<p>კოტე ტუღუში: ევროჩელენჯზე სერიოზული მიზნები გვაქვს და ვეცდებით, ქართველი გულშემატკივარი არ გავაწბილოთ <br> საქართველოს ჩემპიონი "არმია" ევროჩელენჯზე ბრძოლას ჯგუფური ეტაპიდან დაიწყებს. მას ჰოლანდის ჩემპიონ "ლეიდენთან" და 2010 წელს ევროჩელენჯის გამარჯვებულ გერმანულ "გოტინგენთან" მოუწევს ჯგუფში ორეულისთვის ბრძოლა.</p><p>ამავე B ჯგუფში ითამაშებს ევროთასის საკვალიფიკაციოდან გამოვარდნილი თურქული "ბეშიქთაში" ან ბელგიის "მონსი". ასე რომ, თუ ზაზა ფაჩულია ამ თურქულ კლუბში ჩაირიცხა, არის ალბათობა, რომ "არმიის" წინააღმდეგ იასპარეზოს. თუმცა, შანსი ძალიან მცირეა, რადგან თუ "ბეშიქთაშში" ზაზა ჩამოვიდა, ლოგიკურად, ბელგიურ "მონსს" უნდა აჯობოს.</p><p>"გოტინგენის" თავკაც <strong>სტეფან მიენაკს</strong> წილისყრის შედეგების გაცნობისას თვალში "არმია" ეცა:</p><p>- თბილისიდან გოტინგენამდე დაახლოებით 3200 კილომეტრია. ძალიან შორია, თუმცა კარგია, რომ შეჯიბრებას საქართველოში გასვლით ვიწყებთ. შემდეგ ახლო რადიუსში ვიტრიალებთ. სხვებთან ერთად "არმიასაც" სიფრთხილით უნდა მოვეკიდოთ.</p><p>ქართული გუნდის თავკაცმა <strong>კოტე ტუღუშმა</strong> კი ინტერვიუ ასე დაიწყო:</p><p>- ჯგუფურ ეტაპზე სუსტი გუნდები არ იყო. ამიტომ ჩვენთვის დიდი მნიშვნელობა არ ჰქონდა, ვისთან მოგვიწევდა თამაში. საბოლოოდ ჯგუფში ორი ძლიერი კოლექტივი მოხვდა: ჰოლანდიის ჩემპიონი და 2010 წელს ევროჩელენჯის გამარჯვებული გერმანიიდან.</p><p><strong>- "ბეშიქთაში"-"მონსს" შორის დამარცხებულიც თქვენს ჯგუფში ითამაშებს.</strong></p><p>- ამ საკითხზე დღეს ბარსელონაში ვისაუბრეთ. როგორც შევიტყვე, "ბეშიქთაშს" ზაზა ფაჩულიას დამატება უნდა. თუ ეს ტრანსფერი შედგა, ჩვენს ჯგუფში "მონსი" მოხვდება, თურქებს, ალბათ, ვერ აჯობებს.</p><p><strong>- გერმანელებსა და ჰოლანდიელებს თუ შეხვდით?</strong></p><p>- "გოტინგენის" ხელმძღვანელობა იყო ჩამოსული. გვითხრეს, რომ შარშანდელი სეზონის შემდეგ გუნდის თავკაცი გადადგა და "გოტინგენს" ახალი მწვრთნელი უხელმძღვანელებს. შემადგენლობაც მნიშვნელოვნად გადახალისდება.</p><p><strong>- ჰოლანდიურ "ლეიდენზე" რას იტყვით?</strong></p><p>- იქ "გოტინგენის" საპირისპირო მდგომარეობაა: ჰოლანდიელებმა გვითხრეს, რომ გუნდის შენება ხუთი წლის წინათ დაიწყეს და მოთმინებით ელოდნენ შედეგს, რაც ქვეყნის შემპიონობაში გამოიხატა. არც შემადგენლობა შეიცვლება მნიშვნელოვნად. ასე რომ, მეტად შეკრულ გუნდთან გვექნება საქმე.</p><p><strong>- ბარსელონას სტუმრობდა "სოხუმის" თავკაცი აინარს ბაგაცკისი...</strong></p><p>- მასაც შევხვდი და ერთმანეთს წარმატებები ვუსურვებთ. ისიც იმედიანადაა - მითხრა, "მინსკი" ჩემთვის უცხო არ არისო.</p><p><strong>- ადრეც გითქვამთ, რომ ისეთი დონის ლეგიონერებით გაძლიერდებით, ჯგუფში ორეულისთვის რომ იბრძოლებთ.</strong></p><p>- თბილისში 10 ივლისს დავბრუნდები და მას მერე გადაწყდება ლეგიონერების საკითხი. ევროჩელენჯზე სერიოზული მიზნები გვაქვს და ვეცდებით, ქართველი გულშემატკივარი არ გავაწბილოთ.</p><p><strong>ყოველდღიური სპორტული გაზეთი "ლელო"</strong></p>
botsvi
მიკვირს რატომ არასდროს არის ამ საიტზე, რომელიც უფრო აკადემიურად და პროფესიონალურად აშუქებს მიმდინარე მოვლენებს ყოველგვარი მიკერძოების გარეშე არასდროს კეთდება კომენტარები. რაც შეეხება ამ ინტერვიუს ერთი მინდა ვთქვა, რომ კოტე მართლაც ახალბედა მწვრთნელია, რომელსაც არ ვაქვს დამუღამებული კომენტარები ღმერთმა ხელი მოუმართოს მაგრამ არა მგონია ამ ფოტოს სადაც კოტე გამოდის მთავარი მწვრთნელის როლში ქვეტექსტად ედოს ის აზრი, რომ კოტემ მოაგებინა არმიას სამი ტიტული არ მინდა ვიფიქრო, რომ აქაც როლანდიეა ლაბუჩიძე
ფიბა-ს ქართველი მსაჯებისა და კომისრის ევროგრაფიკი ცნობილია
მარკოიშვილი "გალათასარაის" მთავარი მწვრთნელია
ფიბა ევროპის თასი "თბილისი არენაზე": "ბათუმი" ჩეხურ "ოპავას" უმასპინძლებს
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"