"ეკლექტიკური ქართველი გმირი ევროპის მწვერვალზე - მოაგებინებს მარადონასავით "ნაპოლის" სკუდეტოს?" - იტალიური მედია ხვიჩაზე

იტალიური მედია ხვიჩა კვარაცხელიას დიდებული თამაშით აღფრთოვანებას ვერ მალავს.Napoli Magazine-ს აზრით, ქართველი "მილანთან" მოგებული მატჩის ერთ-ერთი მთავარი გმირი იყო. Napolicalciolive აღნიშნავს, რომ დრიბლინგით ის უკვე ევროპის მწვერვალზე იმყოფება, რისი დასტურიც ჩემპიონთა ლიგაზე ორი ტურის შემდეგ სტატისტიკური მონაცემებია, რომლის მიხედვით რეიტინგში მხოლოდ დემბელეს, ვინისიუსს, ჟოტასა და მბაპეს ჩამორჩება და ლეაოს სჯაბნის, ვინაც სერია A-ში ამ მხრივ საუკეთესოდ ითვლებოდა."კვარას" წერილი Football Italia-მ მიუძღვნა - სიყვარულით საქართველოდან და მისი ოსტატობის "ლიცენზია""სეზონის შთამბეჭდავად დაწყების შემდეგ "ნაპოლი" მაღლა აფრინდა და არც ერთი ფეხბურთელი არ ახდენს ენერგიის ისე დემონსტრირებას, როგორც ქართველი გარემარბი.კვარაცხელია ამ სეზონში აპენინების ნახევარკუნძულის სცენაზე აფეთქდა. ციფრები ამტკიცებს მისი ბურთის ფლობის ეფექტურობასა და სპალეტის გუნდის შეტევაში წინ გაძღოლას. იტალიური ფეხბურთის დაცვით სისტემაზე ჩამოყალიბებულმა მითმა ხვიჩას თამაშზე გავლენა არ მოახდინა.ფანებმა უკვე აღიარეს "კვარას" უნარები და მარცხენა ფლანგზე მეტოქეთათვის მთავარ საფრთხედ მიიჩნევენ. რასაც ციფრები არ გვაჩვენებენ, ეს ბურთის ფეხებით ჯადოსნური ფლობაა, უბურთოდ ჭკვიანურად მოქმედება, განსაცვიფრებელი გაქცევა, მომაკვდინებელი შესაძლებლობები მეურვესთან ერთი-ერთზე დაპირისპირებისას და ამით მიმდინარე კამპანიაში სერია A-ში ერთ-ერთი საუკეთესო ხდება. კვარაცხელია მოედანზე იშვიათი ელეგანტურობით გამოირჩევა და 21 წლის ასაკში იტალიურ ფეხბურთში უკვე მნიშვნელოვან მოთამაშედ გამოიყურება.ჩემპიონთა ლიგაზე "ლივერპულთან" სადებიუტო მატჩში ბრწყინავდა, ფეერიული ასპარეზობა მეორე ტურში "რეინჯერსთან" გააგრძელა. ასეთი ეკლექტიკური ფეხბურთელის თამაშის სიტყვებით გადმოცემა შეუძლებელია - ისევე, როგორც ხინკლის გემოსი და ქართული წვნიანი კერძებისა, რომელთა შესახებ ინფორმაციის მიღება არც ერთ კულინარიულ საიტზე ან წიგნში არაა შესაძლებელი. გარემარბის უნარების ქაღალდზე გადატანა წარმოუდგენელია, ეს უნდა ნახოთ, სიამოვნება მიიღოთ და ჯეროვნად შეაფასოთ, რათა თქვენთვის სრულად გასაგები გახდეს.ბოლოს, როცა "ნაპოლიმ" სკუდეტო მოიგო, მოედანზე ყველაფერს ლეგენდარული დიეგო მარადონა წარმართავდა. თუ კვარაცხელიამ ეს მიღწევა გაიმეორა, მალე შეიძლება ამაღლების ანალოგიურ მდგომარეობაში აღმოჩნდეს, რასაც მხოლოდ დრო გვიჩვენებს..."

გიორგი

იმედია ვახომ(ბიჭიკოსშვილმა) იღადავა
გუგა

ფეხბურთი რომ გუნდური სპორტია, მე მგონი, ყველამ იცის. მარტო ერთი ფეხბურთელი ვერას გახდება თუ გუნდმა არ აუბა მხარი. ნაპოლი ფაქტიურად ახალ გუნდს ქმნის და ამ სეზონში თუ ვერ გახდა ჩემპიონი,არც ესაა ტრაგედია, მთავარია ხვიჩამ ითამაშოს კარგად და გაგვახაროს.
გიორგი

ერთხელ უკვე წამოცდა ერთ-ერთ ქალბატონს მსგავსი რამ და უამრავი შეურაცხყოფა მიიღო. 21 წლის ბიჭისგან გადარეულია უმდიდრესი საფეხბურთო ტრადიციების იტალია და მარადონას შემცვლელადაც ასახელებენ
Spain

