სუპერთასი | "შავი ლომის" შემადგენლობა ფინალისთვის

7 მაისს აღმოსავლეთ და დასავლეთ კონფერენციების საუკეთესო გუნდები პორტუგალიაში, რაგბი ევროპის სუპერთასის პირველი ტიტულისთვის შეიბმებიან.ლისაბონში "შავი ლომისა" და "ლუზიტანუშის" შეხვედრა საქართველოს დროით 18:00 საათზე დაიწყება, მანამდე კი გუნდის მთავარმა მწვრთნელებმა საბრძოლო რაზმები დაასახელეს."შავი ლომი" გადამწყვეტ თამაშს ოპტიმალური, გამოცდილი შემადგენლობით ხვდება. ნახევარფინალში ესპანურ "იბერიანსთან" გამარჯვების შემდეგ დამწყებ რაზმში ორი ცვლილებაა – მესამე ხაზში კოკი თხილაიშვილი ბრუნდება, რომელსაც ტრავმის გამო დიდი ხანი გაუცდა, ბურჯად კი თამაშს ნიკა პატარაია იწყებს. ნიკა ხატიაშვილმა და ნიკო აფციაურმა მარქაფაში გადაინაცვლეს.ჩვენი გუნდი პორტუგალიაში ხანგრძლივი მგზავრობის შემდეგ გუშინ ჩავიდა, დღეს კაპიტნის ვარჯიში, ხვალ კი გადამწყვეტი ბრძოლაა."ევროპის ქვეყნებიდან პორტუგალია ჩვენგან ყველაზე შორსაა და საკმაოდ დამღლელი მგზავრობა გვქონდა. მაქსიმალურად ვეცდებით დასვენებას და ძალების აღდგენას. მთლიანობაში, ფინალისთვის კარგად ვართ მომზადებულნი. ნახევარფინალური მატჩიდან გამომდინარე, გვქონდა ანალიზი – რა იყო კარგი და რა ვერ გამოგვივიდა, სად გვაქვს ყურადღება გასამახვილებელი. ასევე გავარჩიეთ მოწინააღმდეგის თამაში, საიდან უნდა ველოდოთ საფრთხეს და სად გვექნება უპირატესობა. ახლა მთავარია, ამ ყველაფერს როგორ გადავიტანთ მოედანზე" – ამბობს "შავი ლომის" მთავარი მწვრთნელი ლევან მაისაშვილი და შემადგენლობასთან დაკავშირებით განაგრძობს:"ფინალს გამოცდილება იგებს. რაც უფრო გამოცდილია მოთამაშე, მით ნაკლებ შეცდომას უშვებს. მზადების პროცესში დისციპლინასა და თამაშის მართვაზე ვამახვილებდით ყურადღებას. მოწინააღმდეგეს არ უნდა მივცეთ საშუალება, თავს მოგვახვიოს სწრაფი, არეული თამაში. მაქვს იმედი, რომ ბიჭები მონახაზს მიჰყვებიან და ამოცანას თავს გაართმევენ".<img src="pictures/artimages/original/69b2cb76e74833067e1a8bd359b622d6.jpg" border="0" alt="Sportall.Ge" title="სუპერ თასი | "შავი ლომის" შემადგენლობა ფინალისთვის" width="600" height="600" style="border: 0px none;" />"ნახევარფინალის შემდეგ სასტარტო შემადგენლობაში ორი ცვლილებაა. ნიკა პატარაიამ სამხრეთ აფრიკაში კარგი თამაშები ჩაატარა და ოპტიმალურ ფორმაშია. აქედან გამომდინარე, სამწვრთნელო შტაბმა გადავწყვიტეთ, რომ ძირითად შემადგენლობაში დაგვეყენებინა. კოკი თხილაიშვილი გამოცდილი მოთამაშეა, თუმცა ტრავმების გამო ხანგრძლივი პერიოდით მოუწია გაჩერება. ეს ორი კვირა ის ნაყოფიერად ვარჯიშობდა და ფინალს სრულ მზადყოფნაში ხვდება. არანაკლებ მნიშვნელოვანია, რომ შეცვლაზე გვყავდეს ისეთი მოთამაშეები, რომლებიც დიდ ენერგიას შემოიტანენ და ესეც გათვალისწინებულია".ფინალის მნიშვნელობაზე საუბრობს და მეტოქეს ახასიათებს გუნდის მწვრთნელი ლადო კილასონია:"ფინალი ყოველთვის განსხვავებული თამაშია და მისთვის მნიშვნელოვანია, რომ იმ პატარა დეტალებს, რომლებსაც წლის განმავლობაში ხვეწდი, განსაკუთრებული ყურადღება მიაქციო. ამან შეიძლება კონკრეტული თამაში მოგაგებინოს. ჩვენი მიზანია, რომ ეს დეტალები მაქსიმალურად ზუსტად შევასრულოთ და ბოლო ორი კვირის განმავლობაში სწორედ ამაზე ვმუშაობდით"."პორტუგალიას ხასიათიანი, მოძრავი და სწრაფი გუნდი ჰყავს. ასევე არიან კარგი მბოჭავები. მათ აქვთ შანსი, რომ საკუთარი გულშემატკივრის წინაშე მოიგონ სუპერთასი და ამისთვის ყველაფერს გააკეთებენ. ჩვენი მიზანია, რომ დავრჩეთ ჩვენს სათამაშო გეგმაში".კარგი თამაშის მოლოდინი აქვს გამოცდილ გიორგი ბეგაძეს:"ფინალისთვის კარგად მოვემზადეთ. ესპანელებთან ნახევარფინალური მატჩის შემდეგ დეტალების დასახვეწად 2 კვირაზე მეტი გვქონდა და ვფიქრობ, ეს პერიოდი კარგად გამოვიყენეთ. ეს არის თამაში, სადაც შეცდომის დაშვების უფლება არ გვაქვს. მეტოქის თამაში შევისწავლეთ და საკმაოდ სწრაფი, ლაღად მოთამაშე გუნდია. ჩვენი მხრივ ვეცდებით, რომ მათ ჩვენი თამაში მოვახვიოთ თავს და პირველმა ქართულმა ფრენჩაიზმა პირველი ტიტული სამშობლოში წამოიღოს. გამოცდილი შემადგენლობა გვყავს და ფინალში ეს აუცილებლად წაგვადგება"."პორტუგალია ყოველთვის მებრძოლი გუნდი იყო, კარგი მბოჭავებით და სწრაფი მოშვიდკაცეებით დაკომპლექტებული. სწორედ ასეთი გუნდია "ლუზიტანუშიც". ვეცდებით, რომ მეტოქე დავჯაბნოთ კონტაქტის არეში, არ ავყვეთ არეულ თამაშში და თასის მოგებით გულშემატკივარი გავახაროთ".

