- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მატერაცი: ლეონარდო მოღალატეა და როდესაც შევხვდები, ამას პირში ვეტყვი
<p>მილანის "ინტერში" ვესლი სნეიდერის და გორან პანდევის ბედი ჯერ კიდევ გასარკვევია <br> ბოლო ორი წელია, ვისაც არ ეზარება ლეონარდოს ყველა მოღალატეს ეძახის და ამ ადამიანთა რიცხვს მარკო მატერაციც შეუერთდა. 37 წლის მცველმა ამ ზაფხულს დატოვა "ინტერი" და ჯერ კიდევ არ იცის, სად გააგრძელებს კარიერას. თუ რატომ არის მარკო ასე გაბრაზებული ექს-დამრიგებელზე, ამას მისი კომენტარიდან შეიტყობთ:</p><p>"ყველამ კარგად იცის, რომ ჩემი გული "ინტერს" ეკუთვნის, ამიტომ, ამ გუნდიდან ჩემი ნებით არასდროს წავიდოდი. მილანურ გრანდში მსურდა დარჩენა, მაგრამ ლეონარდოსთან საუბრის შემდეგ, მივხვდი, რომ ეს აბსურდული გადაწყვეტილება იქნებოდა.</p><p>ლეომ მითხრა, რომ მის გეგმებში არ ვჯდებოდი და შემეძლო სხვა გუნდი მომეძებნა. კიდევ ერთხელ ვცადე მასთან დალაპარაკება, მაგრამ მოკლედ მომიგო, რომ ახალგაზრდებზე აპირებდა აქცენტის გაკეთებას. სხვა არაფერი დამრჩენოდა და გუნდიდან წამოსვლის გადაწყვეყეტილება მივიღე, კონტრაქტი კი ორმხრივი სურვილის შესაბამისად გაუქმდა. ერთი სიტყვით, "ნერაძური" ლეონარდოს გამო დავტოვე, მან კი მოულოდნელი გადაწყვეტილება მიიღო და "ინტერიდან" საერთოდ წავიდა.</p><p>ერთი ხანობა, ხმას არ ვიღებდი, რადგან ჩავთვალე, რომ ლეომ ეს გადაწყვეტილება სპონტანურად, ფიქრის გარეშე მიიღო და გაგებით მოვეკიდე მომხდარს, რადგან ყველას გვაქვს უფლება შეთავაზებას მომენტალურად დავთანხმდეთ. თუმცა, შემდეგ თავად ლეოს კომენტარი წავიკითხე და გავიგე, რომ თურმე ფრანგებთან მოლაპარაკება სეზონის დასრულებისთანავე წამოუწყვია.</p><p>სამწუხაროა, რომ ასე უპასუხისმგებლოდ მოიქცა და ისე გამიშვა გუნდიდან, არც კი იცოდა, თავად დარჩებოდა თუ არა დაკავებულ პოსტზე. ლეო მოღალატეა და როდესაც შევხვდები, ამას პირში ვეტყვი".</p><p>"ინტერთან" დაკავშირებით, იტალიურ პრესაში არაერთი ინფორმაცია ვრცელდება და ზოგადად, ბოლო კვირაში ყველაზე აქტუალური საკითხი სწორედ სკუდეტოს "ნერაძურისთვის" დაბრუნების ამბავი გახლდათ. მასიმო მორატიმ კმაყოფილება გამოთქვა მომხდარით და ამის შესახებ გუშინდელ ნომერში გამცნეთ, დღეს კი ვესლი სნეიდერის შესაძლო გასხვისების შესახებ გაკეთებულ მის განცხადებას გავეცნოთ:</p><p>"ყველამ იცის, რომ სნეიდერის გადაბირებით "მანჩესტერ იუნაიტედია" დაინტერესებული და მასში საკმაოდ დიდ თანხასაც გვაძლევენ. თუმცა, ფული არასდროს ყოფილა ჩემთვის პრიორიტეტი და თუ კი ჰოლანდიელი ჩვენთან დარჩენას მოისურვებს, არც ერთ შემთხვევაში არ გავახსხვისებთ. ვესლიმ მოსაფიქრებლად დრო ითხოვა და ჩვენც პასუხის მოლოდინში ვართ. უახლოეს დღეებში ჯანპიერო გასპერინისაც გავესაუბრები და ამ საკითხზე მის მოსაზრებასაც მოვისმენ".</p><p>მორატის ჯანპიერო გასპერინი ტყუილად არ უხსენებია - არის ეჭვი, რომ ახალი მწვრთნელის გეგმებში ჰოლანდიელი არ ჯდება და თუ ეს მართლაც ასეა, კლუბის პრეზიდენტმა დროულად უნდა გაიგოს. გასპერინის "ჯენოა" 3-4-3, ან 4-3-3 ტაქტიკით თამაშობდა, სადაც ერთ გამოკვეთილ ფორვარდს, ფლანგებიდან გარემარბები, უკნიდან კი სამი საყრდენი ნახევარმცველი უმაგრებდა ზურგს. ანუ, გასპერინი გამთამაშებლის პოზიციას არ წყალობს, 27 წლის ჰოლანდიელს კი "ინტერში" სწორედ ეს როლი ჰქონდა დაკისრებული. ვნახოთ, საინტერესოა რას იტყვის გასპერინი და რა გადაწყვეტილებას მიიღებს თავად სნეიდერი.