შემდეგ სიტყვების "შელამაზება" რომ არ დაგვჭირდეს... - "ჩაკვეს" და "მამარდას" დაბრუნება

შესაძლოა, ვინმემ იფიქროს, "მცირედითაც კმაყოფილნი ვართო", მაგრამ საქმე ასე ნამდვილად არაა... როცა ცუდი გამოცდილება გვაქვს იმაზე, რომ ზოგიერთი ქართველი ტალანტის კარიერა სათანადოდ ვერ განვითარდა, შემდეგ თითოეულ ნეგატიურ ინფორმაციას მწვავედ აღვიქვამთ. იქნებ ვინმემ ხელიც კი ჩაიქნიოს...როცა გიორგი მამარდაშვილზე გავიგეთ, რომ ის "ვალენსიას" განაცხადს მიღმა დარჩა (ოფიციალური მიზეზი არ ვიცით), გულზე ხელი დავიდოთ, რამდენად ველოდით, რომ ის ასეთ მოკლე დროში სასტარტო შემადგენლობას დაუბრუნდებოდა? თანაც დამაჯერებლად ითამაშებდა და მისი კლუბი, რომელიც საკმაოდ ბევრს უშვებს, მშრალ შეხვედრას გამართავდა...ბორდალასი ქართველ მეკარეზე საკმაოდ ხშირად საუბრობდა (ან ეკითხებოდნენ) და მის კარგად ვარჯიშზე ყურადღებას ამახვილებდა. "ევროპული ტაქტიც" გასაგებია, მაგრამ ჰაერზე ასეთ სიტყვებს მაინც არავინ ისვრის...გიორგი თამამია, თუმცა რიგ ეპიზოდებში მაინც იკვეთება, რაც მას აკლია, ეს სწორედ გამოცდილება და სტაბილურად ნდობაა, შემდეგ კი უფრო მარტივი იქნება თითოეული წამის ზუსტად განსაზღვრა - როდის დარჩეს ხაზზე ან ითამაშოს გამოსვლაზე და მსგავსი ნიუანსები. მოგეხსენებათ, ამ თემაზე მის კარში ბენზემას გატანილი გოლის შემდეგ ბევრს მსჯელობდნენ, მათ შორის, "ღამურების" ლეგენდარული კიპერი სანტიაგო კანისარესიც...ახლა სილესენი დაბრუნდება, ხაუმეც, ალბათ, ყურების ჩამოყრას არ აპირებს და "მამარდასაც" უფრო მეტის გაკეთება მოუწევს, რათა მის სასტარტოში თამაშს უფრო სტაბილური სახე ჰქონდეს. თუმცა ამაში მას მთავარი მწვრთნელიც უნდა "დაეხმაროს"...გასული უქმეების კიდევ ერთი ფიგურა გიორგი ჩაკვეტაძეა - ფეხბურთელი, რომლის შესაძლებლობების შესაფასებლად მაინც იმ პერიოდს ვიყენებთ, როცა მან საქართველოს ნაკრებს "ერთა ლიგაზე" ულიდერა და მიუნხენის "ბაიერნის" დაინტერესებაზეც კი წერდნენ..."ჰამბურგის" რიგებში მცირე დროის გამოყოფას ზეიმად არავინ აქცევს, აქ უფრო სხვა ნიუანსები გვენიშნა. რთული სათქმელია, რამდენად მოქმედებდა ამაში კლუბის მაისურის ხასხასა ფერი, მაგრამ გიორგი უფრო გაღიმებული ჩანდა, მოკლე დროში თანაგუნდელებთან შეთამაშება რომ მოუსწრია და მწვრთნელი მისგან რას ითხოვს, ესეც რომ ზუსტად იცის. "გენტის" რიგებში ასეთ ჩაკვეტაძეს ძალიან იშვიათად გაიხსენებთ - ის თითქოს ახლიდან იწყებს...გიორგის გუნდი საკმაოდ მძლავრი ჩანს და უკანასკნელი გამარჯვებით ბუნდესლიგას კიდევ უფრო მიუახლოვდა. "ჩაკვესგან" პირველი რიგში ტრავმიანობის თავიდან აცილება გვინდა, რათა სრულად რეალიზდეს. რა თქმა უნდა, უმჯობესია სხვის შეცდომებზე ისწავლო, თუმცა საკუთარიდანაც სწორი დასკვნების გამოტანაც დაგვიანებული არ უნდა იყოს. ქართველმა ნახევარმცველმა კარგად უნდა გაიაზროს, რა დააკლდა ბელგიაში ისეთი, რისი შეცვლაც მხოლოდ მას შეეძლო...თითოეული ლეგიონერის წარმატება იმიტომაც გვიხარია, რომ ამით საქართველოს ნაკრები უკეთესი წარმოგვიდგენია. ორივე გიორგიმ ყველაფერი უნდა გააკეთოს, რათა მათზე გაცემული თითოეული დადებითი სიტყვა კიდევ უფრო მეტად გაამართლონ და შემდეგ მისი "შელამაზება" არ დაგვჭირდეს...

