რუსის ლონდონური ქიშპობა

29 წლის რუსი თავდამსხმელი, რომან პავლიუჩენკო აცხადებს, რომ მომავალ სეზონში მისი „ტოტენჰემ ჰოთსპური“ „არსენალს“ აჯობებს და სამეულში შევა 29 წლის რუსი თავდამსხმელი, რომან პავლიუჩენკო აცხადებს, რომ მომავალ სეზონში მისი „ტოტენჰემ ჰოთსპური“ „არსენალზე“ უკეთეს პოზიციას დაიკავებს და პრემიერლიგის სამეულში შევა.აქ, უნდა გავიხსენოთ, რომ „სფურზისა“ და „არსენალის“ ქიშპობა განსაკუთრებულია - საქმე საუკუნოვანი ისტორიის მქონე ჩრდილოლონდონურ დერბისთან გვაქვს.პავლიუჩენკოს „მეთოფეების“ ჩამოტოვების იმედს მათი ბოლო წლების უიღბლობა და ხელმოცარულობა აძლევს. მოგეხსენებათ, „არსენალს“ ექვსი წელიწადია ერთი ჯილდოც კი არ მოუგია და გუნდიდან ფეხბურთელები გაურბიან. მათ ისეთ გუნდებში სურთ გადასვლა, სადაც რაიმეს მოიგებენ და ფეხბურთელის ხანმოკლე კარიერას მთლად ტიტულის გარეშე არ დაასრულებენ.გასულ სეზონში „არსენალი“ მეოთხე ადგილზე გავიდა, „ტოტენჰემი“ კი მეხუთეზე, რაც რუს ფორვარდს ცუდ შედეგად მიაჩნია, მაგრამ ამბობს, რომ შემდეგ სეზონში ყველაფერი გამოსწორდება:„გასულ სეზონში ნაბიჯი უკან გადავდგით. ოთხეულში ვაპირებდით შესვლას, მაგრამ მიზანს ვერ მივაღწიეთ. გაზაფხულზე ბევრი ქულა რომ არ დაგვეკარგა იქნებ სამეულშიც კი მოვხვედრილიყავით. ვფიქრობ, ამას ახალ სეზონში შევძლებთ, რადგან „ტოტენჰემი“ ძალიან ძლიერი გუნდია, ძალიან ძლიერი ფეხბურთელებით. პირველი და მეორე ადგილებისთვის ბრძოლა ჯერ ადრეა - „მანჩესტერ იუნაიტედი“ და „ჩელსი“ დანარჩენებს ერთი თავით გვჯობიან, მაგრამ ბოლო ორი სეზონის მიხედვით თუ ვიმსჯელებთ, „მანჩესტერ სიტისა“ და „არსენალს“ არაფრით ჩამოვუვარდებით“.„არსენალი“ ამ ზაფხულს კიდევ უფრო დასუსტდა. გაელ კლიში „მანჩესტერ სიტიმ“ იყიდა, ისტლენდზე ითამაშებს სამირ ნასრიც, ხოლო კაპიტანი სესკ ფაბრეგასი იხვეწება, ამ კვირას ნუ გადამიცილებთ, ჩემს მშობლიურ „ბარსელონაში“ გამიშვითო. რაც შეეხებათ „დეზებს“, მათ, ჯერჯერობით, თავიანთი საუკეთესო მოთამაშეები არ გაქცევიათ: ლუკა მოდრიჩი კლუბის ხელმძღვანელობას გუშინ უნდა შეხვედროდა, გარეთ ბეილი კი თითქოს, არსად აპირებს წასვლას.ორი სიტყვით მოდრიჩზე შევჩერდეთ: 25 წლის ხორვატს „ტოტენჰემის“ თავმჯდომარე დევიდ ლივისთან გუშინ, ჩვენი დროით საღამოს 8 საათზე ჰქონდა შეხვედრა დანიშნული. მოგეხსენებათ, მოდრიჩის ყიდვა „ჩელსის“ უნდა და მზად არის მასში 22 მილიონი ფუნტი გადაიხადოს. თავად მოდრიჩსაც დასავლეთ ლონდონისკენ მიუწევს გული. მართალია, მან ორი თვის წინ „ტოტენჰემთან“ ექვსწლიანი ხელშეკრულება გააფორმა, მაგრამ ახლა სხვა ჭკუაზეა. სავარაუდოდ, „ჩელსის“ შეფები ეტყოდნენ, ოღონდ შენ ჩვენთან გადმოდი და კონტრაქტის დარღვევისთვის რა საკომპენსაციო თანხაც დაგეკისრება, გადაგიხდითო. შეგახსენებთ იმასაც, რომ ხორვატის ყიდვა „მანჩესტერ იუნაიტედსაც“ უნდა, თუმცა „სფურზის“ თავკაცი ჰარი რედნაპი იქადნება, რომ მოდრიჩს არსად გაუშვებს.დავუბრუნდეთ პავლიუჩენკოს. ის ამბობს, რომ „არსენალზე“ უკეთესი შედეგის მიღწევა „სფურზის“ ფანებს განსაკუთრებულ სიხარულს მოჰგვრის:„ლონდონში ჩამოსვლის დღესვე გამაფრთხილეს, რომ „ტოტენჰემისთვის“ ყველაზე მნიშვნელოვანი „არსენალთან“ თამაშია. დერბის დღეებში ორივე გუნდი მოედანზე ფეხბურთის სათამაშოდ კი არა, საომრად გადის. თავს არავინ ზოგავს. ეს საკუთარ თავზე მაქვს გამოცდილი“.თუმცა თავად პავლიუჩენკოს მომავალიც გასარკვევია. მისი ყიდვა რუსეთის მდიდარმა კლუბმა, მახაჩყალის „ანჟიმ“ მოიწადინა. არც ფორვარდის „პირველი სიყვარული“, მოსკოვის „სპარტაკია“ გულგრილი.„მახაჩკალიდან არავინ დამკავშირებია, მაგრამ დაზუსტებით ვერ გეტყვით, რა მოხდება ხვალ“ - თქვა პავლიუჩენკომ.ყოველდღიური სპორტული გაზეთი "ლელო"

