ მილანური გრანდის მესვეურებმა არჩევანი ჯანპიერო გასპერინიზე შეაჩერეს - საერთოდ, ამბობენ, რომ როსი უიღბლო სპეციალისტია, რომელსაც ისე არ აფასებენ, როგორც იმსახურებს. სენიორ დელიომ თავისი მოსაზრებები “კორიერე დელო სპორტის” ჟურნალისტს გაუზიარა და რამდენიმე საინტერესო საკითხზე ისაუბრა...ინტერი არაერთხელ და ღიად განვაცხადე იმის შესახებ, რომ “ინტერის” მთავარი მწვრთნელობა მსურდა, მაგრამ მასიმო მორატიმ არჩევანი ჯანპიერო გასპერინიზე შეაჩერა. ჯანპიერო ჩემი მეგობარია, შესანიშნავი სპეციალისტი და მინდა მას წარმატებები ვუსურვო. მორატიმ კარგი გადაწყვეტილება მიიღო, ვფიქრობ, რომ გასპერინი კარგად გაართმევს მასზე დაკისრებულ მოვალეობას თავს და “ინტერს” თავის ხელს მალევე დაატყობს.თუმცა, არის მეორე ფაქტორი, რასაც მორატის ვერაფრით გავუგებ - როდესაც ჟოზე მოურინიო წავიდა გუნდიდან, მის შემვლელად ლეონარდო დაინიშნა, რომელიც გასპერინისგან რადიკალურად განსხვავებული სპეციალისტია. ეს იმას ნიშნავს, რომ დღევანდელ “ინტერს” არავითარი საფეხბურთო ფილოსოფია არ აქვს, რაც ჩემი აზრით დიდი მინუსია. შევხედოთ “ბარსელონას”, რომელიც დღეს აშკარად საუკეთესო გუნდია მსოფლიოში - ამ გუნდს აქვს თავისი სტილი და მწვრთნელები თუ ფეხბურთელები სწორედ ამის მიხედვით ირჩევიან. ამიტომაც არის, რომ “ბარსა” უკონკურენციოა.მწვრთნელები იტალიაში იყო მწვრთნელი, ძალიან რთულია, განსაკუთრებით კი იტალიაში, სადაც შეიძლება ერთი მარცხის გამო პოსტიდან გაგათავისუფლონ. ჩემი აზრით, “ლაციოში” და “პალერმოში” კარგად ვიმუშავე - არაფრით გამორჩეულ გუნდებს იტალიის თასი მოვაგებინე, ფინალში გავიყვანე და ევროტურნირების საგზური მოვაპოვებინე - მიუხედავად ამისა, კლუბების მესვეურებმა გაწეული სამუშაო უარყოფითად შეაფასეს და დამითხოვეს.იტალია ის ქვეყანაა, სადაც გრძელვადიან, რამდენიმეწლიან გეგმებზე ლაპარაკობენ და შემდეგ, სამ კვირაში ყველაფერი თავდაყირა დგება. საკმარისია ერთი თამაში წააგო, მეორე ფრედ ითამაშო, რომ უმალ მწვრთნელის შეცვლის საკითხი დგება დღის წესრიგში. დარწმუნებული ვარ, ალექს ფერგიუსონს რომ იტალიაში გაეტარებინა სამწვრთნელო კარიერა, იმის ნახევარსაც ვერ შეძლებდა, რასაც ინგლისში მიაღწია. ამიტომ, ხშირად მიფიქრია უცხოეთში წასვლაზე და ძალების სხვაგან მოსინჯვაზე, მაგრამ ჯერჯერობით საინტერესო წინადადებით არავის მოუმართავს. იყო შემოთავაზება აზიური გუნდებიდან, თუმცა მე ევროპაში მუშაობა მსურს - ჩემთვის სპორტული ინტერესი ყოველთვის უფრო მაღლა იდგა, ვიდრე ფინანსური მხარე.პრეზიდენტები რაზეც ზემოთ ვილაპარაკე, დიდწილად სწორედ პრეზიდენტებს ეხებოდა. იტალიური კლუბების პრეზიდენტები ზედმეტად აქტიურად არიან ჩართულნი მწვრთნელის საქმეებში და ერევიან ყველაფერში, რაც გუნდს ეხება. ამიტომ არის, რომ პრეზიდენტებს ყველა იცნობს და მათი საქმიანობის თითოეული დეტალი საჯარო ხდება. შეგიძლიათ მითხრათ ვინ არის “არსენალის”, ან “ლივერპულის” მფლობელი? - დარწმუნებული ვარ, რომ ვერ მიპასუხებთ. სამაგიეროდ, ყველამ კარგად ვიცით, რომ სილვიო ბერლუსკონი “მილანის” პრეზიდენტია, მასიმო მორატი “ინტერის”, ანდრეა დელა ვალე “ფიორენტინასი”, მაურიციო ძამპარინი “პალერმოსი”, “იუვენტუსი” კი ანიელების ოჯახს ეკუთვნის. ჩვენთან ყველაფერი ცნობილია, ეს კი იმას ნიშნავს, რომ პრეზიდენტები ყველგან და ყველაფერში ცხვირს ყოფენ, ყოველთვის ყურადღების ცენტრში არიან.სამომავლო გეგმები როგორც ზემოთ აღვნიშნე, დიდი სურვილი მაქვს, რომ უცხოეთში მოვსინჯო ძალები და რომელიმე ევროპულ გუნდს ჩავუდგე სათავეში. ეს ახალი გამოწვევა იქნებოდა ჩემთვის, რომელსაც თუ საშუალება მომეცა სიამოვნებით მივიღებ. გარკვეული პერიოდი კარგად დასვენება მჭირდება, შემდეგ კი წინადადებებს განვიხილავ და სასურველ ვარიანტზე შევჩერდები. უკვე მაქვს რამდენიმე შემოთავაზება, ძირითადად იტალიური გუნდებიდან და ვნახოთ, მალე ყველაფერი გაირკვევა.ყოველდღიური სპორტული გაზეთი "ლელო"

