- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ოლ ბლექსს ჩემპიონობამდე ნაბიჯი დარჩა
<p>ვინ წარმოიდგენდა მსაჯობასთან დაკავშირებული დიდი, ხმაურიანი სკანდალი, დაახლოებით ისეთი 1966 წლის მსოფლიოს საფეხბურთო ჩემპიონატის ფინალს რომ მოჰყვა, სამი ერის გათამაშებასაც შეაზანზარებდა...</p><p><br> ვინ წარმოიდგენდა მსაჯობასთან დაკავშირებული დიდი, ხმაურიანი სკანდალი, დაახლოებით ისეთი 1966 წლის მსოფლიოს საფეხბურთო ჩემპიონატის ფინალს რომ მოჰყვა, სამი ერის გათამაშებასაც შეაზანზარებდა. არადა, ასეა, მსაჯების მიმართ პრეტენზია არა მარტო "ბოკეს" თავკაც პიტერ დე ფილიერსს აქვს, თუმცა ეს სხვა ისტორიაა, რომელსაც გაგრძელება აუცილებლად ექნება.</p><p>დღეს კი ქრაისთჩერჩში, იქ, სადაც 2011 წლის 18 სექტემბერს საქართველოს ნაკრები მსოფლიო თასის ჯგუფურ ტურნირში ინგლისის ეროვნულ გუნდს დაუპირისპირდება, სამი ერის გათამაშების მორიგ მატჩში "ოლ ბლექსი" "ვოლაბებს" ეთამაშება.</p><p>ერთი კვირის წინ მელბურნში ახალზელანდიელებმა მასპინძლები დამაჯერებლად სძლიეს და კიდევ ერთი ნაბიჯი გადადგეს პირველობისკენ. ქრაისთჩერჩში გამარჯვების შემთხვევაში ძნელი წარმოსადგენია, "ოლ ბლექსს" სამი ერის ჩემპიონობაში ხელი რამ უნდა შეუშალოს.</p><p>მართალია, "ოლ ბელქსს" ამის შემდეგ ორი გასვლითი მატჩი დარჩება გასამართი სამხრეთ აფრიკასა და ავსტრალიაში, მაგრამ ორივეს წაგების შემთხვევაშიც კი, ვფიქრობთ, მეტოქისთვის მიუწვდომლები იქნება.</p><p>"ბოკეს" სამი წაგება აქვს და "კივებს" ვეღარ დაეწევა. ავსტრალიას კი ორი გასვლითი მატჩი აქვს გასამართი სამხრეთ აფრიკაში. ძნელი წარმოსადგენია, რომ ავსტრალიამ ისედაც გავეშებულ, სამყაროზე გაბრაზებულ სამხრეთაფრიკელებს ორივე თამაში მოუგოს. თუმცა გამორიცხული არაფერია და სობს მოვლენების განვითარებას დაველოდოთ.</p><p>ავსტრალიის ნაკრების მთავარმა მწვრთნელმა რობი დინსმა ძირითად შემადგენლობაში სამი ცვლილება განახორციელა. მან ქართლი ბეილი, ძმები ენტონი და საია ფაინგააები სათადრიგოთა სკამიდან სასტარტო შემადგენლობაში გადაიყვანა.</p><p>ქართლი ბეილი ფულბეკის პოზიციას დაიკავებს, რომელზეც წინა შეხვედრაში ადამ ეშლი-კუპერმა ითამაშა, ის ამჯერად ტრავმირებული შუამარბის რობ ჰორნის პოზიციაზე გადაბარგდება. ენტონი ფაინგაა კიდევ ერთ შუამარბს ბერიკ ბარნსს ჩაანაცვლებს, მისი ძმა საია კი შერკინების კვაჭ სტივენ მურს შეცვლის.</p><p>ავსტრალიელები, ცხადია, ქრაისთჩერჩში რევანშის ასაღებად იბრძოლებენ, მაგრამ, თუ მათი თავკაცის სიტყვებს ვენდობით, მარცხი დიდად არ დაადარდიანებთ.