<p>მადრიდის ”რეალმა” კოენტრაო 30 მილიონად იყიდა</p><p><br> მართალი ყოფილა ეს ბიჭი და რას ვერჩოდით? ჯერ კიდევ სეზონი ხეირიანად მორჩენილი არ იყო, როცა ლისაბონის "ბენფიკას" 23 წლის მცველმა ფაბიო კოენტრაომ განაცხადა, ამიერიდან მადირიდის "რეალში" ვითამაშებო.</p><p>ამ განცხადებას ბევრი მითქმა-მოთქმა მოჰყვა - კოენტრაოს საბოლოოდ გაუფუჭდა ურთიერთობა "ბენფიკას" ხელმძღვანელობასთან, რაც ბოლოს ვარჯიშზე მწვრთნელთან ჩხუბით დაგვირგვინდა. ამის შემდეგ, ცხადი გახდა, კოენტრაოს ლისაბონში აღარ დაედგომებოდა.</p><p>გუშინ დილით პირველი საზოგადოებას პორტუგალიურმა "ა ბოლამ" აუწყა ახალი ამბავი, რომ კოენტრაო მართლაც გადავიდა "რეალში". "ა ბოლა" წერდა, რომ "რეალი" და "ბენფიკა" მცველის სანაცვლოდ თანხაზე შეთანხმდნენ, რომ ესპანელები 30 მილიონ ევროს გადაიხდიდნენ. "ა ბოლა" წერდა, რომ "რეალი" ტრანსფერს ოფიციალურად მაშინვე დაადასტურებდა, როცა ყველა დეტალი შეთანხმდებოდა, ეს კი უახლოეს საათებში მოხდებოდა. ისე კი, "რეალმა" 5-წლიანი კონტრაქტი უკვე გააფორმა ფეხბურთელთანო.</p><p>ამის შემდეგ "ბენფიკას" ხელმძღვანელობამ განაცხადა, რომ "რეალთან" კოენტრაოს ტრანსფერზე მუშაობა მიდის. ეს იყო პირველი შემთხვევა, როცა ტრანსფერის შესახებ ოფიციალური დადასტურება, რომელიმე კლუბისგან მივიღეთ. თუმცა მალე ყველაფერს წერტილი დაუსვა "რეალის" განცხადებამ - ტრანსფერი შედგა!</p><p>გუშინ დილით კოენტრაო აღარ გაყვა "ბენფიკას" შვეიცარიულ შეკრებაზე და მადრიდში ჩავიდა. უპირველესად მან სამედიცინო შემოწმება გაიარა. მცველმა ყველა სახის სინჯი ლა სურსუელას ჰოსპიტალში ჩააბარა და ექიმთა დასკვნა მიიღო, რომ სავსებით ჯანმრთელია.</p><p>ამის შემდეგ ფაბიო კოენტრაო "სანტიაგო ბერნაბეუს" ეწვია და ფლორენტინო პერესს შეხვდა. შემდეგ გაიმართა კონტრაქტზე ხელისმოწერის ოფიციალური ცერემონიალი. "ა ბოლა" ერთი წლით შეცდა - კოენტრაო 6 სეზონის განმავლობაში "ბლანკოს" რიგებში იასპარეზებს. ცერემონიალზე პორტუგალიელმა აღნიშნა, რომ ერთი სული აქვს, როდის დაიწყებს მე-20 საუკუნეში მსოფლიოს საუკეთესო კლუბად მიჩნეულ "რეალში" თამაშს.</p><p>23 წლის ფაბიო კოენტრაო დღეისათვის მსოფლიოში ერთ-ერთ საუკეთესო მარცხენა მცველად ითვლება, თან ფაბიოს მეორე ფლანგზეც შეუძლია თამაში. კოენტრაო "რეალის" თვალსაწიერში "ბენფიკაში" და პორტუგალიის ნაკრებში სტაბილური თამაშის წყალობით მოხვდა.</p><p>კოენტრაო 1988 წლის 11 მარტს დაიბადა ვილა დო კონდეში. პირველი სერიოზული კლუბი, სადაც ის ასპარეზობდა "რიუ ავე" იყო. ამ გუნდში ჰქონდა მას პორტუგალიის ელიტურ ლიგაში დებიუტი სულ რაღაც 16 წლის ასაკში. ტალანტი ეგრევე შეამჩნია "ბენფიკამ" და ერთი წლის მერე ის "რიუ ავესგან" შეიძინა, მაგრამ იჯარით მადეირულ "ნასიონალში" გაუშვა (16 თამაში, 4 გოლი).</p><p>"ბენფიკაზე" ადრე მან "სარაგოსაში" ითამაშა, სადაც 2008/09 წლების სეზონის დასაწყისში გამოჩნდა, შემდეგ კი ისევ "რიუ ავეში" დაბრუნდა. 2009 წლის ზაფხულიდან კი ის ლისაბონურ გრანდშია. ამავე წელს დებიუტი ჰქონდა ეროვნულ ნაკრებში (ბოსნიასთან მატჩში) და მისი კარიერა მაღლა წავიდა. რისი დადასტურებაც ეს ტრანსფერია.</p><p>ჟოზე მოურინიომ აქამდე ხოსე კალეხონი, ნური შაჰინი, ჰამით ალთინთოპი და რაფაელ ვარანი დაიმატა.</p><p><strong>ყოველდღიური სპორტული გაზეთი "ლელო"</strong></p>
"მოულოდნელი იყო... "ოქროს ბურთს" ამ 2 ფეხბურთელიდან ერთ-ერთი უფრო იმსახურებდა" - კუკურეია Ballon d'Or-ის დაჯილდოვებაზე
იამალმა პიკეს და შაკირას ყოფილი სახლი 11 მილიონად შეიძინა
"რეალს" ახალი მეკარე ეყოლება?
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"