<p>ერთ-ერთი მასპინძელი ქალაქის შეცვლამ კიდევ ერთხელ გაგვახსენა, რომ 2023 წელს მნიშვნელოვან მოვლენას ვმასპინძლობთ - 21-წლამდელთა ევროპის ჩემპიონატს.</p><p>ინგლისელი თანატოლების მშვენიერ სტილში (3:2) დამარცხების შემდეგ რამაზ სვანაძისა და ქართველი ახალგაზრდების მიმართ რწმენა გაძლიერდა.</p><p>ამა თუ იმ ტურნირის მასპინძლებს ყოველთვის ერთი პრობლემა აქვთ - შესარჩევი ეტაპის გარეშე, მხოლოდ ამხანაგური შეხვედრებით რთულია, შესაბამისი რიტმითა და დინამიკით მოემზადო, თუმცა, მასპინძლის სტატუსი რომ არა, ევროფორუმზე მოხვედრა ძალიან რომ გაგვიჭირდებოდა, ესეც გააზრებული გვაქვს...</p><p>სამწვრთნელო შტაბთან მიმართებით ერთი მნიშვნელოვანი დილემა არსებობს. ახალგაზრდული ნაკრები მზადებასა და მატჩებს მეტ-ნაკლებად გამოკვეთილი ბირთვით ატარებს, თუმცა, როცა შესაძლებელია, რომ 2000 წლის პირველი იანვრის შემდეგ დაბადებულებს დავეყრდნოთ, ასეთები ეროვნულ ნაკრებში საკმაოდ არიან. სირთულე იმაში მდგომარეობს, რომ უშუალოდ ტურნირის წინა მოსამზადებელ პერიოდში შეთამაშების საკითხი მაინც აქტუალური იქნება - "უფროსი ჯვაროსნები" მათ უკანასკნელ ეტაპზე თუ შეუერთდებიან.</p><p><img src="pictures/artimages/original/d80cb9f6c0d2170d4a676cf3035ff81d.jpg" border="0" alt="Sportall.Ge" title="ვის შეუძლია ახალგაზრდული ნაკრების ეროვნულიდან გაძლიერება? - ევროპის ჩემპიონატის წინ" width="588" height="400" style="border: 0px;" /></p><p>საკადრო საკითხებს მთავარი მწვრთნელი გადაწყვეტს, მანამდე კი შეგვიძლია იმ მოთამაშეებზე ვიმსჯელოთ, რომელთაც ტურნირზე მონაწილეობის უფლება ექნებათ. უფრო დეტალურად რომ ავხსნათ - ვინც 2023 წელს 24 წლის არ გახდება, მათზე დაყრდნობა შეგვიძლია.</p><p>იქამდე ბევრი რამ შეიძლება შეიცვალოს, მით უმეტეს, ქართველი ფეხბურთელების შემთხვევაში დიდი პროგრესიც გვინახავს და რეგრესიც. ერთი რამ ფაქტია - არ გვაქვს იმის ფუფუნება, ისეთ ფეხბურთელებზე ვთქვათ უარი, რომლებიც ვილი სანიოლის გუნდში გამოირჩევიან. ამაზე მსჯელობის უფლება შეიძლება ევროპის ტოპ-ნაკრებებს ჰქონდეთ. თუკი ასე არ მოხდება, შემდეგ ნებისმიერ წარუმატებლობაზე თითის გაშვერა 21-წლამდელთა სამწვრთნელო შტაბის მიმართაა მოსალოდნელი.</p><p>ევროპის ახალგაზრდული ჩემპიონატი საკმაოდ დიდი ინტერესს იწვევს - "მომავლის ვარსკვლავები იწყებენ დღეს" ტურნირის ერთ-ერთი მახასიათებელია. მაგალითად ესპანელი დანი სებალიოსი შეიძლება ვახსენოთ - "ბეტისის" ნახევარმცველმა კარგი U21 ჩემპიონატი ჩაატარა, რის შემდეგაც ის მადრიდის "რეალის" ფეხბურთელი გახდა და ლონდონის "არსენალში" გატარებული ორი სეზონის შემდეგ ისევ "სამეფო კლუბში" დაბრუნდა. ხშირად ვამბობთ, რომ გამორჩეული კლუბების ყურადღება გვაკლია, იმ მოთამაშეებს კი, რომელთა ტრანსფერის მიმართ დიდი მოლოდინია (თუკი მანამდე არ განხორციელდა), ამის კარგი საშუალება ექნებათ.</p><p><p><div style="text-align: center;"><strong><span style="color: #3366ff;">ვის შეუძლიათ ეროვნული ნაკრებიდან?</span></strong></div></p></p><p>საქართველოს ეროვნული ნაკრების ძირითადი კიპერი გიორგი ლორიაა, გიორგი მამარდაშვილმა კი ინგლისთან უკვე ხსენებულ ამხანაგურ შეხვედრაში იასპარეზა. დიდი ალბათობით, ევროპის 2023 წლის ჩემპიონატზე "ვალენსიას" კარის დარაჯი ითამაშებს.</p><p>მომავალ ტურნირზე შეგვიძლია ირაკლი აზაროვიც მოვიაზროთ. ამ პოზიციაზე (მარცხენა მცველი) სვანაძე ხშირად თბილისის "დინამოელ" ლევან ხარაბაძეს ეყრდნობა. ასევე, სხვა ვარიანტებიც არსებობს.