მეც ეგრე გავხდი. სულ მინდა ხვიჩაზე ეწეროს და ვიკითხო, მომენტები ვნახო, არ მესმის იმ ხალხის ვინც წერს , თავი დაანებენთ, თამაში აცადეთ და ასე შემდეგ. რანაირად უნდა დავანებოთ თავი :) დამოუკიდებელი საქართველოს ისტორიაში მსგავსი არავინ გვყოლია. შეიძლება კი ვაწუხებთ მარა თავის დანებება გამორიცხულია. ძალიან დიდ პატივს ვცემ ყველა სხვა ფეხბურთელს და მათ შრომას მაგრამ კვარა განსაკუთრებულია, ერთ დროს, ბავშვობაში, ახალგაზრდა ინიესტა, ტორესი, ვილია როგორც მიყვარდა და ვგიჟდებოდი მათ თამაშებზე, ზუსტად ისე მიყვარს. ის ხალისი დამიბრუნა რაც მაშინ მქონდა. რატომ უნდა დავანებო თავი? მაშინ ბავშვობაში ყველაფერი ზეპირად ვიცოდი და სულ იმ ვარსკვლავებზე ვკითხულობდი ვინც მიყვარდა და კვარასაც ზუსტად ასეთ ვარსკვლავად ვთვლი. ვინც მისით ღიზიანდება, იმათ შეუძლიათ სხვა საქმით დაკავდნენ, დღეს იმაზე მარტივი არაფერი არ არის, რაც არ მოგწონს არ ნახო. სხვაზე გადაერთო. უკიდეგანოა სოციალური ქსელი და სასაცილოა რომ იწერებიან რა ტვინი წაიღეთ ამ კვარაცხელიათიო, ნებისმიერ დროს შეუძლიათ მათთვის სასურველი რამე მოძებნონ და იმით ისიამოვნონ :)
papai

ნაპოლი ისტორიის მანძილზე მხოლოდ ორჯერ იყო ჩემპიონი და ეს მარადონამ გააკეთა.. კვარამ იგივე თუ გაიმეორა მაშინ ნამდვილად შევა ნაპოლის ისტორიაში და მართლაც კვარადონა გახდება... თორემ ნაპოლის ისეთი ვარსკვლავები ყავდა როგორებიც კარეკა, კანავარო, იგუაენი, კავანი, ჰამშიკი, ლავეცი, ინსინიე და კიდევ სხვა მრავალი იყვნენ და დღეს ისინი ჩვეულებრივი წარსულია.
ენძო

თუ ტრამვის გამო ოსიმენმა ფორმა არ დაკარგა"ნაპოლი"-ს თავდასხმა იქნება გამანადგურებელი და სერიაA-ში მაგათი გამჩერებელი უბრალოდ არ იქნება.ისეთ გუნდად ყალიბდება "ნაპოლი",რომ ჩემპიონთა ლიგაზეც დიდ ამბავს მოახდენს.ერთი სეზონი რომ ჰქონდეს ამ გუნდს ნათამაშები არც ჩემპიონთა ლიგის მოგება იქნებოდა შეუძლებელი.
semi

მიუხედავად იმისა რომ ბოლო მატჩში ყველაზე მეტი დაკარგვა ჰქონდა ბურთის ხვიჩას ჩემი აზრით საუკეთესო მატჩი ჩაატარა. საუკეთესო იყო სარგებლიანობის მხრივ, მარცხენა ფლანგი ყველაზე უსაფრთხო იყო მთელი მატჩისას და შეტევაც მხოლოდ აქიდან იწყებოდა. ხვიჩას მთელი სიძლიერე ნაპოლში სეზონის მეორე ნახევარში გამოჩნდება, როდესაც 100% ადაპტირდება ნაპოლის თამაშში.
G.LA

მგონი ყველა ეგრე გავხდით. მეც სულ ხვიჩაზე მინდა ვიკითხო და რაც შეიძლება მეტი. ხვიჩა უკვე ყველა ჩვენთაგანის გულშია.
ვ ა ხ ო ბიჭიკოსშვილი

რასაც აქებენ იმის ნახევარიც არაა ეს ბიჭი და თქვენც აყევით და ბავშვებივით გიხარიათ არაა? საშუალო დონისაა, ფეხბურთელი რასაც ქვია ისაა და არც ერთი წამით მეტი.. ქვილიტაიას პატრონი ხვიჩაზე ესე როგორ გიჟდებით ტოო?
მამუკა

ძალიან მაგარი იქნება ნაპოლიმ წელს სკუდეტო რომ მოიგოს, ამის ყველანაირი შანსი არის წელს.
spectator.

