- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ქართული სამსაჯო ბრიგადა - პირველად უმთავრეს ტურნირზე
<p>ნიკა ამაშუკელი, შოთა თევზაძე და საბა აბულაშვილი პირველი ქართველი მსაჯები (ასევე, ტიერ2 სარაგბო ქვეყნის წარმომადგენელი) არიან, რომლებიც ევროპის ყველაზე პრესტიჟულ საკლუბო ტურნირზე, ჩემპიონთა თასზე იმუშავებენ.</p><p>ტურნირი 1995 წელს, „ჰეინეკენის თასის“ სახელით დაარსდა და მასში ინგლისის, საფრანგეთის, ირლანდიის, უელსის, შოტლანდიისა და იტალიის წამყვანი კლუბები მონაწილეობენ. 2014 წლიდან მას ჩემპიონთა თასი ეწოდება და აქამდე არასდროს ყოფილა შემთხვევა, რომ მისი ეგიდით ჩატარებული მატჩი ტიერ2 ქვეყნის წარმომადგენელს ემსაჯოს.</p><p>12 დეკემბერს, 2021-22 წლების გათამაშების პირველ ტურში, ფრანგული "კასტრი" „სტად პიერ ფაბრეზე“ ინგლისურ "ჰარლექუინსს" ეთამაშება და მოედნის მსაჯი ნიკა ამაშუკელი იქნება. მას კიდეებიდან შოთა თევზაძე და საბა აბულაშვილი დაეხმარებიან.</p><p>„სასიამოვნოა, რომ ქართულ სამსაჯო ბრიგადას ასეთი რთული და პრინციპული მატჩის განსჯა გვანდეს. თამამად შემიძლია ვთქვა, რომ ესაა ტურის ყველაზე რთული შეხვედრა. გარდა იმისა, რომ ფრანგულ-ინგლისური დაპირისპირება ყოველთვის პრინციპულია, "ჰარლექუინსი" ინგლისის მოქმედი ჩემპიონია, "კასტრი" კი განსაკუთრებით საკუთარ მოედანზე წაგებას არავისთან კადრულობს. ასეთ მტკივნეულ ჯახებზე მსაჯებს მაშინ ნიშნავენ, როდესაც აინტერესებთ, როგორ იმოქმედებენ ისინი მაღალი წნეხის პირობებში. ეს მსოფლიო რაგბის მხრიდან ერთგვარი აღიარებაა და იძლევა იმის წინაპირობას, რომ მომავალში უფრო მაღალი დონის დანიშვნები იქნება“, – ამბობს ამაშუკელი.</p><p>27 წლის რეფერიმ მაღალი დონის გამოცდები ნოემბერში უკვე ჩააბარა, როდესაც პირველად ქართული რაგბის ისტორიაში, ტიერ1-ის სარაგბო ქვეყნების ნაკრებების შეხვედრა იმსაჯა.</p><p>„ნოემბრის დანიშვნები მთელი ჩემი შრომის, თავდადების დაფასება იყო. ვმონაწილეობდი უმაღლესი დონის რაგბიში საოცარ არენებზე. სასიამოვნო იყო ის მხარდაჭერა, რასაც ქართველი ხალხისგან დიდი დოზით ვგრძნობდი და მადლობა ყველა მათგანს სითბოსა და თანადგომისთვის. ალბათ, ყველამ ნახა, რამდენად ინტენსიური და დაძაბული შეხვედრები გამოვიდა. შინ სრულიად დაცლილი, გადაღლილი და ამავდროულად, ბედნიერი დავბრუნდი, რადგან რაგბიზე შეყვარებული ადამიანი ამაზე მეტ ბედნიერებას უბრალოდ ვერ ინატრებს“, – ემოციებს ვერ იკავებს ამაშუკელი და განვლილ შეხვედრებს იხსენებს:</p><p><strong>6 ნოემბერი. დუბლინი. „ავივა სთედიუმი“. ირლანდია – იაპონია</strong></p><p>„ასეთი დონის თამაშს პირველად ვმსაჯობდი და ეს ერთგვარი წნეხი იყო, თუმცა დაიწყო თუ არა შეხვედრა, ეს წნეხი მომეხსნა. ირლანდიელთა ახლოდან ყურება დიდი სიამოვნება იყო. ტელევიზორში არ იგრძნობა ის ატმოსფერო, რომელიც „ავივაზე“ სუფევს და ასევე, თამაშის ტემპი. მორაგბეები წარმოუდგენელ სისწრაფეში აკეთებენ ყველაფერს. მოედანს მიღმა ირლანდიელები სტუმართმოყვარეები არიან და რაგბით ცხოვრობენ. ყველა, ვინც გაიგებდა, რომ მატჩზე რეფერი ვიყავი, ცდილობდა, ჩემთვის პატივი ეცა“.