</p><p>გასარკვევია კიდევ ერთი ფეხბურთელის, გორან პანდევის ამბავი, რომელსაც "ინტერში" სურს დარჩენა და ამას მისი აგენტი, კარლო პალავიჩინო ადასტურებს: "გორანი საკმაოდ კარგ ფორმაშია და საკონტროლო შეხვედრებში მაღალ დონეზე ასპარეზობს. მისი სურვილია, რომ ახალ მწვრთნელს თავი საუკეთესო კუთხით დაანახვოს და კიდევ დიდ ხანს დარჩეს "ინტერის" შემადგენლობაში. პანდევს შეტევაში ნებისმიერ პოზიციაზე შეუძლია თამაში, თუმცა ყველაზე უკეთ გარემარბობა გამოსდის - გასპერინი სამი შემტევით თამაშობს და გამომდინრე აქედან, პანდევის საჭიროება სრულიად აშკარაა".</p><p>ჯერჯერობით, სრულიად აშკარა მხოლოდ ის არის, რომ პანდევს "ინტერში" სურს დარჩენა, აი გასპერინი კი თავის სიტყვას მოსამზადებელი ციკლის პირველი ეტაპის შემდეგ იტყვის. ბოლოს, სწორედ სენიორ ჯანპიეროს მოვუსმინოთ:</p><p>"საწვრთნელი პროცესის პირველი ეტაპის შემდეგ, შემადგენლობასთან დაკავშირებით უკვე ჩამოყალიბებული ვიქნები და ისიც მეცოდინება, ვინ უნდა დატოვოს გუნდი და ვინ შეიძლება დავიმატოთ. ჯერჯერობით, ფეხბურთელთა გარჯით კმაყოფილი ვარ და იმედია, ასევე გაგრძელდება. მონდომება და ენთუზიაზმი არ აკლიათ, რაც წარმატების მთავარი საწინდარია. პირველი სერიოზული გამოცდა პეკინში გველის, სადაც იტალიის სუპერთასის პაექრობა უნდა გავმართოთ. "მილანთან" დაპირისპირების პრინციპულობაზე საუბარი ზედმეტია, ყველაფერს გავაკეთებთ იმისთვის, რომ გულშემატკივრები გავახაროთ. ფავორიტი? - ეს ის შემთხვევაა, როდესაც ფავორიტის დასახელება უმადური საქმეა - შანსები 50/50-ზეა და გაიმარჯვებს ის გუნდი, რომელიც უკეთ აღმოჩნდება მომზადებული კონკრეტული შეხვედრისთვის. ვპირდები თუ არა გულშემატკივრებს გამარჯვებას? - ეს არასერიოზული განცხადება იქნებოდა ჩემი მხრიდან, რადგან 100%-ით დარწმუნებული ვერაფერში იქნები. ერთი ვიცი და შემიძლია თამამად ვთქვა: "ინტერის" თითოეული ფეხბურთელი მაქსიმალურად მოინდომებს, დანარჩენი კი გამოჩნდება".</p><p><strong>ყოველდღიური სპორტული გაზეთი "ლელო"</strong></p>
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
დე ბრუინი "ნაპოლის" დატოვებას აპირებს
პაზის დამატებას "მანჩესტერ იუნაიტედი" აპირებს - საბოლოო სიტყვა "რეალმა" უნდა თქვას
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
U18. საქართველოს ნაკრები ფინალში ესპანეთთან ისევ დამარცხდა
რამაზ სვანაძე: გოლი ვერ გაგვაქვს, უკვე წარმოუდგენელია!..
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩვენი პრობლემა უფრო ღრმაა... დღემდე ვერ ვიტყვი, როგორია საქართველოს ეროვნული ნაკრების საფეხბურთო ფილოსოფია..." - შოთა არველაძის ვრცელი ინტერვიუ უნგრულ გამოცემასთან
"მოულოდნელი იყო... "ოქროს ბურთს" ამ 2 ფეხბურთელიდან ერთ-ერთი უფრო იმსახურებდა" - კუკურეია Ballon d'Or-ის დაჯილდოვებაზე
[VIDEO] გოგა ბითაძის 100%-იანი პერფორმანსი და „ორლანდოს“ მნიშვნელოვანი გამარჯვება „მილუოკისთან“
დვალიშვილი: ჩივილს არ ვაპირებთ და ყველაფერს ვაკეთებთ, რათა ისინი გამოუშვან
ნიდერლანდების 7:0 საბერძნეთთან და გერმანიის მიერ სერბეთის ძლევა
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"