"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა

"ლივერპულში" დარჩენის მოსურნე ალისონმა, დასვენების დრო წარმატებული თევზაობით შეავსო

[VIDEO] სასწაული "ოცნებათა თეატრში" - 8 გოლი და "მანჩესტერ იუნაიტედის" ქამბექი "ასტონ ვილასთან"

ორბმა ზედიზედ მე-4 გამარჯვება ახალციხესთან მოიპოვა

U18. საქართველოს ნაკრები ფინალში ესპანეთთან ისევ დამარცხდა

[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!

უნგრეთთან მატჩში საქართველოს ნაკრების შემადგენლობა ცნობილია

დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს

მესამე მწვრთნელი სეზონში - "ლანსი" დიდიე დიგარს ჩააბარეს

საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო

ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...

"ჩვენი პრობლემა უფრო ღრმაა... დღემდე ვერ ვიტყვი, როგორია საქართველოს ეროვნული ნაკრების საფეხბურთო ფილოსოფია..." - შოთა არველაძის ვრცელი ინტერვიუ უნგრულ გამოცემასთან

"მოულოდნელი იყო... "ოქროს ბურთს" ამ 2 ფეხბურთელიდან ერთ-ერთი უფრო იმსახურებდა" - კუკურეია Ballon d'Or-ის დაჯილდოვებაზე

[VIDEO] გოგა ბითაძის 100%-იანი პერფორმანსი და „ორლანდოს“ მნიშვნელოვანი გამარჯვება „მილუოკისთან“

დვალიშვილი: ჩივილს არ ვაპირებთ და ყველაფერს ვაკეთებთ, რათა ისინი გამოუშვან

ნიდერლანდების 7:0 საბერძნეთთან და გერმანიის მიერ სერბეთის ძლევა

18 წ. | შემადგენლობა ევროპის ჩემპიონატის ფინალისთვის

უნგრელთა მწვრთნელი: კვარაცხელია შეუცვლელია - ნებისმიერი სცენარისთვის მზად ვიქნებით

"მერაბი დიდი ხანია არ არის ქართველი - ჩვენი წინაპრები ამისათვის თავებს მოჰკვეთდნენ" - წერს დაღესტნელი მოჭიდავე

"ბორჯღალოსნები" | კაპიტნის ვარჯიში ტონგამდე

"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"

"ეს ცხოველური საქციელია" - UFC-ს ექს-ჩემპიონმა დვალიშვილზე თავდამსხმელები გააკრიტიკა