</p><p><strong>13 ნოემბერი. ლიონი. „სტად მატმუტი“. ფრანგი ბარბაროსები – ტონგა</strong></p><p>„ამ თამაშის პარალელურად, ირლანდია–ახალი ზელანდია მიდიოდა და მაყურებელმა, ალბათ, სრულიად სამართლიანად მიანიჭა მას უპირატესობა, თუმცა ფრანგი ბარბაროსებისა და ტონგას შეხვედრაც საინტერესო გამოდგა. პოტენციურად, ის რთულ სამსაჯო თამაშად ითვლებოდა, თუმცა მიმაჩნია, რომ ჩემმა სამსაჯო უნარებმა მორაგბეებს გახსნის საშუალება მისცა და საბოლოოდ თვალსასეირო თამაში გამოვიდა. მას 30 ათასი ფრანგი გულშემატკივარი ესწრებოდა, 87 წუთი გაგრძელდა და ყველამ ძალიან ვისიამოვნეთ“.</p><p><strong>20 ნოემბერი. კარდიფი. „პრინციფალითი სთედიუმი“. უელსი – ავსტრალია</strong></p><p>„კარდიფში, გადავსებულ „პრინციფალითი სთედიუმზე“ (70 ათასი), გვერდითი მსაჯის რანგში საოცარი თამაში ვიხილე. ეს უნდა ნახო, რადგან სიტყვებით ვერ გადმოსცემ და უნდა ნახო არა მარტო თამაში, არამედ ქალაქი თამაშამდე და მის შემდეგ. ჩემთვის ესაა ნომერ პირველი სარაგბო არენა და ქვეყანა, სადაც რაგბი სისხლში აქვთ გამჯდარი. პირველად ცხოვრებაში, გამიჩნდა კითხვა, როგორ უნდა მოახერხო პატარა დეტალებზე კონცენტრირება, როდესაც გარშემო ასეთი ატმოსფეროა. მაგრამ სწორედ ასეთ შეხვედრებში იძენ უდიდეს გამოცდილებას. მაიკ ადამსონმა თამაშს თავი ძალიან კარგად გაართვა. ჩემი მხრიდან რაც მევალებოდა, მას 100%-ით დავეხმარე“.</p><p>ამაშუკელმა სამივე თამაშის შემდეგ კარგი შეფასება მიიღო და იმედოვნებს, რომ მომავალში კიდევ უფრო მაღალი დონის დანიშვნები იქნება:</p><p>„თამაშის ტემპი და მოთამაშეთა აზროვნება იმდენად მაღალია, იმდენად დიდი სარაგბო არსენალი აქვთ მოთამაშეებს, წამითაც თუ მოადუნებ ყურადღებას, რაღაც დეტალი აუცილებლად გამოგრჩება და ამან შეიძლება თამაში არიოს. მნიშვნელოვანია, მსაჯმა ამ ტემპს ფეხი აუწყოს, სწორად გადაადგილდეს მოედანზე, ზუსტად იცოდეს, როგორ მუშაობს ტელევიზია, ჰქონდეს სწორი კომუნიკაცია და ა.შ. ჩემთვის ყველა ასეთი თამაში კრიტიკული გამოცდილებაა, რომელიც მმატებს თავდაჯერებულობას. სასიამოვნოა, რომ სამივე თამაშში მაღალი შეფასება მივიღე. მსოფლიო რაგბისგან დიდ მხარდაჭერას ვგრძნობ. იმედია, ჩემი განვითარება გაგრძელდება და დანიშვნას 2023 წლის მსოფლიო თასზეც მივიღებ“.</p><p>მსოფლიო თასამდე თითქმის ორი წელი რჩება და მანამდე ნიკა ამაშუკელს არაერთი გამოცდის გავლა მოუწევს. ერთ-ერთი ასეთი გამოცდა 7-კაცას მსოფლიო სერიებია, სადაც ქართველი რეფერი პირველად იმსაჯებს. ნიკას დეკემბერში დუბაისა და სამხრეთ აფრიკის სერიები უნდა ემსაჯა, მაგრამ კოვიდ-პანდემიამ მსოფლიო რაგბის კალენდარი თავდაყირა დააყენა და სამხრეთ აფრიკაში ტურნირი საერთოდ ვერ ჩატარდა.