გუშინ კიაერს ყვითელი რომ ააღებინა, მარიო რუის აიძულა პასის მიცემა /გათამაშება მაგ მომენტში. როგორ? როგორ და ისეთი პასი მისცა, თავზე აუგდო უცებ მაღალი პასი მისცა თან ჩახვეული, ისე რომ სხვა გზა აღარ დარჩენოდა გოიმ მარიო რუის - ისევ თავით უნდა დაებრუნებინა ხვიჩასთვის პასი (თან კარგად გაეხსნა უცებ). თორემ ჩვეულებრივი დაბალი პასი რომ გაეკეთებინა, ის მიიღებდა დაამუშავებდა და აუცილებლად უკან მცველებისკენ დააბრუნებდა ბურთს სიტუაციის გასამუხტავად, ისეთი სიტუაცია იყო. ხვიჩამ კი პირიქით წინ აიძულა ბურთის და მერე ააღებინა ყვითელი კაიერს. არამგონია ეგ შემთხვევით გამოსვლოდა, რადგან რომელი გიჟი ააგდებს ეგრე ეგეთ სიტუაციაში მაღლა ბურთს თანაც ჩახვეულს. სრული სიგიჟეა მაგ მომენტში. ჩვეულებრივ გოიმს არ მოუვა თავში ასეთი რამ. თვითონ შექმნა ეგ მომენტი. ეხლა იმას არ ვიძახი რომ მარიო რუი სპეციალურად არ აძლევს პასებს, უბრალოდ ისეთი სიტუაცია იყო ბევრი უკან დააბრუნებდა ბურთს
rigiti

ნარკოტიკ დამოკიდებულივით გავხდი,ისე ვკითხულობ ამ სტატიებს რომ მინდა აღარ დამთავრდეს. თან ერთმანეთზე უკეთესი სტატიები ავტორიტეტებისგან

[VIDEO] ჩაკვეტაძის სრული მატჩი - "უდინეზე" ვარდნას აგრძელებს

სანიოლი: კვარაცხელიას ვესაუბრე, მოწყენილია - კიდევ უფრო ძლიერი დაბრუნდება

კვერნაძის 65 წუთი - "ფროზინონემ" "ატალანტასთან" უხვგოლიან მატჩში ქულა აიღო

ალექს მერკვილაძის შედეგიანი თამაში BNXT ლიგაში — გრონინგენი სტუმრად დამარცხდა

[VIDEO] "ოლდ ტრაფორდზე" კერიკის დღეები დათვლილია - "მანჩესტერ იუნაიტედი" შინ "ბორნმუთთან" 0:3 დამარცხდა

[VIDEO] დამაჯერებლად - "ლივერპულმა" "ბრაიტონი" დაამარცხა

იეგოიანის "ექსელსიორმა" მორიგი მარცხი განიცადა

ინგლისური გრანდები "ბაიერნის" ვუნდერკინდისთვის იბრძოლებენ

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

"საუკეთესო ხუთეულში აუცილებლად უნდა მოხვდეს. მისი თამაშის ყურება ძალიან მიყვარს" - "ბარსელონას" ნახევარმცველმა ხვიჩა კვარაცხელიაზე ისაუბრა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა

"ერთადერთი რამაც გამაკვირვა, ეს ჩემი თავი იყო" - დვალიშვილის პირველი კომენტარი იანთან მარცხის შემდეგ

დავითაშვილის "სენტ-ეტიენმა" დაძაბულ მატჩში "ნანტს" სძლია

[VIDEO] კლასია, კლასი - მიქაუტაძემ "ვილიარეალს" "ვალენსიასთან" გამარჯვება მოუპოვა!

VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...

გულიაშვილი არ ათამაშეს - "რასინგმა" "ესპანიოლს" მოუგო

ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება

ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა

VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი

წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა

ზივზივაძის "ჰაიდენჰაიმმა" "კოტბუსთან" ქულები გაიყო

"ეს ნამდვილი ცირკია, გააუქმეთ მსგავსი ინდივიდუალური ნომინაციები" - ბაბელი "ოქროს ბურთზე"

[VIDEO] "მანჩესტერ სიტიმ" აეკ-ი გაანადგურა - ფოდენმა ჰეთ-თრიკი შეასრულა

[VIDEO] კვერნაძის სრული მატჩი და "ფროზინონეს" მარცხი "ნაპოლისთან"

ხვიჩასავით ტოპ-კლუბში? - მაკტომინეი შეიძლება "ნაპოლიდან" გრანდში გადავიდეს

"ოქროს ბურთის" "კვარას" ეკუთვნის - ეს მისთვის მეტისმეტად მცირე ნუგეში და აღდგენაში დახმარება იქნება" - ამბობს ცნობილი ფრანგი ჟურნალისტი, რომელიც ფეხბურთელის დაბრუნების სავარაუდო დროს ასახელებს

"გამოჯანმრთელდი, ხვიჩა, ნეაპოლში შენი ისტორია დაუვიწყარია" - "ნაპოლი" და ტიფოზები კვარაცხელიას ამხნევებენ

ცნობილი გახდა სად გაუკეთებენ კვარაცხელიას ოპერაციას

Eurosport-მა პსჟ-ში კვარაცხელიას კიდევ ერთი შესაძლო შემცვლელის კანდიდატურა დაასახელა

[VIDEO] მიქაუტაძემ "ნაპოლის" გაუტანა - ვილიარეალი" 2:1-ს იგებს

[VIDEO] მიქაუტაძის კოხტა გოლი - "ვილიარეალმა" "ნაპოლის" მოუგო

სანიოლი: კვარაცხელიას ვესაუბრე, მოწყენილია - კიდევ უფრო ძლიერი დაბრუნდება