</p><p><img src="pictures/artimages/original/df9ce54e7075ae6f1df422e62664308b.jpg" border="0" alt="Sportall.Ge" title="ვის შეუძლია ახალგაზრდული ნაკრების ეროვნულიდან გაძლიერება? - ევროპის ჩემპიონატის წინ" width="616" height="400" style="border: 0px;" /></p><p>გიორგი გოჩოლეიშვილის მშვენიერი თამაში თვალებიდან არ ამოგვდის, თუმცა შესაძლებელია, მომავალ ტურნირზე, მაგალითად, გიორგი წიტაიშვილმაც იასპარეზოს და კონკურენცია გაძლიერდეს.</p><p>"ალავესის" ფორვარდმა გიორგი გაგუამ ძალიან კარგი შთაბეჭდილება დატოვა - მას თანამედროვე ფეხბურთის მშვენივრად გაეგება, თუმცა არ დაგვავიწყდეს, რომ გიორგი მიქაუტაძე ჯერ მხოლოდ 21 წლისაა. ბოლო დროს მშვენივრად ათამაშებული 20 წლის ზურიკო დავითაშვილიც უნდა გვახსოვდეს.</p><p><p><div style="text-align: center;"><span style="color: #3366ff; font-weight: bold; font-size: 12.16px;">სად იქნება ხვიჩა?</span></div></p></p><p>ხვიჩა კვარაცხელიას ტრანსფერის მიმართ იმხელა აჟიოტაჟია და ტოპ-გუნდების ინტერესზე იმდენი იწერება, ახლა იმის თქმა, რომ 2023 წელს ის კარგ ევროპის ჩემპიონატს ჩაატარებს და ევროპულ გრანდში გადასვლას მხოლოდ ამის შემდეგ შეძლებს, ქართველი გულშემატკივრებისთვის სასიამოვნო არ იქნება. მთავარია, ხვიჩამ პროგრესი განაგრძოს და ფეხბურთელმა, რომელიც ეროვნულ ნაკრებს ლიდერობს და შვედებს დუბლი შეუსრულა, ახალგაზრდულ ჩემპიონატზეც უნდა შეძლოს და ბევრი აალაპარაკოს.</p><p><p><div style="text-align: center;"><strong><span style="color: #3366ff;">არა მხოლოდ უფროსებით...</span></strong></div></p></p><p>ისე არ უნდა გავიგოთ, რომ ეროვნული ნაკრების მოთამაშეების გარეშე რამაზ სვანაძის გუნდი უშანსოდ იქნება. ყველა პოზიციაზე არიან ფეხბურთელები, რომელთა პროგრესისა და კიდევ უფრო კარგი ფორმის იმედი გვაქვს. გულშემატკივართა ყურადღებას "ურალის" ნახევარმცველი ლუკა გაგნიძე იმსახურებს, რომელიც მოსკოვის "დინამოს" საკუთრებაა. ამ რგოლში ეროვნულ ლიგაშიც არიან - გიორგი მოისწრაფიშვილი, თორნიკე მორჩილაძე... გუნდშია ჩეხური "სპარტას" მცველი ივა გელაშვილი, საბა ხვადაგიანს კი უკვე ვილი სანიოლიც დაეყრდნო.</p><p><p><p><p><br></p>
გიგა
სვანაძეს დიდი წარმოდგენა ჰქონია თავის თავზე. კარგად აქვს გააზრებული რასაც ამბობს? კვარას თავი დაანებოს და სხვებს ასწავლოს თამაში, ესეც იმ შემთხვევაში თუ ტაქტიკური განსწავლულობით ევროპულ საშუალო დონეს მაინც აღემატება.
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
მაურიდეს როკე ჯუნიორს ფინეთში წარმატებული ოპერაცია ჩაუტარდა
ჯაბა კანკავა თბილისის "დინამოს" დაემშვიდობა
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
[PHOTO] ახლო მეგობრები - უკრაინის ნაკრების წევრმა მატჩის შემდეგ საქართველოს ნაკრების ფეხბურთელთან გადაღებული ფოტო გამოაქვეყნა
სვანაძე: ასე გაგრძელება არ შეიძლება - გულშემატკივრების რეაქციას კარგი თამაშით უნდა ვუპასუხოთ
უკრაინელთა მწვრთნელი: საქართველო არაფრითაა უნგრეთზე ან უკრაინაზე სუსტი - აბსურდულ სიტუაციაში გავიმარჯვეთ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
ჩრდილოეთ ირლანდია უნგრეთს ფრედ ეთამაშა და A დივიზიონში აღზევდა
[VIDEO] კატასტროფა - საქართველოს ნაკრებმა ერთა ლიგა გატანილი გოლის გარეშე, ბოლო ადგილზე დაასრულა
უკრაინასთან მატჩში საქართველოს ნაკრების შემადგენლობა ცნობილია
საქართველოს საფეხბურთო ნაკრებების უახლოესი თვეების განრიგი
საქართველოს ახალგაზრდული ნაკრები ლეგიონერების გარეშე იკრიბება
ინტერვიუ - ახალგაზრდული ნაკრების თავკაცი ევროფორუმისთვის მზადებასა და ეროვნული ნაკრების ლიდერებზე დაყრდნობაზე
აზაროვი ახალგაზრდულში - შემადგენლობა ცნობილია
დღეს ბრძოლა ბოლომდე იქნება! - გადამწყვეტი მატჩი პორტუგალიასთან
U21. საქართველო - ბელარუსი [LIVE]