</p><p>ამის ნაცვლად ამაშუკელს 7-კაცას მსოფლიო სერიაში დებიუტი 28-30 იანვარს ესპანეთში, სევილიის ეტაპზე ექნება, მაისში კი ტულუზისა და ლონდონის ტურნირებზე ვიხილავთ.</p><p>„ჩემთვის და ზოგადად ნებისმიერი მსაჯისთვის, დიდი პატივია წარმოდგენილი იყოს 7-კაცას უმაღლესი დონის ტურნირებზე. მსოფლიოს სერიებზე, რომლებსაც უამრავი მაყურებელი ჰყავს, საქართველოს სამსაჯო კუთხით წარვადგენ და ეს ჩემთვის საინტერესო გამოწვევაა. ასევე არის გამოცდილება, როგორ ვერგები სხვადასხვა გარემოებას და უნდა დავამტკიცო, რომ განსხვავებულ გარემოსთან ადაპტირება შემიძლია“.</p><p><strong>GeorgianRugby</p><p></strong> <p><p><p><br></p>
თბილისის 7-კაცას "ლოკომოტივის ბაზა" უმასპინძლებს
საქართველოს რაგბის კავშირის განცხადება
"შავი ლომი" vs დიდი 10 XV | "შავი ლომის" დიდი უპირატესობით მეორე მატჩში
"ასტონ ვილამ" "ფრაიბურგს" დამაჯერებლად სძლია და ევროპა ლიგა მოიგო
"ცოტა შევშინდი" - დემბელემ თავისი მდგომარეობის შესახებ კომენტარი გააკეთა
20 წ. | სამხრეთაფრიკულ სერიას ფიჯისთან ჯახით ვიწყებთ
“დაჭრილ მებრძოლთა თანადგომის ფონდის” მხარდაჭერით, საქართველოს დაჭრილ მებრძოლთა სპორტული გუნდი 2027 წლის “ძლიერთა თამაშებისთვის” ემზადება
"ეტიჰადის" ერთ-ერთ ტრიბუნას გვარდიოლას სახელი ეწოდება - პეპი ოფიციალურად წასვლას ჯერ არ ადასტურებს
ალონსოს ახალი მეკარე სჭირდება - "ჩელსის" ბევრი კანდიდატი ჰყავს
ვლაჰოვიჩი და "მილანი" შესაძლებელი ხდება - სერბი შესაძლოა, "როსონერიში" ვიხილოთ
გადაწყდა - მოურინიო "რეალის" მწვრთნელი გახდება
პსჟ-ს მომავალ სეზონში ახალი მეკარე ეყოლება?
ითამაშებს მამარდაშვილი "ბრენტფორდთან" და აცილებენ თუ არა ალისონს?
გულიაშვილი ტრავმის გამო ამ სეზონში ვერ ითამაშებს
"შტურმში" შეიძლება კიდევ ერთმა ქართველმა ითამაშოს
მხოლოდ 1 წელი იმუშავა - ინძაგი "ალ-ჰილალს" დატოვებს
ალბანეთის ნაკრებს ახალი მთავარი მწვრთნელი ჰყავს
"ლივერპულში" მამარდაშვილის კონკურენტი შესაძლოა, 23 წლის ნიდერლანდელი მეკარე გახდეს
ლეაოს ინგლისში უხმობენ - პორტუგალიელის გაშვების წინააღმდეგი არც "მილანია"
კონტე "ნაპოლიდან" მიდის - "პარტენოპეიში" ყოფილი მწვრთნელი ბრუნდება
10-წლიანი ერა სრულდება - გვარდიოლა "სიტიდან" მიდის
[VIDEO] როგორ დამთავრდება პსჟ "არსენალის" ფინალური მატჩი - სახომ და პარიზული გუნდის სხვა ფეხბურთელებმა პროგნოზები გამოთქვეს
[VIDEO] გთხოვთ, მაპატიეთ, შეცდომა დავუშვი" - გრიზმანმა "ბარსელონაში" გადასვლის გამო "ატლეტიკოს" ფანებს მოუბოდიშა
crocobet დიდი 10 | ნიკა ამაშუკელი ფინალურ მატჩს მეხუთედ იმსაჯებს
ნიკა ამაშუკელის "საუკეთესო ბილეთი" ჩემპიონთა თასის ნახევარფინალში
ოთხი მსაჯით ჩემპიონთა თასზე!
ნიკა ამაშუკელი საუკეთესო მსაჯთა ათეულში დაასახელეს
ქართველი მსაჯები ტესტ-მატჩებსა და რაგბი ევროპის სუპერ თასზე
უკვე მეორედ - ბრიტანელმა და ირლანდიელმა ლომებმა ავსტრალიელები დაამარცხეს