</p><p>"ჩვენ სხვებთან შედარებით ახალგაზრდული გუნდი გვყავს, რომელიც საუკეთესო კონდიციებში 14 თვის შემდეგ იქნება. მნიშვნელობა არ აქვს, როგორ დამთავრდება მატჩი მომავალ უქმეებზე ქრაისთჩერჩში. დრო ჩვენს მორაგბეებზე იმუშავებს. გარწმუნებთ, 14 თვის შემდეგ ჩვენ შევძლებთ, პოტენციალი სრულად წარმოვაჩინოთ." - თქვა ერთ-ერთ ინტერვიუში რობი დინსმა, რომელიც რატომღაც ვერ ხვდება, რომ დრო ახალზელანდიელებზეც იმუშავებს. 14 თვე "ოლ ბლექსის" მწვრთნელის გრემ ჰენრის განკარგულებაშიცაა. მისი გუნდი უკვე ახლაა საუკეთესო ფორმაში. ახალზელანდიელი მორაგბეები შეუჩერებელნი არიან, გუნდი ტაქატიკურად გამართულია და მოთამაშეები მაღალტექნიკურობით გამოირჩევიან. დრო გვიჩვენებს, შეძლებენ თუ არა ისინი ფორმის შენარჩუნებას ან უფრო გაუმჯობესებას 2011 წლის მსოფლიო თასისთვის. ან იქნებ მართალია პიტერ დე ფილიერსი, იქნებ მართლა სამი ერის ორგანიზატორების შეთქმულებასთან გვაქვს საქმე?</p><p>ტრავმის გამო "კივებს" ცხრა ნომერი ჯიმი ქოუანი დააკლდებათ. მან "ვოლაბებთან" მელბურნულ მატჩში ნეკნი გაიტეხა და, სავარაუდოდ, წლეულს სამი ერის გათამაშებაში ვეღარ გამოვა. მას ქრაისთჩერჩში, ცხადია, პირი ვიპუ შეცვლის. სათადარიგოებში კი გრემ ჰენრი ალბი მეთიუსონს დასვამს.</p><p>ვიპუს კიდევ ერთხელ ეძლევა შანსი, რომ ძირითად შემადგენლობაში ადგილი დაიმკვიდროს. ის აგერ უკვე ოთხი წელიწადია, სათადარიგო ცხრა ნომერია და ამ ამპლუაში პირველ ნომრობას ვერაფრით ეღირსა. ვიპუსთვის ეს გარემოება დამატებითი სტიმული იქნება, თუმცა ის ნებისმიერ შემთხვევაში ბოლომდე თავდადებით მებრძოლი მორაგბეა.</p><p>საინტერესო იქნება შუამარბების, ავსტრალიელთა დებიუტანტის ენტონი ფაინგაას და ახლზელანდიელი მაა ნონუს დუელიც. ეს ახალგაზრდა ავსტრალიელისთვის შანსია, კარიერა რიხით დაიწყოს.</p><p>მატჩს სამხრეთაფრიკელი არბიტრი ჯონათან კაპლანი განსჯის. ის ცივსისხლიანი, საკმაოდ კარგად განსწავლული, ერთ-ერთი საუკეთესოა მსაჯია მსოფლიოში და ნაკლებად სავარაუდოა, ვინმემ მის კომპეტენციაში ან თუნდაც რეპუტაციაში ეჭვი შეიტანოს.</p><p>ახალი ზელანდია-ავსტრალია</p><p>ახალი ზელანდია: 15. მალილი მულიაინა, 14. კორი ჯეინი, 13. კონრად სმითი, 12. მაა ნონუ, 11. ჯო როკოთოკო, 10. დენ კარტერი, 9. პირი ვიპუ. 1. ტონი ვუდკოქი, 2. კევინ მეალამუ, 3. ოუენ ფრენქსი, 4. ბრედ თორნი, 5. ტომ დონელი, 6. ჯერომ კაინო, 7. რიჩი მაკქოუ, 8. კირან რიდი</p><p>16. კორი ფლინი, 17. ბენ ფრენქსი, 18. სემ ვაითლოქი, 19. ვიქტორ ვიტო, 20. ალბი მეთიუსონი, 21. აარონ კრადენი, 22. ბენსონ სტენლი.</p><p>ავსტრალია: 15. ქართლი ბეილი, 14. ჯეიმზ ოკონორი, 13. ადამ ეშლი-კუპერი, 12. ენტონი ფაინგაა, 11. დრიუ მიტჩელი, 10. მეთ გიტო, 9. ვილი გენია. 