ბონდო

გადაიდო
tngh

წარმატებები!!!
კოტე ბრეგვაძე

რეპორტაჟი არის სადმე?
გია

http://rugbyeurope.tv/
გიორგი 50

,, ხმალი ავლესოთ ქართველებო, ხმალი ავლესოთ".... დღეს 1981 წლის 13 მაისია... წმინდა გიორგი იქნება მე-16... გამარჯვება ბიჭებოოოო....
შაქრო

სად შეიძლება ვუყუროთ ? ამ საინტერესო დაპირისპირებას .
დემე

ლუზიტანუშს საეჭვოდ ბევრი ცვლილებაა აქვთ შემადგენლობაში, საინტერესოა რას გვიმზადებენ, მგონია რომ უმაგრესი ფინალი იქნება, მარქაფაში მე-6 კაციც მორკინალი ყავთ, ჩვენ წინააღმდეგ მართებული გათვლაა.
გიორგი

100%
სოსო

კარგ თამაშს,სანახაობრივ გამარჯვებას ვუსურვებ ბიჭებს.
რაგბი

წარმატებები ბიჭებს!!! მაისაშვილმა თქვა " მაქვს იმედი, რომ ბიჭები მონახაზს მიჰყვებიან და ამოცანას თავს გაართმევენ" ! თუ მოიგებენ მაისაშვილის დამსახურებაა და თუ წააგებენ იტყვის ამოცანას თავი ვერ გაართვეს ბიჭებმაო! ამ ბოლო დროს ბიჭებს აბრალებს თავის უციდინროვას! ისევ და ისევ წარმატებები ბიჭებს!!!!

"შავი ლომი" | თბილისის თასი "ჩიტასთან" გამარჯვებით დავხურეთ

"შავი ლომი" | ახალი სახეებით "ჩიტასთან"

საქართველოსა და საფრანგეთის რაგბის კავშირებს შორის თანამშრომლობის მემორანდუმი გაფორმდა!

ჩრდ. ირლანდიასთან მატჩში საქართველოს ნაკრების შემადგენლობა ცნობილია

18 წ. | ევროპის ჩემპიონატს ჩეხეთი უმასპინძლებს

აბეები ისევ ფინალში არიან და ესპანელი მეტოქეები ეყოლებათ

მერკვილაძის წარმატებული დებიუტი BNXT ლიგაში: ქართველი ფორვარდის 20 ქულა და "გრონინგენის" გამარჯვება

შენგელია "დუბაის" სასტარტოში ადრიატიკის ლიგაში გამოჩნდა | 11 ქულა და მოგება

მენდეში: თუ რონალდო დაბრუნდება, სიხარულით შევხვდებით

I ტური დასრულდა: კსუ კავკასიას დამაჯერებელი გამარჯვება და ორბის წარმატებული გასვლა თელავში

პორტუგალიამ ნორვეგიას, დანიამ კი უელსს მოუგო

"შავი ლომი" | თბილისის თასი "ჩიტასთან" გამარჯვებით დავხურეთ

ლაშა დვალი: მხოლოდ ასე შევძლებთ ამ ვითარების შემოტრიალებას

ჩრდილოეთ ირლანდიის მწვრთნელი: წინ კარგად მივიწევთ და მგონია, ხვალ საღამოსაც წარმატებას მივაღწევთ

VIDEO | ეროვნული ლიგა | იბერია 1999 1-2 დინამო (თბ). ლიდერობის ტოლფასი 3 ქულა

ქართველი მსაჯები უეფას ერთა ლიგის მატჩს მოემსახურებიან

ლუჩანო სპალეტი: "კვარა" სულ სხვა საფეხბურთო გარემოდან მოვიდა

[VIDEO] გიორგი სარდალაშვილმა მსოფლიო ჩემპიონატზე ბრინჯაოს მედალი მოიპოვა!

[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

მატჩის დღე! ლოგიკის დროით, საქართველოს გამარჯვების დროა

"ხალხი თამაშებზე მის გამო დადის, ამიტომ "ოქროს ბურთი" მან უნდა მოიგოს" - ჩეხეთის ნაკრების მთავარი მწვრთნელი

"მესი თუ რონალდო?" - მიულერმა არჩევანი გააკეთა