"იუვენტუსს" ახალი მეკარე სჭირდება - გრაბარამ სერიოზული ტრავმა მიიღო

იკარდი შესაძლოა, სერია A-ს დაუბრუნდეს

უკრაინელებს საქართველოსთან მატჩში შესაძლოა, მუდრიკთან ერთად დოვბიკიც ვერ დაეხმაროს

U21. გერმანიასთან მატჩში საქართველოს ნაკრების შემადგენლობა ცნობილია

"ნოემბერში ნაკრებში სხვანაირი სიტუაცია იქნება" - რა თქვეს ფეხბურთელებმა ჩრდილოეთ ირლანდიასთან ნამატჩევს

[VIDEO] ლიპარტელიანი ოქროს ზედიზედ მეორედ შეუტევს! - ეთერი მსოფლიო ჩემპიონატის ფინალშია

[VIDEO] დომინანტურად - ეთერ ლიპარტელიანი მსოფლიო ჩემპიონატის ნახევარფინალშია

შავი ლომი | ორი მოგება და დიდი გამოცდილება თბილისის თასზე

მოვლილი წვერი და უქერტლო თმა - სპეციალურად მამაკაცებისთვის შექმნილი ბრენდი Recipe

თვაური და ვართანოვი ევროსეზონს თურქეთში გახსნიან

მსოფლიოს ჩემპიონატის მესამე საჭიდაო დღეს ტატამზე 3 ქართველი გამოვა

ჩრდ. ირლანდიასთან მატჩში საქართველოს ნაკრების შემადგენლობა ცნობილია

18 წ. | ევროპის ჩემპიონატს ჩეხეთი უმასპინძლებს

აღარ გვიკვირს - და-ძმა აბეები მსოფლიო ჩემპიონები არიან!

აბეები ისევ ფინალში არიან და ესპანელი მეტოქეები ეყოლებათ

ლუის ენრიკე პსჟ-ში ერთ ცვლილებას ამზადებს

მერკვილაძის წარმატებული დებიუტი BNXT ლიგაში: ქართველი ფორვარდის 20 ქულა და "გრონინგენის" გამარჯვება

შენგელია "დუბაის" სასტარტოში ადრიატიკის ლიგაში გამოჩნდა | 11 ქულა და მოგება

მენდეში: თუ რონალდო დაბრუნდება, სიხარულით შევხვდებით

"ეს მატჩი ჩემს სამწვრთნელო კარიერაში ყველაზე მნიშვნელოვანი იყო" - სერ ალექს ფერგიუსონი

"ალეგრის იმდენად არ სურდა ჯარიმა რონალდოს დაერტყა, ასეთი რამ მოიფიქრა" - პიანიჩმა საინტერესო ისტორია გაიხსენა

მატჩის დღე! ლოგიკის დროით, საქართველოს გამარჯვების დროა

ფელიქსს "ბარსელონაში" დაბრუნება სურს