1. ბენ რობინსონი, 2. საია ფაინგაა, 3. სალესი მააფუ, 4. დენ მამი, 5. ნათან შარფი, 6. როკი ელოსმი, 7. დავიდ პოკოქი, 8. რიჩარდ ბრაუნი.</p><p>16. სტივენ მური, 17. ჯეიმს სლიპერი, 18. რობ საიმონსი, 19. მეთ ჰოჯსონი, 20. ლუკ ბარჯესი, 21. ბერიკ ბარნსი, 22. კემერონ შეპარდი.</p><p>სატურნირო მდგომარეობა</p><p>თ მ ფ წ ბ ქ</p><p>1. ახ.ზელანდია 3 3 0 0 +55 15</p><p>2. ავსტრალია 2 1 0 1 -4 4</p><p>3. ს.აფრიკა 3 0 0 3 -51 0</p><p>სამი ერი</p><p>21 აგვისტო</p><p>სამხრეთ აფრიკა-ახალი ზელანდია</p><p>28 აგვისტო</p><p>სამხრეთ აფრიკა-ავსტრალია</p><p>4 სექტემბერი</p><p>სამხრეთ აფრიკა-ავსტრალია</p><p>11 სექტემბერი</p><p>ავსტრალია-ახალი ზელანდია</p><p><strong>ყოველდღიური სპორტული გაზეთი "ლელო"</strong></p>
"შავი ლომი" | განახლებული შემადგენლობით ახალი სეზონისთვის
ნიკა ამაშუკელი სამხრეთ აფრიკაში - ხუთი მატჩი "ოლ ბლექსის" ისტორიულ ტურნეზე
შავი ლომი | სექტემბერში პრემიერშიფის ჩემპიონთან
დაბრუნება ნაცნობ ადგილას - ნკუნკუ კვლავ "ლაიფციგისთვის" შეუტევს
"იუვენტუსმა" პოლონელი მეკარე დაიმატა
ოფიციალურად: სავინიო "ტოტენჰემის" ფეხბურთელია
კიევის "დინამოს" თავდამსხმელი შეიძლება "გალათასარაიში" გადავიდეს
"პსჟ-ში ხელშეუხებელი ფეხბურთელი აღარ არსებობს, ენრიკემ მეთოდები გაამკაცრა" - რას წერს ფრანგული პრესა კვარაცხელიასა და დემბელეს შეცვლის შემდეგ
"ბორნმუთმა" "იუვენტუსის" მეკარე ინათხოვრა
[VIDEO] მეტოქეს შესანიშნავად დაუტრიალდა და ძალიან ლამაზი გოლი გაიტანა - სალიამ ახალგაზრდული პრემიერ ლიგა ბრწყინვალედ დაიწყო
"საბოლოოდ გაგაჩუმებს" - დვალიშვილმა ოქტაგონზე რუსეთის დროშის გამოჩენაზე უკმაყოფილება გამოხატა და მას პასუხი მახაჩევმა გასცა
კვლავ პრემიერ ლიგაში - ნიკო გონსალესმა "სიტი" დატოვა
არ დაადგა საშველი - ლეაომ არაბებს უარი შეუთვალა და ევროპიდან ახალი მსურველი ჰყავს
მუდრიკი სავარაუდოდ, კარიერას საფრანგეთის ჩემპიონატში განაგრძობს
15-წლამდე გოგონათა ნაკრები უეფას განვითარების თასზე იასპარეზებს
საქართველო - უკრაინა | ინფორმაცია ბილეთების შესახებ
ბუნდესლიგის დაწყების წინ ლოჩოშვილმა თასის მატჩში ტრავმა მიიღო
ფეხბურთიდან ომამდე: როგორ გადაიქცა შეხვედრა 100-საათიან ომად
"ატლეტიკო" ალვარესის გაყიდვას დათანხმდა, მაგრამ ძალიან ძვირად აფასებს
"ალისონმა ვერაფერი გააკეთა, სამაგიეროდ წინდები ეცვა შესანიშნავი" - მედიამ ბრაზილიელს კრიტიკა შეჰბედა
"ნიუკასლის" მწვრთნელს მიაჩნია, რომ მსაჯმა "ლივერპულს" პენალტი აჩუქა
ენეს მაჰმუტოვიჩი ბათუმის "დინამოს" ფეხბურთელია
ფერან ტორესი: მთლად კმაყოფილი არ ვარ