ზაზა

წარმატებებს ვუსურვებ ორივე გიორგის განსაკუთრებით ჩაკვეს რადგან დღეს თანადგომა და ჩაკვეს უფრო სჭირდება ვიდრე სხვა ფეხბურთელებს იმედი მაქვს მალე გახდება ჰამბურგის ძირითადის ფეხბურთელი წარმატებით ათამაშდება და დაიბრუნებს ძველ ფორმას 22 წლის არის ყველაფერი წინ აქვს ჯამრთელობას და წარმატებას ვუსურვებ ახალ გუნდში.
tngh

"ჰამბერგი" თავისი ისტორიით "გენტზე" ბევრად უკეთესი გუნდია!!! წარმატებები გიოს და... საქართველოს ნაკრებს!!!
ვაჟა მასწავლებელი

ყოჩაღ ავტორს! კარგი ანალიტიკური სტატიაა!
სოსო

ორივე გიორგის ვულოცავ მოედანზე დაბრუნებას.ეს მთავარია!მამარდას თამაშში ყველაზე სასიამოვნო ის იყო,რომ თანაგუნდელებთან მუდმივი სიტყვიერი ურთიერთობა ჰქონდა.ესე იგი უკვე საკმაოდ აითვისა ესპანური და ეს რა თქმა უნდა თამაშშიც მნიშვნელოვნად დაეხმარება.ვალენსიას დაცვა მაგ თამაშში კრიტიკას ვერ უძლებდა და სასიამოვნოა,რომ საჭირო მომენტებში გიორგიმ,საკმაოდ დამაჯერებლად ითამაშა და საფრთხე გაანეიტრალა,თუმცა მომენტებში არადამაჯერებლობაც იგრძნობოდა.თუ თამაშის საშუალება მიეცემა და ნდობას იგრძნობს,ვფიქრობ ეგეც მალე გაქრება.თვითონ ვალენსიას თამაშზე იმის თქმა შემიძლია,რომ ამდენი პირისპირ გასვლა და ყველას გაფუჭება,დაუშვებელი ფუფუნებაა.თამაშგარეც რომ დაფიქსირდეს,ეს არაფერს ცვლის,რაკი არტყავ,უნდა გაიტანო.რაც შეეხება ჩაკვეს,მას ტექნიკასთან და აზროვნებასთან პრობლემები არასოდეს ჰქონია.მთავარია ტრავმის შიში დაძლიოს და ფიზიკურად მომაგრდეს.მერე კი,ნებისმიერი კლუბის დონეს გაქაჩავს.ამაში დარწმუნებული ვარ.კარგია რომ ვარჯიშს მოუმატა.გერმანიაში სხვანაირად თავს ვერ დაიმკვიდრებ და ალბათ ვერც სხვაგან.
ზურა

მთავარია გიოს ტრავმა სწორად ქონდეს შეხორცებული! 100% მჯერა თუ ტრავმა არ შეაწუხებს,ჩაკვეს ერთი წელი დარჩა იმ ჯადო გუნდთან ხელშეკრულება აქედან 6 თვე ჰამბურგში გაატარებს,გერმანიიდან აღარ გაუშვებენ!!! არავის დაავიწყდეს გიო ის ოქროს ბიჭია ვინც ერთალიგის ჯგუფი მოგვაგებინა!!!
T.q

აბა რაა წარმატებები ბიჭებო ყველაფერი თქვენზე აეის დამოკიდებული და ერთი კვრაცხელიაც გადავიდეს სადმე ევროპაში რო ეგ სანერვიულოც აღარ იყოს და კარგი იქნებოდა კვარაც რომ შეიცვლის გარემოს ისიც სხვანაირად ათამაშდება ასე მჯერა.
G.LA

ორივე გიოს დიდი შრომა მართებთ ძირითადში ადგილის დასამკვიდრებლად, ორივე მათგანს ექნებათ შანსი და არა ერთხელ. მთავარია შრომა. დიდი ოფლის ღვრის შემდეგ საწადელს მიაღწევენ. ვფიქრობ ჩაკვემ უკვე გააცნობიერა რომ საერთო ვარჯიშის გარდაც მართებს ვარჯიში. ცნობა რომ ის ტრენაჟორების დარბაზში ვარჯიშობდა დასვენების დროს, ეს უნდა გაგრძელდეს კიდევ. ჩაკვეს ფიზიკური სიძლიერე სჭირდება ძალიან, რომ ფიზიკურად მომძლავრედეს. მას და ჩვენც ბევრი იმედისმომცემი ტალანტი გვახსოვს, რომელთა კარიერაც საერთოდ ვერ შედგა სამწუხაროდ. მამარდაშვილმაც ეტყობა შრომას მოუმატა და შედეგიც სახეზეა. სპორტში როგორც კი მოეშვები და უკლებ ვარჯიშს ეგრევე დაღმასვლა გარანტირებული გაქვს. ამაზე ჩვენ არც კი უნდა ვეუბნებოდეთ. წარმატება მამარდაშვილს და ჩაკვეს!
rable

საინტერესო ანალიზია. მადლობა წარმატება ორ გიორგის და ყველა ქართველს.

"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"

კვერნაძე პირველია - სერია A-ში გიორგის ყველაზე მეტი წარმატებული დრიბლინგი ჰქონდა

მოლაპარაკებები დასკვნით ეტაპზეა - პსჟ კვარაცხელიასა და გუნდის სხვა ლიდერებს კონტრაქტებს უხანგრძლივებს

დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს

მესამე მწვრთნელი სეზონში - "ლანსი" დიდიე დიგარს ჩააბარეს

დვალიშვილი: ჩივილს არ ვაპირებთ და ყველაფერს ვაკეთებთ, რათა ისინი გამოუშვან

18 წ. | შემადგენლობა ევროპის ჩემპიონატის ფინალისთვის

საბა ლაზიშვილი ხვალ RAF-ზე იჭიდავებს!

"ბორჯღალოსნები" | კაპიტნის ვარჯიში ტონგამდე

დვალიშვილი და ლაზიშვილი გაათავისუფლეს - უსმან ნურმაგომედოვსა და მასთან მყოფ პირებს კი ექვსთვიანი პატიმრობა მიესაჯათ

"ეს ცხოველური საქციელია" - UFC-ს ექს-ჩემპიონმა დვალიშვილზე თავდამსხმელები გააკრიტიკა

"ბორჯღალოსნები" | შემადგენლობა მე-300 მატჩისთვის

"ლივერპულში" დარჩენის მოსურნე ალისონმა, დასვენების დრო წარმატებული თევზაობით შეავსო

RAF-ის დაფასება დვალიშვილსა და ლაზიშვილს - ცნობილია ქართველების ჯარიმის ოდენობა, რომელსაც მთლიანად ამერიკული ორგანიზაცია დაფარავს

მერაბ დვალიშვილზე თავდასხმის გამო უსმან ნურმაგომედოვსა და მისი ჯგუფის წევრებს 6-თვიანი პატიმრობა შეეფარდათ

დამწვარი დარბაზიდან - ტანვარჯიშის კლუბამდე

"მომავალი კვარაცხელიაა" - ენრიკემ პსჟ-ის სპორტულ დირექტორს ამ ფეხბურთელის დამატება მოსთხოვა

"ლანსმა" ჩემპიონთა ლიგაზე 1:9 მარცხის შემდეგ, კიდევ ერთი შეხვედრა წააგო და მწვრთნელი ამის შემდეგ გაათავისუფლა

"ახლა ყველანი ციხეში არიან" - UFC-ის პრეზიდენტმა აბუ-დაბიში მომხდარ დაპირისპირებაზე ისაუბრა

"კაცები ასე არ იქცევიან!" - კვარაცხელია დვალიშვილზე თავდასხმას გამოეხმაურა

"იბერია 1999"-დან წასვლის შემდეგ, ანდრეი დემჩენკო ყოფილ გუნდში დაბრუნდა

[VIDEO] ჩაკვეტაძის სრული მატჩი - "უდინეზე" ვარდნას აგრძელებს

ჩაკვეტაძეს "უდინეზეში" ახალი მწვრთნელი ჰყავს

[VIDEO] 3:2 - ალისონის უხეში შეცდომა - "ფენერბაჰჩემ" "ლივერპულს" თამაში შემოუტრიალა

მამარდაშვილი: ისევ შეგვიძლია ისე, როგორც ევროპის ჩემპიონატზე!

[VIDEO] ჩაკვეტაძეს კარგი შანსი ჰქონდა - "უდინეზემ" ძანეტის ხელმძღვანელობითაც წააგო

Sky Sports: მამარდაშვილი, სავარაუდოდ, "ლივერპულის" დატოვებას მოისურვებს

"იწყება ერა ახალი?" - რომანო ალისონზე მნიშვნელოვან ინფორმაციას ავრცელებს

ჩაკვეტაძეს სავარაუდოდ, ახალი მწვრთნელი ეყოლება - რუნიაიჩს ნდობის მარაგი ამოეწურა

[VIDEO] ჩაკვეტაძის "უდინეზე" "რომასთან" დამარცხდა

ალისონი საერთოდ აღარ აპირებს "ლივერპულიდან" წასვლას - როგორია მამარდაშვილის სიტუაცია?

ჩაკვეტაძის დადებითი შეფასებები - "უდინეზემ" როგორც იქნა ქულა მოიპოვა

ირაოლა: ალისონი მთავარი დამნაშავე არაა - ყველაფერს ვერ მოგიყვებით